كلمه باي معناه 2
يعني العضلة ذات الرأسين
في راس طويله وراس قصيرة
اللي هو احنا بنقول عليها عضلة داخلية وخارجية
والبايسبس بتشكل 30% بس من الدارع
زي ماهو موضح بالصورة
Long Head - الراس الطويله- الخارجيه
ودي اللي بيشغلها البار EZ ضيق واقف او جالس الو البار الاستريت
الدمبلز هامر
والدمبلز في حاله بتلعبه عادي بس لجوة يعني في اتجاة صدرك
التمارين
دمبلز هامر سواء زوجي أو فردي
Short Head-الراس القصيرة- الداخلية
ودي اللي بيشغلها الباي ستريت واسع او EZ واسع
والدمبلز في حاله بتلعبه عادي بس لبرة يعني مش بتطلع مستقيم ولا لجوة
الترايسيبس
تراي يعني 3
يعني العضلة ذات الرؤوس التلاته
1- رأس طويله
2- رأس متوسطه
3- رأس جانبية
والتراي بيشكل 70% من الدراع
زي ماهو موضح بالصورة
التمارين
التلت عضلات بتاع التراي عامة بيتشغله في كل تمارين التراي
ومافيش تمرين تراي بيجيب عضلة واحده فيهم 100%
يعني ايه؟؟
يعني ياملعم لو لعبت تمرين للعضلة الوسطيه هتلاقي بقيت العضلتين شغاله
ولو لعبت اي تمرين للعضلة الطويله برده هتلاقي الاتنين التانيين شغالين
طب وإيه الحل ياكابتن؟؟ انا عاوز اركز على كل واحه فيهم لوحدها
بص ياسيدي... عاوز تشد على كل عضله يبقى تخلتف بقى في الماسكه والحركه..وساعتها ممكن تركز على عضله فيهم حوالي 70% والتلاتين في الميه لباقي العضلتين..
بس خد بالك اكتر عضلة هتشتغل في كل التمرين هي الطويله يليها الطويله وفي الاخر الوسطيه لانه صغيرة
1- العضلة الطويله
وهي اكبر عضله في التراي اللي بتبقى ضهر دراعك من ورا
كيك باك وده بيشغل الوسطية بره
بنش بيس ضيق
تراي بوش دوان
بار نايم^^ لاتدقق جزاك الله خير ^_^
2- العضلة الجانبية
واللي كل الناس بتحب تطلعها لانها في جمب الدارع وهي اللي بتبان
ودي تمارينها كالاتي
دمبل مفرد نايم
دمبل مفرد ورا الراس جالس
فرنساوي
بوش دوان حبل
بوش دوان V
3- العضلة الوسطيه
اللي فوق الكوع
بوش دوان مقلوب
كيك بالك برده بيشغلها
لو حد عنده اضافه او تعليق او لو انا نسيت حاجه ..اتفضلوا ماتكسفوش
