مرحبا يا أبطال ..
في هاذا الموضوع حبيت أنقل لك تجربتني الخاصة الي زي ما تقولو اخترعت فيها أشياء بناء على خبرتي
المتواضعة في منتجات بناء الأجسام ... نبدأ بسم الله :
المنتج الأول ( وهوا المنتج الي أبغا افيدكم فيه في المقام الأول من هاذا الموضوع ) وهوا :
USP LABS POWER FULL
http://www.prohormoneforum.com/store/media/catalog/product/cache/1/image/265x265/9df78eab33525d08d6e5fb8d27136e95/u/s/usp-labs-powerfull.png
+ نبذة عن المنتج //
هوا عبارة عن محفز تسترون شأنو شأن اي منتج منافس له مثل ( أنمل تست – وأنمال ستاك )
فا بما اني جربت أغلب محفزات التسترون في السوق فا صراحه وجدت أنو المنتج ذا هوا أفضل منتج
مشي معايا طول فترة أستخدامي له . والحلو في الموضوع انو تاخدو قبل وقت النوم بحيث لما تنام العضلات في أنحاء الجسم
تبدأ في بناء نفسها الا وهيا فترة الراحه والبناء العضلي ( عشان كده يقولك نام نوم كافي لو تبغا تبني عضل ) . فا المنتج ذا
يزيد من ضخ التستيرون في الجسم وطبعا كلنا عارفين اش هوا التستيرون وأهميتو في بناء العضلات .
وأزيدكم من الشعر بيت المنتج دا 2 في واحد ( يساعد في ضخ التستيرون + يساعد في النوم العميق ) .
+ طريقة الإستعمال //
تاخد من حبة الى 3 حبات قبل النوم مباشرة .. لكن انا عن نفسي بديت كده :
أول 3 ليالي : حبة وحده
ثاني 3 ليالي : حبتين
اليلة السابعة الى نهاية العلبة : 3 حبات
+ السلبيات //
- لما تصحى من النوم تحس فمك ناشف
- جوع جوع جوع فا اشرب 2 سكوب بروتين لو تحب او كل اكل صحي وكثر منو زي السلطه
== النتيجة :
رائــــــــــــــــــــــــــــــــــــــــــــــــــعة صراحة وزيادة في نسبة العضل وثبات في نسبة الفات وزيادة في الوزن ( عضل صافي )
صراحه المنتج رائع بمعنى الكلمة .
@@@@@@@@@@@
كده خلصنا من المنتج الجميل دا والأن حقولكم تجربتي الي انا الفتها من راسي وجابت نتجيه جدا حلوة صراحه ... وهيا
اني بعد ما خلصت من استعمال المنتج الي فوق رحيت 7 ايام بالزبط واخدت منتج أنمال المعروف
ANIMAL M-stak
http://www.kfd.pl/uploads/post-89061-1222964228.jpg
انا سبق واستعملت أم ستاك قبل مده لكن الحق يقال لما استخدمتو بعد المحفز التستروني الي كتبت عنو في فوق .. فرق بمعنى الكلمة .
يعني منجد حسيت المنتج الأول عمل زي الدفعة عشان أم ستاك يشتغل بأقصى طاقتو ويا شباب نحت جسمي نحت الأم ستاك المره دي وأبرز العضلات بشكل ملاحظ من قبل الكـــــــــــل .
@@@@@@@@@@@
الخلاصة :
- أستخدمت منتج USP LABS POWER FULL لمده شهر ( نفخني عضل )
- أستخدمت منتج ANIMAL M-STACK بعد اسبوع راحه ( نحت جسمي )
- الأكل : كان عبارة عن دايت بروتيني ( وعاد ما تفرق اش تاخد نوع بروتين كل واحد حسب الي يحبو )
- أمينو 2222 سوفت جل مجموع الجرعة في اليوم 12 حبة
- ما أستخدمت ولا اي منتج بمب نظرا لقوه المنتجين .
تحذ يــــــــــــــــــــــــــــــــــــــــــــر !!!!!!!!!!!! :
1- المنتج USP LABS POWER FULL لايتناسب مع العمر اقل من 21 سنة لقوته.
2- الكورس الي ذكرتو لكم ( من دمج المنتجين مع بعض ) لا يتناسب مع الي مالهم خبرة في محفزات التسترون .
3- لو حسيت بأي دوخة او اعراض مثل زيادة خفقان القلب من استخدامك ل USP LABS POWER FULL
وقفوا على طول بكده تعرف انو لا يتناسب مع جسمك او انو قوي على طبيعة جسمك .
تحياتي للجميع وأي إستفسار انا جاهز جدا ....
قريبا صور لكل كورس استخدمتو
المشاركة الأصلية كتبت بواسطة عاشق الضخامة
