لمشتريات اعضاء منتديات الألعاب

[NiN RevO]

^
مبروك لونلي .. لكن شهالماركه اول مره اسمع فيها ؟؟!!

وكم سماعه معاه ؟

[Lonely Hunter]

الله يبارك فيك

هذه من احسن الماركات المتخصصه بالنظم المسرحيه وماعتقد انها تسوي شيء غيرهم فعشان جذي ماسمعت عنها

معاها 7 سماعات + سب وفر + قطعه للأيبود

[NiN RevO]

^
اها .. طيب كم كلفتك ومن وين شريتها .. ممكن ؟

[Lonely Hunter]

كانت ب١٩٥ دينار مسوين عليه عرض فخذيته ب١٥٥ دينار (ناسي السعر بالضبط)
و خذيته من الغانم عندنا بالكويت

عجبتني السماعات صغيره ماتاخذ مكان من الغرفه، ماعدا السب ووفر مخليه ستاند P:

[KasiH]

مبروك لونلي كيف انطباعك عن العدة وياليت صورة بعد التركيب كمان .

[kingx11]

مبروووك عالسستم

شلون تركيبه مع البس3 ؟؟ سهل ولا صعب ؟

[Al-RaQmi]

مبروكـ لونلي ^^ ..
كل ها المواصفات على السعر ............... شي مغري
يشبة مسارح ياماها هذا ريفيو عن السماعة

[Tockuchi]

عالبركة لونلي , إن شاء الله تتهنى فيه ^^
------------------------------------------------

هدية من صديق





ضغطوا على الصور

[Lonely Hunter]

الله يبارك فيكم
بالنسبه للصور ان شاء بس خل ارتب الدار قبل لان للحين عفسه من بعد التعديلات اللي سويتها بس هذه صور من النت



وبالنسبه للتركيب فمافي اسهل منه
اللستم معاه رسيفر فيه 4 مداخل hdmi غير اماكن الكمبوننت و الكيبل العادي و مدخلين اوبتيكل واير بالنهايه كلهم بيتوصلون عن طريق كيبل اتش دي ام اي واحد للتلفزيون واللستم معاه ريموت اتغير بالاجهزه فيه

انا الحين موصل عليه الps2-ps3-wii-pc وشغال زي العسل بس للحين ماتعبثت بالاوبشن او خربتها بتطويل الصوت عشان الBass، للحين مامداني P:

بس كإنطباع اولي وايد ممتاز بالنسبه لسعره و احلى شي ان اخيرا قمت اسمع الناس و الوحوش اللي تلحقني من وراي
بس لاااازم اجرب ديد سبيس لانها من احسن الالعاب من ناحية الصوتيات

[dely10]

مبروك لوني
والسعر ما شاء الله حيل ممتاز >>> لأطه
والماركة مبين انها يابانيه

[Judge Balthier]

تم الشراء (رائعة ذكرتني بأجزاء التي كانت على ال PS2 )
^
^
^
^

[جانغ هي]

تم الشراء (رائعة ذكرتني بأجزاء التي كانت على ال PS2 )
^
^
^
^

مبرووك , هالجزء افضل اجزاء السلسله ..اللعبة طويلة والتروفيز اطول !

[Bo Shesmah]

أمريكي، 17 دينار للثنتين، المجموع: 34 دينار. وبعد المكاسر 33 دينار.

[PremaFrost]

مبروك المشتريات شباب



والله ونيس الشريط وضحك مع عيال الخال خيال الشريط صج الي يحب المصارعة لايطوف هذا الجزء ابد

[Judge Balthier]

مبرووك , هالجزء افضل اجزاء السلسله ..اللعبة طويلة والتروفيز اطول !

خلاص بطلنا تروفيز بعد ff13 , بس بعد كذا كسرت القاعدة وطلعت الماسي sly1 , killzone3 , فليش لا .