السلام عليكم ورحمة الله وبركاته
ان شاء الله طيبين ي اعضاء هاالمنتدى الابطال ، قبل فتره طرحت استفسار عن مرور المكملات من البحرين للسعودية وماقصرو الشباب افادوني وطرجوا تجربتهم
وقلت لازم نفيدهم زي مافادونا .. مالكم بالطويلة يا اخوان ب شارع المعارض لقيت المحل بيت الطاقة و بيغ ماسل ، ورحت ل بيغ ماسل
دخلت واوم النظافه واوم الترتيب واوم الريحه الزينة << والله لحظتها تذكرت صابر المخيس .. المهم فرفرت ولقيت رجل بحريني شغال بالمحل ، معضل وجسمه حليو شي يفتح النفس .. موب المصري اللي ب gnc .. اهم شي عطاني الكازين والاحماض الامينيه ، بغيت واي بس ماحصلت من شركة اوبتيمم ، والاحماض طلبته برضوه bcaa بس قالي مافيه خلصت واعطاني بديلها وقالي
المكونات الثلاث اللي ب اللي بي سي موجوده فيها وقلنا على بركة الله .. جينا للحساب قالي الكازين ب 220 ، والاحماض علبتين ب 200 علما ان كل علبة فيها 345 كبسولة
وانا اللي اسئله ، على طول قبل امشي كيف البروتينات والاحماض بتعدي من الجمارك ؟! وهو اللي يضحك ويقول تدري ان محلي مايدخله غير السعوديين والكويتيين ويحلفلي يقول الاسبوع يعدي عليه اثنين ولا ثلاث بحرينيين بس ، وقال تعدي اكيد بس خذ الفاتورة لا سمح الله ورهم هي وثاني شي لاتكثر طلبات خذلك حق الاستخدام الشخصي ، وانا اللي انبسط واسلم عليه وادز على الجمارك السعودية ،
وحطيت البروتينات جنبي بالمرتبة ، بكيسها .. ويوم وصلتهم جى موظف الجمارك وطالع فيها قال وش ذي قلت بروتينات حقتي وهذي فاتورتها .. قالي مايحتاج فاتوره اهم شي انك ماكثرت ولا لو كثرت ، كان
صادرتها هي وفاتورتها ، وانا اللي ابلع العافيه .. واركب سيارتي وادز ع المطار من قوة الوناسة وهذي كانت تجربتي يااخوان .. واللي عنده اي استفسار يسئل وان شاء الله بالخدمة
.. آخوووكم ، عبدالله
المشاركة الأصلية كتبت بواسطة abdullahKSA
