قهوة WoW .. :P

[بلا هوية]

واحد كان يبيع كنتاكي مقلد من الصين،، لول.
فوزارة الصحة عندكم زعلت و حجبت المنتدى.

الكلام من مشرف المنتدى.

[Karazhan]

السلام عليكم

شباب ابي احد فيكم مخزن او يعني saved في دراجون سول 3|4

يعني واصل عند Hagara بالتحديد , لأني ابي الخناجر منها والكويست لازم اسرق منها شي عشان اكمل الطريق

اتمنى الاقي واحد مخزن مو بس بوتات

[usoppu]

السلام عليكم

شباب ايش فيه المنتدى ليش محجوب واخيرآ دخلنا

ومتى بيرجع إن شاءالله قريبآ ؟

وأخباركم إن شاءالله طيبين

وايش سار على كرسي الاعتراف !!

[Twinked]

المنتدى محجوب بالسعودية ؟! wtf

واحد كان يبيع كنتاكي مقلد من الصين،، لول.
فوزارة الصحة عندكم زعلت و حجبت المنتدى.

الكلام من مشرف المنتدى.

يب مقفل ,,وللأسف طلعت الاشاعة صدق !!! مع انه وصلتني القصه غير بس شكله صدق.

[Karazhan]

احسن خلونا نرتاح شوي

محد مسبب مشاكل الا السعوديين

شباب جده مع كلاش و شباب الرياض مع عبادي

يتهاوشون بينهم و احنا اللي نتحمل مشاكلهم

احسن الحين عدل , مرتاحين ولا ازعاج ولا عوار راس والواحد يدخل ويطلع بدون لاق وتعليق الصفحه نص ساعه على ماتفتح

المهم شلون هذا صيني يبيع دجاج كنكاتي تقليد ؟ يعني كان يبيع بط على انه دجاج ؟ او يبيع شنو ؟ الدجاج دجاج يعني اللي يشتري ومايعرف شكل الدجاجه او طعمها بعد مشكلته . عايش طول عمره على حليب نيدو ولما يكبر كورن فلكس وبعدين ستيكات و مطاعم ايطاليه

ماالومه مايعرف كنكاتي و يخدعونه فيه , هذا لو تبيعله جراد وتقوله كنكاتي يصدق لأن مو متعود على مطاعم الفقاره , وجبه بدينار ونص لا ونكاسر الكاشير يطيح بعد

اهو متعود اذا يتعشى في مطعم اقل شي يدفع 40 دينار <----- تكفيني 20 يوم شامل الزقاير والبنزين

اما احنا نعرف كنكاتي يعني مايقصون علينا يبيعون لحم حمار ويقولون دجاج

نفس ميس الغانم اللي عندنا طلع يبيع لحم حمير يستوردهم من المغرب ويقول خروف عربي لغايه ما طاحوا عليه وسكروا المطعم ماله

نهايه الفيلم فتح و استأنف الشغل طبيعي و ماادري اذا مازال يبيع لحم حمير او لأ , لكن يمكن تاب الله واعلم

شغل واسطات , ميس الغانم من حقه يفتح ويبيع لحم كلاب حتى لأنه صاحبه من داخل السور

المهم ماعلينا

انتوا فيكم احد من سيرفر ستورم سكال او شي جذي لأني امس نقلت عشان اسوي بوست لأحد التلاميذ لفل 20 , الفزعه اذبحتنا

عاد قلت بشوف اذا فيكم احد هناك يضبطني بجولد او اغراض مايبيها <------- مااظن بعد هالكلمه احد راح يقول انا بالسيرفر هذا

عموما انا الحين في سيرفر ستورم سكال <--- احس اني اقول اسم السيرفر غلط , اهو صح جذي او انا مألفه من مخي ؟

وعندي روج الاينس قالولي سيرفر اوتلاند متروس ناس الاينس <------ ودي انقله عشان بس اشوف واحد مخزن دراجون سول نورمال لغايه hagara عشان اخذ الخاتم منها واكمل سلسله الكويستات

عموما سلمولي على كلاش سلام كثير وقولوله الملك ومندوب الملك يسلمون عليك و ناوين يزورونك في جده يا مخوف عرابجه جده والمملكه كلها بعد

امانه توصلون سلامي له ترى يعرفني لأننا من اعضاء نادي معجبين كلاش بالكويت , عضويتي ذهبيه بعد , يعطوني بيبسي ابلاش حتى

[Twinked]

يالله حييه يالله حييه,, انت متوكد ان السالفه شذي؟

أكيييييد انت ماسوييت شي؟؟ وكاااااد أنت بريء؟؟ مدري بس بديت أشك فييك قلت يمكن مسوي شي عشان يزود مشاركاته

أعترف أعترف !!!

[Karazhan]

انا بري
وانا المظلوم بعد

مادري اذا تكلمني او لا لكن انا برئ

[لوعةالفرقا]

ولد بطنها اشوفك تربعت على عرش المنتدى :\ المهم باركولي شريت كود8 (مورد ويرفير3) والله فللللله الاون لاين والاتصال ماشاء الله فلل خويي عنده على البلايستيشن يقوللي أغلب الاوقات الاتصال 3 شرطات وجاء يلعب معي على الاكس بوكس يعني شكلنا خلاص راح نبطل واو فتره اطول هع ^^

[Karazhan]

ياحظك

ودي انا مليونير واشتري اسكبكس وبلي ستيشن واشتري العاب اصليه والعب اونلاين

الف الف الف مبروك

ودي رفيجي كلاش واخذ ضرايب من اللي يدخلون جده واشتري فيهم بلي ستيشن

يلا فرجت سمعت ان عندنا واحد بالكويت يغني راب ويتحدى , بعرف منو ويصير رفيجه يمكن يضبطني واخذ ضرايب على اللي يدخلون منطقتي

[Jeremie]

السلام عليكم ................ أزمت ال URL أنا أضيف رقم 2 على طول .طلقنا WOW بالأربع من أسبوعين.ماشين تمام في STAR Wars

[لوعةالفرقا]

ياحظك

ودي انا مليونير واشتري اسكبكس وبلي ستيشن واشتري العاب اصليه والعب اونلاين

الف الف الف مبروك

ودي رفيجي كلاش واخذ ضرايب من اللي يدخلون جده واشتري فيهم بلي ستيشن

يلا فرجت سمعت ان عندنا واحد بالكويت يغني راب ويتحدى , بعرف منو ويصير رفيجه يمكن يضبطني واخذ ضرايب على اللي يدخلون منطقتي

كلنا ودنا نصير مليونيرديه^^ .......... عاد لو اقلك قصة الاكس بوكس يوم شريته اصلا وقتها كان عندي 500 ريال الباقي لعبت على اخواني الصغار ....... وكملتها منهم ونقصت شوية وآخذه من اخوي اصغر مني بس مداوم قلت له لازم تتحمل جزء من المبلغ وهذا الكلام من سنه تقريبا الحين ماحد يلعب فيه غيري ههههههههه ............

اما الشريط سالفته سالفه لي شهر ادوره مستخدم لين ربك ارسلي واحد عن طريق احد المنتديات وقالي عندي الشريط بس فيه شوية مخوش خذه ب100 ريال قلت له تم اهم شيء انه يشتغل هههههههه وفعلا اخذته منه لان سعره مستخدم نظيف بحدود 140-150 ريال .........

بس والله اللعبه حماااااااس انصحكم فيها بالذات نسخة الاكس بوكس عشان (اللاق فيها اقل من السوني)

[Karazhan]

انتوا السعوديين كله تقولون فقاره وكلكم عندكم بيوت في سويسرا

علينا متسلف من اخوانك وسوالف يعني ترى درويش وعلى قد حالي

كل مااشوف فراري او لمبرغيني لازم لوحاتها سعوديه

المهم , انا كانت عندي اسك بوكس القديمه واختربت وقالي المحل قطها ما تتصلح

من يومتها كرهت الاسك بوكس وشريت بلي ستيشن 3 , لعبت فيها ولكن اغلب الوقت قاطها والعب بالكمبيوتر , لعبت اللعبه اللي تلعبها انت بس عالبلي ستيشن و وصلت لفل 17 وطلعت اسلحه وهالسوالف , ولكن مليت لأن الخرايط مكرره و حفظت كل شي لدرجه اني ارمي head shot وانا مغمض

لكن باقي الاجزاء عن طريق الكوبي و الهاردسك ومثل ماانت عارف ماكو اونلاين ولا عندي 20 دينار اشتريها اصليه

امس داق علي مكتب المحامي خالد عبدالجليل يقولي سدد مديونيتك في شركه فيفا لا نحط عليك منع سفر و ضبط واحضار

قلتله فلق محار يالحبيب , تطلع بالتلفزيون وتسوي روحك يعني المحب للشعب الكويتي وان هم الشعب والبلد فوق راسك وانت ساجن نص الشعب

المهم بالنهايه راح ادفع 130 دينار الله لايخسر كنت خاشهم لأغراض البيت والجمعيه , و الباقي بشتري تواير خلفيه للسياره

لكن الظاهر راح ادفع والباقي للجميعه والتواير على الشهر الجاي , اذا مادقوا علي شركات بعد قالوا تعال ادفع

يااخي والله قهر , دافع لها ومكنسلها والحين يقولون ادفع

شافطين فلوسنا صايرين نفس المنشار طالع واكل نازل واكل

[لوعةالفرقا]

طيب خذ المفاجئة انا صحيح اني من الرياض ومولود في الرياض

ولكن ماني سعودي ولا خليجي حتى :\ << صدقت سالفتي الحين ههههههه

[Warchif]

سلااااام
الله يقلع شركة الحجب
حتى مواقع البروكسي حاجبينها خخخخخخخخخ

المهم اخباركم شباب
احس المنتدى ميت لأني محجوب عنكم <--- وده يصدق

وش سالفة الستارووز يقولون مهجده واو صحيح الكلام هذا ؟؟

انا انتهي إشتراكي من اسبوع وماجددت وحسيت نفسي لوح بدون ادنى مشاعر خخخخخخخخ

عطونا اخر الأخبار

وانت ياولد بطنها مستانس بروحك في المنتدى كأنك خاش بيت مهجور وتطقطق على الجن فيه

[Karazhan]

هلا بالتلاميذ

شلونكم وشخباركم

حمدالله على السلامه , شلون التوقيف معاكم ان شاء الله كان خفيف عليكم


بخصوص لعبه ستار وورز , انا شخصيا شفت مقطع واحد يلفل فيه , وماعجبني لأن نفس ووركرافت بالطريقه والمكان عادي صحراء وكهف

لكن عشان اكون صريح ان في مشاركه سابقه تكلمت فيها عن اللعبه قلت ان رفيجي اللي عروقه بالماي قالي ان بدايه الامر ماراح تعجبك لأن تكون في مكان فيه غرف وتحاول تطلع او شي جذي , لكن بعدين تتغير عليك اللعبه وتصير احلى

انا يمكن شفت اول شي وماعجبتني , يعني نفس ووركرافت لما تكون لفل 1 , تكون في اماكن بسيطه تاخذ كويستات وتخلصها , ولكن بعدين لما تصير لفل 20 تشوف مناظر احلى ولما توصل لفل عالي تفتح اللعبه معاك الى ان تصل لفل 60 70 80 85 وتشوف نظام الرايدات والدنجن والامور اللي متعوب عليها

انا قلت نفس نظام ووركرافت لأن كنت حاط في بالي انها بتكون نفس جيلد وور 2 والالعاب الجديده , يعني تعيش القصه من لفل 1 وتاخذ كويستات متعلقه بالقصه , نفس يعني جيلد وور تاخذ كويست وايضا ياخذه معاك لفل عالي لأن الكويستات للكل وليست محصوره للفل معين

يعني بمعنى اخر ان الكويست ماله لفل معين , الكل من لفل 1 الى 85 ياخذه ويستفيد منه

عكس ووركرافت اللي الكويستات مالهم علاقه بالقصه واغلبهم لهم علاقه بصاحب الكويست , يعني مثلا تروح مكان تشوف حقل قمح وعنده رجل واقف , تكلمه يقولك الفئران اذبحوني واكلوا محصولي تكفى يالعتوي اذبحلي 15 فار

عاد انت تفرد طولك وعضلاتك على الفئران وتذبحله 15 فأر وترجع تسلمه الكويست وتاخذ اكس بي

يمكن بعدين يعطونك لقب nightwolf , al3twi يعني اسمي نايت وولف ولقبي العتوي والعتوي مادري اذا تعرفون شنو عتوي , اهو قطو ولكن الذكر مو الانثى , الانثى اسمه قطوه والذكر نسميه عندنا عتوي

او تاخذ لقب مثلا اسمك وبعدين westfall cat ويست فل هذي المدينه اللي جنوب ستورم وند الخاصه للفل 10 وفوق

هذي طريقه كويستات الالعاب القديمه انك تخلص كويستات عشان تلفل بس

المهم انا منتظر اللعبه شوي , لأنها جديده الى الان , فأنا راح اعطيهم مجال يلعبون ويحطون افلام واشوف متى تفتح اللعبه بأي لفل , يعني لفل 20 تبدأ الدراما والامور هذي او نفس ووركرافت الناس لفل لغايه 85 وبعدين تبدأ اللعبه

وبشوف طريقه الدنجن والرايد والجير والاشيفمنت و هل نفس ووركرافت ماتقدر تسوي شي الا مع مجموعه

يااخي والله حرام على بليزرد يسوون جذي

كويست الروج عشان ياخذ الخناجر تدري شنو ؟ اول شي تدخل دراجون سول نورمال وبعدين اول ماتدخل عند البورتال يمين تشوف واحد تاخذ منه كويست وهذا الشخص مايعطي الا الروج كويست

يقولك بالكويست روح لأخر بوس بالاربعه واللي اهي hagara واسرق منها خاتم وتعال

وبعدين عاد تقدر تسوي الكويستات بروح بس هالكويست المشكله لأن لازم رايد معاك , ثاني شي hagara هذي ماتقدر تروح لها الا لما تذبح اول 3 بوسات عشان يطلعلك المونت يوديك فوق وتاخذ البورتال وتروح لها

طاح حظي وانا ادور رايد , اقولهم يا شباب ابي بس واحد saved اول 3 وباقي هاجرا عشان اسرق واعطييييييييييييييييييييييييييييييييه 10 جولد ماكو احد يرد علي

وصلتهم 5 الاف جولد ولا احد رد

يعني ليش بليزرد حاطه الخاتم عند هالبوس يعني ؟

عالاقل الاثول اللي يعطيك الكويست هذا يسوي شي , يعطيني مونت اطير فيه فوق او يعطيني بورتال مو يقطها ويمشي وانا اتصرف