Kitty cute gallery

[Ranma Saotome]

رسمتك حلوه وايلد كيتي..صج حلوه..
لكن ماتعتقدين.. لأن العيون كبيره والشفايف عريضه شوي كان المفروض الخشم يكون شوي اكبر أو اوضح... يبيلها شوي تناسق.. ولا اقول..
مايبيلها تناسق ولاشي.. في ستايل مانجا يرسمون جذيه مثل مسلسل الانيمي Crest of the Stars وااايد حلو والرسم روعه ونفس تقريبا اسلوب رسم الويه اللي راسمته...
MaNaMili: ............................ لاتعليق.. No Comment

[orange road]

اوكي وايلد كيتي...

الرسمة حلوة... شكلج للحين مصممة على هالاسلوب..
ترى الاسلوب وايد حلو.. بس يبي لج تمرين علشان تضبطينه

اوكي.. انتي بروحج قلتيها ان الراس عود على الجسم..
لانج لاحظتي هالشي ليش ما عدلتيه؟؟؟

واليد صغيرة بعد.. طولها ممكن يكون مناسب لكن متنها لا.. وايد ضعيفة غير ان الكف صغير..
حاولي تركزين على اليد.. لان اليد مهمة وايد في الرسم...
صراحة .. انا ما كنت اركز عدل على اليد.. لحد ما تعرفت على فطوم.. ولقيتها تهتك وايد باليد وحركاتها.. من هني بديت انا بعد اختم وانوع شوي في الحركات.. للحين عندي اعاقات بس اتحسن في الرسم كل يوم ومع كل رسمة

لاحظي الصدر.. المسافة بينه وبين الجتف وايد صغيرة.. غير ان الكتف وايد صغير بالنسبة لحجم الراس..

انتي مشكلتج بس في تحديد حجم كل عضو في الجسم..

والا الرسم نفسه لكل عضو على حده احسه ماشي (الا الكف)...

المرة الياية.. حاولي تبتدين بخطوط خفيفة على الاخير وحددي حجم كل شي (بدون تفاصيل او ملامح.. وحاولي تخلين الجسم naked علشان تقدرين تضبطين الرسمة) وبعدين لما تخلصين وديها على ورا شوي وجوفيها..
هل كل شي متناسق والا لا..

بهالطريقة التعديل بيكون اسهل.. لانج ما حطيتي تفاصيل.. اما اذا بديتي بالتفاصيل بعدين بيكون صعب انج تعدلين الرسمة..

وبعدين ابتدي ضيفي التفاصيل والملامح والثياب وكل شي..

حاولي وخلينا نجوف النتايج..

والله يوفقج

[wildkitty]

اورنج رود :
انا مو مصممه على الاسلوب بالعكس عجبتني السالفه اني ارسم رسمه بالرصاص بالخفيف بعدين احبرها
هاذي الرسمه والرسمه الي قبله انا رسمتهم مع بعض
انا راح اتبعك نصيحتك
انا اذا رسمت رسمه ما اكملها بس انا راح اشوف الاغلاط الي قلتيلي عنها واحاول اعدلها بس بعد الامتحانات
رانما ساتوم : صح كلاامك اعتقد انه العيون والشفايف كبار صح الخشم
لا زم يكون اكبر
مانامي مشكوره بعد عمري بس ادري انه الرسمه فيها اغلاط
:غضب: روايه:
اللقافه مو زينه انت مالك شغل بالي تقوله نانامي حقي
نانامي قولي رايك عيبي عادي انا ما راح اقولك شي
بروحي معصبه عليك والحين تقول ليش نانا مي ماعيبت على رسمتي

[wildkitty]

بعد عمري والله مشكوره نانامي
هاذي رسمه 2

[wildkitty]

شكلها الرسمه ماطلعت

[wildkitty]

ليش محد يعبر رسوماتي والله حرام
:" :" :" :"
قصبن عليكم تشوفون هاذي الرسمه اول مره ارسم ولد بس ترى بدون راس لأن كل ما ارسم الراس يسير بنت وانا ابي ارسم ولد بس عضلات الرسمه عاجبتني

[wildkitty]

ليش

[wildkitty]

ليش

[wildkitty]

هاذي اخر محاوله حق هاذي الرسمه

[Rewayah]

وايلد كيتي, يعني ما تقدرين اتحطين الرسومات؟
ممكن في خطأ في صيغة الرسمة و المقاييس!
تشيكي مرة ثانية.

[wildkitty]

راح احاول امس الرسمه من الجهاز وانزله مره 2 بالاسكنر
اذا ما نفع مومشكله مااحط رسومات مره 2
بس اعلق

[wildkitty]

يمكن الصوره نحس بجرب احط رسمه 2
انا ادري اني برسومات الاولاد منحوسه
هاذي الرسمه انا راسمته يوم عمري تقريبا 12 سنه كنت غايصه بين اغراضي القديمه وبنص غوصي لقيت الصوره كنت قاعده اجرب ارسم سمبا باباي الاسد الملك
انشاله تطلع انشاله تطلع

[wildkitty]

هاذي رسمه عندي ياها من زمان ما انعرضت
بس الحين انشاله بتنعرض

[wildkitty]

انا من قبل حاولت اعرض صور ه لولد وهاذي الصور مثل ما قلت اول مره ارسم ولد
انشال الحين تطلع

[Kat]

rasmich 3ajeeb!!...keep it up: