البحيرة الخضراء منظر رائع للغاية

[Heartbeat]

السلام عليكم ورحمة الله وبركاتة



في النمسا بعد ذوبان الثلوج من جبالها يمتلئ منتزه يدعى البحرة الخضراء بالماء النقي لتشكل بحيرة موسمية, يبلغ عمق المياه فيها ثمانية امتار في حين ان النباتات والزهور والاشجار ما زالت على حالها
مشكلة بذلك منتزه غاية في الجمال والروعة تسبح فيه الاسماك من خلال فروع الاشجار وفوق الازهار, مقطع يستحق المشاهدة لغرابته وما يحتويه من نوادر الطبيعة .

[miss rebecca]

وعليكم السلام ورحمة الله وبركاته

سبحان الله منظر بكمال الجمال والروعة ... سبحان الله ... شئ حلو ان نشوف مناظر حلوه تحت البحر ..



شكرا لك اخ هارت بيت على الموضوع ^^

[Heartbeat]

العفو اختي مس ربيكا
فعلاً المنظر قمة بالروعة , كم اتمنى ان اخوض تجربة الغوص
بالذات بأماكن رائعة مثل هذه

شكراً لكِ أختي على مروركِ وتعليقك

[نعومة الأحساس]

وعليكم السلام ورحمه الله وبركاته

منظر حلو كثير ,, ما شاء الله خاطري أجرب

[The Princess]

وعليكم السلام والرحمة
سبحان الله ...
شي غرييب و قمممة في الجماال ..

صج صج ودي اغووص بهالبحيرة

يسلموو هارت عالطرح الحلو

[Heartbeat]

وعليكم السلام ورحمه الله وبركاته

منظر حلو كثير ,, ما شاء الله خاطري أجرب

منظر يهبل صراحه , انا قاعد اتخيل شلون راح يكون شعوري
لو كنت اغوص في هالبحيره
مشكورة نعومة على مرورك

[Heartbeat]

وعليكم السلام والرحمة
سبحان الله ...
شي غرييب و قمممة في الجماال ..

صج صج ودي اغووص بهالبحيرة

يسلموو هارت عالطرح الحلو

الله يسلمج منحة ويردج بالسلامة ان شاء الله انتي والاهل

احيانا لما اشوف مثل هالمناظر يضيق خلقي
تخيلي شنو الجو عندنا اليوم غبار
الحمدالله على كل حال

مشكورة على تعليقج منحة

[)(FanTasy)(]

وعـليـك السـلام ورحمـة الله وبركـاتـه

جمـيل هـذا المكــان وخـاصـة لمـا يستجيــب مـع تغـيـيرات الطقس ..

وقاعد أتخيل الساحـة عند الجمعية بالكويت شلون راح تصير إذا نزل عليها ثلج بعدين ذاب U_U

أشكــرك صديقي ، بالتوفيق لما هو قادم .

[Heartbeat]

جميل تخيلك فانتسي
لكن عندنا بالكويت مايطول يومين بالكثير ويتبخر الماء ههههههههه
الواحد فينا اذا يبي يستمتع بجمال الطبيعه
يقط مافي الجيب واذا مايكفي اقرب بنك قرض ويسافر هههههههه
مشكور فانتسي على المرور

[)(FanTasy)(]

لكن عندنا بالكويت مايطول يومين بالكثير ويتبخر الماء ههههههههه

هههههههههههههههههههههههههههههههههههه

تذكــر أن عندنا الغبــار أرحم من الثلج عندهم ، شايف شنو يسوي الثلج بالبيوت

إنـ شاء الله ساحة الجمعية ما يجيها ثلج هههههه

لأنها نظيييييييييييييييييفة !!

[المقاتل ليون]

شكرا لك على هذه المقطع الجميل فسبحان الله

[Heartbeat]

العفو اخوي ليون
ومشكور على مرورك الكريم

[Akihiko]

طالع وتحسر @_@
روعة شكل الثلج فوق الماي

[Heartbeat]

هههه
انا من اشوف مناظر طبيعية روعة اتحسر مثلك
الجو عندنا مايساعد
مشكور على المرور اكي