بسم الله الرحمن الرحيم
السلام عليكم ورحمة الله وبركاته
شخبار الشباب عساكم بخير ..... ان شاء الله دووم يا رب جميعا ...
المهم ما ابي اطول عليكم لكن الموضوع جدا جدا مهم .. الي هو استخدمت مكمل لكن ما حصلت بفرق وش السبب ...!!
تعال نقولك الاسباب وتشوف هل انت فعلا مطبقها صح او لا..!!
اولا : هل قسمت وجبتك الى 6 وجبات على الاقل ام انك اعتمدت كليا على المكمل ..!!
كثير من الناس الي تعاملت معهم كلمتهم الدائمه انا اذا اكلي كويس كان ما خذيت بروتين من اصله ..!!طيب ليش !! المكمل من اسمه فقط مكمل لا اكثر ولا اقل يعني لو اكلك غير منظم المكمل ما راح يفيدك 1% لدرجة ان واحد من العيال الله يذكره بالخير اتصل علي بعد 3 ايام قالي كابتن انا ما حسيت بفرق !! الله واكبر هذا بروتين ولا سحر ..!! يعني مهم جدا جدا انك تنظم لك نظام غذائي يناسبك واذا ما قدرت نزل موضوعك بقسم الاستفسارات وما راح نقصر معك
ثانيا : هل انت تاخذ قسطا من الراحه اليوميه والاسبوعيه ..!!
هذي من اهم الاسباب لعدم استفادة ونمو العضلات لدى اللاعب كثير من الناس ينسى شي اسمه راح ممكن يقعد شهر شهرين متواصله على باله كل ما استمر اكثر تضخم اسرع ..!! لكن هل تصدق ان نو عضلاتك لا يتم الا اوقات الراحه خصوصا النوم الكافي وراحه ايام الاسبووع ..!!
ثالثا : التمرين وما ادراك ما التمرين ..!!
كثير من الناس تقول لا ما عليك انا اتمرن 100% لكن لاجيت تشوفه بالواقع لللاسف تمرينه كله تسخين فقط !! انت لا جا وقت تمرينك خلاص تخيل انك قاعد تسوي فرض ولازم تخلصه خلال 45 دقيقه ... السواليف الكلام اللعب التسليه اي شي اخر انساه كليا وركز بتمرينك .. والاوزان مو عيب الي تشيلها شيل على قد نفسيتك باليووم اهم شي اعطي التمرين حقه من التركيز والنشاط ..والاهم طبق التمرين صح ..
رابعا : هل انت تاخذ المكملات المناسبه لك ..!!
اسمع واشوف ويمرون علي كثير من الاعبين الي ياخذ شي بعير حاجه كليا !! يسمع من فلان وعلان والجرايد وغيرها ويجي يطبق على نفسه !! مثال واحد توه بادي بعالم كمال الاجسام نصحه واحد بالقلوتامين !! وواحد اخر نصحه بالمحفز !! انت حاول تصير استاذ نفسك مدرب نفسك اعتمد على نفسك اقرا تعلم استشير واخر شي نزل موضوعك بقسم الاستفسارات والوحوش ما راح يقصروا معك نهائيا لكن الاهتمام يبدا منك انت ......
خامسا : فترة التدريب ...!!!
انت تتكلم عن لعبة كمال الاجسام ومن المعروف في اللعبه انه كل ما تمرنت سنوات اكثر تبين عليك النتيجه والفرق يكون واضح تماما ..!! يعني لا تحكم على نفسك بشهر او شهرين او حتى سنه !! اعطي نفسك وقت وثق تماما دامك واثق باكلك وتمرينك ونومك انك راح توصل للمستوى الي تحلم فيه ... كل شي يجي بسرعه يروح بسررعه ...
سادسا : هل اتبعت نصايح وارشادات كل منتج بتوصيه الشركه ...!!
ناس كثيره تسال فلان وعلان ومدربيين او حتى اشخاص مالهم في اللعبه !! كيف استخدم هذا وكم حبه وكم قرام وهل اخلطه مع شاي ولا مع عصير ...الخ اعتمد على نفسك لا تتكل على غيرك ... كل منتج او كل مكمل وله توصيه خاصه من قبل الشركه للحصول على افضل النتائج المرجوه .. باختصار اتبع ارشادات كل منتج بكل حذافيره بتوصل للنتيجه المطلوبه للمكمل
هذي صراحه اهم النقاط الي بعدها ممكن تحكم على مكملك هل هو مناسب لك او لا ...
اعتذر على الاطاله يا وحوش بس فعلا الموضوع مهم لكي لا تخسر نفسك ووقتك ومالك على اشياء انت ممكن تعدلها بنفسك وتوصلك لمرحله يحلم فيها الجمييع ...
وبالتوفيق لكم يا ابطال وعساكم دوم على القووه ^-^
المشاركة الأصلية كتبت بواسطة samimo2006
