شو الفق بين البار الطويل والدبليو في الباي ؟ وشو افضل ؟

[جنون ابوظبي]

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 67 كيلوجرام



و الاستفسار كالتالي :
السلام عليكم




اخواني انا حاليا في فتره ضخامه بسيطه , لاني بنفس الوقت احاول اني اشيل الكرشه الي في اسفل البطن


المهم , الحين بخصوص تمرين الباي , الي تلعب فيه بالبار وانت واقف

شو افضل اني العب بالبار الطويل ؟ ولا البار الي على شكل دبليو ؟


وشو الفرق بينهم ؟ ( او شو وظيفه كل وحده فيهم )



بانتظاركم اهبل الخبره , وشكراَ للكل

[مبتدأ حديد]

البار المستقييم يسساعد في الاطالة والمتعرج في التكوير ..
العب بار مستقيم واقف واسع وبعدين متعرج مسند بعدين تبادل دنابل راح تغطي كل زوايا الباي تقريبا

[جنون ابوظبي]

لو بهالطريقه بتكثر علي تمارين الباي ويكون غلط ,


انا العب بار واقف
وبعدين دنابل
وبعدين بار دبليو وانا جالس


3 تمارين تكفي ,



شو الافضل البار المستقيم ولا المتعرج ؟ للضخامه والتنشيف شو افضل ؟

[نجر العتيبي]

انا العب بار واقف
وبعدين دنابل
وبعدين بار دبليو وانا جالس

طيب هي نفس التمارين اللي ذكرها الاخ مبتداء حديد .



شو الافضل البار المستقيم ولا المتعرج ؟ للضخامه والتنشيف شو افضل ؟

مافي شي تقول انه افضل او مو افضل ، التنويع مطلوب لاشراك الياف عضليه قد لايصل اليها التاثير بالشكل المطلوب وذلك لايتاتى الا عن طريق التنويع بالتمرين او تغيير المسكات من واسع الى ضيق وهكذا . حتى يكسر الجسم الروتين الذي لو اعتاد عليه لاصبح هناك بطاءً في النمو .

بالتوفيق ....

[جنون ابوظبي]

يعني تنصحني يوم العب بالبار المستقيم ويوم العب بالدبليو وارجع العب بالمستقيم وبعدين البدبليو وبهالطريقه ؟


للعلم امرن الباي مرتين بالاسبوع ..

[الناعسي]

نووع اخوي العب البار مره

عندك مطرقه وتركيز وتبادل والكروس اوفر تمسكه وتتمرن كانك تستعرض

يعني كل مره غير عن اللي طافت

[Booyaka]

لا تلعب الباي سيبس بالبار المستقيم راح يعمل لك مشاكل بالمعصم ، اللعب بالبار المتعرج عندك المسكة الداخلية و الخارجية نوع فيهم واللعب تبادل دمبل او دخخل تمرين بالكيبل .

[جنون ابوظبي]

تسلمون اخواني انا خلاص بالعب بالمدرج افضلي , وبحاول انوع مع البار المستقيم

بس عندي سؤالين خارجين عن الموضوع واتمنى تفيدوني !



1- بخصوص عضله الصدر , انا امرنها مره وحده بالاسبوع , وشفت جدول فالمنتدى يقول الصدر لو تمرنه مره وحده بالاسبوع خلها 7 تمارين , اقدر اخليها 7 تمارين ؟ للعلم انا امرنها 6 فقط

2- الظهر امرنه مره وحده بالاسبوع , بس كم تمرين ؟

* بخصوص الظهر اقدر العب عليه بجدولين ؟ يعني الاسبوع الاول جدول تمارين والاسبوع الي بعده جدول تمارين مختلف ( فقط للظهر )
يعني اغير جدول الظهر بين اسبوع واسبوع وطبعا اثبت على جدولين فقط , اقدر ؟


بانتظاركم الله يخليكم , وشكراَ

[iMut3b]

http://www.montada2.com/showthread.php?t=668073

شوف الجدول هذا ,, الصور اللي مو طالعة بالصفخة الاولى تلقاها بالصفحة الاخيرة

بالتوفيق

[بردان1]

اذا تبي نصيحتي يا اخ ابو ضبي

خلك مع مدرب افضلك
مانقدر نقولك 6 افضل او 7 افضل او 4 حتى ممكن افضل
هذا كله يرجع على حسب وش نوع التمارين الي تمرنتها ووش التمارين الي راح تضيفها وعلى تكراراتك الي اخترتها مع الوزن
والفلسفات باللعبة مالها نهاية فيه ناس يقولك 3 تمارين الى 4 للعضلة الكبيرة مع تمرينين للعضلة الصغيرة وفيه ناس تقول مافيه مشكلة لو توصل التمرين لـ 7 تمارين وهكذا

وكذلك الحال مع البار المتعرج او المستقيم , التبديل بينهم مطلب لكن ليس المقصد انه اسبوع تتمرن مستقيم واسبوع متعرج وهكذا
لا من الممكن يجي اسبوع كل ماتمرنه لا مستقيم ولا متعرج مثلا يكون تركيزك على الدامبلز والكيبل ,, وطبعا التوفيق بين التمارين يحتاج لشخص يبخص كل تمرين على اي زاوية يتمركز

انصحك مثل ماقلتلك بمدرب خاصتا اول سنة

موفق اخوي