طولي ووزني ونسبه الدهون ! تحقيق السكس باك !

[جنون ابوظبي]

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 72 كيلوجرام

نسبة الدهون : 13.5

و الاستفسار كالتالي :
السلام عليكم ورحمه الله وبرركاته


اخواني نفس ماموضح فوق

انا طولي 170 سم , والوزن 72 كيلو , ونسبه الدهون حسبتها على مكينه الي فالصيدليه طلعت 13.5 !


اخواني انا ناوي احقق حلم الـ 4 باك او الـ 6 باك ! طبعا ك مبدأ ابغى الـ 4 باك بالحقيقه والـ 6 مو مستعجل عليها !



اخواني , انا اعرف ان الموضوع صعب وبنفس الوقت سهل , يعني يبغاله اراده وصبر وانا اعرف ان السكس باك او عضلات البطن بالاحرى تحتاج لـ ( التغذيه الصحيحه + النوم + التمرين + الكارديو )

انا بقولكم شو اسوي وابغاكم تعلموني من خبرتكم تقريبا كم يبيلها فتره عشان تطلع الـ 4 باكس !
طبعاَ مب خبرتكم , وانا ااعرف ان محد يعلم الغيب غير الله , لكن يعني كل واحد وخبرته لو ممكن يفيدني


انا يومياَ , امشي على جهاز المشي 20 دقيقه على سرعه 6.5 !
+ العب بطن وانا جالس على الارض 25 , 25 , 25 ,25
العب اسفل البطن وانا واقف وارفع رجولي وطبعا ظهري مستند 15 , 15 , 15 , 15
العب الخواصر المعروفه الي فالنادي الي تتحرك يمين يسار , 50 , 50 , 50 ( الخصر تقريبا بالاسبوع 4 مرات )

للعلم ( اتمرن في كل الايام ماعدا يوم الجمعه ) + يمكن يكون في يوم اخر بس بظروف يعني احسبوها كل اسبوعين 3 ايام تقريبا او 4 , يومين جمعه + يومين بسبب الظروف

وبعدها ارجع البيت واتسبح واطلع ويوم ارجع اطلع الساعه 1 بالليل لين الساعه 3 بالليل العب على السيكل فالكورنيش بسرعه عاديه طبعا لا سريع ولا بطيئ , امشي على راحتي بالسيكل حوالي ساعتين يومياَ !



وبخصوص الاكل فالصبح , ( اشرب يومياَ تقريبا 4 اكواب حليب + 15 تمره ) الصبح
والغدا ( نصف دجاجه مشويه مع كاتشاب )
والعشا ( سندويش برجر مشوي او سندويش كبده مشوي او سندويش دجاج مشوي وهكذآ )

وطبعا اخذ من بينهم تقريبا يعني مثلا موزه وحده باليوم او تفاح او اي شي بسيط يعني ,


اسمحولي طولت عليكم لكن والله اني اكتب هالكلام من قلبي وانا مصصَر اني اطلع عضلات بطني , وحبيت اذكركم بشغله مهمه جدا في جسمي , انا جسمي عادي والحمدالله جميل وراضي فيه لكن اسفل بطني اخر شي تحت في كرشه , يعني لو ببست بودي او شي يطلع جسمي كامل تمام الا اسفل البطن ززفت طالعه كرشه ! وهي الي مخربه مظهري وهي الي حمستني اني امحيها واطلع عضلات البطن الـ 4


تقولين كم يبغى لي تقريبا لو استمريت على هذا الجدول عشان تروح الكرشه الصغيره وتظهر لي الـ 4 باكس ؟
من كم لكم تقريبا ؟



والسموحه لاني طولت مره ثانيه , لكن فيني اراده وانا حاب استفيد من خبراتكم وعشان اعرف المده التقريبيه عشان اشجع نفسي اكثر

وشكراَ .. وبأنتظار اجوبه اهل الخبره + التجربه !

[زي الشباب]

تقريبا انتا جسمك زيي والله اعلم ,, انا رفقت صوري بموضوعي
https://montada.com/showthread.php?t=756422

ياليت ترفق لك صوور ..

اانا وانتا تقريبا نفس المشكله ما ادري احسس ان جسمي دهني ووعنيد ,,

سكيتش رد علي بالموضوع كتب لي اني استخدم حارق دهون + انا اتممرن كل يوم بطن ماعدا الجمعه ولما رد كتبلي تتمرن يومين بس

[جنون ابوظبي]

والله عليك نور والحين رديت في موضوعك قبل لا اشوف ردك هنا !


مشكلتي نفس مشكلتك واتمنى الكل يدخل على موضوع الشخص الي فوقي ويشوف جسمه , تقريبا نفس جسمه 100% !


اتمنى من الخبراء الاجابه على السؤال الي في موضوعي الي هو كم الفتره التقريبيه عشان تطلع لي الـ 4 باك + كيفيه التخلص من هالترهلات الي بالصور الي بالموضوع الي فوقي !

والله بانتظار اهل الخبره يارب يفيدونا

[جنون ابوظبي]

يعني 60 مشاهده ولا واحد قدر يفيدنا -,-"


وينكم يآههل الخبره والله اني ناوي لكن ابغى ناس يفهموني ويعلموني اكثر !


لحد يبخل علينا الله يخليكم !

[مبتدأ حديد]

شوف اخوي ان شاء فترة بسيطة وتكون موجودة عندك ، بس ترى ماتكمل حلاة عضلات البطن الا بالصدر

ركز على التمارين وخش برنامج تضخيم لمدة ٦ شهور ونشف بعدها بشهر وان شاء راح تشوف جسم مااتتوقعه

بس ركز على التمارين ، التغذية ، النوم وراح تشوف نتائج جد طيبة

بالتوفيق

[جنون ابوظبي]

الصدر والحمدالله عندي لاني كنت اتمرن حديد !


ولكن اخوي للحين انتظر الاجابه حد جاوبني

بإنتظار اهل الخبره !

[جنون ابوظبي]

الحين انا تعبت وانا اكتب الموضوع واخر شي حتى مافي ردود ! -,-