هل حنا الصح وهم الخطأ ..... نقاش

[الناعسي]

بالنسبه لمدربي يقولي الباي والتراي تمرينين .. بس الأوزان تكون عاليه .. فحياتي ما لعبت لعضلة الباي او التراي 5 او 4 تمارين

يقولي العضلة بروجها بتنتفخ لانه صغيرة وما تحتاج اكثر من تمرينين او ثلاث بالكثير .. ( على كلام مدربي )

النتائج ممتازة

تقبل ردي ...

كلام سليم وحياك الله اخوي

[الناعسي]

أنا أؤيد BodyBuilding وذالك لأني أرى أن كلامهم منطقي ومناسب
وبالذات ان كنت تلعب التراي مع الصدر أو الاكتاف
والباي مع الظهر

وأن كنت راح تمرنهم لحالهم بيوم واحد 4 بالكثير للتراي و 3 بالكثير للباي
وسبب العدات الكثيره عائد لأنك أرهقت العضله في تمارين الظهر أو الكتف أو الصدر وتحتاج انك تنهيها
وأيضا لان اغلب العضلات الصغيره وبالاخص التراي عن الباي تتواجد بها ألياف بطيئة اكثر
لكن الباي ألياف سريعة

يعطيك العافية عبدالرحمن على النقاش الجميل ^_^

انت كذا

[الناعسي]

اذا ادخلت العضلات الصغيرة مع الكبيرة في نفس اليوم، كافي تمرينين لهم بس بالنسبة لي امررن العضلات الصغيرة مرة واحدة في الاسبوع فقط (٣ تمارين باي + ٣ تمارين تراي + ٢ سواعد) وصارلي سنتين ما دخلتهم مع العضلات الكبيرة

وكيف كانت النتيجه ؟

[الناعسي]

الموضوع ملفة بصراحه...بنسبه لي انا امرن العضلة الصغيره مع بعض فيوم واحد باي وتراي وكل عضله 3 تمارين بس بوزن جامد

وبنسبه للعضله الكبيره لوحدها بيوم وتكون 5 تمارين بسبب الجو الحار واوقات اخليها 4

وكيف النتيجه ؟

[الناعسي]

السلام عليكم ورحمة الله وبركاتة

اخوي الناعسي
في مدربين عندنا يخليك تدخل العضلة الكبيرة والعضلة الصغيرة مع بعض
العضلة الكبيرة 7 او 8 تمارين
والعضلة الصغيرة 4 او 5 تمارين

وهذه النوعية من المدربين فاشلين , اللاعب بعد ان ينتهي من العضلة الكبيرة لا يجد القوة من اجل تمرين العضلة الصغيرة
والاغلب يترك التمرين بعد اول تمرين او الثاني من تمرين العضلة الصغيرة ^_^

ومثل ما ذكر الاخوان اذا كنت تتمرن كل عضلة يوم واقصد العضلة الكبيرة
وتجمع الباي والتراي والسواعد بيوم

هنا لا مانع من تمرين العضلة الكبيرة 5 او 6 تمارين
والعضلة الصغيرة 3 او 4 تمارين

لكن اذا كنت تجمع ما بين العضلة الكبيرة مع العضلة الصغيرة
هنا يكون تمرين العضلة الكبيرة 5 تمارين + العضلة الصغيرة 3 تمارين
بشرط ان تبدأ بالصعب وتنهي بالسهل

طبعا الصعب هو الحر , والسهل هو الجهاز ^_^

اؤيدك تماما

[الناعسي]

السلام عليكم
انا في وجة نظري كل واحد وجسمه طبعا هاذي فلسفة المدرب مثال بسيط انا حسيمي مايستجيب بسرعه عشان الاوزان يعني عقب خمس ست تمارين يبدا يشد ف المدرب حتى يلاحظ يلاعبني دبل تمارين خويي وبدلي تمارين والحمدالله ماشي صح طبعا تبقى وجه نظر والسموحه على التطويل
تحياتي

معك حق الاجسام تختلف ووجهة نظرك مقبوله

[|| Turki ||]

العضلة الكبيرة اشوووف من 5-6 تمارين تكفي

والباي والتراي ,, اذا لعبت لوحدها اشوف 4 تمارين تكفي لكل عضله


الكتف 4 تمارين و 2 تمرين للترابيس


وكل واحد وله طريقته


يعطيك الف عافية ع الموضوع

[ياضلوم]

تسلمون يا اخوان .. وكل جسم يفرق عن الثاني .. بلتوفيق

[مشعل320]

السلام عليكم

اخواني باختصار كيف يمكن لي تكبير الباي والتراي


هل العبهم باوزان كبيرة تكرارات قليله ..

ام العبهم باللي اقدر عليه وتكرارات من 10 الي 15

وكم تمرين احتاج لهم اذا كانو مع احدا العضلات الكبيرة...

واذا كانو بروحهم بيوم واحد للباي والتراي كم احتاج لتمرين
وكم احتاج لجوله..
احيان العبهم الباي مع الصدر والتراي مع الظهر وبعد يومين ثلاثه العبهم بروحهم واريحهم يومين ثلاثه فهل هذا غلط ام صح

الافضل امرنهم مرة او مرتين في الاسبوع او خلال 10 ايام

هدفي التركيز عليهم بالذات مع الجسم كامل ولكن الباي والتراي يهموني اكثر شي لجمال منظرهم ..

[.hamad.]

السلام عليكم

جدولي اغيره كل فترة

احياناً العب كل يوم عضلة وهذا ممل بالنسبة لي والاغلب العب عضلتين فاليوم

اذا عضلتين فاليوم يكون 4 للعضلات الكبيرة و3 للصغيرة .

اذا عضلة فاليوم يكون 5 للعضلات الكبيرة و4 للصغيرة .

شكراً لك اخوي الناعسي

[الناعسي]

السلام عليكم

جدولي اغيره كل فترة

احياناً العب كل يوم عضلة وهذا ممل بالنسبة لي والاغلب العب عضلتين فاليوم

اذا عضلتين فاليوم يكون 4 للعضلات الكبيرة و3 للصغيرة .

اذا عضلة فاليوم يكون 5 للعضلات الكبيرة و4 للصغيرة .

شكراً لك اخوي الناعسي

فكرة الموضوع تقول من الصح وليش هالاختلاف بين شرق وغرب في لعبه عالمية


شطحه **

كيف جدولك ذا وهل نفع معك

[.hamad.]

فكرة الموضوع تقول من الصح وليش هالاختلاف بين شرق وغرب في لعبه عالمية


شطحه **

كيف جدولك ذا وهل نفع معك

ادري ولهذا السبب كتبت جدولي

مافي شي اسمه هذا صح وهذا غلط كل شخص له تدريب يرتاح عليه ويوارج جسمه
وينصح فيه ايضاً .. ولهذا السبب كتبت طريقة تدريبي

[KiToOoOo]

بص انا شايف ان كل واحد ليه طبيعه جسم معينه يعنى عندى واحد صاحبى بيلعب بالظبط تمرنتين للبطن واحد لاول اربعه والتانيه السفلى وانا بلعب 10 تمارين وبسم الله ما شاء الله بطنه اسن منى مع انى جربت العب التمرنتين الى بيلعبهم ماجبوش معايا فا فيه ناس ممكن تلعب تمارين بسيطه وتلاقى عضله ظاهره وناس علشان تظهر العضله تلعب تمارين اكتر