مشكله في عضلة الصدر , الصور تتكلم

[without heart2]

معلومات المتقدم بالاستفسار :
العمر : 22 , الجنس : ذكر

الطول :176 متر
الوزن : 80 كيلوجرام



و الاستفسار كالتالي :
السلام عليكم
لي سنتين العب حديد+مكملات+تغذيه
طبعا لعبت يمكن عند 10 كباتن وغيرت الانظمه الغذائيه ونوعة في التدريب
ولي شهر قال ايش انشف واخذ ليبو سكس بلاك وكلين بترول ومافي شي
اقتنعت ان الخلل مو من الي حولي او مني بل بطبيعة جسمي الخايسه الي بس تشيل دهون
ناس مادخلو النادي ولاتعبو ولامكملات ولانظام اكل واجسامهم ماشالله احلى
انا عندي دهون قليله مترسبه بالبطن والجوانب ولا اجدها مشكله لاني وقت ماحرقها تستجيب
لكن الصدر مجنني تعبت معه جدا ومعاناه شكله متدلي وفيه بروز
بسبب الدهون اسفل الصدر الممتده كأنبوب لتحت الابط
وغير مشدود كأني قاطع 6 شهور حديد ولا عمري قطعت اصلا ولله الحمد وصارلي 3 اسابيع العب كل يوم اوفر و قرص
وللاسف بديت اتحطم عجزت افهم نفسي
مع ان عضلة الصدر قويه واقدر اتحكم فيها بس شكلها قبيح جدا وفيها بروز مو عاجبني ابدن

وفي حلول مبتعد عنها مثل الهرمون او عملية شفط الثدي
هذي الصور وابي حل لها او احد كان يعاني نفس مشكلتي ووجد حل بعيد عن العمليات والهرمونات

[oOhimaOo]

عليكم السلام ورحمة الله وبركاته
لا تحطم نفسك يابطل
المسئله سهله انت وزنك زايد فـ شي طبيعي ان الصدر يكون عندك بهذا الشكل
صدقني انت شد حيلك في تنزيل الوزن بتشوف شي يسرك ولا تنسى ان البطن لو انشد يساعد بصوره غير مباشره في شد الصدر
والجوانب كذلك اذا انشدت بتختفي عندك الدهون اللي اشبه بـ [انبوب] اسفل الابط

والمعذره على القصور

[Booyaka]

يالغالي انت حط هدف بالاول وماراح تتخلى عنه لو شنو ماصار أوكي هذا هو الاساس نأتي للخطوة اللي بعدها
سنتين تمرين و10 كباتن ماقدرو يحلون مشكلتك غريبة والله ..كباتن أي كلام

عموما ، واضح من جسمك أنك كنت أسمن من كذا خلال هذه السنتين وانت قاعد تنحف فالصدر صار فيه تدلي
انا انصحك بالدايت ـ تركز على اكلك بشكل كبير تبتعد عن الدهون والكاربوهيدرات و الاطعمة اللي فيها سعرات حرارية عالية
ونأتي للتمرين ركز على الكارديو ساعة كل يوم وجرب تلعب قفز الحبل فهو تمرين يحرق الدهون بكل مناطق الجسم
وخذ خلال هذه الفترة الشاي الاخضر فهو يحرق الدهون كذلك

[without heart2]

يعطيكم العافيه ماقصرتو
بس ماكنت سمين اول مره كنت عادي وكان وزني اول مالعبت حديد 70
بس الظاهر ان المكملات وكثر اكل البروتين اثر علي بشكل سلبي لاني ماكنت العب صحيح وما احرقها صحيح
وبصراحه خايف اتجه للكاريدو والريجيم واخسر الي بنيته
هل اترك اوزان الصدر او اخسرها مقابل التكرار علشان احرقها والعب كل يوم كارديو
بنسبه لي مو مشكله بس الاكل هو المشكله لاني لو ما اكلت بروتين بيضيع الي سويته وماراح يجين بور كل اوزاني بتتراجع

[shombeh]

اخوي انت محتاج شوية تخسيس يعني نزل 15 كيلو وعقب ادخل حديد يعني العب كارديو وجري
تحياتي

[m3az`]

على ما اعتقد هذا نفس مشكلتك كان \طبعا
الصور تتكلم
http://bodyspace.bodybuilding.com/AntWrig/more.php?section=progresspics

الان شوف جسمه ماشاء الله وشوف التغير الي صار

وهذا مو بيوم وليلة هذا على مدار 3 سنوات

[without heart2]

على ما اعتقد هذا نفس مشكلتك كان \طبعا
الصور تتكلم
http://bodyspace.bodybuilding.com/AntWrig/more.php?section=progresspics

الان شوف جسمه ماشاء الله وشوف التغير الي صار

وهذا مو بيوم وليلة هذا على مدار 3 سنوات

محجوب يابعد قلبي بسعوديه ياليت تشوف لنا حل عشان افتح الصفحه

[without heart2]

فتحته جزاك الله خير

[without heart2]

طيب شف الموضوع ممتاز بس مدري كيف مو مكتوب لا نظام اكل ولا تمارين بس حاط تطوراتها نوعا ما غير مفيد
مشكور اخوي

[m3az`]

http://www.google.co.il/#hl=en&pwst=...w=1599&bih=767

[برانش وارن]

انا اشوف انك تروح تكشف عند طبيب لكي يحدد البروز اللي عندك هل هو دهون عادية ممكن تروح مع الدايت والتمارين
او يكون عندك جاينو تحتاج لجراحة

[071071]

اول شي يابطل ابيك تقول الحمد الله على الصحة والعافية ... ولا تتذمر وتقول (هذي طبيعة جسمي الخايسة ) هذا ربك اللي عطاك اياه - ماحبيتك تتذمر -

شف يابعد قلبي أنت ماعندك مشكلة ابداااا ابدااااااااااا ابداااااااااااااااااا ولكن يمكن المشكلة الوحيدة ان جسمك من النوع اللي يخزن الدهون .

تعال معي واسمعني : بيني وبينك وانا قاعد اقرا موضوعك وبيدي تفاحه خضراء قاعد اكلها ( لاني جالس أنشف هههههه ) وجالس اشوف صور جسمك واتذكر كلااااامك استنتجت التالي :
انت كنت تلعب من سنتين وكنت تاخذ مكملات وبروتينات و..و..و .... الخ عشان تبني عضل وجسم حلوو وافكرت تنشف واخذت ليبو سكس وكلين بترول ومادري أيش وماتغير جسمك ( مكانك سررررر ) والدهون متراكمة تحت الابط والصدر متدلي و...... المهم كل مره تروح لمدرب ويقولك كلام وتروح لثاني والثالث وكل واحد يعطيك رايه وشتت ويمكن كل مره تتحطم اكثر من قبل هذا ملخص ما استنتجته منك .

تبي حل تعال :

أولا :لازم تحدد لك هدف واحدددد بسسسسسسس - يا انك تحرق الدهون المتراكمة ويحلو جسمك او انك تستمر وتقول ما ابي اخسر عضل ومادري ايش ولا أبغى اوزاني تنزل وبكذا راح تستمر على وضعك وماراح تتغير .

ثانيا : انا رايي لك ونصيحيني جسمك يحتاج تنزل الدهون المتراكمة وتدخل برنامج تنشيف اليوم قبل بكرا .

ثالثا : عشان تستفيد من التنشيف ابي منك التالي ( العزيمة - الاصرار على الوصول للهدف - الاكمال الى اخر المشوار بدون ماتتحطم )

رابعا : اخوي اللي بيحرق لك الدهون لا ليبو سكس ولا كلين بترول ولا مادري ايش هذول منتجات تساااااااعد على الحرق ولكن ليس هي الاساس .. الاساس هو انك تسوي لك برنامج عذائي محترم وتنسى شي أسمه حوارق دهون وتجلس لمدة شهر ونص على البرنامج هذا وبعدها ابيك تفكر تضيف منتج حارق دهون زي ما انا قاعد اسوي والحمد الله النتايج مرضية .

خامسا : ابيك تدخل الصالة وهدفك تحرق هالدهون وتبتعد عن الجلسات والمواضيع الجانبية مع الشباب في الصالة .. لما تخلص من تمرينك

سادسا : ابي منك ساعة وربع إلى ساعة ونص في النادي او الصالة وجدول تمرينك يتضمن التالي ( كارديو - جري سير 15 دقيقة .. هرولة وليس مشي عادي ) ( بعدها تدخل الحديد لمدة
45 دقيقة وتلعب عضلتين مثلا صدر وباي - ظهر وتراي باوزان خفيفة الا متوسطة بحيث هذي الاوزان تاخذ من مجهودك وبتكرارات 12- 10 عدادات ) ( وبعدها دارجة أو مشي عادي أو تلعب بطن لمدة 15 دقيقة ) انتهى تمرينك ....... وتذكر ابتعد عن التوقفات الجانبية والسواليف .

سابعا : ركز بالوجبات اللي بعد تمرينك لانك ماراح تحرقها .

ثامنا : لو ركزت ببرنامج شبه معدوم من الدهون وليس قليلة الدهون ابي شبه معدووم الدهون - ألا بعض الايام تخربها مو مشكلة + تمرين جاااامد زي ماقلت + عزيمة واصرار بتوصل للهدف وبراحة عاد ذيك الساعة تبدا بداية صح وتجلس تفكر تقسم جسمك وتبرز عضلاتك وتضخمها بطريقة ذكية تكسب منها عضل صافي .

تاسعا : هذا موضوع لي عن تجربتي بالتنشيف ان شالله يفيدك


إذا بتسوي تنشيف - تعال معي تفضل


أتمنى انك تقيمني يابطل وتسويلي شكر سلااااااااااااام

++++ دمت بصحة وعافية +++

[without heart2]

مشكورين اخواني

071071 يعطيك الف عافيه بصراحه فهمك 100 بالميه للموضوع وهذا الامر الواقع اني احرق هالدهون لو ارجع بالحديد لصفر مع انه شيئ مؤلم بس لابد منه الحين انا داخل موضوعك بقراه وارجع واقول مشكور وماقصرت بارك الله فيك

[071071]

مشكورين اخواني

071071 يعطيك الف عافيه بصراحه فهمك 100 بالميه للموضوع وهذا الامر الواقع اني احرق هالدهون لو ارجع بالحديد لصفر مع انه شيئ مؤلم بس لابد منه الحين انا داخل موضوعك بقراه وارجع واقول مشكور وماقصرت بارك الله فيك

حبيب قلبي لا تتخيل أنك اذا نشفت بروح عضلاتك وانك بتصير نحيف وشكلك معصقل ومادري ايش بالعكس المشكلة هذا تصور كثير من الشباب اسمعني انت اوزنها بطريقة صححح يعني فيه فرق واحد يسوي رجيم قاسي عشانه سمين وعنه كرش وفرق انك انت الحين تبي تحرق دهون بحيث يكون عندك برنامج غذائي بعيد عن الدهون والكارب الزايد .. لي عودة للموضوع لكن بعد ماتشوف ردك

سلاااااااااااااام ياكابتن ..

[without heart2]

يعطيك العافيه وابي رايك
هذا نظامي الجديد
قبل التمرين اعمل رياضة الجري وبعد التمرين 100 بطن علوي و50 سفلي و150/200 جوانب
نظامي الغذائي كتالي
الافطار حبتين ليبو سكس بلاك بعدها كوب شاي اخضر مع توست بر وجبن منزوع الدسم وموزه 2امينو 3000
الغداء كباب دجاج او ستيك دجاج مع كوب لبن منزوع الدسم مع تمر او موز 2امينو 3000
قبل التمرين 2ليبو+2كلين+2امينو
-----------تمرين----------
بعد التمرين سكوب بروتين ايزو 100 مع حليب منزوع الدسم وموزه
العشاء علبة تونه صغيره مع ليمون
قبل النوم سكوب بروتين+2امينو

بنتظارك