طلبيات انترنتية

[Ranma Saotome]

السلاااام عليكم
في انيميات وايد شفتها من آخر مره كتبت رد و دايما اقول بكتب عنهم هنيه لكن اهوّن..

شفت ديفيديين من Samurai Deeper Kyo.. قبل ماشوف الانيمي سمعت من واحد انه وايد حلو و انه من احلى انيميات الساموراي اللي شافها.. استغربت أول مره اسمع عنه.. و شفنا الانيمي.. قعدت افكر و اتأكد من الاسم هو هذا نفسه اللي سمعت عنه؟! الانيمي عاااادي جدا.. الحلو فيه بس حركات الكمبيوتر، بصراحه الانيمي ماشدني ابدا..
وووو لو بتاخذون برأيي.. لاتشوفون الانيمي..

تكلمت من قبل عن أنيمي اسمه crest of the Stars و ذكرت ان له تكمله.. أخيرا شفت الانيمي كامل..
Banner of the Stars و Banner of the Stars II.. الاول 13 حلقه و الثاني 12..

شقول عن هالانيمي.. الانيمي بمنتهى الروعه.. من أحلى مسلسلات الانيمي اللي شفتها.. بتكلم عن سلسلة banner of the stars.. الموسم الاول واااايد حلو و احداثها كلها تدور خلال الحرب من امبراطورية الAph و الاعداء.. الشخصية الرئيسية لافـّيل عندها مركبتها القتاليه الخاصه وطاقمها الخاص و دخلت جو المعركه.. الاحداث مليئة بالمغامرات و الاكشن.. القتال كله في الفضاء.. و هالانيمي هو أفضل أنيمي جسّد صورة الحرب في الفضاء.. القصه في تكتيك.. استراتيجيات.. تخطيط.. جد×جد.. على فكره الانيمي مافي كوميديا أبدااااااا.. وهالشي حبيته وايد فيه ويخليه مميز.. لكن صدقوني ماراح تملون وانتوا تجوفونه.. الرسم حلو و الموسيقى جميله خاصه موسيقى البدايه وايد عجبتني.. الاخراج من أحلى مايكون.. في اشياء وايد ابي اقولها عن الانيمي لكن مابي اطول.. باختصار الانيمي مايتفوت.. المسلسل كامل 38 حلقه في 10 ديفيديات.

خلود تكلمت عن Boys Over Flowers من قبل و هالشي شجعني أني اطلبه.. جفت الحين منه 12 حلقه و اليوم وصلني الديفيدي الرابع لكن ماشفته للحين.. أأكد على كلام خلود ان الانيمي وايد حلو خاصه في الديفيدي الثالث تحلى اكثر وحاس ان الجزء الرابع بيكون .. ماراح تندمون ابدا اذا جربتوا وطلبتوه

Haibane Renmei هو آخر أنيمي شفته قصته كالآتي..

في مدينة منسية مسوّرة من كل الجهات، يعيش البشر مع مخلوقات اسمهم الهيباني عبارة عن مخلوقات يشبهون البشر لكن لهم هالة حول راسهم و أجنحة غير معروف من وين اصلهم.. الشخصية الاساسية اسمها راكا Rakka هي أجدد هيباني بعد ماصحت من حلم غريب و شافت نفسها طالعه من مثل بيضه كبيره.. الهيباني مايتذكرون أي شي من ماضيهم بس يطلعون من هالبيضه مره وحده بدون أي شي عن الماضي.. راكا تحاول تتأقلم مع هالحياه والمحيط اليديد اللي حولها و طول الوقت تتساءل شنو احنا الهيباني بالضبط؟ من وين طلعنا؟ شنو فايدتنا؟ و شنو ورى هالاسواء الكبيره اللي تحاوط المدينة؟... الاسوار اللي ورى المدينه ممنوع احد يطلع منها من الهيباني.. اشياء وايد مثيره و غامضه موجوده في المسلسل راح تشد الواحد ان يشوف الحلقه الجايه واللي بعدها واللي بعدها على طول..
الانيمي وايد حلو الرسم عجييييب والخلفيات شغل متعوب عليه و القصه عجبتني حيل و الموسيقى زينه بعد.. المسلسل مب طويل 13 حلقه بس مقسمه على 4 ديفيديات.. صدقوني مب خساره هالمسلسل و من النوع اللي يستاهل ان ينضاف لكوليكشن الواحد..

Last Exile من المسلسلات الجديده.. مانزل للحين كامل على ديفيديات شفت منه 8 حلقات هم اللي نزلوا للحين.. إلى الان الانيمي عاجبني بس خل اقول اول ان هو من انتاج شركة Gonzo و هالشركه مميزه انها تخرب الانيمي في النهايه كما انها مميزه برسومها الرووووووعه..

هالانيمي مشترك فيه العديد من أفضل الفنانين في الانيمي من مخرجين و رسامين و مصممين.. من ناحية الرسم الانيمي من أفضل الانيميات في الرسم و في الخلفيات بعد عجيييبه.. ماقدر أحكم على القصه وماراح اذكرها بعد لكن ماسمعت عن هالانيمي الا المديح.. حتى بعض المواقع المشهوره تقول انه من افضل 5 انيميات في 2003..
ماقدر اعطي قرار نهائي.. الحين بانتظار الجزء الثالث.. لأن إلى الان القصه غامضه وماوضحت كل جوانبها او شسالفه هذيلا او هذيلاك..
شنو؟ تبون جواب نهائي الحين؟ ممممم اوكي.. الانيمي شكله يستاهل واتوقع لو كملته بأكد على كلام الناس اللي قريته.

أنيمي عن الاليات يشبه إيفانجليون.. اتوقع اللي شافوه احزروا الاسم اكيد.. RahXephon

إلى الان شفت بس 9 حلقات من الانيمي وشكله فظييييييع.. البدايه قويه من قلب من الحلقه الاولى الاحداث مثيره و الواحد يضيع صراحه مايدري شسالفه.. البشر مب بشر.. هذيلا اعداء ولا اصحابنا.. انا حي ولا ميت.. هذي حقيقه اللي عايشين فيها ولا لأ.. هههههه اكيد مبققين عيونكم تبون تعرفون شسالفه.. الانيمي جذيه.. انا شفت بس 9 حلقات و للحين الامور غامضه مثل مابديت بالحلقه الاولى.. ماعرف شلون اتكلم عن القصه لكن اللي مايحبون القصص الغامضه و المعقده ماعتقد ان راح يحبون هالانيمي.. والعكس صحيح اللي يحبون هالنوع من الانيميات راح يكون هذيه عندهم في التوب ليست.. اذا بعطي الانيمي درجة.. اعطيه 90% و اتوقع النسبه تعلى مع تقدم الحلقات

آخر أنيمي راح اتكلم عنه هو A Little Snow Fairy, Sugar..

هالانيمي هو أكثر انيمي كيوت شفته في حياتي.. كيوووووووووووت×10000
حتى لو تقول انك ماتحب هالنوع من الانيميات صدقني راح تحبه.. صراحه هالانيمي مستحيل احد مايحبه انتوا بس شوفوا الصوره sooooo cute.. الانيمي حق 3 سنوات وفوق يعني حتى يصلح تجوفونه مع اليهال و تشغلونه لهم بدون خوف.. الشخصيات تنحب من أول نظرة و الرسم كشخه.. (معلومه عالطاير.. الانيمي غير مبني على مانجا من قبل)..
القصه عن الseason fairies.. ان لكل عملية في الجو من رياح و شمس و مطر و غيم و غيره له جني او جنيه يقوم بهالشغله.. عاد Sugar هي جنية ثلج تحت التدريب في عالم البشر ومعاها اصدقاءها.. لازم تلقى شي اسمه الtwinkle (لوول كيووت حتى الاسم) عشان تصير جنيه كاملة النمو.. تتعرف على ساجا البنت البشريه الوحيده اللي تقدر تشوفهم و تعيش معاها.. خلال اختبارها في ايجاد هالتوينكل تصيدها مغامرات حلوه و تتعلم امور يديده عليها..
لحظه.. انا قلت من قبل انا الانيمي كيووووووت هههههههه.. في الرسوم الاوليه للأنيمي كانوا الرسامين يسئلون المشرف عن شكل الشخصيات او بعض التعديلات.. يقول لهم "as long as it looks cute" هعهعهعهع..

لو كنت بختار لكم شنو أول انيمي تشوفنه من بين اللي ذكرتهم.. بقول Crest of the Stars كامل عقبه على طول Sugar.

في 4 قصص مانجا طلبت من كل وحده العدد الاول تجربه لأن واحد مدحلي اياهم وايد.. وصلوا الدوحه وانا الحين في السعوديه .. اذا قريتهم راح اقول لكم عنهم انشالله

سلااااام

[orange road]

شجعني رانما اني اطلب Haibane Renmei ^^
واول امس مسوية الطلبية وطلبته ^^
وانشاءالله يوصل بسرعة لاني ابي اجوف انيميات بسرعة

وطلبت الدي في دي الرابع من boys over flowers

وطلبت التكلمة حق مسلسل strawberry eggs (I, My, Me)

وطلبت بعد قصص مانجا ^^ وانشاءالله لما توصل الطلبية باكتب لكم عنها

[yuki-babe]

هاااي ,,

الموضوع حدة حلو , مشكورة خلود

طلبيتي من أنيمي نيشن توها توصل لي بعد اسبوعين و نص

(( طبعا اللي بالكويت يعرفون أزمة البريد و خدمته السرييييعة!! ))

المهم ,,,

طلبت 6 أعداد من مجلة nakayushi اليابانية ,, هذي صورهم:



و هالمجلة بنوتية و تونس حيل ,, آنا ماهتم بالقصة فما همني كونها يابانية

الشي الي جذبني هو الرسم ياي حده كيووووت و حلو ,, و المجلة عبارة عن

مجموعة مانجات أبيض و أسود ,, و فيها صفحات ملونة تونس ,,

المجلة 420 صفحة و ساعات توصل 440 ,, و الهدايا المرفقة مع المجلة تهبببل

مع إن أغلبها ستيكرز و مذكرات و ملفات و شغلات يهال بس و الله تونس ^^

* و الحين موقع anime nation مسوي عليهم عرض ,, سعر المجلة 3 دولارات !

,,

آنا أحب هذا النوع من المجلات ,, و ناوية أطلب بقية أعداد المجلة اللي ذكرتها,, و

مجلة ثانية إسمها (( آفتر نون )) ..

راح أطلب قريبا ,, و على ما توصل الطلبية ,,,, الله يعين على النطرة ..

باي ..

[orange road]

I don't know why I can't write in arabic here
but anyway I liked the magz you talked about
I think I am gonna buy them ^^ they are so cheap

Thank you for the advice

[g. byte]

سبحان الله
مع اني كنت انزل الصفحة لتحت بسرعة .. لكن ماادري ليه كلمة هاياو مايازاكي هي الوحيدة اللي قدرت اقراها !!
اظاهر الانسان مايطالع الا اللي يحطه في باله
لكن فعلا انصدمت عندما قرأت تقرير للابيوتا وكيكي بواسطة أورنج رود لأنني كنت أحضر كتابة تقارير عن معظم أعمال مايازاكي في الموضوع , لكن مماطلتي الزائدة جعلتني أخسر السبق الصحفي على مايبدو
على كل حال أورنج التقارير ممتازة جدا ونظرة بسيطة وواضحة مثل أفلام مايازاكي اظاهر تأثرتي بالفلمين .... انفتحت نفسي للرسم وانا أقرأ التقارير
فيلم لابيوتا أعتبره من أفلامي المفضلة وهو كما قلتي مقتبس من عدنان ولينا لأن المسلسل اللي عمل فيه مايازاكي كان لاستديو اسمه نايبون وهو كان متحمس لدرجة انه وضع كل أفكاره وطاقاته في هذا العمل , والأفكار اللي أخذها من عدنان ولينا وطورها لم يضعها فقط في لابيوتا بل حتى في افلامه الاخيرة مثل مونونوكي .
الجميل في الدي في دي الذي شاهدته ( بالاضافة الى الفيلم نفسه ) أنه يحتوي على ستوري بورد الفيلم كاملا وكذلك الأمر مع فيلم كيكي , وطبعا سيصاب كل من يرى رسم مايازاكي بالاحباط دون شك مثلي
أتمنى لو تمكنت من اكمال تقرير بسيط عن بقية افلام ستديو جبلي في الأيام القليلة القادمة
وشكرا للجميع , بصراحة أفدتونا بطلبياتكم مع اني مااقدر اطلبها لنحافة الامكانيات وقلة المورديات ونذالة الجمركيات :vereymad: لكن فعلا أستمتعت بقراءة التقارير ^^ وأتمنى انكم تستمرون وتتحفونا , في الوقت اللي أحاول فيه جاهدا تنمية ثقافتي الإنمية الفقيرة
والسلام .
اه نسيت لدي سؤال .. هل استطيع الكتابة عن الطلبيات التي ليس لها علاقة بالانمي ؟ مثل كتب الرسم ؟
والسلام مرة أخرى .
اخخ نسيت ...

[orange road]

مشكور اخوي على انك قريت التقارير البسيطة اللي كتبتها ^^
والحين الحمدلله.. شريت بعد توتورو وسيتا الحنون وتقريبا كملت المجموعة...
جفت بعد دعاية عن فيلم اسمه the cat return ومن الدعاية مبين عليه انه حلو ^^ ودي اشتريه لكن ما لقيته في الانيمي نايشن.. بادوره في مواقع ثانية يمكن القاه

اكيد اخوي تقدر تكتب عن اي شي تشتريه من النت له علاقة بالانيمي والمانجا والرسم وأدوات الرسم بعد ^^

[Ranma Saotome]

سلام..

فيلم The Cat Return هو جزء ثاني لفيلم Whisper of the Heart..

انا شفت فيلم Whisper of the Heart وايد حلو انصح الكل ان يشوفه.. لكن ترى مافي نسخه امريكيه.. مافي الا يابانيه J-import.. حتى The Cat Return مافي الا ياباني و ترى موجود في انيمي نيشن و انيمي كورنر..

في مانجا اسمه Kazan و ثاني اسمه Girl Got Game وايد حلوين، من احلى المانجات اللي قريتهم..
يمكن اكتب عنهم تقرير مره ثانيه..

باي

[white shadow]

مشكوره خلود على الموضوع الحلو و شكر بعد لكل الاعضاء اللي شاركو فيه


مممممم مانجا و ديفيديز @@ انا عندي قائمة طويله و ما اعرف من وين ابدا ^^!!!

ببدا من the cat returns بما انكم كنتم تسؤلون عنه :-

قصة بنت في المدرسه الثانويه انقذت قط من حادث سياره و تبين ان القط امير في عالم القطط و كرد للجميل سيزوجها الملك للامير (( طبعا بيحولها لقطه )) و ما بتلقى فرصه للفرض و بتلجئ لقط اسمه بارون ليساعدها
بارون مب قط في الحقيقه هو لعبة قط صنعها رجل و في مكان توجد فيه كل الالعاب اللي صنعة بايمان كبير من اصحابهم و بالتالي يتحولون صدق



اوكي الصراحه انا ما عيبني >_<!!! توقعت يكون احلى من جذيه بما انه مقدم من ghibili studio معروفا اعمالهم بانها روعه .... السبب ان مدة عرضه قصيره و الاحداث صارت بسرعه و الرسم ما كان بجوده عاليه



و ثانكس اجين

[g. byte]

My neighborTotoro
تبدأ القصة بانتقال ستسوكي (7 سنوات) واختها ماي (4 سنوات) مع والدهما البرفسور في الجامعة الى منزلهما الجديد في الريف الياباني حيث ترقد والدتهما في مستشفى في القرية المجاورة , وبمجرد وصولهما وتفحصهما للبيئة الجديدة يجدان بعض الأمور الغريبة , مثل تلك الأرواح التي كانت تجول في منزلهما باطمئنان قبل وصولهما , لكن الأمر لم يتوقف عند هذا الحد , إذ يبدو أن هناك بعض الجيران في الغابة المجاورة وفقط ماي وستسوكي بإمكانهم تكوين علاقة جيدة معهم ...
كيف سيتكييف الاثنان في بيئتهم الجديدة ؟
ومالذي فعلته ماي في الغابة بمفردها بعد ذهاب اختها إلى المدرسة ؟
وماهو سبب هبوب الرياح العنيف بعد انتقالهما إلى منزلهما ؟
سمي بالله , وأذكر الدعاء ثم جاوب على الأسئلة
أنا متأكد بأن الاطفال سيغرمون بهذا الفيلم بعد مشاهدته , وهذا لا يعني أن البالغين لن يستمتعوا به , أنا شخصيا تمنيت لو شاهدت الفيلم في طفولتي , لكنت وقتها أكثر حيوية ونشاطا مما أنا عليه الان . أختي الصغرى تلح علي يوميا أن نشاهد الفيلم مرة أخرى وتعتبره من افضل الرسوم المتحركة التي شاهدتها ( مثلي !) وأنا أعتقد بأنها أفضل تجربة خاضتها في حياتها على الاطلاق ( من كثر تجاربها الحين ! ) .

[g. byte]

Grave of fireflies
الكآبة والحزن الذين عشتهما في الـ88 دقيقة مع هذا الفيلم أصعب من أن توصف في كلمات , ونحن جميعا نعرف مااذا كنا قد شاهدنا فيلما رائعا من خلال الإنطباع الذي يتركه في نفوسنا , ورغم أن كل مايقدمه الفيلم من ألم ومعاناة وتعاسة فإن الأثر الذي سيتركه في المشاهد سيكون عميقا للغاية لأنه يتحدث عن قضية إنسانية , وفي الوقت الذي لازال فيه معظم الأشخاص يعتقدون أن الـ" كرتون " ماهو إلا فن سخيف للأطفال يظهر هذا الفيلم ليثبت أن الأنميشن قادر على تحريك مشاعر الناس مثلما تتمكن الوسائط الأخرى من فعل ذلك , وليس ذلك فحسب بل و طرح قضية إنسانية كان يعتقد سابقا بأنه من المستحيل تقديمها في عالم الرسوم المتحركة .

قبر اليرعات واحد من أفضل أفلامي وأفلام الأنميشن على الإطلاق , وفي إعتقادي أنه نقطة تحول كبيرة ليس على مستوى الإنمي فحسب بل على مستوى الأنميشن العالمي , سيشعر أي شخص بالألم وهو يتأمل قسوة الحرب العالمية وتأثيرها المرير على حياة سيتا ( 14 عاما ) وأخته الصغرى سيسكو ( 4أعوام ) وهم يحرمون من أبسط حقوقهم , لقد أصبح كل مايطمحان إليه هو قوت يومهم من أجل العيش والعيش فقط , من المذهل أن نرى إلى أي مدى يتنازل الإنسان عن طموحاته وأماله إلى هذا الحد حتى تصل إلى مجرد سد الرمق وهل بإمكان البشر التفكير في أي شيء أخر تحت هذه الضروف ؟ لقد وصل الأمر بالطفلين إلى التفكير بأن بإمكانهم الإستغناء عن كل هذا العالم القاسي وتجاهله ثم العيش بأسلوبهما الخاص وطالما أن بإمكانهم ضمان طعامهما وشرابهما فليسا بحاجة إلى هذا العالم طالما أنهما معا , هل يدوم كل هذا ؟

إن كنت تتساءل عما يمكن للأنميشن تقديمه فشاهد هذه التحفة الفنية من ستديو جبلي .
ملحوظة : يوشيفمو كوندو مصمم الشخصيات واحد رسامي الستوري بورد ومخرج الأنميشن هو نفسه مخرج Whisper of the Heart وعمل في معظم أفلام جبلي و ساعد بشكل كبير في نجاح الاستديو , أما مخرج الفيلم فهو أسايو تاكاهاتا صديق مايازاكي و هو الذي أسس الأستديو معه .

[Ranma Saotome]

تقارير جميلة جيجا بايت..

Grave of the Fireflies هو اكثر انيمي بكيت عليه..

يوم الخميس وصلتني طلبيه يديده..
من بينها كان
Super Gals الجزء الاول و الثاني..
وووو امس شفتهم..
انا شفت من قبل اكثر من انيمي قصته للبنات اكثر من الاولاد و قصص مانجا من هالنوع..
لكن هالانيمي..
اسمحوا لي لكن بصراحه انيمي غبي..
يصلح يكون كرتون امريكي اكثر من انه انيمي..
اوكي فيه بعض الحركات الحلوه لكن.. والله مستغرب شلون ان بعض البنات حبوه لدرجه غريبه
يعني.. شنو المميز فيه؟ بنت صايعه تنصح الناس نصايح غبيه
يمكن انا ماعرفت شنو النقطه ورى هالمسلسل.. حد ينوّرني بليز..
لاتقولون لي ماعجبك لأنه مال بنات.. مثل ماذكرت شفت انيميات مثل هالنوع من قبل وعجبتني وايد..
لكن هذيه.. مادري شقول..
مممم هالانيمي موجه شكله لفئة وحده من الناس.. RETARDED TEENAGE GIRLS
شفت 10 حلقات.. مب من عادتي ان احكم على الانيمي الا بعد ماشوفه كامل..
يمكن تتغير نظرتي له لما اكمله.. بس ماعتقد
النقاط الغبيه اللي فيه وايد..
اذا تبون نصيحتي.. حتى البنات.. مانصحكم تشوفون هالانيمي..
الا اذا كنتوا من الفئة المذكور no offense
c ya

[weiss_girl]

انا شفت super gals لحد الجزء السادس بصراحه رانما انا كنت مثلك قبل كنت اقول اشقصة هالانيمي ماله قصه كل اللي اعرفه انه عن بنت عائلتها كلها واجدادها وابوها وامها واخوها كلهم من الشرطه والمباحث عاد يبون بنتهم ران تورث هالصفه وتصير شرطية عاد هي تب تكسر قيودهم وتبي تعيش حياتها على كيفها تروح المجمعات وتكشخ وتعرف على اصدقاء وتسوي كل شي..........إلا الدراسه مهمله على الاخير ومطقعه وكل ساعه تضطر تدرس في الصيف هذي اذا كانت تسميها دراسه اصلا وطبعا تساعد الاصدقاء وتتعرف على صديقات اللي لكل وحده لهم ماضي محزن وعقده نفسيه وتتعرف على اصدقاء معروفين بوسامتهم من خلال شهرتهم في المجلات وتتنافس مع العصابات على انها افضل بنت في منطقتهم وتحافظ على مركزها مهما كان........يعني قول المسلسل كوميدي فيه مواقف حلوه تموت من الضحك وفيه مواقف تاخذ منها عبر على الاقل هو افضل بوايد من fooly cooly-excil saga اللي وايد ميتين عليه مع انه سخيف حده...لذا لا تتشائم من اول 10 حلقات غالبا المسلسلات مايقولون في البدايه الهدف من المسلسل ولكن بعد مرور الحلقات تكتشف احداث وامور جديده عن قبل هو المسلسل جيد بس مش من المفضل عندي ومع ذلك احب متابعته.

[Ranma Saotome]

هه مافيه أي مشهد مضحك.. والله في 10 حلقات ضحكت مره وحده بس و ضحكه خفيفه..

لكن عكسك.. إكسل ساجا اشوفه أفضل انيمي كوميدي شفته في حياتي.. لدرجة أن غطّى عندي على رانما.. صحيح تحس ان مافي قصه او شي بسيط جدا.. لكن من ناحية كوميديا.. ماشفت مثله
فولي كولي ماشفته للحين.. لكن المواقع اللي اتعامل معاها الكل يقول انه من افضل الانيميات اللي شافوها..
و مواقع وايد أعطوا هالانيمي A او 90+ من 100
ماعتقد اني راح اعطي سوبر جالز فرصه.. حتى لو بتبدا تبين فيه احداث متأكد ان راح تكون عاديه جدا وماتجذب..
يعني الكوميديا بايخه بالنسبه لي عكس اكسل ساجا..
و القصه بارده جدا عكس الانيميات الثانيه..
سوري بس هالانيمي.. سيده في الزباله..

[weiss_girl]

سوري بس هالانيمي.. سيده في الزباله..

اشدعوه ديفيدي بتقطه بالزباله بيعه احسن لك ...مادري انا بصراحه ما اغتر بأراء المواقع تلاقيهم يمدحون لك انيم وعقب تشتريه مايكون مثل ما انت متوقعه (مثل ماصار لي مع hellsing وشفت الكل يمدحه وانا عجبنب بس الحلقه الاولى فيه وباقي الحلقات عاديه ومافيها اي حماس مثل الحلقه الاولى لذا افضل اني اشوفه وعقب احكم) غريبه ان اكسل ساجا عجبك مادري احسه مسلسل حق الميانين ولا البطله ترفع الضغط تبي تكسر التلفزيون بسبتها، اوكي انا انصحك بhana yori dango:boys over flowers وايد حلو كوميدي ورومانسي وايضا انا اتابع حاليا urusei yatsura من نفس اللي عملت رانما ريميكو تكهاشي وهو اول اعمالها واحلاهم طبعا يتحدى رانما بس انت ماتشوفه مشهور بشهرة رانما وذلك ان الشركة AnimEigo ماعملت له دعايه مثل ماعملت شركة viz اللي نزلت رانما في امريكا بس طبعا هو وايد حلو يذكرك بننجا كبمارو وكثير من معجبي المسلسل قالوا عنه انه الاعمال اللي نزلت بعده ماكانت في مستواه (مع ان maison ikkoku عجبني بس urusei yatsura احلى) لذا لا تتذمر من الرسم خاصه ان الانيم قدييييم انتجوه سنة 1981 هذا موقع عنه http://www.furinkan.com/tomobiki/uy/index.htm انت بس شوف كم عدد الشخصيات فيه بتتحمس له.


وشكرا