بسم الله الرحمن الرحيم
كثير من الناس ماتعرف كم مقدار البروتين اللي تحتاجه يوميا فيها ناس تاخذ كمية قليلة وهذا ما راح يحصل نتايج مرضية من ناحية بناء العضل وفيه ناس تاخذ اكبر من احتياجها وهذا الشي الخطير لانك في هذي الحالة غير انك راح تخسر فلوس اكثر على المكملات والاكل راح تسبب اجهاد على الكبد والكلى وقد لاسمح الله تضر نفسك
طبعا الموضوع هذا للي يلعبون حديد مو للاشخاص العاديين
اولا انت المسؤوول الاول عن جسمك ولو جاك شي لا سمح الله ماراح يوقف معك اللي نصحك ولا اللي باع لك البروتين
في البداية قبل تلعب حديد او اذا كنت تلعب حاليا انصحك تعمل فحص تحليل وظائف الكبد والكلى عشان تتاكد ان كل شي عندك سليم
نجي لنقطة ثانية حاول انك تتاكد ان البروتين اللي تشترية مو مضروب (مغشوش) ويكون تخزينة سليم
ثالثا
الاجانب اختلفوا في تقييم النسبة اللي يحتاجها لاعب الحديد ولكن الغالبية تتراوح من 1.6 الى 2.2 جرام بروتين الى كل كيلو من جسمك
فيه ناس يوصلونها الى 3 او 4 جرام لكل كيلو ولكن ما انصحك توصل للمستويات هذي الا اذا لاحظت ان عضلاتك ما عاد تستجيب
نصيحتي وانت حر تاخذ فيها او لا
انك تبدا بالحد الادنى 1.6 او 1.8 لكل كيلو من وزنك
يعني لو وزنك 80 اضربة في 1.6= 128 جرام بروتين يوميا
اذا حصلت ان العضلات تكبر معاك وامورك تمام ماله داعي زيادة البروتين واجهاد جسمك واعضاءك ببروتين زايد
ولو بعد فترة ماحصلت نتايج ممكن تزيد كمية البروتين
وايضا انصح بعمل تحاليل دورية للتاكد من سلامة الكبد والكلى
طبعا حسبة البروتين بالسكوب سهله كل علبة مكتوب عليها كم جرام بالسكوب ولكن التعب في متابعة اكلك وحساب البروتينات في ولو تبحث في النت راح تحصل مواقع كثير
تعطيك نسبة البروتين في الاكل وراح اعطيك موقع اعجبني لو بحثت فيه عن البيض يعطيك انواع البيض كلها بيض بط ودجاج وغيره ولو بحثث فيه عن البطاطس يعطيك انواع البطاطس مشوي ومقلي
وحتى التونه يعطيك التونه المعلبة بزيت او ماء وملح
هذا الموقع
http://nutritiondata.self.com/
طبعا اكتب اللي تبي تبحث عنه فوق فيي خانة السيرش
واذا بحثت انتبة لخانة Serving size
تقدر تغير حجم الشي اللي تبحث عنه 100 او 200 جرام وكذا
وسلامتكم
المشاركة الأصلية كتبت بواسطة coming soon bro
