الموضوع الرسمي لـWorld Cup FIFA 2006

[Trapped Inside]

ليكن هذا الموضوع الموضوع الي نتناقش فيه عن مباريات كأس العالم .

مبارايات اليوم كانت :

ألمانيا - كوستاريكا وانتهت بـ 4 - 2 لألمانيا

بولندا - الاكوادور وانتهت بـ2- 0 للاكوادور

أنا ما شفت الا المباراة الأولى وكانت حلوه ولله .. الشوط الأول حماس ولعب فله .. الهدف الأول كم جميل وشعلل المباراة والهدف الرابع رااااائع .

" أدري ان في منتدى خاص بكأس العالم بس زي ما دايم حنا أعضاء العام نسويها .. مواضيع لها أماكن خاصه بس نكتبها هنا عشاننا نعرف بعض هنا . "

[SFS]

مباراة المانيا حلوة..لكن مستوى المانيا أي كلام..كوستاريكا تسجل هدفين عليها..
فما بالك بالبرازيل..

ودفاع المانيا شوارع..والحارس كان لازم يكون أساسي المباراة القادمة على حساب ليمان..

ومباريات باجر راح تكون من العيار الثقيل..خصوصا هولندا وساحل العاج..

وما ننسى انجلترا مع البارغواي..

اعتقد ان البطولة هذه السنة راح تكون كلاسيكية..يعني ما راح يكون مفاجآت من المنتخبات الصغيرة نفس المونديال الي طاف..

ومو قادر اصبر على مباراة ايطاليا يوم الأثنين..شيصبرنا لي يوم الأثنين..

[Pr.Game]

مباراة المانيا حلوة..لكن مستوى المانيا أي كلام..كوستاريكا تسجل هدفين عليها..

كوستاريكا بعد ألمانيا بمرتبتين في التصنيف العالمي يعني مهم سهلين ..

المهم من وجهة نظري ألمانيا قدمت مباراة حلوة لكن عجبني أسلوب كوستاريكا ..
قدموا مباراة رائعة أمام الألمان ..
لكن طبعاً الألمان لهم الأرض واليد العليا ..
على العموم بنشوف وش بيسوي منتخبنا الأربعاء القادم ...

[SFS]

كوستاريكا بعد ألمانيا بمرتبتين في التصنيف العالمي يعني مهم سهلين ..

أخوي الحسام المهند..ومن متى كان تصنيف الفيفا مثل الناس ومعترف به..
المكسيك وأمريكا أحسن من ايطاليا..
لكن للأسف..اذا حبتك عيني ماضامك الدهر..

[ثريول]

المبارة جيدة وفاتحة خير للبطولة, 6 أهداف مهب شوي ..

المستوى الألماني مقنع لكن المنتظر منه أكثر من هالمستوى , وآمال جماهيره كبيرة عليه وما أتوقع أن فيه شيء يرضيهم غير الكاس ..

دفاع الفريقين اليوم شوارع على قولة اس اف اس, مهب بس دفاع الألمان .. بس الوضع الدفاعي الألماني الحالي يعتبر "كارثة" إذا واجهه فريق فيه خط هجوم و وسط قوي مثل البرازيل أو الأرجنتين؛ لكن أتوقع أن وضع المباراة ونوع الخصم خلا الألمان يهاجمن ويتجاهلون الدفاع شوي وأكيد أن وضع المباريات مع أفرقة قوية أكثر بيكون غير.

الزبدة 4/2 فوز بفرق هدفين وهذا شيء مقنع.

اللي قهرني ونرفزني التعليق البايخ للمعلق المغاربي .. ياجماعة الشيء الوحيد اللي يكرّهني بمحطة صالح كامل المعلقين التعبانين , يعني نصّاب عينك عينك وقلنا معليه كاس العالم يستاهل ومهب الشيخ الضفدع الوحيد اللي ينصب علينا, لكن تقشف وأنواع التعاسة في التعليق ليش .. اللــــــه يذكر يوسف سيف بالخير, الله يذكر خالد الحربان بالخير, الله يذكر محمد الطيب بالخير .. المباراة تزيد حلاوة بتعليقهم عليها وبالذات يوسف سيف.

رددوا معاي: الله يصبرنا على المعلقين التايوانيين !

[Special Agent]

مباراة المانيا كانت حلوه واكثر شي اعجبني مهاجم كوستاريكا وينشوب استغل ضعف الدفاع الالماني وثقل حجمه بالمرتدات خصوصا مرتسكر اجل طوله 198 ويبي يرجع ركض للقول

وبصراحه رحمت حارس كوستاريكا بالشوت من خارج المنطقه استغلوه خصوصا فرنقز ,, اخ بس لو برايتنر موجود يجلد الحارس جلد

بالنسبه للتعليق دجه وماله داعي بس في معلق بدبي الرياضيه اظن تونسي اعجبني صوته

ومباراة الاكوادور وبولندا شفت القول الاول بس ترتيبه رهيب : يد >> راس >> راس = قول وغسلت ايدي بعدها

[الموهوب]

انا ودي اتكلم عن التعليق بس


ياخي تعليق فاشل بكل ماتحويه الكلمة من معاني .. يبربر واجد ولكن بربرته كلها على غير سنع

ودي اقوله يرحم والديك تابع المباراة وعلق على مجرياتها , مهوب تحكيلي قصة كل لاعب وتاريخ كأس العالم ومن هالدجه .. ×_×

المشكلة اني سمعت ان الاحمد وقع عقد مع اي ار تي فترة كأس العالم .. >_<..

صراحه معلقين الرياضيه السعوديه ارتفعت اسهمهم بالنسبه لي والواحد صار يحمد ربه يوم سمع ذولي .. مع ان معليقين السعوديه مش ولا بد(بإستثناء بعض الأسماء) .. ولكن الشين فيهم ازين من ذا

الله يعين

[Yamato]

شفت المباراة الاولى..
بصراحة ليمان من هجمتين ياكل هدفين.. وين عملقته مع الارسنال.. لدرجة اني قبل المباراة كنت اقول للشباب انه هالفتى صعب ياكل اي هدف..
وترا الهدفين لكوستاريكا من تسلل.. اذا الاولى قالوا انهم يشكون فيها.. فالثاني بقص ايدي لو انها مش تسلل << لا تصدقوا ما بيقص >.>
وكلوزه باين انه متحمس.. هدفين في عيد ميلاده.. الحين عنده سبع اهداف كمجمل مشاركاته في كاس العالم.. للان.. ونتوقع يزيد وينافس على لقب الهدافين..
ووانشوب.. خطير في سرقاته للاهداف.. .. كنت اريده يسجل هاتريك.. بس ما صار للاسف


اما المباراة الثانية.. فشفت الشوط الاول بس.. والحين قاعد اشوف الشوط الثاني.. وبصراحة البولنديين مش محظوظين ابدا.. عاد كورتين في العارضة والقائم..
بس بشكل عام.. اكوادور مسيطرة عالمباراة..


واما اليوم.. فآآآخ يا قهري.. مباراة انجلترا الساعة خمس.. يعني ما بلحق اشوف اول ثلاثين دقيقة او بيطوفني الشوط الاول كامل -___-
اخ من الدوام =__=

انا مش فارقة معاي.. كل المباريات محايد فيهم.. الا اللي اشجعهم بالطبع.. انجلترا وفرنسا

اما التعليق.. فانا نرفزني الوحش في حفل الافتتاح..
مشكلة المعلقين انهم ما يفهمون التلميحات في مثل هالسوالف.. فالحين بس يعلقوا عالمباراة بشكل عادي.. ما عندهم ابداع الصراحة ولا مخيلة

[BOOOB_2002]

مباراة ألمانيا جيدة جدا كويس لحقت على الشوط الثاني


بس اذا استمروا كذه ماراح يوصلوا للنهائي احس فيهم استعجال وتهور والدفاع هشتك بشتك


بس لا تنسوا انهم بدون بالاك وبدون اوليفر كان

[الموهوب]

اللي فاته اللإفتتاح وتحمس له مع اني ما انصحه لانه ماعجبني

هنا

[Electro M]

الهدف الالماني الاول و الرابع كل واحد يقول الزود عندي
بصراحة توقعت مستوى متواضع من الالمان بعد نتايجهم اللي تفشل خصوصا قدام ايطاليا في المباريات الودية
لكن نقدر نقول ان الهجوم و الوسط ما عليه
اما الدفاع فسلم لي عليه

ياخي ما تعرفون تسوون مصيدة التسلل لا تفزعون
لا و اللي يضحك انه نفس اللاعب اللي كسر التسلل في الهدف الاول هو نفسه اللي كسره في الهدف الثاني
انواع الدلاخة

اما الاكوادور فشكلها الحصان الاسود للمجموعة اللي كلها اصلا حفلات - اكيد لزوم تأهل صاحب الارض لضمان الحضور الجماهيري -

اما التعليق فما ادري شكلكم اول مرة تشوفون مباراة على ART
ما فيهم الا الشوالي اللي علق على مباراة المانيا هو الصاحي اما الباقي و خصوصا الفاشل عدنان حمد فما حولك احد
احسن شي صلحته ART بنهائي ابطال اوربا هالسنة انها حطت لك 4 معلقين تختار منهم اللي يجوز لك
ياليت لو يسوونها في المباريات المهمة في كاس العالم

ثريول
يوسف سيف ما ادري وش لاقين فيه
طول المباراة فرحان لي بكلمتين
اللــــــــــــه شوف شوف شوف اللـــــــــــه
ما يعرف غيرهم

احسن معلقين سمعت لهم ناصر الاحمد من اوربت, احمد الطيب من ابوظبي, الشوالي من ART
معلقي الجزيرة كلهم فاشلين

[الموهوب]

برنامج خرافي من مايكروسفت لكأس العالم .. يستحق التجربه !! افضل مانزل في النت برأيي وخاصت(ن) انه من مايكروسفت


هنا

----

اما التعليق فما ادري شكلكم اول مرة تشوفون مباراة على ART

بالنسبه لي اول مباراة اشوفها على art ..لاني اصلا ً ماشتركت الا عشان كأس العالم ومابعدها

انا مأمل في عدنان حمد , يمدحونه فبنشوف منهو ذا العدنان ..

وبعدين تقولي هذا زين .. كيف الحال بس &#215;_&#215; , كلش كوم وتحليلهم كوم ثاني .. ابداع &#215; ابداع ..يعني من جد فله ’ اجل كل واحد 30 ثانيه ... 30 للمقدم و30 للأول و30 للثاني .و13 دقيقه ونص للإعلانات ,,استديو تحليلي رائع O_O
وبالنسبه للتسلل فأعتقد الهدف الاول يمكن ويمكن واتوقع تسلل ’ اما الثاني اتحدى لو مهوب تسلل
------
مباراة بولندا امس شفت الشوط الثاني واليوم شفت نص الشوط الأول >امحق متابعه &#215;_&#215;

الاكوادور ابدعوا صراحه دفاعهم رائع وبولندا وسطهم اذا هاجم حلو ومناولاتهم احلى بس يبنشرون اذا وصلوا لدفاع الأكوادور

عالعموم بإعتقادي مباريات اليوم خطيرة وبالذات

انجلترا والبارجواي ..

[القــعـقـاع]

الموهوب:

برنامج رهيب...

[SFS]

احسن معلقين سمعت لهم ناصر الاحمد من اوربت, احمد الطيب من ابوظبي, الشوالي من ART
معلقي الجزيرة كلهم فاشلين

أحمد الطيب..موهبة اندفنت مع ابو ظبي والدوري الاماراتي..

يا ليته ينتقل للجزيرة..لان الدوري الايطالي ما له طعم بدون أحمد الطيب..

وما أنسى الموسم الي طاف لما قال عن دل بييرو: بريشة فنان يعزف أجمل الألحان..

[Trapped Inside]

هولندا وساحل العاج

الأرجنتين وساحل العاج .. وفعلاً راح تكون نار .