ماهو افضل GYM في منطقتك !!!
السلام عليكم ورحمه الله وبركاته
كيفكم يا وحوش !! ان شاء الله بخير وصحه واتم عافيه !!!
حبيت افتح ذا الموضوع لانه مهم بالنسبه لأي واحد فينا
لانه المكان اللي تتدرب فيه لازم يكون مريح ونظيف ويفتح النفس للتمرين
طبعا انا في البدايه حتكلم عن مدينه جده التي اعيش فيها
لو لاحظنا في الفتره الاخيره انتشار الانديه الرياضيه وكأنو سارت تجاره جديده ومربحه في نفس الوقت
وانا ليا تجارب كثيره مع الانديه
طبعا ايش اللي يهمك في النادي
الصاله تكون مجهزه ذا 1
المكان نظيف ومرتب 2
الناس التي ترتاد النادي 3
توفر كافه المرافق والصالات للياقه4
صراحه الاولويات تختلف من شخص الى اخر وهذا طبيعتنا
انا بلنسبه ليا ترتيبا
2
1
3
4
لانو لو مكان نظيف ومرتب ومكيف مادفعت فلوسي هباء منثورا
في ابغى اذكرلكم بعض الانديه التي جربتها على مدى السنين
وعذرا اذا كان احد فيكم جربها وحس في كلامي شويه ظلم
بس صراحا ذا رأي لا اكثر ولا اقل
1 وقت اللياقه FITNESS TIME
النادي ذا يعتبر شئ جديد في عالمنا انه نادي مصمم لي يلبي كل الاحتياجات الرياضيه
والذي رأيته في النادي نظافه 10 من 10
توفر الاجهزه في صاله الحديد لم يعجبني لانه حسيت اجهزه كثير ناقصه وهي الاوزان الحره والاجهزه الحره الي FREE WIEGHTS MACHINS
بس نادي ممتاز متوفره فيه بقيه المرافق
والناس التي ترتاده غالبا تكون حالها حال نفسها << وهذا احلى شئ
بس احس سعره غالي 4300 بلسنه
2. نادي ULTIMATE POWER
ذا النادي يقع في شارع الروضه في حي الخالديه
والنادي انا بنظري اكمل نادي بناء اجسام رأته عيني مستحيل تلاقي جهاز واحد ناقص
واوقات دوامه من الساعه 6 صباحا الى 2 صباحا < منتصف الليل
صاله الحديد مقسومه 3 اقسام
قسم اجهزه حره
وقسم اجهزه مساعده
وقسم اجهزه بطن وظهر وعقل
النادي عباره عن 3 ادوار الدور الارضي صاله كارديو فيها فوق 40 جهاز مختلف وجنبها صاله لياقه
الدور الاول صاله الحديد
الدور الارضي البيسمنت فيه الحوافظ وغرف الساونا والبخار ودورات المياه وصاله كبيره لمشاهده المبارايات
انا اديه 10 من 10 من كل النواحي والاوليات اللي ذكرتها
وعلى فكره كان اول مافتح النادي ب 7000 السنه
والان السنه ب 3500 على دفعات
3 نادي kai
طبعا ذا النادي غني عن التعريف معروف لدى ابطال اللعبه يعتبر من ارقى النوادي خدمه وتعاملا وحتى فائده
والنادي ذا ميزته الاجهزه متوفره وفيه احسن مدربين انا برأئي والمشرف على النادي دكتور في التغذيه الصحيه الدكتور بدر الشيباني
بس عيوبه فرعين بس << وصغير << ومبالغ في سعره
4 نادي steel
اغلب الناس القريبين من الجامعه يعرفو ذا النادي النادي ذا فتح له 5 سنين
انا برأئي كان ناجح وقتها ومرتب
بس اخر مره اشتركت فيه قبل سنه عشان دوامي في الجامعه
كان سئ للغايه
واكبر عيب فيه الصراحا الناس اللي تتمرن فيه لا اخلاق ولا تعامل وتشوف الدنابل مرميه ولا تحط الدنبل جنب تبغى تشيلو تلاقيه اختفى
طبعا في انديه كثيره جربتها بس صراحا اللي في مدينه جده ويبغى نادي من اللأخر ultimate power
