قهوة WoW .. :P

[لوعةالفرقا]

ايه لاحظت المقطع في حوادث من جد غبيه شكلهم تعودوا ع الثلج وصاروا مايعترفون بالفرامل هههههههههههههه

كنت بسألك كيف الجهاز حق الرادار إللي طلبته ودي اطلبه !!؟ وكيف ينبهك لو فيه ساهر ؟

[Karazhan]

حوادثهم الله يسلمك بسبب الفودكا

يشربون من هالفودكا و يركبون السيارات وعلى بالهم الشوارع شوارع ابوهم

المهم

الرادار هذا انا جربته مره وحده على الخط السريع والى الان ماجربته مره ثانيه لأن كل مشاويري ما تصادفني كاميرات ساهر

من تجربتي على الجهاز عطاني تنبيهات على الكاميرات المخفيه تحت الجسور او ماادري وين حاطينهم وزاره الداخليه , اما الكاميرات الثابته اللي اعرفهم واعرف اماكنهم مرات يعطيني صفاره تنبيه منهم , ومرات لأ

انا شنو قلت بيني وبين نفسي

قلت ان يمكن الكاميرات اللي مايعطيني تنبيه عليهم الوزاره معطلتهم , لأن بعض المرات تصورني الكاميرا ولما اروح اجدد الدفتر مال السياره يقولولي ماعليك مخالفات

يعني حاطين الكاميرات بس فلاش , وهذي صارت معاي مره لما كنت على BMW و كان الوقت الفجر و راجع على الخط السريع كنت امشي 240 كلم و فجأه طلعت كاميرا بوجهي وصورتني

لأن السرعه هذي تؤدي الى السجن صارت في بالي ولما رحت ادفع المخالفات قالوا ماعليك شي , طلعت الكاميرا اللي صورتني بس فلاش

الجهاز هذا مو وظيفته يكشف الكاميرا , وظيفته يكشف الليزر او الموجات اللي تطلقها الكاميرات الثابته والمحموله اللي تكون على شكل مسدس و يمسكها الشرطي ويوقف بمكان مخفي ويراقب السيارات ويصورهم , ويكشفت اي كاميرات مخفيه ترسل اشعاعات او ليزر تحدد سرعه السيارات

هني يكتشفها ويعطيك تنبيه , اما اذا ماعطاك تنبيه فمعناته ان الكاميرا بس فلاش و مو شغال الليزر اللي فيها

هذا اللي اتوقعه , لكن بالنهايه اقولك ان الجهاز مالي ابو طقه , ماخذ ارخص واحد عشان اشوف يدخل الكويت او لأ , واهو تقليد لجهاز نفسه اسمه كوبرا و هالجهاز غالي

انت الحين روح امازون او ايباي واكتب radar detectors

وروح اليوتيوب واكتب نفس الاسم وشوف شلون يشتغل وشلون يعطي اشارات , لأن الناس باليوتيوب مسوين عليه مقاطع وكيف يكشف الكاميرات والدوريات المجهزه بكاميرات سرعه


اتمنى مااكون طولت عليك

[لوعةالفرقا]

صدقني ماهو فلاش بس انت ماشي 240 اكيد مالحق يصورك !!

بس يبيلها تجربه
لان انا بآخذ نفس هذا الابوكلب واجرب اذا عدى الجمارك ولقط ساهر تمام وبعدها نشوف انواع احسن ^^

[Karazhan]

ياحظك

متى اصير سعودي او اماراتي او قطري والعب بالفلوس

شريت ابو طقه وبعيش على ابو طقه

عموما توني رحت بيان عندي شغل هناك و بين منطقتي و منطقه بيان في اشاره عليها كاميرا تصور اللي يطوف الاشاره الحمرا , شغلت الجهاز و حطيته على highway mode ما صفر او عطاني تنبيه

وانا راجع بعد ما خلصت شغلي قلت خلني احطه على ال city mode ولما حطيته جان يصفر الجهاز

عاد انا لما الحين ماعرفت الفرق بين الهاي وي مود و السيتي مود

مدري هو الهاي يعني للكاميرات اللي متخصصين للسرعات العاليه والسيتي للكاميرات اللي اقل من 120 و كاميرات الاشارات

لأن اللي اعرفه ان الجهاز هذا يشتغل على موجات وترددات على 16 قناة , من 250 متر الى 2500 متر , يعني يكتشف الرادار على بعد 2 كيلو و نص و ترددات تكتشف على بعد 250 متر , فيمكن السيتي مود للمسافات القريبه والهاي مود مسافات بعيده

مادري بالضبط لكني احطه الحين على السيتي مود

[لوعةالفرقا]

غريبه !!!
بس احسه مشوار كل شوي اقلب
لان عندنا حنا تكوني في شوارع عاديه وفجأ تشوف نفسك في خط سريع وبعدها ترجع شوارع عاديه

يعني مشكلة كذا كل شوي اقلب على تردد :\

بس برضوا يستحق التجربه ^^

[ahmedwow999]

شباب دحين انا اشتريت الكود لفل 100 من موقع اووف جيمر حلو قالولي بنعطيك الكود قبل نزل الاصدار دا شي طبيي ؟

[Karazhan]

غريبه !!!
بس احسه مشوار كل شوي اقلب
لان عندنا حنا تكوني في شوارع عاديه وفجأ تشوف نفسك في خط سريع وبعدها ترجع شوارع عاديه

يعني مشكلة كذا كل شوي اقلب على تردد :\

بس برضوا يستحق التجربه ^^

اهو عادي , زر واحد تضغطه تحول بين الهاي واي مود و السيتي مود

بس انا رحت امس البر و توني رجعت , بالطريق مريت على 6 كاميرات , الجهاز ما نبهني على ولا وحده

الظاهر ان غسل ايده من كاميراتنا لأنهم يكونون معكوسين , يعني تمر الكاميرا تصورك من الخلف

قبل كانوا يصورون من الامام عشان لما تروح تجدد الدفتر ويقولولك عليك مخالفات سره راح تنكر و تجحدهم

يقولولك حبيبي محد يقص على الحكومه , يطلعون صورتك وانت منصدم من الكاميرا وما يمديك تخفف

بعدين الشعب اعترض على هالصور الاماميه وقالوا لا تصورون من الامام عشان اهلنا و حريمنا , قالت الحكومه خلاص نصور السيارات من الخلف , وبالحاله هذي تكون الكاميرا مقلوبه وماتصور الا اذا طفتها , فأنا اتوقع ان سبب ان الجهاز مايحذرني لأن الكاميرات مو عدساتهم مو مقابله لجهاز كاشف الرادار

فما ادري بصراحه

او ان الجهاز ابو طقه يخورها ساعات

[Karazhan]

شباب دحين انا اشتريت الكود لفل 100 من موقع اووف جيمر حلو قالولي بنعطيك الكود قبل نزل الاصدار دا شي طبيي ؟

عادي يعطونك كود تحطه في موقع بليزرد و تطور حسابك للاكسابنشن الجديد واول ماينزل الاكسبانشن تلعب عادي

انا حسابي الحين مطور من موقع بليزرد نفسه و ناطر الاكسبانشن ينزل و يفتح معاي التلفيل

[ahmedwow999]

عادي يعطونك كود تحطه في موقع بليزرد و تطور حسابك للاكسابنشن الجديد واول ماينزل الاكسبانشن تلعب عادي

انا حسابي الحين مطور من موقع بليزرد نفسه و ناطر الاكسبانشن ينزل و يفتح معاي التلفيل

طيب اسمع انا دوبي مشترك شهرين متا بنزل الاكسبانشن شهر ونص ؟

[Karazhan]

على كلام بليزرد 20\12\2014 او قبل

هذا اللي بموقعهم

[لوعةالفرقا]

انت كذا اربكتي الحين غير هم انه يعدي الجمارك جاني هم انه مايشتغل :\

على كذا هوننا يا اني بشوف غيره ولا بكمل مسيرة حياتي بدون رادار ×.×

[لوعةالفرقا]

صنفت عندي أقرى مشاركات قديمه هنا

ياولد شكلنا كلنا نتعاطى (المهدئات) ههههههههه

لا جد في شيء حتى المراقب داخل في الفورما

اسمع يا مندوب الملك حقها نألف كتاب من المشاركات ونسميه مندوب الملك وتلامذته وقصصهم الاسطوريه وكفاحهم ضد الإضطهاد
ونبيعه على الشعب المدمن
ونترجمه بللغات الموجوده في واو

صدقني ندخل ذهب

انت ماسمعت عن مشروع فليسكو << مدري هو اسمه كذا ×.×

المهم هذا اكتشف اكتشاف عظيم وعرف الشعب عندنا ملقوف درجه اول

قام فتح محل في الرياض
المحل فاضي مافيه ولاشيء مجرد غرفه فاضيه 4*10 متر واللوحه بيضه مومكتوب عليها شيء

طبعا الشعب ملقوف يبي يعرف وش فيه المحل ف يدخل الزبون عشان يشتري
يدور يدور مايحصل شيء قابل للشراء يرجع يبي يطلع الباب مايفتح إلا اذا دفعت 100 ريال هههههههههه
وفعلا بدأ يشتغل المحل حتى البنوك قامت تموله عشا ن يفتح فروع هههههههههه
تدخل أهلا وسهلا تطلع ادفع ياملقوف هههههههه

ويقولك الحين عنده فروع في أمريكا و أوروبا للشعب المغترب والمبتعثين هناك ههههههههههه

المهم حنا نبي نسوي مثله ونشتهر بالكتاب هذا

بس نحتاج توقيع الملك على المشروع وبما انك المندوب الأول والوحيد نحتاج واسطه منك لأجل التوقيع

[Karazhan]

طول بالك ولا تتهور

خلني اجربه سنه وبعدين اقولك الزبده اذا مضبوط او لأ


اما الكتاب فأنا اتوقع اننا لو طبعنا كتاب ورحنا مجمع تجاري مثلا عشان نسوي دعايه , من اول ما يقرأون الناس اول صفحه راح يحطونه بحلوقنا و يحشون كل واحد مننا بالكتب

شوف انا بقولك رأي احسن

قبل امس عورني بطني و قعد ادور على تربه الحسين عشان اكلها و اطيب لكن ماحصلت , مع اني متأكد ان كان عندي 10 جرام تقريبا منها , المهم دورت و دورت و دورت لين حصلتها بالشنطه مالت البر , انا عندي شنطه حاط فيها ليتات و بطاريات و دربيل اللي اهو منظار او تلسكوب مادري شنو تسمونه

وحاط فيها رخصه السلاح و سكين و شغلات ثانيه كثيره احتاجهم للبر مثل شواحن تلفون و الجهاز اللي اهو بطاريه يشحن تلفونك اذا ماعندك كهربا

يعني الامور هذي حاط بالشنطه و حاط تربه الحسين عشان اذا حاشني صداع او عوار بطن او او عسر هضم , اكل من التربه 1 جرام و اطيب

عاد حصلتهم واكلت و طبت

قلت قبل احصل التربه ياليتهم يحطون التربه للبيع في ايباي او امازون عشان اشتري جبل لأن ان خلصت عندي لازم اوصي واحد يروح كربلاء ويجيب من هناك

فشرايك نأجر نساف و نخليه يروح كربلاء يشيل من التربه ويجي و احنا نبيع التربه في ايباي و امازون للناس اللي خارج كربلاء و خارج الوطن العربي , تعرف المتغربين من الامه العربيه كثيرين في امريكا واوربا واستراليا

شرايك

مو احسن من الكتاب و اخر شي الجمهور محشينه بحلوقنا

وانت صارلك 3 ايام تدخل المنتدى يومي , شالسالفه ؟ طفران و مجابل النت تنطر الشهر الجاي ينزل المعاش

[لوعةالفرقا]

ههههههههههههههههههههه

لا والله السالفه ان واو صارت مربوطه بالمنتدى
كل ما تذكرتها تذكرت المنتدى يعني المنتدى صار جزء من واو بالنسبة لي ^^
والمشكلة ان حسابي مجمد بس عشان الاكسبانشن قرب وناوي ارجع مثل ما ارجع كل مره
بس الارجح اني بأنتظر الزحمة تخف يعني اذا نزل الاكسبانشن بأنتظر اسبوعين وبعدها بأشتريه

لان ما يذبحني في واو إلا الكيو أول ماينزل الاكسبانشن يجيك كيو 5 ساعات واحيانا اكثر يطفشك في اللعب :\

بس اشوف اغلب الشباب هجروا المنتدى وانت ماشاء الله عليك في كل ازمان واو متواجد
شكلك كونت جيل جديد من التلاميذ ههههههههههه

[لوعةالفرقا]

دام القسم ميت ميت ليه ماندمج الاستفسارت هنا مره وحده
نسولف ونجاوب ع المستفسرين

وبعدين الحين لنا كم سنه بهالقسم معقوله مافي احد تكفل وسوى لنا قيلد محترم يجمع تشتتنا بين القيلدات الاجانب ويلم شملنا ههههههههه