مشكلتي في تأخر ظهور اي نتيجة

[Broken Sword]

السلام عليكم..

انا يا اخواني لي 5 شهور متواصلة مسجل بنادي ومن قبل كنت العب بالبيت ابني جسمي وهدفي ضخامة صافية الحمدلله بديت بنسبة دهون 24 % والآن 16.5% لكن ما نحفت الا تقريباً 9 كيلو ونص احتمال انه يكون دليل اني ما خسرت عضل الا كمية صغيرة..

لكن مشكلتي موب في اني نحفت المشكلة عندي عجزت ازود اوزاني او اكبر شكل العضلة..

يا شباب هذا الشي مأثر فيني نفسياً بشكل ما تتصورونه لاني مكرس حياتي للعبة هذي..

تغذيتي ممتازة جداً اكل وجبة صغيرة كل 3-4 ساعات مكونة من 25-35 جرام بروتين و كارب و شوي فات..

احتمال السبب يكون من تماريني لأنها كرف وما اتكلم عن الكرف العادي الي مفروض يحصل لكن تكلمت مع المدرب ومصر على ان تمارينه صحيحة و تنفع لشخص له 5 شهور..

بعطيكم امثلة على تماريني ويا ليت تحكمون هل هي كافية او غير كافية او كافية بالزيادة..

انا اتمرن صدر 7 تمارين بمجموع 24 جلسة
وللباي 4 تمارين بمجموع 14 جلسة
وللتراي 4 تمارين بمجموع 15-14 جلسة

طبعاً موب بيوم واحد الباي والتراي مخليهم مع بعض بيوم والصدر بيوم والرجل بيوم والكتف بيوم والبطن كنت مخليه بيوم لحاله لكن خليته مدمج عشان يكون عندي وقت للـ recovery

و هذي مشكلتي ارجوا مساعدتي فيها..

[hamshou]

نسبة الدهون عندك ممتازه ماشاء الله

شوف اخوي بما انك صار لك 5 شهور فلازم تصبر حتى توصل للهدف اللي انت حاطه...

اعتقدر لازم تزيد من الكربوهيدرات قبل التمرين او تاخذلك منتج بور عشان تكسر اوزانك...

ياريت لو تكتب كم عمرك احسن عشان الاخوه يفيدوك اكثر ...

[m3az`]

اخوي بنصحك انك تقلل عدد التمارين

لان العضلة بتكبر وبتستفيد بقلة التمارين والزيادة بالوزن

يعني خلي 3 تمارين للصدر او 4 ماكسيموم

والباي 3 تمارين او 2 فقط

[france for ever]

عليكم السلام

تمرن 4 ايام بالاسبوع فقط
كل يوم تمربن عضلتين
لا تطول بقاعة الحديد قلل فترات الراحة بين التمارين
قم بزيادة الاوزان مع تقليل التكرارات

قم باضافة مكملات البروتينينية
مثل الواي بروتين + مولتي فتامين مثل الاوبتي مان + احماض امينية مثل السوبر امينو 4800

عدم السهر و النوم الكافي ( 8 ساعات عل الاقل )

بالتوفيق

[scaryface]

وعليكم السلام

السلام عليكم..

انا يا اخواني لي 5 شهور متواصلة مسجل بنادي ومن قبل كنت العب بالبيت ابني جسمي وهدفي ضخامة صافية الحمدلله بديت بنسبة دهون 24 % والآن 16.5% لكن ما نحفت الا تقريباً 9 كيلو ونص احتمال انه يكون دليل اني ما خسرت عضل الا كمية صغيرة..

يا اخوي اذا نقصت من السعرات جسمك بينقص وزن اما اذا زدت في السعرات فجسمك بيزيد الوزن ( عضل ودهن)

فاعتقد انه سعراتك اليومية قليلة

انا اتمرن صدر 7 تمارين بمجموع 24 جلسة
وللباي 4 تمارين بمجموع 14 جلسة
وللتراي 4 تمارين بمجموع 15-14 جلسة

تمارينك كثيرة ومتعبة فحاول انك تقلل من مدة التمرين الى ساعة او ساعة وربع ولا تزيد عليهم

وبالنسبة للتمارين ... العضلة الكبيرة فقط تحتاج 5 تمارين (مثل الصدر والظهر والارجل)
اما العضلات الصغيرة فقط 3 تمارين مثل الباي والتراي

بالتوفيق

[معاذ عمران]

احب اضيف على كلام اخوي scaryface
العب جلسات 12 10 8 6 افضل للضخامة وبعد فترة غيرها

[Broken Sword]

مشكورين شباب..

عمري 18 سنة
واستعمل وي بروتين وانيمال ستاك وكريتين وامينو بور 30000 السائل
وقبلهم سوبر ماس قينر

يعني تتوقعون المشكلة من التمرين الزايد؟؟

اذا ايه وش افضل اتمرن 4 ايام ولا 5 ايام ؟
اول كنت اتمرن 6 ايام..

[Heartbeat]

اخي الكريم

مثل ماقال لك الكابتن فرانس المكملات مهمه اذا كنت مقل بالاكل
ومساعده اذا كان اكلك جيد

ومثل ماقال لك الكابتن سكير فيس
التمارين يجب ان تكون للعضله الكبيره 5 تمارين مثل [ الصدر + الظهر + الاكتاف + الارجل ]
والعضلة الصغيره 3 تمارين مثل [ الباي + التراي + السواعد + المثلثات ]

ويجب ان تركز على التمرين نفسه وليس التركيز على كثرت التمارين
العب صح توصل صح واعطيك مثال على تمرين الصدر بار عالي سفلي مستوي بعض الشباب يهتم
بالوزن اكثر من اللعب الصحيح تلاحظه لا ينزل البار حتى يلامس صدره بل يكاد ينزل البار قليلاً ثم يرجع يرفع الوزن

لا تهتم بغيرك اذا لاحظته يشيل اوزان كبيره وجسمه ليس جيداً بل راقب من يمتلك جسم جيد
وافعل مثله ولا تغرك بعض الاجسام الضخمه لأنها بالغالب دهون فقط وليست كتله عضليه

الجداول كثيره يوم ويوم
او يومين ويوم راحه
او اربع ايام والخامس راحه او تقسم التمارين على الاسبوع
مثلا
الصدر والباي يوم السبت
الظهر والتراي يوم الاحد
الاثنين راحه
الثلاثاء اكتاف ومثلثات
الاربعاء ارجل كامله وسواعد
الخميس راحه
الجمعه راحه
او ترتاح فقط يوم وترجع تكمل الجدول

[Broken Sword]

شكرا الله يجزاك خير سبورتمان..

انا اسأل وش افضل جدول لافضل نتائج ما تهمني الراحة..

يعني وش افضل للعضلات اني ارتاح 3 ايام بالاسبوع ولا يومين ولا يوم ؟؟

انا كنت ارتاح بس يوم واحد ولكن ما ظهرت نتائج يمكن لازم ارتاح اكثر ؟

[OoO fahad OoO]

الراحـه مهمه واقل شي تكون يومين بالاسبوع للضخامه

[.hamad.]

مشكورين شباب..

عمري 18 سنة
واستعمل وي بروتين وانيمال ستاك وكريتين وامينو بور 30000 السائل
وقبلهم سوبر ماس قينر

يعني تتوقعون المشكلة من التمرين الزايد؟؟

اذا ايه وش افضل اتمرن 4 ايام ولا 5 ايام ؟
اول كنت اتمرن 6 ايام..

هلا فيك يابطل ..
احب اضيف على كلام الاخوان بالنسبة للانمل ستاك لو توقفه وتستمر على الكرياتين افضل ..

[Broken Sword]

طيب يا شباب بالعادة يقولون ان النتائج تظهر على الجسم بعد 5-6 شهور وواضح انك تلعب حديد

بس انا لا جسمي عادي كأني ما اتمرن..

تتوقعون السبب في قلة الراحة؟؟

و الافضل اني ارتاح 3 ايام بحيث اني اتمرن يومين وارتاح يوم واتمرن يومين وارتاح يومين ولا يومين تكفي؟؟

تكفووون ابي الجواب

[Broken Sword]

؟؟؟؟؟؟؟؟؟؟؟؟؟