جيل الـiPad وما أدراك ما جيل الـiPad

[Arashi]

السلام عليكم ورحمة الله وبركاته


شخبار الجميع؟

اليوم وانا احوس في الملتقى لفت نظري هالموضوع

لمــــا كنت صغير كنت .......




وقريت ذكريات الاعضاء وحركات الطفوله الشيطانيه البريئه اللي كانوا يسوونها

ففكرت بأطفال هالجيل...مثل ما الكثير يسمونهم جيل الـiPad

لو بعد 10 سنين جاوا يشاركون في الموضوع ايش بيكتبون؟




أتخيل كل ردودهم بتكون مكرره وبهذا الشكل:



لما كنت صغير....

كنت ألعب بالايباد طول الوقت
كان عندي آيفون وجلكسي نوت وبلاي ستيشن 3 واكس بوكس و 3DS
كنت ألعب كول اوف دوتي << هذا وهو ياهل (بزر)
كنت اذا اهلي سحبوا مني الايباد ما اكلمهم إلى يوم الدين الا لو يرجعونه لي
كنت أقعد طول اليوم في غرفتي أكتب سوالفي عالتويتر او احط صور اكلي في الانستجرام



وهكذا...عمرهم ما بعيشون نفس طفولتنا



ولاحظت عليهم من خلال مراقبتي لعيال خوالي ان مافي في وجوهم أي تعابير
شي مرعب الصراحه
لا ضحك ولا ابتسامه ولا حتى تكشيره
تروح تكلمه "حبيبي تبي حلاوه؟ شلونك؟ مستانس؟" وتعطيه مليون بوسه
وهو مايرد عليك وتعبير الوجه جاف نفس ما هو

[mario 64]

مب شرط كل الاطفال جي ؟؟؟
في اطفال طيبين وفي اطفال مطورين عندهم ايباد

[Arashi]

^^^
لا مب كلهم لكن اللي جفته ان الاغلب جذي

[Blue Rose]

موضوع جميل يعطيج العافيه اروش ^ ^

صحيح اتوقع كل الاطفال ألحين جذي بس اهم مالهم ذنب لانهم ولدوا في عصر كله تكنلوجيا @@ !

فصاروا كل قاعدين على الاي باد او الاجزه ألي غيرها و ما يتحركون او يلعبون مع بعض

نشوف ان الطفل وحيد و ما عنده اصدقاء لان ما يبي احد بس يبي يلعب بالاي باد !!

حتى لو تشتري له ألعاب مثل السيارات المتحركه بالاسلكي او باربي للبنات او اي نوع من الالعاب

ما يبيها بس يبي يلعب بالاي باد

اما عصرنا احنا كان عصر ذهبي عصر كله لعب و خيالات و حركه و ألعاب T_T

كانت حياتنا كل خيااال و نختار شخصيات كرتونيه

و كان من ألعابنا

غميضه , شرطي حرامي , قراصنه , حيوانات , مغامره , سباق و في جوائز و الجوائز حلاو من البقاله و اذا ما في بقاله نعطيه قلاص ماي و نسوي له مساج XD

حفلة شاي ( كنا نكشخ احنا البنات بملابس امنا و اكسسواراتها و نحط حمره يعني احنا حريم كبار )

في ألعاب واااااااايد غيرها , و ا كيد كلكم تعرفون هالاعاب لاننا من نفس الجيل

و طبعا كل هذي الالعاب كنا نلعبها باللغه الفصحى ههههههههه يعني احنا من عالم الكرتون لازم نتكلم بلغتهم X3

مساكين اطفال هالجيل ابدا ما راح يحسون بألي حسينا فيه

[Arashi]

غميضه , شرطي حرامي , قراصنه , حيوانات , مغامره , سباق و في جوائز و الجوائز حلاو من البقاله و اذا ما في بقاله نعطيه قلاص ماي و نسوي له مساج XD

اييييييييييييه ههههه اهم شي الجوايز XD
كنا نسوي حرب عصابات ولكل عصابه رئيس...أسلحتنا كانت مسدس ماي وبالونات ماي P:
مساج كنا نسوي ساعات هههه XP

بس عجيبه...انتوا بعد كنتوا تلعبون بالفصحى؟ @@
احنا نسويها لما نمثل شخصيات الانيمي...على قولتج...لغة الفن لازم XD

مساكين اطفال هالجيل ابدا ما راح يحسون بألي حسينا فيه

فيهم حزن مساكين...ألعابهم جافه وممله...وحتى لو يبون يلعبون مثلنا...حر الحين مب مثل اول...والدراسه صعبه عليهم ما عندهم وقت يتنفسون

[Blue Rose]

اييييييييييييه ههههه اهم شي الجوايز XD
كنا نسوي حرب عصابات ولكل عصابه رئيس...أسلحتنا كانت مسدس ماي وبالونات ماي P:
مساج كنا نسوي ساعات هههه XP

ههههههه اي لعبة العصابات عجيبه , بعد كنا نستخدم مسدس الجراغي ألي يطلع صوت عالي كان يعطينا جو XD

بس عجيبه...انتوا بعد كنتوا تلعبون بالفصحى؟ @@
احنا نسويها لما نمثل شخصيات الانيمي...على قولتج...لغة الفن لازم XD

ههههههه اي لازم

فيهم حزن مساكين...ألعابهم جافه وممله...وحتى لو يبون يلعبون مثلنا...حر الحين مب مثل اول...والدراسه صعبه عليهم ما عندهم وقت يتنفسون

اي يكسرون الخاطر T_T

انا اختي الصغيره قاعده احاول قدر الامكان اني اعيشها بخيالات طفوليه , و تستاااانس لما اقولها و ألعبها

بعد تذكرت شي مهم بطفولتنا ,, الفضائيين

كنت مصدقه انهم موجودين ! و انهم يبون ياخذون كوكب الارض ! فكنا ندرب علشان نقاتلهم XD

[المقاتل ليون]

اولا شكرا لك اختي على هذا الموضوع الجميل

فعلا ان ايام طفولتنا كانت جميله جدا فلم نعرف الايباد ولا الفيس بوك ولا شيء اسمه نت
فكنا نجتمع معى بعض ونلعب اجمل الالعاب الصبيانيه ايام جميله راحت ولن تعوف (الله يعين اولاد هذا الجيل)

[الفتاة السطورية]

ههههههه فعلا جيل اطفال هاذي الايام جيل ممل جدا مقارنة بجيلنا