مالي الا الله ثم انتم .. سرت هيكل عظمي وبطني الى الان كرش .. ساعدوني ارجوكم

[همس الطيب]

معلومات المتقدم بالاستفسار :
العمر : 28 , الجنس : ذكر

الطول :174 متر
الوزن : 68 كيلوجرام

نسبة الدهون : 18

و الاستفسار كالتالي :
السلام عليكم ..

انا دخلت النادي وكان وزني 85 وجلست شهرين ونزلت الى 75 .. ثم قطعت النادي 11 شهر ... الان رجعت للنادي وكلي اصرار وعزيمه ..

الان طولي 174 وسار وزني 68 ونسبة الدهون الان 18 <<<< اول كانت 22 او 21

انا الان سرت هيكل عظمي كل ما يشوفني احد يقول اشبك عظامك باينه ,, ومشكلتي في بطني كرش وصدري فيه دهون ..

انا اللي ابيه فقط ان صدري ينشد ويسير مستوي وبطني تروح منها الكرش ...

انا الان لي شهرين في النادي , وشهرين العب بطن .. طيب يوم بعد يوم ...

لكن بطني الى الان مكرش ,, هل لازم انزل كمان دهون ؟؟

المدرب قال لي خذ واي بروتين زيرو فات وغلوتامين وحارق دهون نسيت اسمه ,,, بس ما اخذت لاني خايف ..

لكن شفت الكثير يتكلم عن iso 100 ينفع اخذه ويحرق لي الدهون ولا وش اسوي ؟؟؟

وبالنسبه للدايت انا ماشي دايت صح ,,

واللي ابغاه جسم مشدود فقط ,, يكون مستوي اقدر البس بدي وزي كذا ..

شورو علي ,, وش اسوي

وبالنسبه للمكمل يكفي اخذا iso 100 فقط وتمشي الامور حلاوه معاي ..

انتظر ردكم بفارغ الصبر ومشكورين مقدما

[شقاوي غير]

iso100 هذا بروتين مافيه دهون مو حارق بس واصل على التمارين وراح يشد جسمك وبالنسبه لحوارق الدهون كثيره والمنتدى مليان شرح كامل لهم

[mR.juve]

اخوي معليش هل الكرش شكله قبيح وواضح مره ؟

وجهة نظري ابدا اشتغل على نفسك في عالم الحديد وانسى الكرش لاتستخدم ايزو انت نحيف مره استخدم واي او برو كمبلكس

الايزو يستخدم بعد التضخيم في فترة التنشيف

انت مستحيل تنزل دهون وانت اصلا مابنيت عضل ؟ راح تطلع لياقه وهيكل عضمي ؟

وبخصوص الكرش حاول تركز على ثلاث شغلات ولاتجهد نفسك فيها معدل ٢٥ دقيقه فقط جهاز واحد في اليوم ( مشي على السير طالع جبل يعني ترفع السير - اوبتيكل - دراجه )

وجهة نظري

[ديزل ديزل]

​البطن مطبخ قبل متكون تمرين

[همس الطيب]

الكرش مو قبيح .. ولكن لو لبست بدي يبان .. انا ابغى بطني على جوه .. يكون مستوي

طيب يعني انت تشوف اني ما استخدم iso 100 ؟؟؟ انا قلت استخدمه لانه خالي من الدهون لاني انا ابي انزل دهون ...

طيب يعني استخدم واي بروتين زيرو فات ؟؟؟ وش افضل شركه ؟؟؟ ON
وبعدين يالغالي هل ينفع اني استخدم فقط واي بروتين بدون غلوتامين ... لان المدرب قال ما ينفع تستخدم واي بروتين بدون غلوتامين ...

شايف كيف ليش انا محتار ....

[mR.juve]

اول شئ غير صحيح كلام المدرب تقدر تستخدم بروتين بدون جلوماتين وعموما البروتين يحتوي على جلوماتين ؟

الجلوماتين لما تكبر العضلة تصير تستخدمه حتى مايصير هدم بس انت مابعد بنيت اي كتله عضليه


ليه انت مهتم في زيرو فات ؟ ترى بروتين الواي جولد ممتاز والفات اللي فيه خفيف جدا ومايضر او بروكمبلكس

اللي اقصده اذا بتسخدم زيو فات لاتستخدم افضل لانه خفيف جدا وماراح يعمل تغير كبير بجسمك

انا فاهمك ان بطنك والكرش متعبتك نفسيا بس برضوا انت لازم توازن كل جسمك

وعموما في كمال الاجسام وانت تتمرن راح تحرق سعرات حراريه

كمال الاجسام = بناء كتله عضليه بعدها تنشيف الدهون بعدها تحافظ على العضلات

انت في مرحلة التنشيف راح تشوف بطنك اصلا متغير وتشد عليه بس لما تكون كونت كتله ممتازه بعضلاتك

[همس الطيب]

راح اقول اللي فهمته منك يا اخي العزيز ..

يعني اول شي ابني عضلات ( مع العلم انا ابغى جسم عادي مستوي بدون بناء عضلات ) علشان احرق الدهون .. لانه بدون بناء عضلات لن يتم احراق الدهون <<< هذا اللي فهمته

طيب يعني الان راح استخدم واي بروتين او برو كومبلس <<< رجحلي الافضل لو تكرمت ويكون الدهون فيه قليله ,, علشان في التنشيف ما اتعب كثير

طيب لو بنيت كتله عضلات طيبه بدون نفخ كبير هل راح اكتسب دهون ؟؟.. وفي التنشيف هل راح استخدم كمان مكملات ولا كيف ؟؟؟ ولا خلاص يكفي الواي اللي اخذته في البناء ؟؟

طبعا ماراح اخذ معاه شي بس اللي راح تقلي عليه من البروتين هو اللي اخذه .. يعني ما راح اخذ غلوتامين ولا حارق دهون ..

انتظر ردك اخي الكريم .. علشان بمشي على الكلام حقك

ومشكوووووور يالغالي والله ما تقصر

[همس الطيب]

ونقطه اخيره .. ياليت لو رشحتولي بروتين . ابي طريقة استخدامه بالتفصيل .. لاني اول مره بستخدم

والنقطه الثانيه لو قررت مثل يوم اني ما روح النادي هل استخدمه او اوقف ,,, يعني استخدامه لو كنت ناوي اروح النادي ..

ومشكوووورين

[همس الطيب]

تحديث للموضوع
رحت اليوم النادي وغيرت المدرب حقي .. المدرب الجديد يقول انت يحتاجلك فقط واي بروتين وامينو ...
قلت له الواي بروتين فيه دهون ... قال ما عليك الدهون جدا قليله ....

وش رايكم اخذه واتوكل على الله

وش رايك اخوي

mR.juve

بكلام المدرب ؟؟

[ابو دانا الحربي]

اخوي حسب ماهو واضح لي انه غالبية الدهون اللي عندك موجوده في البطن. علشان تنمسح الدهون بشكل عام تحتاج تكون نسبة الدهون اقل من ١٣-١٢٪ ولكن مشكلتك انك نحيف ومافيك عضل يعني لو تبي تنحف اكثر راح تصير هيكل عضمي رسمي
نصيحتي لك ابني عضل ٥ كيلو على الاقل استخدم واي بروتين بغض النظر عن نسبة الدهون اللي فيه سواء كانت زيرو او ١٪ بعد ماتبني العضل نشف جسمك حتى تاصل نسبة دهون ١٢-١٣٪ راح يصير شكلك تمام ان شاء الله.

[همس الطيب]

^^^^^^
الله يرضى عليك حبيب قلبي ...
وهذا اللي بسويه راح اخذ جولد استاندر واي بروتين + امينو <<< هذا كلام المدرب ..

وراح ابني العضل فعلا انا نحيف سرت ودهوني في البطن والصدر قليل ..

لكن السؤال المهم .. في فترة التنشيف هل راح احتاج مكملات وحاجت زي كذا ولا لا ؟؟ <<<<< هذا مهم جدا عندي ..

هذي صور جسمي

[ابو دانا الحربي]

التنشيف لاحق عليه ان شاء الله. انت اللحين ابني عضل لفتره ليست بالقصيره يعني ممكن ٦-١٠ اشهر او حتى تكون راضي على نفسك ، بعدها ابدأ نشف بتقليل السعرات اليوميه مع لعب الكارديو وبنفس المكملات ( ممكن تستبدل الواي بروتين ، ببروتين زيرو فات اذا أحببت ومن باب التغير ).

موفق ان شاء الله.

[همس الطيب]

مشكور يالغالي ما قصرت .. انا بطلب المنتج من موقع iherb ارخص بكثير من المدرب ...
وابي اخذ بالشكولاته لانه كثير يمدحونه .. بس الامينو مني عارف ايت نوع اخذ !!!!!!!

مع العلم لي شهرين في النادي والحديد شهر ... ما راح يضرني ان شاء الله الواي بروتين ..

[mR.juve]

اخوي بخصوص انك ماتبي عضلات ترى العضلات ماتطلع بين يوم وليله يعني لما تاخذ الواي لاتتوقع انك بتصير عضل على طول هو راح يحسن شكلك ومع الوقت تبدا تشتغل على العضلات اذا كان لك رغبه

وكلام المدرب سليم لاتاخذ جلوماتين ولا حوارق نهائيا


الامينو عندك انواع كثير لكن ارشح لك سوبر امينو ٦٠٠٠ او امينو تك والبروتين واي ممتاز جدا

اذا انت بتلعب وانت شايل هم الدهون راح تخبص انسى ومع الوقت بتشوف بطنك خاف الكرش فيه

اترك الشيشه اذا كنت مشيش لها دور كبير في الكرش والبيره خاليه الكحول طبعا اتكلم والمشروبات الغازيه وصدقني بعد شهرين راح تحس انه خافه كثير

لاتنسى خبز بر حليب ولبن قليل الدسم

[همس الطيب]

الله يعطيك العافيه ..
انت ملك يا شيخ ..

خلاص ان شاء الله راح اخذهم واتوكل على الله ...

مع انه في كل موقع يمدح الـ iso 100 وسو زحمه فيه ونتائجه اكثر من الواي بروتين .... لكن بروح اخذ الجولد ستاندر واي بروتين .. وربي يعينني