موضوع النقاش العام لأعضاء قسم النينتدو

[Larva]

اخوي هل هذي القطعة اللي تقصدها ؟
http://www.r4town.com/products/R4iTT...Si-V1.4.1.html

ادري تعبتك بس ما ابي اشتري قطعة ثانية وتطلع غير صالحة

[Al-RaQmi]

هي نفسها الموجودة بالمقطع .. السؤال هل فعلا تشغل كوبي او لا ؟!
اذا انجليزيتك كويسة شيك على المنتديات والمواقع الاجنبية اتوقع تحصل الشرح بالتفصيل
وحياك ^^

[Larva]

يقولون ان يشتغل وفي ناس تقول في قطعة افضل فما ادري

في شخص جرب ان يشغلهم على الـ 3DS? اتمنى تخبروني

[Larva]

السلام عليكم



باركوا لي اخيرا اشتريت الجهاز ^__^
اليوم وصلني من موقع أمازون بـ 1000 ريال وفرت على الأقل 500 ههه

اخترت لون الـ aqua blue لأن سابقا كان عندي الـ DS Lite وكان يتوسخ من الغبار بسرعة
أما اللون الأزرق ما اقتنعت فيه بالبداية لكن لما فتحت العلبة وشفته امامي تغير رأيي وفرحت على هالخيار

بتركم مع انطباعاتي
الايجابيات
1- بالرغم اني ما اشتريت ولا لعبة ثري دي لكن مجرد اني شفت التأثير على القائمة الرئيسية فعلا اندهشت ! يحسسك بعالم آخر وكأنك تقدر تمد يدك وتسحب الشخصيات من الشاشة هههه فعلا اذهلني وهذه الخاصية لوحدها تستحق شراء الجهاز لأجلها وندمت كثييييييييرا لأني ما اشتريت اي لعبة مع الجهاز. " الافلاس وما يفعل "
2- عجبتني المادة المطلية على الجهاز يعني حتى لو تترك بصماتك على الـ Cover تختفي بعد وقت من تلقاء نفسها.
3- بطاقات الـ AR Games ايضا ممتازة بمجرد انك تجربهم مدري شلون بتضحك مع نفسك وبتقول صج اختراع هههه، عن نفسي استمتعت فيهم لكن تمنيتهم يكنون على مراحل اكثر.
4- الـ Pad أو الـ Analog مريح جدا ولا يتزحلق او يفحط صبعي منه هههه.
5- الشاشة العلوية احببتها وخصوصا الوانها.
6- التحكم في كثافة الـثري دي ممتاز كنت اتوقع ان يكون اي كلام وماله تأثير لكن طلع العكس يعني يضبط الدرجة بالضبط مثل ما يعجبك من غير ما تتأثر الجودة.
7- زر الـ R و الـ L افضل من اللي كانوا على الدي اس لايت يعني الضغط عليهم افضل واقل خشونة.
8- الجهاز تأتي معه ميموري 2 جيجا .. شي جيد افضل من باقي الاجهزة اللي تجبرك ان تشتريها بشكل منفصل.
9- باقي الافكار ايضا اعجبتني كالمذكرة وقائمة الاصدقاء إلخ وجدتها مميزة.

العيوب
1- الكاميرا توقعت تكون جودتها افضل لكن لا بأس فيها كأنها كاميرا جوال.
2- انا فكرت ان الجهاز يشغل العاب الـ DS والـ DSI القديمة بواسطة الـ R4 لكن لحد الآن ما لقيت احد جربها على الـ 3DS وهالشي خيب ظني كثييير وازعجني لأني كنت اخطط في اللعب فيهم مؤقتا إلى ان تنزل الألعاب المترقبة كزيلدا وميتل جير إلخ، فالآن طلبت قطعة من موقع عسى ولعل تفتح لي الألعاب القديمة ..
3- مكان القلم شوي ممل.
4- لما حاولت اني استمع إلى صوتي بعد تسجيله للأسف كان الصوت ضعيف توقعته اقوى بالرغم اني جربت اتكلم عند المايك لكن دون جدوى لازم ارفع صوتي اكثر.
5- الواي فاي جيد لكن ادرته ان يكون اقوى.
6- اول ما تشغل الجهاز عينك تحتاج انها تتعود على الثري دي، توجد مواقع بالغت بأن العين تغرق بالدموع وتنتفخ .. بالعكس دمعت قليلا في البداية لكن بعد ما عرفت طريقة المسكة للجهاز خلاص تعودت عيني عليه وما شعرت بألم او شيء من هالقبيل إلا في حالة الاستمرار بشكل متواصل لمدة ساعتين، يعني انصح بأن تاخذ استراحة بعد كل فترة. إلا ان عيبها هو لازم يكون الجهاز مشاهدك تماما إذا كان مائل قليلا على طول تفقد العمق او يخف بشكل ملحوظ.

اشياء لحد الآن لم اكتشفها
1- ما عرفت اشغل اللي يحسب عدد خطواتي اليومية لحد الآن اراه على الصفر بالرغم اني مشيت.
2- الفرند كود عندي ما ادري ليش بدال ما يطلع لي ارقام اشاهد علامات استفهام " ؟؟؟؟؟؟؟ "
3- لازلت اجهل ان كان الجهاز له القدرة على تشغيل الألعاب القديمة للـ DS والـ DSI عن طريق الـ R4 إذا كان لا صج بتحطم لأن تأملت كثييير في هالشيء واعتمدت عليه والسبب ان ميزانيتي مأساوية واضطريت ابيع عدستي علشان اشتري هالجهاز فصعب علي اني اشتري العاب كثيرة .. اللحين ما ادري شلون بمشي نفسي : (

My Wish List
Legend Of Zelda OOT
Megaman Legend 3
Sims 3
Metal Gear
Pokemon Black
Radian Historia
Harvest Moon

واتمنى اني افدتكم

[Al-RaQmi]

^^^
مبروكـ عليك الجهاز ^^ تكسرة بالعافية P:
سعره مرة مررررررة ممتاز بجرير اذكر بحدود 1400 ريال
لكن انتبة على شغلة ان الجهاز ( بحسب ظني) انه region locked يعني لما تنوي تشتري العاب اصلية لازم تكون العابك ريجن امريكي بحسب نوع جهازك

[Larva]

^^^
مبروكـ عليك الجهاز ^^ تكسرة بالعافية P:
سعره مرة مررررررة ممتاز بجرير اذكر بحدود 1400 ريال
لكن انتبة على شغلة ان الجهاز ( بحسب ظني) انه region locked يعني لما تنوي تشتري العاب اصلية لازم تكون العابك ريجن امريكي بحسب نوع جهازك

الله يعافيك

كلامك صحيح هو ريجن لوك لذلك تعمدت في اقتناء الأمريكي لأن اغلب اللي استخدمه من US واعتمد كثير على موقع امازون لكن ما ادري شنو اللي يباع في الدول الخليجية اعتقد امريكي ايضا

اذكر شخص امريكي مسكين في يوتيوب اشترى الجهاز من اليابان وانصدم ان ما يقدر يشغل عليها ستريت فاير الأمريكية

وحبيت اقول لك ان جربت قطعة r4i وشغالة عندي اخذت شي اسمه GEi فيرجن 3.3 ومع ذلك طلبت وحده اخرى من برا اعتقد اسمها Gold 3ds شيء من هذا القبيل

لكن فرررحت على الأقل امشي حالي مؤقتا

[Al-RaQmi]

ننتظر منك الطريقة الاكيدة وباسم القطع لتهكير الجهاز .. افكر اخذه لاخواني هدية نجاحة نهاية السنة ^^"

[Larva]

ننتظر منك الطريقة الاكيدة وباسم القطع لتهكير الجهاز .. افكر اخذه لاخواني هدية نجاحة نهاية السنة ^^"

جربت هالقطعتين وبعطيك رأيي الشخصي



هذي القطعة مكتوب عليها انها تدعم الثري دي وحتى في موقعهم ذاكرين هالشي وسعرها تقريبا 150 ريال وبكل صراحة سيئة جدا جدا بالرغم اني نزلت آخر تحديث لها إلا انها ما شغلت لي ولا حاجة تظهر فقط شاشة سوداء إلى ان تغلق الجهاز بشكل يدوي، اليو اس بي فلاش ايضا سيء ولا يعرف الجهاز على بطاقة الذاكرة لكن جهازي يشغل هالنوعية من البطاقات دون الحاجة للأسلاك لكن بصراحة غير عملية لبقيه الاجهزة، ايضا وجدت ان القطعة رديئة التصنيع فباختصار لا تفكر فيها.


هذي القطعة اللي استخدمها حاليا وهي ممتازة وسريعة وفتحت معاي الألعاب الجديدة لكن لازم فيرجن 3.3 وإلا لن تفتح الألعاب الجديدة كـ sims 3 وغيرها. وتفتح ايضا مقاطع فيديو وصور فبشكل عام ارتحت لها لكن فيها عيب واحد.

القطعة من الوراء اذا بتطلعها ما تكون عن طريق الضغط او الكبس بل لابد من سحبها ! بالرغم اني ما اسحبها كثير لأن احتاج وقت طويل علشان اخلص اللي عندي من الألعاب ولكن بعد اخشى ان يأثر عليه في المستقبل لذلك بطلب باجر ان شاء الله قطعتين من الخارج وبجربهم ايضا.

والفلاش يو اس بي اللي يجي معاها ممتاز وسعرها ايضا بـ 150 ريال في البحرين ربما عندكم تكون ارخص !

على قائمة الانتظار

اتمنى انهم يخرجون بالكبس دون الاضطرار إلى سحبهم

[Al-RaQmi]

غريبة سالفة السحب
الاشرطة الاصلية مو ضغط ؟! لازم تتبه منها حتى ماتأثر على نفس المدخل
سالفة تعدم الالعاب من الاساس تكفي لانك تعرف كل قطعة مع الوقت تنزل تحديثات جديدة للالعاب الجديدة فما فيه خوف من هذي النقطة ..
لكن هل جربت عليها العاب 3ds وشغلتها ؟! + هل تدعم العاب ds العادية بدون اي مشاكل او تهنيق ؟!
الف شكر على المعلومات القيمة ^^

اقترح نغير عنوان الموضوع الى " موضوع النقاش للرقمي ولارفا " XD

[Larva]

غريبة سالفة السحب
الاشرطة الاصلية مو ضغط ؟! لازم تتبه منها حتى ماتأثر على نفس المدخل
سالفة تعدم الالعاب من الاساس تكفي لانك تعرف كل قطعة مع الوقت تنزل تحديثات جديدة للالعاب الجديدة فما فيه خوف من هذي النقطة ..
لكن هل جربت عليها العاب 3ds وشغلتها ؟! + هل تدعم العاب ds العادية بدون اي مشاكل او تهنيق ؟!
الف شكر على المعلومات القيمة ^^

اقترح نغير عنوان الموضوع الى " موضوع النقاش للرقمي ولارفا " XD

والله ما عندي ولا لعبة ثري دي فقط المجانية اللي مع الجهاز واستخفيت عليهم وواضح من ردودي الخرعة هههه " لا تلوموني "

حاليا فقط العب في الألعاب القديمة اللي على الـ DS والـ DSi مثل بوكيمون وRadian Historia ولحد الآن لم يخترقوا ألعاب الـ 3DS وحتى لو اخترقوها ما بجربهم مباشرة لأن قد تقفل الشركة شي معين او تسوي حركة تورطني، لذلك بنتظر إلى ان تفتح الشركة بقية الخواص كالتصفح والتسوق إلخ وتنزل الابديت.

والألعاب القديمة شغالة بدون مشاكل اذا تم تثبيت الابديت اول بأول، واما عن الكبس فما اقدر اجاوبك لأن ما عندي ولا لعبة اصلية بعت كل شيء للأسف لكن القطعة القديمة اللي جربتها على جهازي كنت اكبس عليها علشان تطلع لذلك اعتقد ان المشكلة من القطعة نفسها او بتأكد اكثر لما توصل بقية القطع.

ايضا عندي عضوية في منتدى امريكي وكانت هذه احدى الردود
Today, I called Nintendo of America to ask about Youtube on the Internet Browser and it was confirmed! Since I know most of you won't believe me, call for yourself

1-800-255-3700


معناته ان المتصفح بيدعم اليوتيوب ! شي راائع
لدي الكثير من الاخبار لكن للأسف ما اقدر اضيف مواضيع والادارة مصرة على انها تحكرني معاك في هالموضوع فقط ههههههههه

[Alucard.4.ever]

السلام عليكم ،،،

بعد تفكير عميق ، قررت اشتري قطعه ار 4 للعدس ...

فكان اختياري على :



قطعه ممتازة تدعم الواي فاي ( ما اعرف شو فايتده XD ) سريعه في تشغيل الالعاب ..

اخذتها بـ 70 درهم ، احس انها مبالغ فيها

ماتعمقت فيها اخذت احوس فيها بالكثير ربع ساعه وقفلت الجهاز ..


شو رايكم بالقطعه ؟؟

للمزيد من المعلومات : http://www.r4ipocket.com/producte.asp

[Larva]

هلا اخوي

اي دي اس عندك ؟

طلبت هذي ولازلت انتظرها لأن اللي في يوتيوب مدحوها والله اعلم ..
http://www.n3dscards.co.uk/products/...i-DS-Lite.html

اكتب اسمها في يوتيوب واشوف شنو يقولون عنها .. بالنسبة لي بحثت ونصحوني بالـ Gold

[Alucard.4.ever]

^^

مبين من اسم القطعه ^_^" , عندي الثري دي اس ...

والله العالم ، على كلام صاحب المحل ان هالقطعه افضل من الذهبية !! ..

وانا دخلت الموقع ولقيت انها قطعه يديده ، يعني احتمال اجدد من الذهبية ..

[Al-RaQmi]

مبروك عليك القطعه ^^
وكيف دعمها للالعاب ؟! بدون مشاكل وتشغل العاب ds القديمة !!

[The Last Lombax]

لارفا , ياليت تحط إنطباعاتك في الموضوع الرسمي للجهاز