الموضوع الرسمي لـWorld Cup FIFA 2006

[الموهوب]

اخطاء المدافع لاتغتفر مثل المهاجم .. المهاجم يعوّضها بهدف ولا اداء متميز في دقائق معدوده ...

لكن المشكلة في الدفاع .. تكر في البدايه ماعليه لكن خربها في الأخير ... وعنده نزعه هجومية مهيب طبيعيه

عالعموم الله يوفقنا الأثنين مع اني متوق النتيجة شينه ..
---
مباريات اليوم كلها قويه ...

برتغال وايران .. غانا تشيك..ايطاليا وامريكا

اعوذ بالله ولا وحده تتفوت

[الموهوب]

ياناس مغتريّن بفريق ماوراه الا الدجه وقسم والشوط الاول من مباراة امريكا دليل قاطع على ان ماعندك احد

فيه مباراة مارضت تنمسح من ذاكرتي ولا اتوقع ..اللي هي مباراة غانا وايطاليا

اجل ايطاليا تفوز ... وقسم حرام
---
غانا فجّرت طاقتها امام التشيك .. وضيّعت فرص كثر التراب , واشوا مامشت هالمباراة على نفس السيناريو المعروف

اضغط اضغط وفي الاخير تنهزم ..

عالعموم غانا استحقت الفوز وبجدارة .. مباراة ستكون من افضل المبارايات لولا تضييع الفرص اللي على كيف كيفك
---
ايطاليا : لاتستحق صدارة المجموعة برأيي , ويالله عقبال الهزيمة اليوم

[abdulaziz1]

Damn..9 Vs 10..ان شاء الله توتي ياخد الأصفر التاني وينطرد..

حرام ايطاليا تفوز..T_T

ان شاء الله التأهل..لغانا وتشيكيا..

[Classic Evil]

بالله عليكم مب تكر أحسن من زاكورتا ؟؟

فريق ايطاليا فريق ميت, محد لعب فيهم إلا بيرلو <== الحين بيخب الكترو

عيل أمريكا تعجزتكم يا إيطاليا؟؟؟ خايفين من النووي الظاهر ...


لا ومطرود لاعبين ... أخ لو مع البرازيل لعبتوا كان شفتوا نجوم الليل الظهر ..

و غانا والله حرام يفوزون 2-0 المفروض 8-0 عشان يفيدهم لفرق النقاط ...


الكأس أصفر برازيلي يلق (يلق = يلمع)

[abdulaziz1]

ان شاء الله التشيك وغانا يتأهلو..

والنتيجه حلوه..على الأقل اذا التشيك وغانا فازو على طول يتأهلو..بدون نتايج الفرق التانيه..

[ثريول]

الفريق الإيطالي تعبان.. مستوى خايس حدهم يوصلون به دور الـ16. التشيك أكيد بيدخلون وهم يبون يرقعون مهزلة غانا (اللي كان مستواهم ممتاز, ولولا أن التشيك كان المستوى سيئ عندهم ما كانوا فازوا), لذلك على ليبي ضغط قوي, المفروض يعتبرها مباراة مبكرة في دور الـ16.

مع ذلك, من عوايدهم أنهم يقدمون مستويات سيئة ويشدون حيلهم شوي في الأدوار الجاية تحت مبدأ "دافع طول المباراة, والله يحبك إذا جبت قول".. لكن هالمبدأ مب راحمهم قدام منتخبات قوية ثانية.

أنا ما أشجع الطليان, لكني متعاطف معاهم لأن روبرتو باجير (برّد الله مضجع أيامه) يشجعهم فقط لاغير. مستواهم تعبان وطريقة لعبهم كريهة ما تحمس لتشجيعهم, لا وكذابين ويحبون التمثيل واللعبات الوصخة.. يعني فريق حرام الواحد يشجعه .

[SFS]

هالدرجة حاقدين على الطليان..

الحكم لعن خيرنا بالتسللات الوهمية..وقول صحيح لقاتوزو لم يحتسب بسبب التسلل الوهمي..

عموما يوم الخميس راح يبين كل شي..

وراح تتأهل ايطاليا غصبا على الكل..

[Electro M]

ارفض التعليق لارتفاع الضغط

[HAMAD 11]

الفريق الإيطالي تعبان.. مستوى خايس حدهم يوصلون به دور الـ16.

يالله ضيعوا فرصهم , المباراة الجاية اذا تعادلوا او انهزموا رح يطلعوا من البطولة

توتي بطل العالم ما سوى شيء بالمباراة غير انه تكرم وحصل كرت اصفر

واحلى شيء يوم دخل اللاعب هدف على مرماهم

ولا كانوا فايزين على امريكا 1 - 0

وبعد شفتوا اللاعب الى شعره اصفر يوم ضرب اللاعب الامريكي بكوعه وتعور وانجرح

اما اني كنت رح ادخل على الشاشة وابوس ايدين الحكم كان افضل قرار انه يطرد اللاعب بكرت احمر ^^

الخلاصة كان اداء ايطال فاشل جداً , توقعتهم يهزمون امريكا على الاقل بهدفين

الحين بس ابي اعرف منو يتعادل ويا امريكا اغبي فريق كرة قدم على الارض ؟؟

[Classic Evil]

اس اف اس :

مب حقد على الطليان, لكن خلوك تكرهم غصب...

مثل ما غانا خلونا نحب كورتهم -اليوم- غصب...




حرام عليج يا إيطاليا... هذي أمريكا وكرة قدم مب كرة سلة NBA ...

[الموهوب]

سفس : مثل ماقالك ايفلنيفرداي ..وازيد: اني ما ادانيه للعبه الرهيب وان التحكيم انحاز معه المباراة اللي فاتت وراحت غانا بسبب تحكيم فاشل , غير اللعب النظيف &#215;_&#215;
---
هل لي بسؤال ..

الاي ار تي عندهم ثلاث معلقين لكأس العالم<<معلومات خنفشاريه

الشوالي التونسي والمصري و .. والغول ..

السؤال بكل بساطه الغول وش جنسيته ؟

[Classic Evil]

الموهوب : اليوم كنا نتناقش بهالموضوع, وتوصلت أخيرا إنه أردني ..

بس الغول و أردني أحس ما تركب ..

بس يوم الشوالي كان رايق لما قال :

1- يوم الحكم ماعطا إنذار للاعب البرتغال وكان لمس متعمد ياليد, قال الشوالي باستغراب :

هيه فين يالله بش تخرج الكرت الأصفر, يعني لو كان من ساحل العاج و السنغال و بنجلاديييش و ولولوووو كان طلعته بدون تردد ...


2- لما استغرب من اللاعب الإيراني المهاجم وهو مب راضي يمرر الكورة حتى طلعت ضربة مرمى, قال :
ياخي العب وخلص ومرر, وين بالك فاكر بتروح ؟؟ عالأهواز و لا شيراز

[نيو ايرفين]

زكاردو غطى على تكر!!؟

ولاعب غانا اللي طلع علم اسرائيل صدق ان الكور اذا تكرن ما له علاج

[Yamato]

أنا ما أشجع الطليان, لكني متعاطف معاهم لأن روبرتو باجير (برّد الله مضجع أيامه) يشجعهم فقط لاغير. مستواهم تعبان وطريقة لعبهم كريهة ما تحمس لتشجيعهم, لا وكذابين ويحبون التمثيل واللعبات الوصخة.. يعني فريق حرام الواحد يشجعه .

كلام اؤيده وبقوة... خصوصا حبيب الشعب باجيو..
بس انا ولا مرة شحعت الطليان.. بس باجيو ولوحده فقط..
والبارحة شو كنت متحمس على لعب الامريكان وكنت اتمنى لهم الفوز عالطليان..

ياخي يقول الدفاع الازوري الصلب.. هذا من كثر ما صدقوها جابوها بانفسهم

على فكرة.. مدرب الامريكان حفلة

اما مباراة التشيك مع غانا..
هذا مش نفس التشيك اللي لعب ضد امريكا.. ياخي الدفاع يفوت بعران مش بعير واحد (عالمثل اللي يقول: باب يفوت جمل )

والغانيين ما عرفوا يستغلو الفرص صح للاسف..


الحين الوضع هو

تشيك ضد ايطاليا..
التشيك لازم تفوز للتاهل.. كمتصدرة..
ايطاليا.. اذا رضت بالتعادل فراح تاكلها بالدور الثاني لانها اكيد بتواجه البرازيل.. والفوز بتخليها المتصدرة..

توقعاتي.. ايطاليا ستفعل المستحيل لكي تتاهل وتتجنب البرازيل في الدور الثاني..
2-صفر للطليان

غانا ضد الامريكان..
غانا.. لو قدمت نفس مستواها امام التشيك.. فراح تتاهل بكل تاكيد
الامريكان.. نفس الشي.. مستواها امام ايطاليا كان رائع جدا وتكتيكي.. لو فازت وخسرت ايطاليا.. فراح تتاهل..

توقعاتي.. غانا بيدخلوا المباراة وهم هايجين.. رغبة في التاهل.. والامريكان وامامهم فرصة واحدة فقط.. فوزهم مع خسارة الطليان.. يعني مباراة قتالية
التعادل هو ما اراه من هالمباراة.. للاسف

المتاهلين..
ايطاليا الاولى وغانا الثانية..

[ثريول]

أنا أظن أن هالمجموعة صعب توقع نتائج مبارياتها القادمة, كل التكهنات متواجدة وبنسب متقاربة!, الشيء الأكيد هو أننا بنستمتع في الجولة الأخيرة الحاسمة لكل الأطراف.

ياجماعة , ما لاحظتوا في مباراة غانا حفلة الأديان اللي صارت في الملعب؟ .. منتخب "Multi Religions", واحد يسجد وواحد يطلع علم اسرائيل من الجوتي, والثاني يعطيها صلاة مسيحية سريعة.. والله كنت أخاف يتهورون ويطلّع واحد منهم بوذا صغيّر ويرقص جنبه .