[كرسي التعذيب] حكمت المحكمة على Yashiro بالتعذيب لـ إسبوع

[Akihiko]

^^^
ههههه ما كنت متوقع انها ما ادري ويش السالفة
ردك واول رد في الموضوع يكفون للتوضيح

وانت جهز اسألتك من الحين عشان ما تنسى شي يوم الي بتحطهم D:

[yami vergil]

و ادعي ربك ان اراشي تسوي عملية ثانية بعينها ها الأسبوع ولا تسئلك ههه xD

لاتكتبون كلام قبل ماتفكرون بمعناه .. بسم الله عليها بعيد الشر عنها يارب ><

[dro]

^
^

انا طبعا كنت امزح بردي و قلته لأنها معروفة بتعذبيها با الأسئلة .. لكن من داخلي اتمنى لها كل خير لصحتها

اعترف انها مزحة ثقيلة عموما .. اعتذراي لك بما انك اختها >_>

[yami vergil]

حتى لو غشمره ترى مب زين ... الملائكه تمر وتقول آمين
وانا اكيد اعرف ان في قلبك تبي لها الخير ^^

[Camellia]

Akihiko ..

- ليش اخترتي أسم كاميليا ؟

- إخترته لأني كنت أحبه وأنا صغيرة !
أما بالنسبة .. وش معنى هو من أنواع الأزهار ؟!
كنت مترددة كثير وما عرفت وش أختار يوم قررت أسجل عندكم .. وأنا بين كل فترة والثانية ..
أسوّي بحث عن الأزهار ... ونويت عليه ..

2- تكلمي عن Camellia Rose أكثر خلينا نفهمها !

- أتكلم عن نفسي ! .. ما أدري بس إذا كنتوا تشوفوني غامضة .. بقول لكم : صديقاتي ..
اللي هم صديقاتي الروح بالروح ... لو يجتمعون كلهم حولي .. ما راح يعرفون وش اللي شاغل
بالي !
- أحب أتعامل بمبدأ ,, عامل الناس كما تحب أن يعاملوكـ ,,
- أنا مو من النوع اللي يتقبل الآخرين بسرعة !
- أكره وما أطيق .. لما يعاملني شخص على إنه خفيف دم .. ويتطفّل عليّ ..
وفي النهاية ... لازم يعرف إني بستحمله مرّة .. مرّتين ... وبعدين ... بنفجر في وجهة !
تعرّفت على بنات من هذي النوعية .
- ما أحب أتعامل مع الغرباء ! .

3- موقف ما تحبين تكوني فيه ؟!

إن أحد يظلمني ! و وجودي على كرسي التعذيب !

4- سوي قائمة بالألعاب المفضلة , مو تجاوبين بس Final Fantasy

- بالنسبة لـ قائمة الألعاب المفضلة عندي .. يا كثرها ..
لكن مو كلها صارت عندي وفزت فيها ! أغلبها استعرتها لفترة وحظيت بتجربتها ..
وإن شاء الله ألقاها بعدين ..
Dino Crisis 1 - 2
Resident Evil 2 - 3 - Code Veronica x
Silent Hill 1 - 2 - 4
Fatal Frame 1 - 2 - 3 - 4
Devil May Cry 1 - 3
The Bouncer
Valkyrie Profile 2 : Silmeria
Devil Kings 2
Dynasty Warriors

5 - عن ويش تعبر الألوان التالية برأيج: وردي - أخضر - أحمر - أسود - أبيض - أصفر

- الوردي : الأحلام والطفولة والأنوثة !
- الأخضر : السلام !
- الأحمر : الدم , الخطر !
- الأسود : الحزن و الكآبة - الرزانة والغموض .. على كل حال هو سيّد الألوان .
- الأبيض : الفرح , الصفاء والنقاء .
- الأصفر : البهجة والسرور .

6- أعضاء تناسبهم هالوصاف : شرير , طيب , متسرع , عصبي , متعصب , ذكي , تفكيره جهنمي , هادئ , حليم , منظم , عشوائي , فضولي , صبور , حكيم , يحب يساعد , Friendly !

- ما تعاملت مع أعضاء كثير علشان أصنفهم !
مثلاً : أنت هادي ! ..
Dro .. طيّب .
Arashi .. دمها خفيف .
Yami .. الحال من بعضه .. نفس إختها
Fantasy Legend .. بعد يضحك ..
Hikari : حسيتها حكيمة .
Amu chan .. ما أدري أحس إن أقرب شيء لها .. إنها منظمة .
عاد إذا ما أجدت التصنيف .. عذروني .. أحس إن تفكيري مشوّش !

7- أنتي اي عيون [

هنا ]

- بالنسبة لأنواع العيون .. ما تطلع لي أشكالها !
لأني بنت ما أبغى أوصف شكل عيني !

8- ويش تحبين تسوين في أوقات الفراغ غير اللعب والنت ؟

- بالنسبة لأوقات الفراغ .. طبعاً على حسب النفسية والمزاج ..
إذا كنت رايقة .. أسولف مع إخواني .. خاصة الصغار .. أو إني أروح المطبخ وأسوّي أطباق من
الحلى .. إما إذا ما كنت رايقة .. ومعصبة حدّي .. وجاء أحد كلمّني واستفزني ..
بتقوم حرب طاحنة حامية الوطيس ! .. حرب داحس والغبراء .. حرب ضَروس ! ..
وبشكل عام .. لازم أخصص وقت لجلسة بيني وبين نفسي .. أعالج مشاكلي .. وما إلى ذلكـ !

9- رأيج بـ موضوع الكرسي ؟ وهل تشوفين منه فايدة غير التسلية ؟

- هو حلو .. بس أحس إن فيه نوع من الخطر !
خاصة بالنسبة لي .. كـ بنت .. وإني ما أبغى أجاوب على كل شخص .. خاصة اللي ما أعرفهم !

10- أعضاء تتمنين تشوفينهم على الكرسي D: ؟

- الصراحة .. ما أحد ! .. إلا إذا نويت أرد لكـ الصاع صاعين .. هذا شيء ثاني !
لأنكـ روّعتني ..

[Camellia]

Yami ..
يسلم قلبكـ .. والله يحييكـ ِ
بس وش ذا الكرسي .. ما عندكم غيره ؟!
لا شكراً مو عطشانة !

- البطاقه الشخصيه
الاسم (اختياري) : طبعاً ما راح أقول إسمي !
تاريخ الميلاد : والله مو حافظته بالميلادي .. لكن بالهجري .. انولدت في شهر ذي الحجة ..
التاريخ .. ما راح أتعرّض له ! لأنهم بيكشف عن عمري !
فصيلة الدم : - فصيلة دمي +A .

2- يقول لج "خير البر عاجله" و "كل تأخيره فيها خيره" متى تطبقين كل مثل على نفسج
وايش رايج اي واحد تظنين انه صح ؟؟

بالنسبة لـ خير البر عاجلة .. إذا فيه شيء واجب علي .. وما سوّيته .. لازم أبدأ فيه !
وإذا كنت واثقة إن ذا الشيء فيه مصلحة لي .. بسوّيه .. والله وليّ التوفيق .
كل تأخيرة فيها خيرة .. تناسب شخصيتي أكثر .. لأني أتردد في القرار الواحد .. مليون مرّة ..
و الحمد لله ألاحظ إن إذا فيه شيء ما عرفت له .. تصير الأحداث مثل ما أنا أبغاها !
ولله في خلقه شؤون .

3- ليش الحوت غرق ؟؟
- يمكن لأنه ثقيل ؟! << لا يا خفيفة الدم !

4- اكتبي رايج بالاعضاء التاليه اسمائهم

Dro : .. طيب .. وهو ما شاء الله عليه في موضوع الرقابة .. والله يوفقه .
Akihiko : - أول مرة أفتح على ملفي الشخصي .. انتبهت إنه من آخر الزوار .. وإنه مراقب ..
استغربت وش فيه .. بس طاح قلبي يوم شفت اسمي في الموضوع ... واستغربت إنه ناوي عليّ !
Arashi : أستانس كثير على ردودها .. ولا كنت أدري إنها هي وAki .. مراقبي قسم الترفيهي ! وهي ناوية عليّ بعد !
Yami : شخصية مرحة .
Fantasy legend : نفس شخصية Yami .
judge balthier : ما تعاملت معه علشان أحكم عليه !
Jinabil : ما تعاملت معه علشان أحكم عليه !

5- رتبي اجزاء فاينل فانتيسي من الافضل

ما لعبتهم كلهم ! وأنا ما أعرف أرتب من ناحية الأفضلية على الإطلاق لأن كل واحد فيهم ..
يتميز بأجواء مغايرة عن الأجزاء الثانية !
بس أنا أموت على سلسلة ألعاب Final Fantasy .

6- شخصيتج المفضله في سلسلة فاينل والسبب

من كل جزء لابد تطلع لي كذا شخصية ..
من vii .. Tifa , جميلة .. وحبيتها من أول ما شفتها !
viii .. Ellone , ناعمة كثير .. وجميلة .
x .. Lulu , قوية وغامضة .. وجميلة .

[Camellia]

Hikari


- حطي صورة عشوائية من ملف الصور عندك, او من النت,

- الصورة في سطح المكتب لك,

-

اكتبي جملة منذ قليل قلتيها ولمن,

- جملة أنا قلتها : وش معنى أنا !
قلتها لـ الأعضاء اللي رشحوني .

- اكتبي جمله منذ قليل قالها لك احد ومن,

- إحنا اللي نسأل هني وأنتي تجاوبين .
قالها لي Akihiko .

- لونك المفضل,

البنفسجي .. أحلى لون في الكون كلّه !

- عددي اسماء ازهار تحبينها,

أحب أغلب الأنواع .. الجوري , البنفسج , الكادي , الأوركيد .... إلخ !

[Camellia]

Light Yagami

- طرق لمحاربة الملل لا تحتاج انترنت

التأمل في الطبيعة ..

- اختاري قدرة خارقة تتمني تكون عندك

صحيح إني من النوع الحساس .. والإحساس .. يا يصيب .. يا يخيب !
ودي أعرف راي الناس عني بدون ما يقولون .. حتى لو ما كانوا قدامي !

Amu chan

هلا فيكـ ِ .. متوترة .. بس أحاول إضبط أعصابي .. وأكون هادية !

ايش افضل ماركة تحبذيها لملابسك؟

- عادي عندي .. أهم شيء إنه يناسب ذوقي !

ايش مصممك المفضل طبعا للملابس؟

- ما أقدر أحدد .. من كل مصمم يعجبني كذا Style .

ايش هو طول شعرك قصير طويل تحت الكتف بقليل ..يعني اوصفيه بدقة وكذلك اللون ؟

والله يا أختي اعذريني .. ما أبغى أوصف شكلي ! أنا بنت !

ايش رأيك بالانمي والجيمز وايهما افضل بالنسبة لك؟

أحبهم إثنينهم لكن ما تابعت Anime كثيرة .. لأني ما أقدر أحمّل من النّت .. وحتى لو بشتري ..
يبي لها سالفة .. الألعاب سهل ألقاها لو كانت توها نازلة ..
الألعاب تخليني أنفعل كثير لأني أنا اللي بتحكم في الشخصيات .. وأتوتر من الأحداث ..
بينما الـ Anime .. بس أتابعه .. صحيح إني بنفعل .. لكن مو مثل الألعاب .. وأحيانا ما أكون رايقة
لأني أتابعم !
يعني على حسب نفسيتي وإستعدادي لـ إني أعيش الأحداث !

ايش برجك وبس..ههههههههههههههههه ادري مصختها حبيبتي بس حبيتها تكون اسألة بنوتية وسهلة ..

- والله ما أهتم لها لأن حرام نهتم فيها .. فـ ما يهمني أعرف وش برجي !
لا عادي ولا مصختيها ولا شيء ..

Dro ..

شكراً على الدّعوة .. وعلى الشرح .. ما قصرت والله يعطيكـ العافية ..
وزين إنكـ تفهمت موقفي .. لأن وقتي محدود .. وأنا بطيئة في الكتابة ...

وبغيت أقول لكم .. إني ما أقدر أتفاعل بشكل سريع مع الموضوع ..
لأن وقت جلستي ع النّت .. محدود ..
الوقت اللي استغرقته علشان أكتب لكم .. ساعة وثلث !
هذا غير الوقت اللي أخذته علشان أنسخ وأرتب !

[miss rebecca]

السلام عليكم

كيف الزهره بخير

اسئله خفيفه وحلوه :

1. ماهو سر حبك لFINAL FANTASY

2. اش المميز في لعبة silent hill عن بقية الألعاب

3. ليش تحبين fatal frame ?

4. افضل شخصية في سلسلة FATAL FRAME بالنسبة لك ؟

5. مارأيك بالجزء الرابع من سلسلة fatal frame ؟

6. تحبين الملاهي ؟

7. تحبين السفر ؟

8. احسن مجمع للتسوق ايش هو ؟

9. اش اللعبه اللي حاصله الTOP1 عندك ؟ << غير فاينال فانتاسي

10. هل فكرتي بتعلم لغات اخرى غير الأنجليزيه ؟

وبس اتمنى تنال على اعجابك ^^

[Camellia]

Miss Rebecca

1. ماهو سر حبك لFINAL FANTASY

بغض النظر .. سواءً كانت Final Fantasy .. أو أي لعبة Rpg ...
أنا أحب هذا النوع من الألعاب .. ليه ؟!
أجواء اللعبة خيالية .. الشخصيات كثيرة .. القصص مميزة .. أسلوب اللعب ..
وبالتحديد Final ! لأنها أكثر لعبة Rpg مشهورة ومميزة عن غيرها من الألعاب ...
وأجزائها كثيرة .. شخصياتهم روعة .. أموت على شيء إسمة وحوش إستدعاء !
يعني إسم على مسمى .. Final Fantasy ..

2. اش المميز في لعبة silent hill عن بقية الألعاب

إنها لعبة رعب نفسي .. كلها غموض .. ورعب .. مع إن صار لي فترة طويلة
ما لعبتها .. الجزء الرابع بالتحديد .. ما قدرت أكمله .. يجيني صداع قوي ..
بعدها أقوم أطفي Ps2 .. ودي أغامر في اللعبة .. بس ما أستحمل الصداع !

3. ليش تحبين fatal frame ?

فكرة اللعبة .. والأشباح .. أجوائها بشكل عام .. قصة اللعبة قوية .. أساساً أنا أستانس ع الألعاب ..
وأول ما عرفتها إنهبلت عليها ! وهي من أقوى ألعاب الرعب ...

4. افضل شخصية في سلسلة FATAL FRAME بالنسبة لك ؟

لعبة Fatal frame .. ما لعبت كل أجزائها لأنها ما توفرت لي !
لكن شدتني شخصية Ruka من الجزء الرابع .. ناعمة وتجنن !

5. مارأيك بالجزء الرابع من سلسلة fatal frame ؟

الرابع ما لعبته .. ومتأكدة إني ما راح ألعبه .. فـ وش سويت تابعت أحداث اللعبة ع النّت ..
عجبني فيه كثرة شخصياته .. وصل عددهم أربعة !
بس أنا ما أستحمل الحزن اللي تسببه اللعبة .. يعني كل الشخصيات يموتون !
اللعبة بكل أجزائها حلوة .. المؤثرات الصوتية .. روعة !

6. تحبين الملاهي ؟

تبين الصراحة ؟! ما أدري ! لأن ما عمري رحت إلا يوم كنت صغيرة !
وشفت قرايبي كيف شكلهم بعد ما نزلوا من قطار الموت .. حسيت إني أنا اللي بموت !

7. تحبين السفر ؟

الصراحة لا ... صح إن ودي أغيّر جو .. لكن أخاف كثير !

9. اش اللعبه اللي حاصله الTOP1 عندك ؟ << غير فاينال فانتاسي

والله ما أدري .. أنا ما أعرف أصنف بالترتيب ! بس خلينا نقول إن فيه منافسة بين :
Devil May Cry , Dino Crisis , وبعض ألعاب RPG ...... والله ما أدري !

10. هل فكرتي بتعلم لغات اخرى غير الأنجليزيه ؟

أيه فكرت .. أبغى أتعلم لغة الجسد !

إلا وين Arashi ,, توقعتها أول وحدة بتسأل !

[Akira]

إلا وين Arashi ,, توقعتها أول وحدة بتسأل !

دائماً الزعيم الصعب يظهر في آخر أنفاس الضحيه be ready gurl


:: كم سؤال بسيط لك كاميليا سان ::

,’,’ ما رأيك بأول عرض سينمائي لظهور snow ffxiii ؟

,’,’ أكثر لعبه متشوقه لها من الألعاب التاليه ؟
ff versus xiii
ff xiii-2
ff xiii agito " type 0

,’,’ كم الوقت اللي تستغرقينه في لعب أي لعبه Rpg ?

,’,’ ثلاث أنميز شاهدتيهم ؟

,’,’ نصيحه دائماً تقوليها لرؤية أي احد زعلان من سبب ؟

[Fantasy Legend]

^^
؟؟؟؟

بالعكس لا احد فكر ولا شي والي فكر اصلن بهذا الشي معناه انو مايثق بصديقه ,,

ومن ناحيه الامتناع يحقلك هذا الشي لانو من شروط الكرسي انك تقدر ماتجاوب على الاسئله الي ماتبغاها ,,

وأتمنى من المراقبين إنهم ينهون فترة وجودي هنا لأني متضايقة من الوضع .. وإذا ردودي سببت لكم إزعاج ..
إحذفوها ..

كاميليا استهدي بالرحمن لاحد منزعج ولا شي بالعكس انا والله فرحااااااااان انك انضميتي معانا في قسم الترفيهي وعلى فكره انا اول واحد رشحك لكرسي التعذيب لاني واثق انك عضوه مميزه وحبوبه وانا اتحدى اي واحد ينكر ان الكل كان يتمنى تواجدك في القسم الترفيهي ,,

وفي الاخير انا متأكد انو في واحد ارسلك على الخاض وقلك انتي اكيد تقصديني عشان كذا انتي تضايقتي ,,

[yami vergil]

لا فانتيسي محد قال لها شي ^^ بس يمكن تنحرج كل مره ترفض تجاوب على سؤال
نسألها .... خلوها على راحتها ^^ ولو اني اتمنى انها تستمر معانا .. بس اهم
عندي راحتها ^^

[Akihiko]

ولله انا بعد مسانس بوجودها بس اذا مو مرتاحة ما اقدر اجبرها لان راحتها الأهم ..

[Camellia]

لا Fantasy .. ما أحد أرسل لي .. بس أنا كنت بموت من الخوف بعد ما حطيت ردودي !
أنا ما أحب أضايق أحد .. أنا ليه حسيت ؟! لأني على أرض الواقع أتعامل مع الناس عادي .. أنفجع في النهاية يفهموني خطأ !
ويقلبون علي ! ... غير كذا تعقدت من كثر اللي ما يفهمون قصدي ..
مريت بتجارب مريرة .. خلتني أصير إنطوائية .. علشان كذا أنا أخاف أحد فهمني خطأ ...