بيض طماط Yami

[Arashi]

هذي وصفه Yami vergil اخترعتها وتبرّت منها
تقول لاعت جبدها منها مادري ليش مع انها لذيذه
انا شوييي عدّلت على كميّة المقادير حسب ذوقي
الأكله عجيبه وخفيفة وسهلة التطبيق خاصة للي مايعرف يطبخ





المقادير



1-أربع بيضات
2-بودرة ثوم
3-صلصلة طماطم
4-ملح
5-فلفل أسود



الطريقة



يضاف القليل من الزيت في قدر على نار عالية وتكسر البيضات



يحرّك البيض حتى يبدأ بالتكتّل قليلاً



تضاف ملعقة طعام من صلصلة الطماطم



تخلط جيّداً (لا بأس من التصاق القليل من البيض في القدر لأني وضعت كميّة قليلة من الزيت وهذا صحّي أكثر)



تضاف نصف ملعقة شاي من بودرة الثوم (وممكن زيادة ربع ملعقة شاي أخرى إن كنت تحب الثوم)



اضافة القليل من الملح



وكمية أقل من الفلفل الأسود






وبالهناء والشفاء

[Iris]

nice طبق جديد من اراشي,

هذي وصفه Yami vergil اخترعتها وتبرّت منها
تقول لاعت جبدها منها مادري ليش مع انها لذيذه

يس في كثر ناس ما يدخل مزاجهم فكرة بيض مع صلصة طماط-كتشب الخ ...
لكن عادي عندهم كقطع طماط,

يعطيك العافيه على الوصفه اراشي,
وبانتظار المزيد من وصفاتك,

[KasiH]

شكشوكة قصدك

[Arashi]

هلا ايريس ^^
يس يامي من الاشخاص اللي مايحبون الصلصات مع البيض...مادري شلون ألفت الاكله XD


ستيفانو XD
انتوا تسمونها شكشوكه؟
احنا نسميها بيض طماط XP

[ابنة الحرية]

ايوه
دى طريقه عمل الشكشوكه
تسلم ايدك
تقبلى مرورى
ابنة الحرية

[darkitp]

الله يهديج , ما حد يحط معجون طماط في البيض على طول ..
معجون الطماطم هذا كثيف جدا , و يستعمل في الصالونة او الشوربة او التتبيلة ..
أفضل شيء استخدمي الطماطم الطازجة و قطعيها مربعات صغيرة ..
كما ان الثوم غير مناسب بسبب رائحته القوية , اما البصل له رائحة مناسبة مع الطماطم و البيض ..

[Arashi]

ابنة الحرية
ماعرف شي عن الشكشوكه...بس هل فيها معجون طماطم وثوم بالضبط نفس هالاكله؟ @@

داركتيب
هههه ادري المعجون ثقيل عشان جذي هالاكله ماتصلح للفطور XD
والثوم لو بودره مافيه ريحه بس طعم ^^
يس..عندي طريقه بالبصل والمشروم والبقدونس
بنزلها باذن الله لما أصورها

[ابنة الحرية]

ابنة الحرية
ماعرف شي عن الشكشوكه...بس هل فيها معجون طماطم وثوم بالضبط نفس هالاكله؟ @@

لا احنا الشكشوكه دى بنستخدم مع البيض
الطماطم والبصل واحيانا فى ناس تحط ثوم
بس دا حسب الرغبه
وبنحط الطماطم والزيت والبصل والتوابل مع بعض
ونسبها على النار تتسبك شويه
وبعدين نحط البيض عليها
وتطلع الشكشوكه
وبتطلع شكلها زى الل انتى عملتيها بالظبط
تحياتى
ابنة الحرية

[Blue Rose]

نااااايس شنو هالاكلات اللذيذه ^ . ^

لا لا صج اقتحمتي القسم

و لا مره جربت احط ثوم مع البيض @@

بس باين على الاكله لذيذه ^ ^

و هذي مو شكشوكه الشكشوكه بيض طماط مع بصل , اعتقد ان هذ اكله يديده يعني يامي اخترعتها

يعطيج العافيه اروش تسلم ايدج , و شكرا يامي عالوصفه ^ _ ^

[ام ابـراهيم]

هلا و الله توحشت يامي كثير
المهم هذه نسميها { عجة تونسية }
بس اضيف عليها قليل من المعدنوس و قليل من التن
و ستصبح عجة تونسية مئة بالمئة .
سلمت يداكم .

[Karazhan]

ناس يحطون حليب شويه مو واجد مع البيض و يحوسونه و ناس يطبخونه مع زبده

الطريقتين عشان يخورون ريحه الزفره من البيض

وشفت ناس يضيفون ماء مع البيض و بعدين يحوسونه عشان يتوزع البيض ويختلط البياض مع الصفار

انا مااحب معجون الطمام ولكن احب الطمام الحدج اقطعه قطع صغيره واقليها و اقعد اضغط عليها الى ان تصير سائل وبعدين اضيف البيض

بجرب معجون الطمام اللي يكون معلب وبداخله الطماطه نفسها مقشره , لأني احرص على قشر الطمام و اشيله من الطبخه , سمعت انه يلزق بالمعده وبالغصب يطلع

طبعا مااستخدم الزيت غالبا يكون زيت زيتون مخصص للطبخ , ترى في نوعين من زيت الزيتون , واحد خاص للطبخ والثاني للسلطات او الجبن والزعتر وغيرهم


^^^

روايه قصيره


عموما مشكوره على الوصفه وتستحق التجربه , يمكن تخليني اغير نضرتي عن المعجون او يمكن اعدل فيها واضيف الماء الى ان تخف كثافه المعجون ويصير خفيف وبعدين اضيف البيض عليه


بالتوفيق جميعا

[Abady Elfe]

طلعت حق طبخات عجيب والله ههههههههههههه

وإسمها شك شو كة X)

يا ليت اللي كاتب فوق هذا يزبطلنا طبخة وأنا واعدة بوحدة زيها !

[Karazhan]

شكشوكه بيض وطماط , كل شي طبيعي

عندنا عجه نسويها بعد واهي اضافه زيتون اسود يكون شرائح بدون البذر ماله و تحصله بالجمعيات يكون معلب ومقطع نفس ring

و بقدونس مفروس و بصل

يعطي جيب طاسه اكسر فيها بيضتين و حط ملعقه زيتون و ملعقه بقدونس و ملعقه بصل يكون مقطع نفس اعواد الكبريت وتقدر تستغني عنه مو لازم تضيفه

وتحط ملح و فلفل اسود وشوي حليب طازج مقدار ملعقتين و تحوسه لما تتداخل كل المكونات و تصبهم بالمقله

هذي العجه



انا شكلي بشارك بقوه بالقسم هذا , خصوصا واني هاوي طبخ و اعرف اعمل لحوم واسماك ان كان مشوي او مع عيش "رز"

بس خلني اشتري كاميرا قويه وتطلع الصور واضحه

[ام ابـراهيم]

شكشوكة كل شيء بطاطة و بصل طماطم
أخي كرزان حياك الله في القسم
نبي نشوف طبخك .
إن شاء الله, إن شاء الله اعود في رمضان لهذا القسم .

[NiN RevO]

شهيتيني ^_^
انا احبها من دون ثوم " لأني ما احب الثوم كلش xS "
ومع طماطم طازجه ..

تسلم ايدك اروش على الطبخه ويامي على الوصفه ^_^