أزعاج النائم يؤدي إلى الوفاه

[نعومة الأحساس]

ازعاج النائم يؤدي الى الوفاه .....احذروا



التيار الأثيري عند الإنسان :

الجسم الأثيري أو المادة الأثيرية لايمكن رؤيتها بالعين , إذا نام الإنسان خرج الجسم الأثيري من مسامات الجسم ، وإذا

صحونا يدخل الجسم الأثيري المسامات مرة أخرى في الجسم ، وإذا صحونا بهدوء يدخل الجسم الأثيري بهدوء دون إزعاج وتكون الأعصاب هادئة والنفسية مريحة ،

إذا صحونا على صراخ أو صوت مزعج يدخل الجسم
الأثيري بسرعة ، وهنا يسبب لنا توتر وعصبية ومن الممكن أن يسبب صداع ، أما إذا صحونا على إزعاج شديد لم

نتحمله هنا يرجع الجسم الأثيري ليدخل المسامات فيجدها قد أغلقت فتحصل وفاة أو سكتة قلبية .


يجب عدم إزعاج النائم نهائيا واتباع الآتي :


*لا نتكلم بصوت مرتفع .


*لا نفتح أي باب أو نغلقه إلا بكل هدوء.


*نؤجل أي عمل ليس له لازم إذا كان يصدر صوت مزعج.


*عند ذهابنا للزيارة رن الجرس مرة واحدة وانتظر دقيقتين ورن مرة أخرى .



*علينا ألا نزعج النائم بأي وسيلة


مع الحرص والحذر من ازعاج الطفل النائم بصفة خاصة تجنبا لحدوث اضطرابات نفسية وفسيولوجية لسرعة تجاوب

الاجهزة العصبية لدى الاطفال وامكانية نموها بشكل سلبي مع تلك المؤثرات العكسية...


اتمنى انكم تستفيدون من المعلومة

(منقول)

[Heartbeat]

تسلمين على النقل المفيد

[نعومة الأحساس]

الله يسلمك
ياهلا فيك

[scoom]

علينا ألا نزعج النائم بأي وسيلة

يعطيك الف عافية........... استفد من الموضوع

.................


وشكراا

[نعومة الأحساس]

بالفعل علينا أن لا نزعج النائم
الله يعافيك
تحياتي وياهلا

[Look up]

سبحــان الله

و أنـا أقـول ليش لمـه يقعدونـي بسرعـه بسرعـه
أو باصراخ أو بصكـة الباب القويـه
أقـوم مصدعـــه ....؟؟؟

أثـاري هذا السبب وره هالتعـب و الإرهـاق و الصـــداااع

مع الحرص والحذر من ازعاج الطفل النائم بصفة خاصة تجنبا لحدوث اضطرابات نفسية وفسيولوجية لسرعة تجاوب
الاجهزة العصبية لدى الاطفال وامكانية نموها بشكل سلبي مع تلك المؤثرات العكسية...

إن شاء الله

و ياريت الكـل يطبق هالشيء

عالعمـــوم
جزاج الله خيـراً على المعلومــات
عزيزتــــي

تحياتــــــــي

[Akihiko]

وانا كله اسمع انه يسبب الموت بس الحين اقتنعت وعرفت الأسباب ..
بس فيه ناس نومهم ثقيل ويمكن ما تفرق عندهم , في كل الأحوال إحنا مو مضطرين نصارخ , الهدوء هو الحل الأمثل

يعطيج العافية

[ام ابـراهيم]

معلومات مفيده , لقد قرأتها في إحدى المجلات الطبيه.
مشكوره على النقل .
و أنا أطبقها من زمان .

[Yoshi]

والله ياختي الكريم شوفي ..

من فتره طويله قبل كم سنه حوالي 5-6 سنوات

كان ابوي الله يهديه إذا جاء يقومنا للصلاهـ تشوفينه يصارخ بالغرفه " يالله قوموا الصلاه ,, الصلاه بسرعه لاتفوتكم قوموا توضوا يالله خخخخخخخخخخخ

ولا يجي يسحب الشرشف او اللحاف بسرعه واحنا نايمين ونقوم مفزوعين وش اللى صاير ! :|

بعض الأحيان يكب علينا مويه < قسم بالله العسكريه ارحم ..

بس الحين خلاص كل واحد عقله براسه ويعرف خلاصه والحمد لله انا واحد من المحافظين على الصلاه واتوقع السبب الأول هو الإزعاج !!

بس هي حركه مو كويسه لانها ترويع للنائم يمكن من الروعه يجيه سكته قلبيه لاقدر الله او شي ثاني

جزاك الله خير وإن شاء الله في ميزان حسناتك

[نعومة الأحساس]

ياهلا فيكم منورين الموضوع
ههههههه أحسن شي أنه الواحد يجلس لوحده
أنا حتى أذا احد بيجلسني من النوم بهدوء أخترع
يعني مااحب أحد يقرب مني وأنا نايمه
فجأه كذا اجلس من النوم وقدامي أحد على طول أخترع وأقول بسم الله .^^

[Look up]

إي صـج ... تذكـرت شغلـــه
شـيء ما ينســـي


في مره من المرات كنت نايمــه أوك ... فأخـوي ياي يقعدنـي بس مسك الكمبـل (( الكَفـر ))
و لا أعطيـه هالرفسـه إلـي طيرتـه ..


لأن مرات الواحـد إذا ما قعدتـيه بالطريقـة إلـي تريحـه راح تشوفيـن عجايـب و غرايـب منـه ...


و ليومكـم هذا مو قادره أنسـى الموقـف و أخـوي من يومـها ماقام يقعدنــي

الحيـن أغلـب أخوانــي ما يحبـون يقعدونـي إلا من بعيـد لي بعيـد
بس شسـوي مو ذمبـي
فجأه طلعت معاي هالحركـة


لا و بعـد مو بس مره وحـده ... تكررت شغلـة إنـي أرفس إلـي يبي يقعدنـي جم مره ....
الله يهدينـي من بنـــت

بس إن شاء الله أغيـر من نفسـي و أتماسـك أعصابـي

بس حبيت أشاركــم و حبيت أوضح لكـم الفكـره
(( إن لا تقعديـن الشخـص بالطريقـة إلـي تريحج .. بل بالطريقـة إلـي تريحــه ))


تحياتـــــــــــــي

[نعومة الأحساس]

هههههههههه
ضحكتيني لوك آب
أنا حتى اذا بيجلسوني بشويش ما أرضى
اذا نمت لا أحد يقرب مني هذي قاعده في البيت الكل ينفذها >> يخافوا مني
تخيلي اقول لهم لا احد يجلسني من النوم حتى لو يحترق البيت خلوني نايمه هههههه
أتذكر مره من المرات كنت ابي اجلس من النوم الساعه 6
لانه عندي دوام بالليل دوره
وقلت للي في البيت كله يجلسوني محد رضى يجلسني
أضطريت اني اقول لصديقتي تتصل علي الساعه 6 حتى أجلس من النوم ^^

[Look up]

هههههههههه
ضحكتيني لوك آب
أنا حتى اذا بيجلسوني بشويش ما أرضى
اذا نمت لا أحد يقرب مني هذي قاعده في البيت الكل ينفذها >> يخافوا مني
تخيلي اقول لهم لا احد يجلسني من النوم حتى لو يحترق البيت خلوني نايمه هههههه

هههههههههااااي
أنـا أدري

أتذكر مره من المرات كنت ابي اجلس من النوم الساعه 6
لانه عندي دوام بالليل دوره
وقلت للي في البيت كله يجلسوني محد رضى يجلسني
أضطريت اني اقول لصديقتي تتصل علي الساعه 6 حتى أجلس من النوم ^^

شفتـي ويـن وصلنـــا نعومــــه ؟
هـذا و أحنـا بنات يخافـون منـا .. شلـون لو كنـا رياييـل

استغفرالله يا رب


و تصدقيـن عاد نعومــه .. يعتمـد على الشخـص إلـي يقعدج

صح ولا لا .؟

[نعومة الأحساس]

شفتـي ويـن وصلنـــا نعومــــه ؟
هـذا و أحنـا بنات يخافـون منـا .. شلـون لو كنـا رياييـل


ههههههه الله يستر ههههه


و تصدقيـن عاد نعومــه .. يعتمـد على الشخـص إلـي يقعدج

صح ولا لا .؟

أي والله أختي تجي بقووووووه وتطب علي وانا نايمه
بس ما اعصب عليها
أخي الصغير يقرب مني بشويش ويناديني بصوت منخفض
مع ذلك ارتاع واقوم بسرعه وانا اقول بسم الله

[Look up]

أي والله أختي تجي بقووووووه وتطب علي وانا نايمه
بس ما اعصب عليها
أخي الصغير يقرب مني بشويش ويناديني بصوت منخفض
مع ذلك ارتاع واقوم بسرعه وانا اقول بسم الله

شفـــتي شلـون
سبحــان الله ... مكانـة الشخـص تبيـن بهاللحظـه ..

و صـج إن مو دايمـاً .. بس الإعتـذار موجـــود