استراحة الأعضاء 2

[Batistuta]

لا صـار ودك فـي الـزمـان تعـيـش .. وبـراحـة ضمـيـر
سـكـّر عـليـك ابـواب صـمتـك والـتـحـف ثـوب الغـيـاب
مـالـك ومـال الـنـاس .. غـب عـنـهـم و تحـيـا بـ 1000 خــير
النـاس لا شـافــوك مـقـفـي كــل واحــد حــد ّ نــاب ..
مـن يـمـدحـونـك لا تصـدقـهـم وخـذهـا مـن .. خـبـيـر ..
كـلامهــم لـو ظـاهـرة رحـمـة .. مـبـطـّن بـالعـذاب ..

[قلب الحياة]

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني)

[ابتسامــــــه]

ليش كله مآساي

حتى روحي واقفه بينك وبيني لاهي عندي و لا هي تقدر تمنعه ..
خذتني كلي انا وش باقي فيني خايف أوقف و ألقي ظله يتبعه..



كملت عليكم

[Batistuta]

^^
لا تتكدري بضيقة الخلق يابنت *** بكره تبدل ضيقتك بابتسامه
^^

[قلب الحياة]

الفـــــراق ،، لا صار "بيني" و بين "الأحبـــاب"
كنت أقول : (( دمعتين))!! وبتنزل وأكيد بنسى!

ما دريت الدمـــــــع ،، وكل ما فيني عليه انساب
هذا اللي خذا القلب ،، وكان عليه يقســــــــى !!

ليه يا شمسي ،، يا بعد كل هالدنيا والأصحـــــاب
ليه الظــلام ،، ليه مشاعرك من يمي شرسه !!

لو كنت تعرف مدى الحـــــــــب ،، مدى الإعجاب
لو بعلنه بقول : أنت البحر ،، وأنت المرســــــى

وإنك أنت اللي أحبه حيل .. والمحبـــــــة أسباب
وانك دنيتي يا دنيتي و الهوى اللي أتنفســــــه!!

كنت رحمت اللي عايش وهو ميت من العــــذاب
يرتجيك تعود ،، يرتجي ،، ويرتجي عل وعســـى

أدري أن الفـراق " كلمه" وأعرف إنها الغيــاب
وأن ذا(( الدمعتين)) ذبحوني وإني عجزت أنسى

[iSRT8]

والله أعزكـ لو على الرقبتي السيف --- أوفي ولو دنياي ماهي وفيّهـ

[قلب الحياة]

°
°

غرّدي يالمشاعر , , والمعاني النظيفه
علمّيهم , , مبـرّر نظمـك اللـي حـدانـي

/

ارسمي لوحة اتقان لقوافـي العسيفـه
تثبت ان الشعر بالعسف لـه فـن ثانـي

/

وضّحي للي ماجـرّب مفـارق ولـيـفـه
ان الإبداع سحره , , مندفن بالـمـعـانـي

/

من عذاب الفواد اللي تزايـد رجيفـه
طول ليلي أقاسي من عذابـه واعانـي

/

ياشقا من سحرتي بـالثمـان الرهيفـه
فيك سحر القلـوب وفيـك لمسـة حنانـي

/

بسمتك لي لطيفه وانتي فعـلاً لطيفـه
يا قمر ليلة الرابع عشر , , يـوم بانـي

/

انتي تاج البنات وما حصل لك وصيفـه
انتي كل الغلا يا سـاكـنـه فـي كـيـانــي

/

دوحة الحب صارت في ضميـري مريفـه
ياهوى القلب , , والغاية , , وكـل الأماني

/

لوتمرّين عنـد اللـي , , عيونـه كفيفـه
شاف قلبه جمالك و اوصفه بـاللسانـي

/

أو رفع برقعـك لفحـة نسيـمً طـفيـفـه
يجهر العين خدك , , لو هي رمشة ثواني

/

الهـوى حطّـه الله بيننـا بـالنصيفـه
نصف قلبك , , وقلبي صا يرً نصف ثانـي

[فاتنة الروح]

اشوف الموت من نظرة عيونك
مثل ما شفت انا فيها حياتي
انا بالله كيف احيا بدونك
اذا كان البعد يعني مماتي
حبيبي والغرام العذب كونك
حبيبي والعطش كله كياني
متى تمطر على قلبي مزونك
وتتحقق بلقياك امنياتي

[iSRT8]

لو كل من صاح حصل ما يريد --- لبكيت الليل كلهـ والنهار

[فاتنة الروح]

يا رفيق القلب ما اصدق نسيت
خابرك مهما تعذبني حنـــــــون
لا ذكرت ايامك الحلوه بكــــــــيت
ما تهون ايام ودك ما تهــــــــــون
راحتي وياك لامنك صــــــــــفيت
في ثواني كلها بوح وشجــــــون
لا قريت انت الرساله وانتهيـــــت
ودي أعرف في حياتك من حتى نسيت

[قلب الحياة]

أبيك و ما أبي غيرك على صدري تعال ونـــــام
أبيك ويشهد البـــاري ملكت أرض الغلا فيني


أغيب أيام وارجع لك بشوقٍ يحتريك أعــــــــوام
بعيد لكن بروحي سكنت وضمتــك عينـــــــي


ثلاثـ أيام بهن عمري كتب موته بعد ما قــــــــام
ودمع العين يا ويلي يدق البــــــــاب ويلفينــــي


أنا من رحت حلت بي هموم ٍعشتها واسقــــــــام
ملت روحي يا روح الروح..حضنت الموت بيديني


ملامح لهفتك تضوي سماي وقلبي لاأبد مــــا رام
يا كود تمره بليله وتشعل بـــــــــاقي سنينـــي


تزاحم في الحشا نبضي وتسكن في المنام أحلام
تمنت تلتقيك اليوم ومدري كــــــان يمدينـــــي


أنا لا قلت فمان الله أحس بخافقي سهـــــــــام
تزيد طعونها وتغرس ألم واحــــــزان تكوينـي


تقول اليوم تعال لي دخيلك عجل باقـــــــــدام
خطت فوق الثرى تنوي بعـــــادي بس يكفيني


دخيل الضمة واللمة (فديتك)(عمري) وانت الهام
يحرك خافي أشواقي وبعد المــــــــوت يحييني


طلبتك لا تغفي عينك على ليلٍ حلف ما ينــــــام
تراني يمك وحــولك أسقي بـــــك شــــــراييني


تصدق كل كلماتك حلا منثور وريح خـــــــزام
تعطر خافقي ومعهـــــا أضيعهــا عنــــــاويني


أحبك والغلا يشهد وحرف يشتعل واقــــــــلام
تخط بحبرها أعــــذب قصيــــدة في دواوينــي

[فاتنة الروح]

سرت أطالع وألقى شراويك ..
ما لقيت مثلك فهالعالم بشر ..
خذت الحسن من اللي حواليك وخذت من القمر نور وسفر ..
في مهجتي لك درب ومساليك ما مشابه غيرك مالعالم نفر..
أعزك
وأودك
يالغلا واغليك
وسويتلك مالغلا في قلبي نهر

[قلب الحياة]

فتنتني .. بعيونك الخدرات .. والزول القصير
وحببتني في طيشك ... وحببتني ..... جهااالتك

ماعاد لي .. سلطة على حالي .. وأنا بــيديك أسير
ولا عاد لي حيــلِِ يساعدني .... على حيااالتك

يا علــّــني فدوتك من راســك .. إلى إصبعك الصغير
يا كبر بختي ... يوم ناولتك يــدي ... ونااالتك

يا أصدق غلا.. وأعذب غلا.. بالوقت الأول .. والاخير
هذي خلاصة حالتي .. عطني خلاصة حاالتك ؟

[فاتنة الروح]

هجرتك ناوي اترك
الحب لحظات ..
لقيت طيفك بالبعد
محتويني ..

حاولت ابعد عن
خيالك مسافات ..
الله حسيبك وين ما
رحت فيني ..

غيرك نسيته وماطرى
على بالي ..
الا انت في كل
ثانية تجيني ..

[shjoonal3in]

عندى سؤال ابسألك
من متى صاير تحب وعاطفى
من متى قلبك بحس فينى وحنون
مايليق لحضرتك دور الوفى
اللي مثلك حتى مع نفسه يخون
...!