بسم الله الرحمن الرحيم
أولاً ..
لأ .. مني عضور جديد .. شوفوا تآريخ التسجيل في المنتدى ولاحد ينفجع ولا يتشقلب ولا يستنزل اذكروا الله بس >> مميز كمان ^.^..
ثانياً ..
يب يب عآآآرف مرررررررررررهـ قديم وغبار وبطلوووك وانتا لما كنت صغير كنت مخاوي ديناصور ومدري ايش وووو ... إلخ المهم
طبعاً انا ناسى متى وليهـ ولماذا تركت المنتدى .. ما اظن دراسهـ لاني طول عمري طاحس .. ولا اعتقد اني لقيت منتدى بجودة وروعة المنتدى ذا عشان اطنش .. إلي اتوقعهـ إن الحارة والكورة والتكوة و...إلخ هيا الي ابعدتني عن النت بشكل كلي يعني..
المهم انا عارف ان اغلبكم في هذي اللحظة يقول:وش يحس فيه ذا الفقي
؟؟ أو اشبو دا الحين؟ .. اش يبغى؟؟
انا يا جماعة الخير حاب اقولكم اني رجعت ^__^ >>> لو سمحت اقرب بلك احمر عشان افقش الكبتن ذا
اكيد الكل وأولهم مشرف المنتدى بيقول: موضوع مخالف مكانهـ في القسم الخطأ
...إلخ
لا لا يا معلم منك لو .. صلي ع النبي .. انا كاتب الموضوع دا عشان احكي لكم كيف سويت اول ما فتحت المنتدى بعد غياب دام مدري كم سنهـ P= >>تسليكهـ كويسه
لاحد يقول .. ما نبغى نعرف .. عيب تفشل الضيف
>> ضيف مين!!!
المهم طبعاً الرجوع مو رجوع إني بسنتر في المنتدى واي رد على طول انا بعدو وسبعة وتسعين رد في الثاني وو .. لا لا بطلوها حركات الإبتدائيه ذي P= >>> مسوي كبير..قلك
رجوعي بيكون ردود بسيطه .. مواضيع قصيرة عن أشياء مضحكة او غريبة حصلت معي .. يعني بطفشكم للأسف P=
المهم
اول شي المنتدى تغير
!! >> لا يا كبتن قول غير كذا
من جد تغير انا عملت برمهـ(لفهـ) قبل 3 سنين وكان متطور بس مو لذي الدرجة
!!!
وأثناء برمتي كفشني واحد من الأعضاء الله يسعدهـ ويخليهـ لأهلهـ وأرسل لي رسالهـ يقول انو كفشني واني شرير وانو يسلم عليا .. وأنا المفهي كالعادة ما أنتبهت للرسالة المهم
انا لما فتحت المنتدى اليوم الاقي فوق في الركن نقطه حمرا عليها رقم واحد اسمها التحديثات على ما اعتقد
فتحتها ولقيت الرسالة حق صاحب صاحبنا المسكين الطيوب الي ارسلها قبل 3 سنوات في سجل الزوار >>> بدري
!!!!!
والله صراحة لما شوفت الرسالة من عام 2008 حسيت اني رمهـ ... بصراحة
انا فرحت انو في احد عبرني قبل 3 سنين لكن حزنت اني ما رديت إلا بعد 3 سنين
>> مسوي حسحاس قلك
المهم قلت خليني اشوف البروفايل حق الطيوب الي ارسل لي الرسآلة
أفتح البروفايل ما شاء الله تبارك الله بروفايل أبو أسد.. مزبوووط لآخر درجة .. وعندو اوسمة ودلع وحرنكتاكات
أرجع أشوف بروفايلي الحلو^___^ >> حلو مين زوعب أكتر شي
.... لما شفتو حسيت بـ إحباط صراحة
.. يواد بروفايل جاف و ناشف
.. و يابس كمان
!!
بروفايل يخلوا من وجود أي معلم من معالم الحياة!!
بعدين قلك قلك يعني اني معلم واني بزبطوا وبرجعو عروسه ... لكن للأسف ما عرفت -___-"
وهذا هوا السبب الرئيسي لفتح الموضوع
انكم تعلموني كيف ازبط حسابي واخليهـ كدا
الحين يقفزوا رؤوف وساندر ويقولوا الموضوع مخالف
>> رؤوف وساندر مين؟!؟
أووووهـ ذول كانوا على ايامي الله يذكركم بالخير
... آآآه قصدي سوات ورعبة
>> مين ذول كمان؟؟
أوماا حتى ذول تغيروا
؟؟!! دييييم خرب المنتدى على كذا .. مع إعتذاري الخاص لجميع الموجودين لا تعتبروها إهانة رجاءاً P=.. دوبي راجع مني فايق اتوقف
بس دقايق عشان تزبط النكتهـ حقي بروح اشوف اسامي المراقبين الجدد ... برب
بآك ^_____^
اكمل نكتتي =)
الحين يقفزوا أرشي قصدي أراشي وووواااا أكيهي .... أكيهيكيكو أيوه هوا دا المهم يقفزوا ويقولوا الموضوع مخالف
..
لا لا صلوا ع النبي انا كنت امزح بس
>> يعني الحين ذي هيا النكتهـ
؟؟!!
مو ذا السبب الرئيسي لفتح الموضوع ^__^
المهم وين وصلنا؟؟؟ .... دقايق بطلع اراجع كلامي عشان اعرف وين وصلت
ايوهـ إني ما عرفت ازبط البروفايل-__-" !!
أقولك فتحت الملف الشخصي ألاقي صفحات لليل اول مرة اشوفها
!! .. وين ايام ما كان المنتدى تفتح تلقى 3 ازرار بس وكل واحد يغنيك عن 25413 زرار من الموجودهـ حالياً >> بس يا شيبهـ بس
!!
وقعدت ادعس هنا وألخبط هناك وزيي ما هوا ما تغير شي يا جبل ما يهزك ريح .. عشان كذا رجائاً يعني لحد يفتح البروفايل ويتشمت رجائاً يعني =(
قعدت اشوف بروفايلي واتفحصو مزبوط مافي شي!!
اشوف الأصدقاء؟ .. ليس لديك
طيب الألبوم مدري اش هوا؟ .. لايوجد
طيب نروح نشوف المدونات؟ .. خلصت
طيب الرسائل؟ .. مافي
طيب اش عندي ياهو
؟؟
طلعت لي نافذه تقول: انقلع بس انت وراسك المكعب
امزح امزح ما طلع شي
المهم قلت لازم ألاقي شي في البروفايل والله عيب كذا ما يجي
انزل شوية الاقي تراخيص المجموعات .. 1
لما شوفت الو1حد ذا حسيت اني ملك
>> مع نفسك يا ليلXD
اشوف اش المجموعة الي انا مشترك فيها تطلع مجموعة المشاركين في الإنيمي؟؟
إنمي مييييييين
؟؟ >>> احمد ربك حصلت شي
ايوه والله من جد الحمدلله انمي في الشجرة ولا عشرة عند البقرة >> اش دا؟؟!!
قصدي انمي في اليد ولا بقرة عند الشجرة >> اش ذا كمان؟؟!!!
يعمي مثل يقول حاجة في اليد ولا عشرة عند الشجرة الي مفتكروا انو في يد و عشرة وشجرة >> استريح بس -__-"
والله مدري احس إني طولت
!!!
شوفوا عشان لا اتعب ع الفاضي ولا اطفشكم بموضوعي البايخ قررت أن أتوقف هنا... >> لا تكفى كمل...أقول اسريلك بس
المهم انا بوقف لاني مدري حاس اني زودتها شوي .. إذا شفتوا موضوعي كاي وونسه وضحك وحلو قولوا لي كمل وأبشروا بعزكم
.. أما إذا ما عجبتكم وشفتوا اني سامج وبايخ وضعيف
.. مع نفسكم يالزلايب
خخخخ لا لا أمزح والله بتقبل نقدكم بكل صدر رحب وببطل اكتب زيي كدا
عآد إذا كلكم قلتوا اني سامج وبآيخ وجا واحد...بس واااااحد وكتب بس .. أنتا حلو ... هييييييييييييييييه والله لأكمل وأغثكم غثاً ما بعدهـووو غث
ههههههههههههه
نتقبل أرآئكم وإنتقاداتكم وحشكم وأي شي يطلع منكم
لكم من خالص التحية ... >>> قلبت محترم قلك
C Ya
العودة فسيلوجياً = اسقاط اشعة العين + وجود بعض الاحداث المستقبلية!
<<<< قصه طويله مربعه مستطيله 
موضوع مخالف سيتم نسفه وحرقه ومحوه من على الوجووووووود موووهاهاهاهاععاهاهاعهاعاااااااع
