قهوة WoW .. :P

[Warchif]

فيه جوايز طال عمرك ياولد بطنها والا اكو بس ثقافه عامه
مابي اتعب بحث ودواره في النت والمنتديات واخرتها شاطر ونجمتين
لا ياحبيبي
الكلام هذا مايمشي معي
لازم تدفع قيمة التعب حق الدوار والبحث والبنزين وطبعا حق القهوه والشاي والزقارات الالكترونيه والكهربائية
كل شئ كل شئ
الدعوه ماهي بفوضى
لالالالا
لازم تجهز كاشك وتسوي جايزه آآآد(قد) الدنيا

[لوعةالفرقا]

انا مع وارشيف

[Karazhan]

لا مابيك تبحث في جوجل ولا اي مكان

ابي انت تفكر وتقولي


وتبون جوائز بعد و دفع

انتوا ماتشغلون مخكم الا بالدفع ؟ لازم نتعه 4 يذزونكم عشان تشغلون السياره , بس لازم جير عادي


شغلوا مخكم ابلاش , وفكروا شلون طلعوا معاهم ذهب و صنع لهم السامري العجل

بدون دفع و بدون جوائز و بدون جوجل و بدون مصادر خارجيه , تروح مكتبه وتشتري 10 الاف كتاب وتبحث , ولا اظن راح تحصل لأن مااظن ان في ناس تكلموا عن هالشي

انتوا فكروا و قولولي وبشوف النتيجه


يمكن افكر اعطي 50 جولد للي يجاوب , بس بشرط تكون في سيرفر تويلايت همر او نسيت الثاني , اي ستورم بكال او سكال او شي جذي , هورد

اذا مو بالسيرفرين هذي انقل عندي واخذ ال50 جولد جائزتك


يلا غلام فكر فكر زين غلام

[Karazhan]

اليوم رحت ادق فيزا حق هنديه , يوم اني خلصت منهم الساعه يمكن 10 الصبح او 9 بالليل

اكيد 9 الصبح لا تقفلون معاي , الساعه 9 او 10 مااذكر لكن الصبح , رحت خدمه المواطن بالرميثيه و خلصت شغلي , وانا داخل اشوف لوحات ممنوع التدخين وانا ماسك جاليلو واشرب على كيفي , الجو مافي دخان زقاير داخل فترتاح نفسيا

المهم كل شخص يبي يدخن يطلع بره , اما انا قاعد بالمكيف واشربها

المهم يوم خلصت , قلت خلني امر المباحث الجنائيه اشوف رخصتي شنو صار عليها , طبعا انتوا نسيتوا السالفه الحين , انا من زمان قلت اني مقدم على رخصه

المهم دخلت المبنى وسألت العلاقات العامه وين استلم رخصه سلاح ؟ قالي المكتب اللي بالزاويه

رحت وله واحد قاعد على مكتب وعنده فايل صغير قلتله خالي بسأل عن رخصه مقدم عليها من شهر 9 اللي فات

قال تسأل عن أمر الشراء ؟ قلت اي انا مسوي فحص و كل شي وسلمت الاوراق و قالولي ندق عليك والحين شهر 4 والسالفه من شهر 9 , شهر 9 موسم الحمام وراح علي , شهر 10 موسم الفري وراح علي , شهر 11 موسم الحبارى وراح علي

شهر 12 و 1 و 2 و 3 اما القطا والدحروج والكروان وغيرهم من الطيور , والحين شهر 4 حمام البر و الظاهر يبي يروح علي

قالي شسمك ؟

قلت فهد بغيت اقوله ولدبطنها مندوب الملك قدس سره ولد بطنها الاصلي دام ظله اللي عروقه بالماي , بس استحيت

المهم فتح الفايل وقعد يبحث ويبحث , كله اوامر شراء الفايل هذا , وانا اقول بقلبي يلا قول اسمي

بالنهايه ما قال اسمي

عادي هذا حظي يعني متعود عالوضع

قالي مرنا اول شهر 5 وان شاء الله تطلع

شكلهم راح يطلعولي الرخصه مو في موسم الطيور

اعتقد انهم راح يعطوني امر الشراء في موسم الضبان , شهر 7 و راح اقزرها ضبان و اصور و احط الطبخه هني تشوفونها

طبعا وخصوصا اهل السعوديه , راح يقولون وع شنو هذا تاكل ضب , ويسوون نفسهم كشخه و اهل فرايديز و ابل بيز

واهو لما يشوف الضب بالجدر المضغوط مايمسك نفسه

المهم , انا بنطر اول شهر 5 واشوف , ولو اني متأكد ان ماراح تخلص

و متأكد ان اوراقي ضاعت , سمعت والله اعلم ان الواسطه اللي طلعلي اوراق الفحص كان مطلع ل4 غيري بعد

سمعت مو اكيد ان كلهم طلعوا اوامر الشراء و راحوا شروا الاسلحه وخلصوا من زمان

الا انا

[Karazhan]

السلام عليكم

هذا الشخص توه ساكن الرياض وارسلي رساله يقول انه من عرعر و سكن الرياض ويبحث عن اصدقاء جدد

اعمارهم من 17 سنه الى 29 سنه




ملاحظه : الاخ عربجي مشهور بعرعر و تم نفيه الى الرياض بسبب مشاكل يقول انه ماله شغل فيها وانه مظلوم

[Karazhan]

يا شباب انا طلع اسمي مرشح للرقابه في منتداي الثاني و ابي مندوب للمنتدى هذا يقوم بالامر بغيابي

منو يصير مندوبي هني ؟

[Jeremie]

شوفو شلون الخيانه مع منتدى ثاني ... مسوي أزمه وأوسمه واخرتها منتدى ثاني........... يوشي عطني أوسمته.

[Jeremie]

أمس رجعت واو بعد أنقطاع شهور عنها.. وعلى طول خشيت رايد الشباب يقلون لي ويلكم باك و ثواني سبه على الطاير مأمداك...... في نص الرايد طلعت...... صارت اللعبه عندي مثل كلمت نوال الكويتيه ....( حبك أصبح شي عادي , ماله تأثير بفؤادي )..... مأحس بالريد خير شر بس ضغط..... الهيلينج سهل مقارنه بستار والبزران موجودين واحد لابس 397 ويسوي نيد على 384 .. ... من جد الريدات سهله على الأخر...... ديث وينق أسهل من SOA و Karagga's ...


الله يعين شكلها ستار بتلحقها بعد كم توسعه..... فهد لا تعلق على ريدات ستار لأنك ماشفتهم.......

[Yoshi]

اقول ولد بطونها
قبل كم يوم مت ضحك تدري من لقيت online ؟؟

حبيبكـ بوحه هههههههههههههههههه شكله اشتاق لك لوووول

وش تتوقع كان عندهـ ؟

[Warchif]

ولد بطنها
هالعربجي اعرفه من يومه صغير كنا نفر في الحواري مع بعض ايام المصبنجيه والكور المسطحه
بس جاه توقيف بن حرام وانسجن فتره طويله ونسيته والحين تذكرته من شفت صورته اللي حاطها

جيرمي
ياخي واو ماتت خلاص لا تتعب روحك
امس جايب الرانك 54 والهيلت الحين داق 15300 جبت قطع حلوه والوضع اكثر من حلو في pvp
مستعد احلف لك اني صرت اجيب واريورات لابسين كم قطعه باتل ماستر
بس اللي يتعب البونتي هيلر ومثله التروبر الهيلر
يرفعون الضغط مثل هيلرات واو اذا مامعك 2 او 3 يذبحونه انسى تجيبه الا بعد شق الروح والنفس والجسد
خلصت الديلي والويكلي كله باقي ابو 150 فايت الحين 111 خخخخخ وشكلي ياليوم يابكره مخلص الكويست ده

[Karazhan]

أمس رجعت واو بعد أنقطاع شهور عنها.. وعلى طول خشيت رايد الشباب يقلون لي ويلكم باك و ثواني سبه على الطاير مأمداك...... في نص الرايد طلعت...... صارت اللعبه عندي مثل كلمت نوال الكويتيه ....( حبك أصبح شي عادي , ماله تأثير بفؤادي )..... مأحس بالريد خير شر بس ضغط..... الهيلينج سهل مقارنه بستار والبزران موجودين واحد لابس 397 ويسوي نيد على 384 .. ... من جد الريدات سهله على الأخر...... ديث وينق أسهل من SOA و Karagga's ...


الله يعين شكلها ستار بتلحقها بعد كم توسعه..... فهد لا تعلق على ريدات ستار لأنك ماشفتهم.......

ياشيخ مافتحت حلقي

شفيك تحارشني


انا في منتدى ثاني من سنه 2002 معاهم , يعني قبل هالمنتدى واليوم حطوني مرشح للرقابه مع ان مشاركاتي 50 , حاليا وصلت يمكن 60

بس من 50 قالوا نبي نرشحك و فعلا رشحوني وكتبوا تحت اسمي مرشح للرقابه على قسم الاخبار و تغير لون اسمي

ب50 مشاركه فقط



هني 2500 مشاركه + هوشه = حصلت على اوسمتي

طبعا النك يصير لونه ذهبي هذا لازم تكون محبوب من الكل او تقص عالاداره تقولهم بصير مراقب ولما تصير مراقب تقولهم خلاص هونت او امي تضربني كل يوم عشان ادخل النت كثير و لازم اقلل و من هذا المنطلق انا ابي اعتزل

راح ينزلونك من الرقابه ويعطونك نك ذهبي

مو هذا الواقع ؟ هل انا اتكلم من فراغ ؟

هل كلامي في شي غلط ؟

ماكو شي غلط , هذا الحاصل

من هذا المنطلق , كل منتديات العالم , تحسب الاوسمه او النجوم حسب مشاركتك , و التعريف تحت اسمك يتغير اوتوماتيك


مثلا , لما تكون مشاركاتك تحت ال 50 يكون تحت اسمك مكتوب عضو جديد

لما تكون مشاركاتك فوق ال50 يتغير المسمى ويصير عضو نشيط

بعدين كل ما تزيد مشاركاتك يتغير المسمى , من نشيط الى ذهبي الى ماسي الى مادري شنو

يعني تماتيك بدون تقط وجهك على المراقب يغير الاسم

والنجوم او الاوسمه تاخذهم نفس الشي بعدد المشاركات


هني العكس , هني مشاركه وحده و 10 الاف مشاركه اثنينكم اعضاء بسطاء

يعني شوف تحت اسمي شنو مكتوب ؟ مكتوب عضو

مشاركاتي فوق ال2700

انت مشاركاتك 400 وشوي ونفسي عضو

ماكو نجوم تحت اسمي ولا في اوسمه او اي شي يثبت ان عدد المشاركات صحيحه مو دافع اشتراك المراقب انترنت و معطيني 1000 مشاركه اكشخ فيهم

عرفت ابوي

هناك مايخلوني اسوي هوشه عشان اوسمه , اكتب اكثر تاخذ نجوم اكثر , النجوم نفس الاوسمه



فوق هذا سالفه الشكر

هني الواحد يكتب موضوع يعطونه شكر على موضوعه

يجي واحد يصحح معلومات صاحب الموضوع ويستحق الشكر لكن محد يعطيه شكر الا المراقبين فقط , وتعال شوف المراقب اللي يتنزل ويعطي شكر

هناك لأ

ماكو سالفه انك تكتب موضوع وتبي الناس تناقشك بموضوعك ولما تدخل ثاني يوم تشوف 10 الاف رد , كلهم يشكرونك على موضوعك , تقول ياجماعه تكلمنوا مو تصيرون بوتات شكر

هناك مافي جذي , بعد الباتش الجديد صار الشكر لكل الناس وبكل المواضيع والردود

يعني اكتب رد انا الحين بالموضوع هذا وانت تشوف تحت يمين تقييم , تضغط عليها يقولك تبي تشكر الشخص هذا , ويحطون اختيارين

الاول ان المشاركه مفيده وتستاهل الشكر
الثاني ان المشاركه سيئه ولا تحتاج شكر و تبي تبليغ

وتحت مستطيل تكتب فيه كلام

يعني تكتب كلام تشكر فيه صاحب الرد على كلامه او تحط اسمك عشان يعرف انك انت اللي شكرته

يعني قضوا على سالفه الشكر بالمواضيع و تصير 100 صفحه للموضوع كلهم شكر

هني وبصراحه حارمين العضو من كل شي , يعني لا نجوم ولا شكر ولا اوسمه الا بطلعه الروح

طبعا المراقبين مالهم خلق يفرون على مشاركات العالم ويعطونهم شكر , الموضوع متروك للأعضاء نفسهم , اذا الموضوع عجب احد الاعضاء يشكر صاحب الموضوع او صاحب الرد وخلاص

تاخذ نجوم او نفس ماتقول هني نقاط تقييم من خلال مشاركاتك , والمسمى يتغير كل ما زادت مشاركاتك

احنا مرتاحين والمشرفين مرتاحين


انا كنت اقول الحكومه عندنا ماتعطي شي الا بطلعه الروح

تصدق توني عرفت ان الحكومه ماقصرت و من اطيب الحكومات بالعالم , لما شفت ان الحكومه بالمنتدى ماتعطي شي الا بطلعه الروح

مع ان ما يأثر على ميزانيتها بس البخل استفحل على مجتمعاتنا


طبعا في مشرف او مشرفه ماادري واحد او وحده ولا يهمني اعرف بعد اسمه اكيودو او شي جذي

هذا الشخص او المشرف حاقد علي مادري ليش , مع اني مااذكر اني حارشته او تكلمت معاه

ماادري يتلزق فيني ويعني شوفوني ترى اعرف ولد بطنها

او يبي يكسر عيني امام الناس عشان يذلني ويبيني اترجاه يعفي عني ويتركني بحالي

يعني لدرجه ان وصلت فيه الوقاحه

شوف الوقاحه وصلت ان يتتبع مشاركاتي ويمسحها او يعدل فيها

اكثر من 5 مشاركات تم مسحها , غير التعديل طبعا

لدرجه اني قعدت اصور ردودي عشان ان عدل فيها اشوف الصوره والتعديل واشوف شنو مسح فيها

طلع يمسح كلام ماله معنى

يعني مثلا كتبت مشاركه و كتبت سطر اقول فيه "ياحبي لكم يالكويته"

تصدق انه مسح الجمله بس , ترك المشاركه كلها ومسح هذي بس يبي يوري الناس اني قاعد اعدل مشاركات ولد بطنها واني امون عليه او شوفوني ترى مااغشمر وماعندي رحمه و امسح واعدل مشاركاته لو مهما كان

استح على وجهك خلي في وجهك حيا مالت عليك

دازلي رساله خاصه يقولي تكلم عدل عشان ما اعطيك توقيف

هذا اللي ناقص والله

هذا اللي ينقصني هالاشكال تعطيني توقيف , المشكله ان صار الاشراف بيد البنات + والجهال

كل واحد فيهم يبي يفرد عضلاته , كل واحد يبي يصعد على حساب غيره

كل واحد فيهم يبي يخلي الناس تشوف انه انسان ناجح بعمله وادارته , واهو مايدري ان فاشل , لكن الثقه العمياء والغرور اهو اللي يخليه يشوف نفسه فوق الكل

اخرتها معطيني او عطتني نقاط مخالفه و تقول ماراح تدخل المنتدى مره ثانيه

كلش انا الحين ادخل عشانج مالت عليج وعلى الساعه اللي شفتج فيها

[Jeremie]

جيرمي
ياخي واو ماتت خلاص لا تتعب روحك
امس جايب الرانك 54 والهيلت الحين داق 15300 جبت قطع حلوه والوضع اكثر من حلو في pvp
مستعد احلف لك اني صرت اجيب واريورات لابسين كم قطعه باتل ماستر
بس اللي يتعب البونتي هيلر ومثله التروبر الهيلر
يرفعون الضغط مثل هيلرات واو اذا مامعك 2 او 3 يذبحونه انسى تجيبه الا بعد شق الروح والنفس والجسد
خلصت الديلي والويكلي كله باقي ابو 150 فايت الحين 111 خخخخخ وشكلي ياليوم يابكره مخلص الكويست ده

وينك أول قايل لك أصبر شد شوي لا تستسلم ..........

تدري مين يجنني.. الأوبريتف هيلر......فيه سبيل هيل تستدعي ربوت كبير يهيلك أنتستنت كاست إسمه Surgical Probe علشان تستخدمه لازم تكون عليك البفه إلي تشبه الهولي باور.... طبعاً لما يكون ال HP عندك 30% و تحت وتستخدم هل السبيل بيعطيك بفه ثانيه ويستخدمه وتضربه وأقعد معاه .. تضربه وتنقصه 30% وتشتغل وكريت إلى 5k قدرت اكيت ناس بهل السبيل لين تشغل ال CD's عندي. ولما يدبس يصك خشمك بكريت يجيبك فيه.. غير أن الMedic Oper موبايليتي هيلر يهيل نفسه وهو ماشي ولا تقدر تسوي له إنتربت لكل السبيلات عنده .. علشان كذا لازم التيم إلي بيكون ضدك يسوون مارك عليك.... لا تهدونه... كل مازاد الأوبريتف بالفريق زادت فرص الفوز وعند الريببك التروبر كومندوز.

الله يعين موصل رانك 42 مشوار على ال60 ..... تقدر تشتري الماونت لما توصل 60.

وبعدين وش صار معاك لما شغلت البرنامج..... انا أمس النت لا تعليق... الكابينه عند الباب وسيراتهم تارسه الشارع.... بصور اليوم وبرفع الصور, وأخرتها النت زفت.
تدفع مبلغ وقدرة ولم ينجح احد ويقلون لك احمد ربك رخيص....

[Jeremie]

ياشيخ مافتحت حلقي

شفيك تحارشني

كنت رايح أسوي شغله بالمكتب وبرجع حسيت أني بطول قلت خلني أرد عليك رد مسبق... بس زين مسكت نفسك.... قول لي أنك ماراح ترد إذا أنا ماكتبت لك الجمل السابقه..

لولاكي.

[Karazhan]

بوحا يدخل بين فتره وفتره

عنده اسم ثاني يدخل فيه بشكل منتظم لكن يدخل في بوحا عشان يشوف الرسايل

ودي احط رسايله الخاصه بس اخاف يزعل هههه

عموما مشاركتي اللي فوق راح تمسح وراح اخذ توقيف

لأن هذي مشكله الاداره

عندهم المشرف ملاك والعضو طرطور

اي شي يسويه المشرف يكون صحيح 100% و اي شي يسويه العضو غلط 100%

يعني مشكله الاداره واللي انا اطالب انهم ينزلون 70% من مراقبين المنتدى انهم ماينظرون للعضو

اهم شي المشرف يعطيهم اهم المستجدات وخلاص , مايشوفون الوضع ويفترون بالاقسام يبحثون عن خلل او ظلم المشرفين ضد الاعضاء

اي عضو يقول كلمه تعجب الناس كلهم ولكن ماتعجب المشرف يمسحون مشاركته و يحكونه توقيف من اللي يحبه قلبك

في احد من الاداره يقول للمشرف ليش عملت جذي ؟

لا مايسألون

كلن في فلك يسبحون


كل واحد مايدري عن الثاني , كل قسم عباره عن مملكه المشرف , يحذف ويطرد ويعدل ولا حسيب او رقيب


طبعا مو الكل , مو كل المراقبين ولكن في مجموعه المشكله انهم متواجدين بشكل يومي

اهو المراقبين القدامى طفشوا من شويه وكل يوم تشوف استقاله

كل من هؤلاء الاطفال اللي مسكوا مناصب وصاروا يلعبون على كيفهم بدون ما يتكلمون , كل واحد راص نفسه كأنه الحمل الوديع واهو لاعب لعب بقسمه مو مخلي احد يتنسم

كم شكوى طلعت على مشرف و مراقب ؟ ولا شكوى

شالمنتدى اللي ماعليهم مشاكل مشرفينه

لأن كل شكوى تمسح , اكتب شكوى وشوف متى يجيك الرد

تقول بليزرد تفتح تكت تنطر 3 ايام ؟ هني تنطر 3 سنين

ماكو حركه نهائيا ولا في احد يلتفت للأمور هذي , الكل مهتم بمملكته ولا له شغل بقسم المشاكل والاستفسارات الخاصه للأعضاء

طااااااااف ولا تفكر يعطونك وجه

هذي مشكله كبيره يمكن انتوا مو حاسين فيها , لكن اذا انت ماعندك مشكله في ناس عندهم مشاكل يبون حلول لها , مايصير يطنشونه جذي

وكل قسم فيه مراقبين مالهم شغل بأحد غير انفسهم , المهم اني اكون مراقب واكشخ باللون والاوسمه اللي اعطيها نفسي

بتقول انا عندي اوسمه ؟ انا اخذتهم بذراعي ما ترجيت مراقب يعطيني او سويت نفسي فداوي عشان يضبطني بأي دفعه اوسمه , اخذهم بذراعي ومجهودي بالقسم

اما يجي واحد يقيم مشاركاته ويعطي نفسه اوسمه ويقعد مع 5 اعضاء يعرفهم و جايزيله بالسوالف و باقي الاعضاء صفر عالشمال

عارفين هالحركات كلها ترى

انا عضو بمنتديات من قبل لا يخط شاربك وقبل لا تطلع من بيتكم وانا اشارك واعرف كل شي عن المنتديات وصرت اداري وعملت هذا كله واعترف اني قيمت نفسي و عطيت نفسي اوسمه و خليت عدد مشاركاتي 50 الف مشاركه

يعني لا تقص علي وتقول انا مهتم بالناس كلها , انت مو مهتم الا بنفسك و اوسمتك و تمسكك بالاشراف ما ودك احد يشتكي عليك عشان ماتشيلك الاداره من المنصب

عشان جذي تحذف اي مشاركه فيها ضرر لك و تترك مشاركات الناس اللي تطلب مساعده بقسم الاستفسارات , مااقصد قسم استفسارات ووركرافت , اقصد القسم مال الشكاوي والاستفسارات الخاصه للمنتدى كله

انا كتبت هناك ولا حصلت رد الى اليوم

غيري كم واحد ماحصل رد

15 واحد موجود بالمنتدى قبل شوي ما سألت نفسك ليش ؟

قبل كان العدد 600 عضو وقت الفجر موجود , الحين ادخل بعض المرات اشوف احنا 4 اعضاء بس

تدري ليش ؟

مو سوء الاداره و جشع المراقبين






بالنهايه لا تمسح مشاركاتي و ابي الناس كلها تشوف سوء تصرفك مع الناس و تحذف كل مشاركه ماتعجبك او تدينك على سوء ادارتك


انا مااقصد يوشي ترى

اقصد بعض المشرفين منهم اكيودو او مادري شنو اسمه

اهو او اهي وغيره ويعرف نفسه الثاني والثالث تفنش من الاشراف غصب مو طيب ونزل الحين صار ذهبي و بطل يدخل المنتدى

وانا او انت بالمنتدى

[Jeremie]

فهد كنت أشتغل شغل مو طبيعي عن 4-5 ودوال سبيك بعد ومع ذالك كلمه شكره ماعمري سمعتها كنت أخر واحد يقدر يستأذن , ياخذ إجازه .والكل نفسي نفسي. علشان كذا ماتشوفني إلا الحين أشارك أول مأقدر أحك شعر راسي....... ومع ذاللك مقصر بعملي..... ورئيسي السابق الله يذكره بالخير.... كان يجي يقول لي بخصم عليك ....كانت موصله معاي حدها وقلت له كلمتي المؤثوره

إذا لي شي ولا أخذته , بأخذه بالقبر..... وبعدها ولا عمري سمعته يقول بخصم عليك...

فهد لا تعور قلبك وحط هذي المقوله بقلبك... في عندك رب يحاسب.... وكلنا في قبر واحد مهما كان طبقتنا الإجتماعيه ومنصبنا و قريشاتنا بالبنوك.