السّاحرات ذوات الأعين الفضية クレイモア ~ Ćℓαỵмỗѓė ·.¸.

[Camellia]

لحظة Akira

ممكن تشيل Isley و تنزله تحت يصير فوق Rigardo لأنه ألحين صار بين البنات .
و شكراً ...

أنا للأسف مو من النوع اللي يقرأ Manga لكن متحمسة بقوة إني أعرف أحداث أكثر , حتى أفتح ع الـ wiki و أقرأ ...
و حلو إن الموضوع رجع لكم أجواء الـ Anime .

[Arashi]

اروش محظوظه! .. من الانميات اللي ما بتحسي بأي ملل فيها!

بعد مشاهدة الحلقه الاولى اقول اني فعلا محظوظه...كفايه الرسم الفتاك @.@

Arashi

تكملة على الكلام اللي في جزئية Akira , موجود في الصفحة الرئيسية إن Akira آخر شخص رد على هذا الموضوع
طبعاً فيه أعضاء أعرف إنهم تابعوه لكن أبغى أعرف أشياء أكثر عن رأيهم فيه , دخلت الموضوع و شفت في رده إقتباس ولون الكلام بالأخضر !

يس انا بعد اتمنى اعرف رأي اللي جافوه كامل...طبعا ما بغيّر شي حتى لو انتقدوه لأني مصرّه اتابعه لين النهايه X3
لكن حلو ينفتح نقاش مع اللي ختموه ^^

قلت : A ..... A .... Ar ... Ara ... Arashi ردت ع الموضوع ... Nani ؟!
ههه حماس ... بسرعة فتحت ع الصفحة الأولى ... أسوي حفلة ؟! أخيراً هلا و غلا و حياكِ الله , فرحانة كثير بتواجدك مو لأن الموضوع موضوعي
أنا أبغاك تتابعين الـ Anime في أقرب وقت و لا أبغاه يفوتك أكثر من كذا .....

الله يحيّيج كاميليا...الصراحه بغيت اكون اول من يرد عالموضوع بس كان لازم أنهي Blood C عشان أقدر أبدأ بأنيمي ثاني
وهذا انا اليوم بديت بالحلقه الاولى...كان ودي أكملهم 3 حلقات عالاقل لكن العشا علي اليوم >_<

ههههه و أنا قول في خاطري يمكن Arashi تبغى تعرف الشخصيات من الـ Anime نفسه بدون الموضوع ,
بس قرأته و ردت عليه و أنا نايمة .

لالالالا مسحتيييييييييييل...اولا تعبتي عالموضوع ولازم اقراه كامل
ثاني شي الشخصيات كثيره وقراءة الموضوع قبل تسهّل فهم الانيمي

لكن كـ تقديم لها عرضوا شخصية Raki قبلها , تابعيه أبغى أعرف ردة فعلك على الأحداث و المواقف و علشان تعرفين كل شيء .

اذن هي البطله...حسيت فيها مشاعر من البدايه لكن تحاول تخفيها...أفضل من انها تكون بارده تماما لأن هالشي يخلي الانيمي ممل + فكرة ان ولد صغير وضعيف يرافقها ممكن يحرك مشاعرها اكثر

ههههه , فعلاً Sophia ناعمة و حتى أول ما شفتها قلت ناعمة و فيها لطافة ! بالعكس الاسم يناسبها ,
و الأصوات في الـ Anime أغلبها تناسب الشخصيات جداً , Galatea هي الوحيدة اللي لما سمعت صوتها حسيت إنه غريب و ثقيل ...
لكن بعدين حسيته يناسبها كثير ... ما أقدر أتخيل صوت ثاني لها , و حتى أحب أسمعها و هي تتكلم و أركز على نبرة الصوت !

مستعيله على ظهور صوفيا عشان اجوف ايش قصة العضلات XD
بالنسبه للأصوات عادة ما ألاحظ ايش المناسب او الغير مناسب لما أشاهد الانيمي
لكن لما أجوف صورة الشخصيه قبل المشاهده أقوم أتخيّل صوتها...هني المشكله >_<

تسلمين من ذوقك , عنصر السرعة مهم جداً إنه يتوفر في صفات المحارب , و بيضيف أجواء حماس و إثارة للمشاهد ,
و طريقة عرض المشاهد و التحريك , لا و هذا غير الـ Ost الرهيب اللي عندهم فيه كثير جداً عاجبيني .

الله يسلمج ^^
حاليا المعركه الاولى كانت عاديه وشي طبيعي كبدايه ^^
الاوست ما حطيت البال عليه زين نبهتيني عشان اركز من الحلقه الثانيه @@

ما أقدر أجاوب عليك , الأفضل تتابعينه و تكتشفين بنفسك .

اوكي احب المفاجآت ^.^

ههه , أنا أفضل الشعر الطويل أكثر شيء , لكن إذا جات وحدة شعرها قريب من الكتف ما يمنع من إنها تعجبني ,
لكن شوفي Noel

و Deneve و Jean لأن بسبب Style الشعر طالعين كأنهم أولاد !

مع اني أفضل الشعر القصير لكن الشعر الطويل أفضل لستايل هالانيمي...حتى زيهم الرسمي لايق معاه الشعر الطويل اكثر
عشان جذي طالعه أشكالهم مثل الاولاد بالشعر القصير @@

الشعر الطويل يعطي رهابة و يسوي جو لما تمشي الشخصية و تقفز و الهوا يطيّر شعرها .... ههه Action .
شوفي Teresaو Miria و Galatea و Irene , زيادة على مظهرهم الجاد شوفي كيف شعرهم طويل يعطيكِ إحساس إنهم كبار ,
و حتى Flora جميلة .

وطالعين أجمل وبمظهر اقوى @@

هههه عاد إذا راحت لهم الله يعين وش بتسوي فيهم .

ماقدر أتخيّل XD

بالنسبة لأعمار الشخصيات ما أدري الصراحة أنا أبغى أعرف أعمارهم لكن حتى في المواقع ما ذكروا شيء بخصوصها ,
لكن ذكروا عدد السنين بين كل جيل و جيل , و سالفة إن مو بس بنات فيه أولاد ... ما أقدر أقول شيء تابعيه و تعرفين الجواب ,

مع انهم قالوا في الحلقه الاولى ان الكليمور بس بنات...لكن يس بخليها مفاجأه @.@

ههههه حلوة تخزينهم عجبتني كثير , بالنسبة لي :

Teresa , قدام و الباقي بعدها , و حتى إذا مدحت في اللي بعدها و طوّلت فيه من ناحية جمالهم و صفاتهم تبقى هي أولهم .
من اللي بعدها Miria

و Galatea , ما أعرف أقدّم وحدة منهم على الثانية فـ نفس المركز مكرر .
و بعد Flora ناعمة و قوية و مميزة ما أقدر أصرف النظر عنها .

لاحظت ان Galatea تشبه Yuri بطل Tales of Versperia @@

ههه إختلاف الرأي لا يُفسد للود قضية , صح لساني << ... اللي يقرأ كلامك يقول أن أنتي اللي قايلته !

نايس XD

تحسين بـ وحدة الإنتماء , يعطي رهابة , الإختلاف اللي بينهم في أشكال الدروع و الرموز و درجة لون الشعر , ذكرت هذا الكلام من قبل ..
و هو عن الملل اللي أصابني بسبب كثرة الشخصيات الشقراء .. لكن هنا .... ما أدري بس حسيت حلو توحد اللون بينهم و مو مرقّعين خخخ !
Ok ههه أنا وحدة أقدر أتأقلم و أتماشى مع الإختلافات و أغلب الأمور .

بركز على نقاط الاختلاف عشام اميّز @@
يمكن كمشاهدة صور راح يكون التشابه مزعج...بس مع الانيمي ومع ظهور الشخصيات بالشوي شوي ماراح أحس بهالشي ^^
يمكن انا بعد بتأقلم مع التشابه XD

اصبري هذا غير الشخصيات اللي في الـ Manga ... اللي تضفّر خصل من شعرها و حركات .
بالنسبة للأختين Alicia

و Beth ما لهم ظهور في الـ Anime فقط ذكر أسماء و رموز , تواجدهم في الـ Manga
لبسهم خاص , و قريت عنهم لكن ما كتبته .

افااااااااااااا يعني في شخصيات ماتظهر في الانيمي بالمره؟ @@
هل الاختيين شخصيتين مهمتين؟ وليش ملابسهم غير؟ ايش قصتهم؟
هل للأنيمي نهايه ولا لازم اكمله مانجا؟ @__@ <<< بدت توسوس XP

مو بس احترام لها حتى تحبينها و تُعجبين فيها , و هذا اللي يخليني أفضل النوع الجاد و الرزين على الأنواع الثانية , تحيطهم هالة قوة ,
تحيطهم هالة هدو .... جاذبية !

يس بالضبط...شي نادر تجوفين مثل هالشخصيات في الانيمي....عندي احساس ان فيها شبه من طباع ليدي اوسكار مادري ليش @_@

متحمسة كثير لتعليقاتك , الله يعافيكِ و تسلمين كلك ذوق و يشرفني تواجدك , و أنتظر رجعتك .

الله يسلمج وشكرا عالرد الجميل ^.^



الحين رايي في الحلقه الاولى @@

البدايه ككل ممتعه مب مثل معظم الانيميات اللي تكون بدايتها ممله
الطريقه اللي عرفونا فيها عالكليمور حلوه في الحوار بين راكي واخوه ^^
حسيت جو الانيمي مثل ألعاب الار بي جي...وحتى لحاق راكي بكلير يشبه بداية تكوين فريق الشخصيات الرئيسيه في الالعاب XD
وزين كلير حصلت لها طباخ ههههه XP
عشان الواحد لايحس بأن الانيمي بكون جاف روونا شي قليل من مشاعر كلير اللي تحاول تخفيها...لو ظلّت بمظهر الشخصيه العديمة المشاعر لين اخر الحلقه كان الواحد بفكّر ان الانيمي بارد جاف وثقيل دم
so far so وبكره اكمل باذن الله ^.^

الـ Silver Eeyes , مركز جمال ! , رسمة عين الشخصيات و لونها شيء في غاية الجمال و الجاذبية ,
و حتى الصوت اللي يحطونه إذا جات الصورة عند عينهم .... مسوي جو .

بحط بالي عالصوت بكره @@
حلو ان العين تتغيّر للذهبي اثناء القتال

و الـ Fans ما قصّروا بالمقاطع اللي اشتغلوا عليها يضيفون Ost و يحركون المشاهد بطريقتهم .... يعطون الـ Anime جو رهيب .

في هالامور الصراحه عمل الفانز افضل X3

بس لحظة , أتمنى أن يتوفر للأعضاء خيار التعديل على المواضيع و المشاركات , متاح بشكل دايم و في أي مكان ,
لأني لما أجهز لموضوع أتحمس أنزله , و أترك بعض الشخصيات , و بعد فترة ألاحظ أشياء تحتاج للتعديل , و يروح التعب مني ,
فـ يكون عندي نية لإضافة فقرات أكثر بترتيب معين , و لا أبغى أكلف على المراقبين أمس جهزت لـ 8 شخصيات تواجدت في الـ Anime ,
لكن ما ذكرتها في الموضوع , بحثت لها عن صور و المعلومات ما فيه شيء كثير أكتبه بعضهم بس كم كلمة و الباقي يُعتبر Spoilers ,
حتى الأصوات اليابانية لهم غير معروفة !

والله مادري شاقول...طلبنا ان يعطون للميزين عالاقل خاصية تعديل مواضيعهم في اي وقت...لكن ابد يوعدون ولا ينفذون شي >_>

هالشخصيه اضافه مهمه جدا @@

لابس طرحه ولا يتهيأ لي؟ @@
اذن هذا هو الرئيس (ربما!)


بالنسبه للمانجا

تترجمها VIZ Media والحمدلله متوفره منذ 2006 وحتى الان...لو عجبني الانيمي بشكل كبير راح اشتري المانجا باذن الله ^.^

[Camellia]

Arashi

يس انا بعد اتمنى اعرف رأي اللي جافوه كامل...طبعا ما بغيّر شي حتى لو انتقدوه لأني مصرّه اتابعه لين النهايه X3
لكن حلو ينفتح نقاش مع اللي ختموه ^^

اللي أعرفه إن الأغلبية عاجبهم كثير , فيه في المنتدى موضوع نقاش قديم له في وقت عرضه , تقريباً أخذ 14 صفحة من المشاركات ,
و الأعضاء متحمسين و داخلين جو , من كم يوم بحثت عنه و لا لقيته , اللي خلاني أفكر أفتح له موضوع , لأنه عاجبني بقوة ,
أحب شخصياته , و أبغى أسالف عنهم , صدق إنه قديم و كثير شافوه , لكن عادي و باقي أنتي ما تابعتيه ,
فقلت فرصة , علشان أعرف رأيها بشكل مفصل , يعني أنتي أحد أسباب كتابتي للموضوع ,
و من يدري يمكن بعدين يعرضون له موسم ثاني , فـ نكمل نقاشاتنا هنا إن شاء الله .

الله يحيّيج كاميليا...الصراحه بغيت اكون اول من يرد عالموضوع بس كان لازم أنهي Blood C عشان أقدر أبدأ بأنيمي ثاني
وهذا انا اليوم بديت بالحلقه الاولى...كان ودي أكملهم 3 حلقات عالاقل لكن العشا علي اليوم >_<

تقريباً نفس حركتي , ما أقدر أتابع شيء إلا إذا أنهيت اللي قبله , لكن مرت فترة , يكون في الـ Anime شخصيات مزعجة ,
فـ ما أتحمل تصرفاتهم , أتركه فترة و أروح لغيره , و بعدين أرجع أكمله , الحمد لله إنك قدرتي تتابعين شيء منه ,
هو على حسب جدولك اليومي , يعني إذا كنتي تقدرين تتابعين 4 حلقات في يوم واحد يكون حلو , الله يوفقك و يسهّل عليك .

لالالالا مسحتيييييييييييل...اولا تعبتي عالموضوع ولازم اقراه كامل
ثاني شي الشخصيات كثيره وقراءة الموضوع قبل تسهّل فهم الانيمي

ههه تسلمين , سبحان الله نفس حركاتي , حتى أنا أي Anime أفكر أتابعه لازم أقرأ عنه و عن شخصياته فيه ,
أحياناً ألخبط بينهم و أحس ما أقدر أتابعه إلا بعد ما أقرأ شيء عنه , بس تبين الصراحة Claymore قريت عنه و نسيت كل شيء ,
تخيلي عددهم كبير و كلهم شقراوات و أسمائهم غير شوي , فـ صرت أحسب إن اسم ( أي وحدة ) هو اسم ( شخصية ثانية ) ههه خربت الدنيا !
بالنسبة لي ما اكتفيت بمتابعته مرة وحدة , فيه حلقات رجعت لها كثير .

اذن هي البطله...حسيت فيها مشاعر من البدايه لكن تحاول تخفيها...أفضل من انها تكون بارده تماما لأن هالشي يخلي الانيمي ممل + فكرة ان ولد صغير وضعيف يرافقها ممكن يحرك مشاعرها اكثر

أكملي المتابعة ...

مستعيله على ظهور صوفيا عشان اجوف ايش قصة العضلات XD
بالنسبه للأصوات عادة ما ألاحظ ايش المناسب او الغير مناسب لما أشاهد الانيمي
لكن لما أجوف صورة الشخصيه قبل المشاهده أقوم أتخيّل صوتها...هني المشكله >_<

ههه ترى Claymore عمل جاد و ما عندهم وقت للكوميديا , لكن ما أدري عن غيري الصراحة لكن عن نفسي فيه مشاهد و حوارات ضحكت عليها ,
و منها كذا مشهد لـ Sophia , الشخصيات اللي أحبها كلها أصواتها تناسبها و أحب أسمعها و رائعة و كل المدح أقوله عنها ,
الشخصيات الثانية بعد أصواتها و أسلوب كلامها تناسب مظهرها و نفسيتها , مثلاً Raki واضح عليه التردد و الإضطرابات النفسية و المعاناة من الخوف .

الله يسلمج ^^
حاليا المعركه الاولى كانت عاديه وشي طبيعي كبدايه ^^
الاوست ما حطيت البال عليه زين نبهتيني عشان اركز من الحلقه الثانيه @@

هذه و لا شيء بالنسبة للقادم , بتشوفين اللي يسرّك , مو مشكله يكررونهم بس على مشاهد مختلفة , يمكن لآن لسة عليك ,
فـ ما يمديك تركزين على كل العناصر مرة وحدة , يعني نقول في البداية الرسم و الأحداث و الحوارات , و بعدين تبدأين تنتبهين للأمور الثانية .

اوكي احب المفاجآت ^.^

لحظة , تقريباً هو عادي أذكر لك قدرتها لأني ذكرت قدرات مجموعة من الشخصيات لكن هذه الشخصية يترتب على قدرتها أمور غير فـ قلت الأفضل تكتشفينها بنفسك .

مع اني أفضل الشعر القصير لكن الشعر الطويل أفضل لستايل هالانيمي...حتى زيهم الرسمي لايق معاه الشعر الطويل اكثر
عشان جذي طالعه أشكالهم مثل الاولاد بالشعر القصير @@

وطالعين أجمل وبمظهر اقوى @@

فعلاً ... و ركزي على حركاتهم .

ماقدر أتخيّل XD

ههه أتوقع إنك إذا شفتيها و شفتي أسلوبها و حركاتها بتعلقين عليها .

مع انهم قالوا في الحلقه الاولى ان الكليمور بس بنات...لكن يس بخليها مفاجأه @.@

أكملي المتابعة ....

لاحظت ان Galatea تشبه Yuri بطل Tales of Versperia @@



فعلاً نفس Style الشعر بالضبط !

بركز على نقاط الاختلاف عشام اميّز @@
يمكن كمشاهدة صور راح يكون التشابه مزعج...بس مع الانيمي ومع ظهور الشخصيات بالشوي شوي ماراح أحس بهالشي ^^
يمكن انا بعد بتأقلم مع التشابه XD

ههه بالنسبة لي حسيت إن هذا الشيء مميز في العمل بس ما أدري عن غيري .

افااااااااااااا يعني في شخصيات ماتظهر في الانيمي بالمره؟ @@
هل الاختيين شخصيتين مهمتين؟ وليش ملابسهم غير؟ ايش قصتهم؟
هل للأنيمي نهايه ولا لازم اكمله مانجا؟ @__@ <<< بدت توسوس XP

الـ Anime مكوّن من 26 حلقة فقط , و على حسب اللي قرأته في عدّة مواقع إنه غطى 59 فصل من الـ Manga
و هي لا زالت مستمرة , بدأ إصدارها في عام 2001 و عرضوا الـ Anime عام 2007 , غير كذا توقفوا عن الإصدار و رجعوا له بعد فترة ,
و نعم فيه شخصيات ما ظهرت في الـ Anime لأنها ما تجي إلا بعدين , غير كذا نهاية الـ Anime ما اتبعت الـ Manga !
و لازم تقرأينها و مستحيل ما يعجبك .

الأختان : Alicia و Beth ,

عبارة عن أختين توأم ( أكيد لاحظتي الشبه الكبير اللي بينهم ) ,



Alicia ~ アリシア : هي الـ Claymore صاحبة الرقم 1 في الجيل الـ 78 و الجيل الذي يليه ( الذي تدور فيه أحداث الـ Manga ) ,
عبارة عن نوع جديد من الـ Claymore , لها لباس خاص و تلقب بـ Alicia the Black نظراً للباس الأسود الذي ترتديه .



Beth ~ ベス : هي الـ Claymore صاحبة الرقم 2 في الجيل الـ 78 و الجيل الذي يليه ( الذي تدور فيه أحداث الـ Manga ) ,
عبارة عن نوع جديد من الـ Claymore , لها لباس خاص و تلقب بـ Beth the Black نظراً للباس الأسود الذي ترتديه .

يتم تسمية الأختين Alicia و Beth مع بعضهما البعض "The Black Ones" , و هما قويتان جداً .

فيه أشياء لازم تتابعين الـ Anime قبل و تاخذين عنها فكرة و بعدين تقدرين تطلعين على معلومات أكثر عن الشخصيات و أفكار الـ Anime .

يس بالضبط...شي نادر تجوفين مثل هالشخصيات في الانيمي....عندي احساس ان فيها شبه من طباع ليدي اوسكار مادري ليش @_@

أعرف هذا الـ Anime من كنت صغيرة لكن إلى ذا الحين ما تابعته !

الله يسلمج وشكرا عالرد الجميل ^.^

العفو و ردك هو الأجمل .

البدايه ككل ممتعه مب مثل معظم الانيميات اللي تكون بدايتها ممله
الطريقه اللي عرفونا فيها عالكليمور حلوه في الحوار بين راكي واخوه ^^
حسيت جو الانيمي مثل ألعاب الار بي جي...وحتى لحاق راكي بكلير يشبه بداية تكوين فريق الشخصيات الرئيسيه في الالعاب XD
وزين كلير حصلت لها طباخ ههههه XP
عشان الواحد لايحس بأن الانيمي بكون جاف روونا شي قليل من مشاعر كلير اللي تحاول تخفيها...لو ظلّت بمظهر الشخصيه العديمة المشاعر لين اخر الحلقه كان الواحد بفكّر ان الانيمي بارد جاف وثقيل دم
so far so وبكره اكمل باذن الله ^.^

بدايتهم حلوة و أعتبرها قوية , حتى أنا أعجبتني طريقتهم في التعريف بـ الـ Claymore حوارات أهل القرية و ما تبعه ...
حتى الـ Ost و وجه الشخصية الرئيسة للتوضيح أكثر ... صورة :



كيف أن اللون الأسود غطى على ملامحها , أغلب الشخصيات القوية و المميزة ما يعرضون شكلها بشكل مباشر ,
لا يسوون لها مقدمات , على جنب أسفل الوجه , من الخلف عند شعرها .... يغطي عليها اللون الأسود , و بعدين الصورة الكاملة .

ههه حركات تخيلي كذا تروحين مكان و كل الناس تناظرك , و تمرين بينهم و أنتي مو مهتمة << لا ما أقدر عليكِ .

ههه أجل هي فاضية تطبخ !

متأكدة إنه بيعجبك و بتقولين wooow و أشياء رهيبة .

بحط بالي عالصوت بكره @@
حلو ان العين تتغيّر للذهبي اثناء القتال

لازم ...تنتبهين له , أيه و حركة حلوة .

هالشخصيه اضافه مهمه جدا @@

ينقال عنها حلوة , و شوفي صورتها من الـ Anime نفسه ( لأني أغير الألوان ) :



لابس طرحه ولا يتهيأ لي؟ @@
اذن هذا هو الرئيس (ربما!)

على الأغلب إنه هو , شوفي صورته بالألوان الأساسية :



أعتقد إن اللي وراه كرسي , و فيه على جبهته ظل , نفس الصورة بس بألوان أفتح :




صور حلوة للشخصيات :

[meyumi]

أنا سمعت عن هذا الانمي من قبل
و كنت مترددة ...... أجوفه أو لا
و كنت أتسائل .... هل هذا الانمي مثير و شيق إلى هذه الدرجة ؟
بس عقب ما قرأت التقرير ..... و جفت نقاشاتكم و أرآكم عن هذا الانمي
تحمست أجوفه .....
و شكراً على طرح الموضوع

[Camellia]

Meyumi

سبحان الله كنت أتمنى أنك تتواجدين و تشاركينا , هذي فرصة رائعة أنك تتابعيه ,
لا يفوتك بتلقين قدامك شيء رهيب , يسرنا إنك تشاركينا إنطباعاتك , و إذا خلصتيه إقرأي الـ Manga ,
العفو و حياكِ الله و شكراُ ع التواجد .

[Camellia]

صور رسمية للشخصيات :













http://www.j-claymore.com/top.html

http://www.ntv.co.jp/claymore/



تنضم إلى صفوف مُحاربات الـ Claymores !

[Arashi]

^^^^^^


Hello ^.^

امممم بس بغيتج تجوفين هالرابط 3:

http://www.montada.com/showthread.ph...49#post7449349

بكتب ردي عقب لما اكمل كم حلقه ^.^

[Akihiko]

Claymore_720p.rarعليكم السلام ورحمة الله وبركاته

كنت اقول في خاطري الموضوع فيه اشياء واجد مو سبويلرات طبعا، عقب انتبهت للتحديثات :P
اريغاتو كاميليا على الدعوة والموضوع اللطيف ^^ جدا عجبني ك مظهر والمحتوى

واااااجد عجبني في البداية ، استانست واجد يوم طالعت اول الحلقات..
اول امس طالعت من الأولى لـ 9 وامس الباقي XD

تحسرت على Teresa... كان الأنمي واجد احلى بوجودها.. من ماتت حسيت نزل مستواه
في البداية كنت حاط في بالي ان حلو ان مافيه وحوش مقرفة ومبالغ فيها ، بس بعدين طلعو Awakened Being >_< ، واجد اندمجت هههههههههه وقت بعض المعارك لا شعوريا اعض بقوة والنبض تزيد سرعته XD... يمكن لإني طالعت واجد امس... 15 حلقة في يوم واحد بس تيريسا اهم شخصية ماتت.. خسارة عليها
توقعت ان راكي يصير فيه شي ويكون مفيد فعلا او ينقلب وحش وتقتله كلير ، بس ماصار شي... شخصية مزعجة مايعرف الا يصيح صاير هو البنت وهم الرجالة XD
فعلا يبيله موسم ثاني بس وين..
تمنيت اعرف اكثر عن المنظمة واسيلي وRiful و اشوف موت Priscilla

الأنمي غربلني في البحث مافيه نتايج عدلة لـ HD.. بس كان يستاهل كل دقيقة.. اللي يبيه في المرفق

[Camellia]

نسيت أعلّق على صورة Suzumiya Haruhi لما شفتها ضحكت كثير , لا و بعد شعارها حرف H


Arashi

أهلاً ... جد يعطيكِ العافية , أحرجتيني ... كنت برد عليه البارحة , و جهزت الرد لكن ما قدرت أعتمده , لأن قلت يمكن أحتاج أضيف أو أعدل
على شيء , و الحمد لله قدرت أرد اليوم , بشري إلى أي حلقة وصلتي ؟! أتمنى إنك تقدري تشوفيه كله في وقت قصير , علشان تلحقين على أحداث الـ Manga ,
و صح أقترح إنك توفريها لك من ألحين , عدد الفصول حالياً هو : 135 فصل .



Akihiko

لأن فيه شياء كثيرة أبغى أتكلم عنها , و فيه أمور أبغى أتناقش فيها لكن أنتظر الأعضاء يتابعونه , أخيراً تابعته !
العفو و تسلم جداً ع الإطراء , أيه أنا حاسة إنه بيعجبك كثير , علشان كذا أرسلت دعوة , و ناسة لما تقدر تشوفه بشكل متواصل
لأنك إذا دخلت جو خلاص ودك تكمله إلى الأخر , الحمد لله , بس لحظة أنت كم حلقة تابعت ؟! لأن قلت أول شيء 9 و بعدين 15 يصير المجموع 24
و هو عدد حلقاته 26 ,

صح أذكر مرة سألتني عن الرمزية هل هي لـ valkyrie ؟!
ما أدري إذا رديت لكن الصورة كانت لـ Teresa ..

ألحين Spoilers :

أنا مقهورة كثير من اللي صار و انصدمت بقوة , أجل Aki دخل جو بقوة , النبض يزيد بعد ؟! , هو أحداثه تربك و مفاجآت ...
و أشياء ما تطري ع البال , Raki فيه كثير جداً يكرهونه , لحظة ترى القصة ما انتهت إلى ذا الحين لسة الـ Manga مستمرة , و فيه تكملة للأحداث و
شخصيات جديدة و مواجهات , بالنسبة للي قرأته إن الأحداث الأخيرة اللي صارت في الـ Anime مو نفس الـ Manga , الأحداث في الـ Manga غير ,
و فيه كثير قالوا إن إذا بيكملون القصة يحتاج يسوون له Remake لكن يتبعون الـ Manga في الأحداث الأخيرة من الـ Anime ,
علشان يكملون الـ Manga بدون إختلافات .

[Akihiko]

لأنك إذا دخلت جو خلاص ودك تكمله إلى الأخر , الحمد لله , بس لحظة أنت كم حلقة تابعت ؟! لأن قلت أول شيء 9 و بعدين 15 يصير المجموع 24

ههههه كان قصدي 17 بدل 15 :P، في البداية كتبتها 17 بس بعدين قلت في خاطري كأن المجموع 24؟ و جذي استوى XD
اييه سهرني يوم الخميس بالغصب قعدت ههههه بس حاس بفراغ عقبه... تعودت عليه بسرعة مع ان يومين مو واجد..

غريب امر المانجا ليش جذي ، بس مو ناوي اتابعها

صح أذكر مرة سألتني عن الرمزية هل هي لـ valkyrie ؟!

ما اتذكر @@ .. كنت معجب بالرمزيات قبل والحين اعجبتني زيادة بسبب Teresa ، شخصية نادرة

أنا مقهورة كثير من اللي صار و انصدمت بقوة , أجل Aki دخل جو بقوة , النبض يزيد بعد ؟! , هو أحداثه تربك و مفاجآت ...

ههههه صح مو متوقعة ، كنت حاط في بالي ان Clare ما بتموت ما بتموت >_<! بس اللي صار غريب وحتى انها عقب رجعت عادي.. تمنيت لو تقتل Priscilla

Claymore بس حق الصورة عقب شلتها :P

[Akira]

البدايه ككل ممتعه مب مثل معظم الانيميات اللي تكون بدايتها ممله
الطريقه اللي عرفونا فيها عالكليمور حلوه في الحوار بين راكي واخوه ^^
حسيت جو الانيمي مثل ألعاب الار بي جي...وحتى لحاق راكي بكلير يشبه بداية تكوين فريق الشخصيات الرئيسيه في الالعاب XD

اجواء الانمي و الحكايه وعصور وسطى طالعه بأفضل شكل ممكن.. مرات وقت ما اشاهده احس كأني اقرأ كتاب قديم بقصه ملحميه
ستديو مادهاوس هو الافضل في تصوير بيئه واقعيه من شخصيات، اجواء إلخ
في مرحله معينه في الانمي والاحداث ما رح تتوقفي مشاهده فيهم


..

وزين كلير حصلت لها طباخ ههههه
بدايتهم حلوة و أعتبرها قوية , حتى أنا أعجبتني طريقتهم في التعريف بـ الـ Claymore حوارات أهل القرية و ما تبعه ...
حتى الـ Ost و وجه الشخصية الرئيسة للتوضيح أكثر ... صورة :

التفاح وجبه مهمه للكليمور! + النوم كان له شكل مختلف معهم ايضاً
اللقطه هذه رائعه.. كانت اختصار لوصف الساحرات ذوات الاعين الفضيه


Aki احسنت بجد في مشاهدته
اتذكر نفس الامر وقت مشاهدتي معه كانت ممكن 2-3 ايام ربما
لي عوده..

[Camellia]

,


للي ناويين يقرؤون الـ Manga فيه فصول ~ مشاهد إضافية , لا تنسون تمرون عليها .

,


Akira

إذا سمحت ممكن تضيف هذه الشخصية , خلها بعد Lily لأن رقمها 18 و هذه رقمها 20 :




Queenie ~ クイーニー : الـ Claymore صاحبة الرقم 20 في جيل Clare

,

فيه 4 شخصيات من الـ Claymores , شكل أذانهن غير و اللي يسمونه Elf , صورة للتوضيح :




,

Spoilers !

في الجزئية الأخيرة من أحداث الحلقة 8 , طبعاً الـ Anime يحتوي على مشاهد دموية , دائماً أبعد نظري عن الشاشة لأني ما أتحمل أشوفها ,
فـ في شيء ما لاحظته إلا متأخر , بسبب قوة التأثير اللي تركه المشهد على نفسي و هو :

أن Priscilla شقّت جبين Teresa , اللي لاحظته هو إن الصورة الأخيرة لـ Teresa كان فيها شيء ناقص و هو الشقّ اللي في جبينها نسوا عن يرسمونه !

شوفوا الصور تحت :





هذه الصورة اللي قصدتها :



,

شيء ثاني مستغربة منه , وهو أن Priscilla قطعت ذراع Irene اليسرى , و حذفتها عليها و لا أذكر أنها أتلفتها ,
فـ ليه Irene ما أعادت تركيب ذراعها المقطوعة ؟!
بما أنها من النوع الهجومي و معروف إن الفرصة الوحيدة المتاحة لهذا النوع من المقاتلين هو إعادة لصق الأطراف المقطوعة .

,

كل اللي تابعوا الـ Anime , أكيد يذكرون إن Ermita كان يتواصل مع Galatea , طيب الشيء اللي استغربت منه هو أنه مكتوب في الـ wiki ,
إن كان له تواصل مع Ophelia و Miria بعد !

عن نفسي استغربت , و بعدين قلت يمكن في الـ Manga و قلت يمكن في مقطع كذا ... و طلع فعلاً صحيح ! تذكرون الحلقة 11 ,
لما Miria تحكي لـ Clare و Helen و Deneve سالفتها مع صديقتها Hilda مو جات Ophelia و حاولت تستفزها علشان تستيقظ ؟!
في هذه المهمة اللي راحوا يصيدون الـ Awakened Being هنا كان التواصل اللي بين Ermita و Ophelia و Miria .

صور من المشهد المقصود :

[Akihiko]

أن Priscilla شقّت جبين Teresa , اللي لاحظته هو إن الصورة الأخيرة لـ Teresa كان فيها شيء ناقص و هو الشقّ اللي في جبينها نسوا عن يرسمونه !

امممم اتصور عادي ، ماكان الجرح شي مهم ممكن عشان يبين قوة Priscilla بس

فـ ليه Irene ما أعادت تركيب ذراعها المقطوعة ؟!

اللي فهمته انه كانت بتموت وقتها.. وعادي يقولون انها تأخرت وماعاد تقدر تركبها
ما كنت اتذكر تفاصيل وطالعت شوي من الحلقة.. اه Priscilla تمنيت انها تموت -_-

[Arashi]

و صح أقترح إنك توفريها لك من ألحين , عدد الفصول حالياً هو : 135 فصل .

من بعد ماجفت الحلقه 8 قلت لازم لاااااااازم اشتريها...الحمدلله انها متوفره @@

نايس الخلفيه...تذكرني بفاينل فانتاسي 7 @@

اجواء الانمي و الحكايه وعصور وسطى طالعه بأفضل شكل ممكن.. مرات وقت ما اشاهده احس كأني اقرأ كتاب قديم بقصه ملحميه

فيها شي من الانيميات القديمه باسارا وبيرسرك وربعهم لكن برسوم حديثه

في مرحله معينه في الانمي والاحداث ما رح تتوقفي مشاهده فيهم

انا من الحين ماقدر اوقف

التفاح وجبه مهمه للكليمور! + النوم كان له شكل مختلف معهم ايضاً

ما ركزت على التفاح...توقعت اللحوم اهم شي لهم بما انهم نصف يوما @@


----------------------------------
الحلقة 8

انصدمت لما ماتت تريسا...توقعتها بتظهر لين مراحل متقدمه من القصه
اجوفها في اغنية البدايه تقاتل كلير فقلت يمكن تصير خصم لها او شي @@"
رقم2 اللي تحولت يوما فتاك كانت مفاجأه اخرى...شكلها هي المجرم الرئيسي في الانيمي
مفاجأه #3 وهي ان كلير طلبت دمج جسدها بجسد تريسا @@
متحمسه لباقي المفاجآت X3

الحين عرفت سبب عطف كلير على راكي
لأنها عاشت نفس وضعه وعلاقتها فيه نفس علاقتها بتريسا
يالله بشاهد الحلقه التاسعه x3

[Akihiko]

نايس الخلفيه...تذكرني بفاينل فانتاسي 7 @@

اوه.. صح سيف زاك

انصدمت لما ماتت تريسا...توقعتها بتظهر لين مراحل متقدمه من القصه

اوه.. الا صدمة وحسرة.. حبيت شخصيتها

ما ركزت على التفاح...توقعت اللحوم اهم شي لهم بما انهم نصف يوما @@

لو كله لحم بيمتنون -.- ، التفاح زين يحافظ على رشاقتهم