وعليكم السلام ورحمة الله وبركاته
أولاً الحمدلله فيه ارادة دام استمريت 3 شهور بالنادي وهذا شيء مهم
وماعليك المسألة معقدة من ناحية الحسبة يعني على حسب الشخص
وعلى حسب طبيعة جسمه والجينات وقدرته ومدى استجابة التغذية والتمرين وإلخ
ومادام إنك مستمر شهور ماشاء الله هذا شيء حلو وتثبت لنفسك إن عندك رغبة وهدف.
وممكن تغير طريقة التمرين يعني السير على سبيل المثال
بدال مايكون على سرعات معينة وعلى نفس النمط يومياً؟
ممكن تغير وتخليها (مشي-مشي سريع-هرولة-جري-جري بأقصى ماعندك)
طبعاً ممكن تخليها 30 ثانية وتغير وممكن دقيقة وإلخ على حسب قدرتك ورغبتك إنت.
وممكن تغير التمرين بدال مايكون عضلتين في اليوم تخليها عضلة كل يوم
باستثناء الباي والتراي تخصص لهم يوم وممكن تدخل الباي والتراي مع أي عضلة ثانية في الأسبوع.
الموضوع كله راجع لقدرتك ورغبتك الشخصية عشان تفاجئ الجسم بالتغيير
وعشان ماتطفش وتمل من اللعبة وتقطع لاسمح الله.
والكلام اللي ذكرته هذا أنا طبقته شخصياً بس ما استمريت في التمرين عشان اعطيك النتائج.
ونفس ماذكر الكابتن في الرد اللي قبلي, إنت احسب حاجتك من التغذية والبروتين
وممكن تزيد سكوبات البروتين وحبات الأحماض في حال حسيت إنها ناقصة.
الأجسام تختلف من شخص لشخص وفيه ناس تمرنوا سنتين وبعد السنتين شافوا تغيير
وناس بعد عشر شهور وناس بعد ست شهور وإلخ
وتقريباً جسمك يتغير كل 3 أشهر وتقدر تصور كل 3 أشهر واستمر سنة
وقارن بين الصور وراح تشوف الفارق بإذن والله
واللعبة عبارة عن بناء جسم يعني تحتاج صبر ووقت
خصوصاً إذا لعبتها بتغذية طبيعية ومكملات بسيطة بعيداً عن الهرمونات
أهم شيء المواصلة والمثابرة والتغيير لابد منه وبإذن الله راح توصل لهدفك.