من ينــــآقشني؟!

[القوي الله]

معلومات المتقدم بالاستفسار :
العمر : 20 , الجنس : ذكر

الطول :170 متر
الوزن : 65 كيلوجرام

نسبة الدهون : 10%

و الاستفسار كالتالي :
السلام عليكم ورحمة الله وبركاته

شحالكم اخواني ؟؟

ان شاءالله طيبين ..

طبعا هذا اول موضوع لي فالمنتدى وحبيت افيد واستفيد منكم ..

ولا اخفي عليكم اني متابع مواضيع المنتدى اول باول لين ما قررت اني اسجل ^_^

اما بالنسبة لموضوعنا حبيت احد يناقشني بمسئلة المكملات وخصوصا البروتين والامينو والجلوتامين

السؤال هو لماذا يجب اخذ البروتين مع الامينو او الجلوتامين؟

وياريت لا تكثثر الاجوبة ويتشتت الموضوع .. عالاقل يرد واحد واستمر في النقاش معاه

واتمنى يكون فاهم وصاحب خبره

للعلم ( الهدف هو الاستفادة لي ولكم ) ..

في الانتظار..

[نجر العتيبي]

وعليكم السلام

أخوي حياك بين اخوانك . تقدر تفتح موضوع في القسم العام http://www.montada2.com/forumdisplay.php?f=543تطرح فيه تصورك عن النقاط التي تود النقاش فيها على شكل موضوع نقاشي معنون بعنوان يصرح بالمحتوى مغاير لموضوعك أعلاه . لأن هالقسم حق استفسارات شخصيه كل حاله مستقله بذاتها . وصدقني هناك ستجد مايسرك .

[StronGest]

وعليكم السلام ورحمة الله وبركاته
ناخذ البروتين عشان نكمل احتياجنا من البروتين لانك اذا تبي تبني عضلات محتاج اكثر من الشخص العادي بروتين فالبروتين يكمل النقص ويعطيك بروتين سريع وسهل الامتصاص
الامينو مو ضروري اذا اكلك منوع من مصادر بروتين متنوعة وتقدر تاخذة اذا اكلك مو منوع او مايشمل جميع الاحماض الامينية
الجلوتامين تحتاجة اكثر في وقت التنشيف لانه دايت شديد وماتضمن انك تاخذ كفايتك منه خصوصا وانت اكلك قليل .. اشوف ماحتاجه وقت الضخامه لانه متوفر بكثرة بالاكل ولا تنسى البروتين شيك
مادري وش المقصد من سؤالك بس اتمنى تكون اجابتي وافيه .

[القوي الله]

وعليكم السلام

أخوي حياك بين اخوانك . تقدر تفتح موضوع في القسم العام http://www.montada2.com/forumdisplay.php?f=543تطرح فيه تصورك عن النقاط التي تود النقاش فيها على شكل موضوع نقاشي معنون بعنوان يصرح بالمحتوى مغاير لموضوعك أعلاه . لأن هالقسم حق استفسارات شخصيه كل حاله مستقله بذاتها . وصدقني هناك ستجد مايسرك .

مرحبا بك اخوي العتيبي ..
والسموحه ياخوي .. تصدق اني كنت حاس مكان الموضوع غلط
عالعموم اتمنى من احد المراقبين نقله للقسم العام
وشاكر لك اخوي

[Big shadow]

انا دائما افضّل استخدام الواي بروتين لحاله فقط ويكون في اوقات يحتاجه الجسم زي اول ماتصحى من النوم وبعد التمرين مباشره

مع الاعتماد على الوجبات والتنويع فيها بالإضافه الى الموز والخضروات والحليب

هذا الأفضل

بعض الشباب الله يهديهم طايح في المكملات بجميع انواعه ومهمل الجانب الغذائي وهو المهم

[القوي الله]

وعليكم السلام ورحمة الله وبركاته
ناخذ البروتين عشان نكمل احتياجنا من البروتين لانك اذا تبي تبني عضلات محتاج اكثر من الشخص العادي بروتين فالبروتين يكمل النقص ويعطيك بروتين سريع وسهل الامتصاص
الامينو مو ضروري اذا اكلك منوع من مصادر بروتين متنوعة وتقدر تاخذة اذا اكلك مو منوع او مايشمل جميع الاحماض الامينية
الجلوتامين تحتاجة اكثر في وقت التنشيف لانه دايت شديد وماتضمن انك تاخذ كفايتك منه خصوصا وانت اكلك قليل .. اشوف ماحتاجه وقت الضخامه لانه متوفر بكثرة بالاكل ولا تنسى البروتين شيك
مادري وش المقصد من سؤالك بس اتمنى تكون اجابتي وافيه .

مرحبا باخوي استرو
احب اشكرك على الرد بصصراحة كفيت ووفيت
واتمنى من جميع الاعضاء عدم الرد وجعل الحوار بيني وبين الاخ استرو
بسم الله ونبدا

اخي استروا الكلام الي ذكرته كله صحيح ولا غبار عليه ولاكن اكييد تعلم اخي الغالي ان الجلوتامين
يحتوي على احماض امينية .. والاحماض الامينية هي التي تكون البروتين

اذا ممكن توضحلي وتفسرلي ما سبب اني اخذ الجلوتامين والاحماض الامينية دام كلها فالبروتين ؟؟؟

معلومة اضافية (( الجلوتامين من الاحماض الغير اساسية في اجسامنا يعني الجسم يقدر يصنعها))
فقط معلومة وحبيت اضيفها

وبانتظارك اخي الغالي

[رادوي اليامي]

النسبه اللي تحصل عليها من الاحماض من البروتين اقل من لمن تاخذها من منتج اميني خالص
واللي ياخذونه حاسبين شغلهم كم راح يحصل علئ قرام بروتين وكم احماض فهو يزيدها لان محتاج اكثر وجلوتامين ينطيق عليه نفس الكلام خصوصا انه يساعد علي الاستشفاء العضلي
بعد المجهود المبذول واسف علئ التدخل حبيت اشارك

[StronGest]

الجلوتامين مثل ماذكرت يصنعه الجسم ومتوفر باللبان ومشتقاتها بكثره عشان كذا تلاحظ نادر احد يستخدمه وقت التضخيم لانه متوفر بكثره.. وقت التنشيف يكون اكلك بالملي ولا تقدر توصل لكميه كافيه من الجلوتامين .. غير المجهود الشديد من الكارديو ..
الاحماض الامينيه للي اكله مو متنوع ومايضمن انه يوصل لجسمه كافه الانواع الامينيه يستخدمه عشان يضمن انه ياخذ كافه الاحماض الامينيه اللي يحتاجها جسمه... ولاتنسى في عالم كمال الاجسام يحبون يتاكدون انه ماخذ كفايته من كل شي بروتين جلوتامين احماض امينيه الخ...

[القوي الله]

الجلوتامين مثل ماذكرت يصنعه الجسم ومتوفر باللبان ومشتقاتها بكثره عشان كذا تلاحظ نادر احد يستخدمه وقت التضخيم لانه متوفر بكثره.. وقت التنشيف يكون اكلك بالملي ولا تقدر توصل لكميه كافيه من الجلوتامين .. غير المجهود الشديد من الكارديو ..
الاحماض الامينيه للي اكله مو متنوع ومايضمن انه يوصل لجسمه كافه الانواع الامينيه يستخدمه عشان يضمن انه ياخذ كافه الاحماض الامينيه اللي يحتاجها جسمه... ولاتنسى في عالم كمال الاجسام يحبون يتاكدون انه ماخذ كفايته من كل شي بروتين جلوتامين احماض امينيه الخ...

هلا بك اخي ..

بصراحه الاجابة ما تخص السؤال ..
لانه ياخوي البروتين = احماض امينية يعني مافي فرق بينهم ابدىاغير المسميات
لما تتجمع الاحماض الامينية مع بعضها تكون البروتين
طيب حلو .. وحتى لو اكلي ما هو منوع ترى اخذ احماض امينية يعني كني اخذ بروتين
فـ ليش ما خذ البروتين وفك عمري

زين حتى ولو مشينا على كلامك مثلا ..
دام اني اخذ احماض امينية او الجلوتامين ليش ما استغني عن البروتين ؟؟؟؟؟؟

[القوي الله]

النسبه اللي تحصل عليها من الاحماض من البروتين اقل من لمن تاخذها من منتج اميني خالص
واللي ياخذونه حاسبين شغلهم كم راح يحصل علئ قرام بروتين وكم احماض فهو يزيدها لان محتاج اكثر وجلوتامين ينطيق عليه نفس الكلام خصوصا انه يساعد علي الاستشفاء العضلي
بعد المجهود المبذول واسف علئ التدخل حبيت اشارك

مسموح بالحــل ..
جميل وينطبق عليك نفس السؤال
لماذا لا استغني عن البروتين دام اخذ حاجتي من الاحماض الامينية والجلوتامين؟؟

[StronGest]

يمكن ماعرفت اوصل الكلام اللي ابي اقوله ... بحاول اشرحه
اول واهم شي لبناء العضلات انك تاخذ الكميه اللي يحتاجها جسمك عن طريق الاكل او عن طريق المكملات ماتفرق اهم شي تكمل الاحتياج الكامل للبروتين اللي يحتاجه الجسم لبناء العضلات ..نفرض تقدر تكملها من الاكل ماله داعي البروتين شيك ... حلو الكلام
بالنسبة للاحماض الامينية بعضها يوجد في البروتين الحيواني وبعضها بالبروتين النباتي اذا انا متاكد اني حصلت جميع الاحماض الامينية المتواجدة بانواع البروتين وبكمية كافية ماله داعي اخذ امينو ...
يعني الاكل هو الاساس بس محد يقدر يعرف او يتاكد من انه اخذ الكفايه دايم ... غير المصاريف والوقت عشان كذا اخترعو المكملات ... اتمنى اني قدرت اوصل لك وجهة نظري
موفق اخوي

[StronGest]

دام اني اخذ احماض امينية او الجلوتامين ليش ما استغني عن البروتين ؟؟؟؟؟؟

مو شرط انك تاخذ احماض امينية وجلوتامين انك غطيت احتياجك من البروتين ..
انت بادي بالمقلوب اول شي اضمن اني ماخذ كفايتي من البروتين وبعدين اتاكد اني ماخذ كفايتي من الجلوتامين والامينو ...
اتمنى وضحت الفكرة

[القوي الله]

يعطيييك الف عاافيه والله .. ههههه ادري تعبتك معاي
وكلامك واضح وجميل ..

بس ياخوي انا اقصد بسؤالي شي وانت فهمته شي ثاني ..
انا راح افهمك الحين من بعد ما تجاوبني على هالسؤال

مما يتكون البروتين وعلى ماذا يحتوي ؟
وهل البروتين يحتوي على جميع الاحماض الامينية ام بعضها ؟
وهل الامينو يحتوي على جميع الاحماض الامينية التي يحتاجها الجسم ؟

جاوبني عالاسئلة باختصار .. وبفهمك مقصدي

[بردان1]

اخوي كلمة بروتين اسم جامع لعدة احماض

لو مسكت حمض اميني واحد مثلا قرام واحد من حمض الليوسين من الصحيح ان تسميه بأسمه ومن الصحيح ان تقول عندي 1 قرام بروتين فالشق تقدر تسميه باسمه

وكل قرام بروتين لابد ان يكون يحتوي على حمض اميني واحد او اكثر الى 23 حمض اميني , ويختلف حسب اختلاف مصدر البروتين نفسه
فا غالبا بروتينات الحبوب والاعشاب تكون ماتحمل الاحماض الامينية الاساسية للجسم , عشان كذا لاعبين كمال الاجسام مايحسبونها بحسبتهم

يعني بحسب مصدر البروتين يتحدد عدد وانواع الاحماض الامينية الي فيه

اما عن سؤالك هل الامينو يحتوي على جميع الاحماض الامينية مافهمته ؟
الامينو او الاحماض الامينية هي نفس الاسم . اذا كان قصدك بالمنتجات فالمنتجات تكون موضحة عليها , وغالبا الشركة الي تبي التميز راح تركز ع الاحماض المهمة


وأسفين اسف شديد ع الخشة بس حبيت اوضح الموضوع حسب فهمي انا وللبقية شرح اخر

[StronGest]

الله يعافيك يالغالي
بالنسبة للبروتين ينقسم قسمين قسم حيواني وهو اللي يعطيك الاحماض الامينية اللي ماينتجها الجسم فلازم تاخذها من الاكل والمكملات
القسم الثاني البروتين النباتي ومن الحبوب وهو يحتوي على الاحماض الامينية الاساسية اللي ينتجها الجسم فتعتبر اقل اهمية من البروتين الحيواني بس بعد لازم تاخذ منها
اما الامينو مثل ماقال اخوي بردان كل شركه مركزه على انواع معينة فيه شركات مركزة على الاحماض الامينية الاساسية وشركات تحط امينو منوع بنسب قليله ...
ان شاء الله مانسيت شي ... موفق اخوي