optimen + universal n1-t

[KaSHKoooL]

معلومات المتقدم بالاستفسار :
العمر : 27 , الجنس : ذكر

الطول :1.77 متر
الوزن : 115 كيلوجرام



و الاستفسار كالتالي :
السلام عليكم
يعطيكم العافيه


انا بديت بنظام غذائي من شهر تقريبا و خسيت عليه 13 كيلو
من غير رياضه متواصله يعني كل يومين او ثلاثه امشي ساعه
وبحكم اني مو موجود بالديره فنظامي يقتصر على المشاوي و السلطات عشان جذيه خذيت مالتي فايتمنز optimen

بس سمعت من فتره ان ينصحون باخذ universal n1-t مع النظام الغذائي للي حاب يخسيس
فحاب استفسر منكم يا اهل الخبره بهالمجال
هل اخذه و ازيد الرياضه ولا ابتعد عنه
و شلون طريقة استخدامه اذا كان مفيد للتخسيس
و هل له مضار على المدى القريب او البعيد ؟؟

[Sukhoi 35]

وعليكم السلام ورحمة الله وبركاتة

والله ياخوي الي ذكرتة universal n1-t اعتقد انة محفز تسترون اذا ما خانتي الذاكرة
وثاني شي وزنك مرتفع اول حاول تنزل وزنك من دون محفزات خذ لك حارق دهون بدل المحفزات لاحق عليها

[KaSHKoooL]

يعطيك العافيه اخوي
و تسلم عالرد
انا قلت دام مامنه مضره و يساعد عالتخسيس اخذه
بس دامه ما ينفع ان شاء الله راح امشي على كلامك و اوخر عنه

بغيت اسئلك يالغالي شنو انواع حوارق الدهون اللي تفيد للي مثل وزني و اتمنى انك تفيدني بانواع بدون كافيين لأنها تسوي ارق بليل
و شنو شغلات تفيد للتخسيس ؟

[Sukhoi 35]

استخدم لركناتين ممتاز تحصل في محلات بيع مكملات غذائية الكرناتين وضيفتة تحويل الدهون الي في الجسم الى طاقة

[ياضلوم]

وعليكم السلام ... هذا على ما اعتقد محفز تسترون ... لكن انصحك تستعمل انيمال ستاك (محفز تست +قروث ) .. ويساعدك تحافض على العضل اثناء التنشيف ويعطي صلابه للعضله .. وضيف له انيمال كت

او اوكسي ايليت (لحرق الدهون)... بلتوفيق

[KaSHKoooL]

الله يعطيكم العافيه
و تسلمون على الارشادات

بس ماعليه عندي طلب زياده و ان شاء الله ما اكون ثقيل عليكم انا ماعندي خليفه بهالامور
شلون طريقة استخدامهم ؟

[ياضلوم]

طريقة انيمال ستاك .. قبل التمرين ب45 دقيقه ... انيمال كات قبل التمرين ب 30 دقيقه ... اما هذا universal n1-t ما اعرف طريقته

[KaSHKoooL]

تسلم يالغالي
و الكرناتين ؟

[ياضلوم]

تقصد كرياتين ولا ال كارنتين ؟؟

[KaSHKoooL]

لا يالغالي قصدي ال كارنتين
ماعليه معلوماتي ضعيفه بهالمجال

تنصحني اني اخذ انيمال ستاك و انيمال كات و ال كارنتين كلهم مع بعض ؟
و الانيمال ستاك اخذه قبل التمرين ب 45 دقيقه و بعده بربع ساعه اخذ الانيمال كات ؟

[ياضلوم]

صح ... وال كارنتين تقدر تضيفه .. ... انيمال كت تاخذ منه كيس الصبح قبل الفطور ب30 دقيقه +كيس قبل التمرين ب30 دقيقه ..

[KaSHKoooL]

تسلم على الرد و المتابعه يالغالي
كفيت و وفيت والله
بس ماعليه راح اثقل عليك باستفسار اخير

ال كارنتين شلون طريقة استخدامه و هو اقراص ولا شراب؟
و ياريت تفيدني باسم شركه تنصحني فيها لل ال كارنتين

[ياضلوم]

لا ولا يهمك ... ال كارنتين انا ما استخدمته الا مره وحده وما كملته ... فيه شراب وفيه حبوب ..وبلنسبه للشركات والله ما عندي خبره فيهم ..وما عندي ذيك الخلفيه عن ال كارنتين ... اتمنى احد يفيدك

اي استفسار لا تتردد .. بلتوفيق

[KaSHKoooL]

يعطيك العافيه و بيض الله وجه ماقصرت

ان شاء الله الكباتن يفيدوني باستفساري الاخير