الجزء الاول اهو الكلاسك , ووركرافت بس والناس تقوله كلاسك والثاني بورنق كروزيد و باقي الاجزاء المعروفه
وانتوا ليش تتهاوشون على الاوسمه ؟ كلها اوسمه لا راحت ولا جت وبالعكس تخلي العين عليكم , يعني الناس لما يشوفون اوسمه كثيره عند الشخص يعتقدون انه صاحب انجازات و ينتظرون منه انجازات جديده كل يوم
واذا ما قدمت شي قالوا اكيد اخذهم بالواسطه , يعني مثلي انا الحين , قاعد واسولف ولو يشوفوني الناس يقولون هذا 100% اخذ الاوسمه بالواسطه , يعرف المراقبين و يقولهم ويعطونه
مع اني قبل طبقت هالشي , لما دقيت صحبه مع مستشار بالمنتدى اسمه فاينل فانتسي , قعدنا نسولف ونضحك الى ان قلت هذا الحين صار خاتم بأصبعي و خلني استغله بالاوسمه ونقاط التقييم و التوقيفات , مو تعرفون انا قبل كنت كل يومين مصكوك توقيف
قلت اضبطه واخليه يشيل عني اي توقيف , يعني كنت استغلالي وقتها واهو كان يكلمني ويرسلي صور رفيجي الملك ولد بطنها بعد مايعدل عليهم شوي لأن اهو مهندس كمبيوتر ويعرف هالسوالف
المهم ولما انا كنت في قمه استغلاليتي وكنت يومها ابي نقاط تقييم , حطيت صوره بالتوقيع عفوياً والصوره كانت صوره بنت
مادريت الا الصوره محذوفه من توقيعي و واصلني انذار ماادري من منو , ولما رجعت الصوره انحذفت مره ثانيه بدون مايقولي منو , انا توقعت يوشي , بس قلت لو يوشي كان كلمني بالخاص قالي الصوره مخالفه او ممنوع او اي شي , المهم يعطيني خبر
لكن محد كلمني وتوقعت بعدين ان مو يوشي , فأخذتني العزه بالاثم وحطيت الصوره مره ثالثه جان يصكني توقيف
منو تتوقعون اللي عمل هذا ؟
اي اهو
فاينل فانتسي , وانا اللي كنت بستغله بالواسطات , طلعوا هني ماعندهم شي اسمه واسطه او معرفه , ماعندهم يمه ارحميني , ومن يومها وانا امشي جنب الحيط
عشان جذي لاتعتقدون ان الاوسمه بالواسطه , او يعتقد الزائر ان المنتدى في واسطات , يامه توقفنا من مراقبين نمون عليهم , الله يالدنيا
والاوسمه ما يصير يشيلونها او يعطونها احد , حسب كلام ال big boss بالمنتدى ان مايصير تنشال الاوسمه , يعني اللي اخذ خلاص , بس انا قلت يمكن صار يقدرون , اذا يقدرون يشيلون اوسمتي
اما انهم يعطونها شخص ثاني هذي صعبه , لأن انا قبل قلت هالشي , كم واحد تم توقيفه وقلتلهم حرام يتوقف وعنده الاوسمه هذي , عطوني اوسمته , والى الان محد رد علي
تبون اكتب بعد او كافي ؟
دوديت صج تنطرون 25 سنه عشان بيت ؟
احنا بالكويت اقل منكم , يقولون 15 سنه بس الصج 18 سنه او 20 , مع ان ديرتنا صغيره وكلها منشآت نفط , يعني كل ما وزاره الاسكان تقول للدوله نبي اراضي عشان نوزع بيوت يقولون مانقدر لأن كل الاراضي محاطه بشبك وهي تابعه لشركات النفط , تحتها متروس نفط خاشينه للي يغزونا
اما انتوا مساحاتكم كبيره بعد شنو عذرهم مايوزعون اراضي للمواطنين كل 5 سنوات مثلا
واذا عندك فكره عن اسعار الاراضي , اذا كانت الارض 1000 متر كم سعرها