المشاركة الأصلية كتبت بواسطة ياويلي منهم؟؟
المهم..
الموضوع كله مجرد عتاب اصدقاء..
هلا بك اخوي
اذا لم تكن في كل الامور معاتبا صديقك لم تلق الذي تعاتبه
واحد من اعز اصدقائي كلمني قبل فتره وقالي عندي عمليه صغيرونه ابو ساعه..
الف لاباس عليه 
في اليوم الفلاني..
قلتله ما تشوف شر ومدري ايش..
المهم جا موعد العمليه وراح ولا اتصلت عليه اتطمن.. وزعل علي..
مع اني ورب الكعبه نسيته من كثر ماني مهموم..
الله يعين اخوي احيان الهموم تتحكم بالشخص وانشالله يعذرك
(ومايستطيب العيش الال المسامح)...
المهم ارسلي رساله مدري اذا هي من تأليفه او لا..
يقول:
إن كان منة صاحبي في لزومـــي
يوقف معي وقت الظروف القويـه
لا ضاعفت كثر المواجع همومـي
واستوطنت عوج الهموم الشقيــه
واقبل شقى فكري وحاربت نومي
واصبح فرح وقتي بخيل عليــــــه
ان كان منة صاحبي في لزومــي
وقت السعه محد(ن)بحاجة خويه
صح لسان قايلها
قصيده جميله ومعبره فيها من العتاب والحكمه وهي على البحر المسحوب
طبعاً انا نقلت من جده على الرياض.. فسارت فرقاهم وتأمين مستقبلي وامور كثيره تشغل بالي
من غير شر اخوي والله يوفقك
انا عاد حزت في نفسي رسالته.. فرديتله بكم بيت على نفس الوزن اتعذرله وابين له
كفو والله
فقلت:
احلف بربي وبصلاتي وصومـــي
ماصدني غير الضروف الي هيه
اعذر خويك ولا تعجل في لومـي
واسمع كلامي واستبين القضيه
الفرقى الي كدرتني في نومـــي
وفراقك انت الي عن فراق "ميه"
وتأمين مستقبل عليا لزومـــــي
كل ابوها زادت الهم فيـــــــــــه
ما اقول انك سرت اخر همومي
الا انت اولها يا ذخر ليـــــــــــه
الـ"هم" يحمد ماخذ(ن)كل يومـــي
ورسالتك زادت في القلب كيــه
قصيده جميله ولكن هناك بعض الملاحظات ارجوا ان تتقبلها بصدر رحب
البيت الاول
عجز البيت :ماصدني غير الضروف الي هيه
لوقلت: ماصدني غير الضروف الرديه
لكان ابلغ من وجهة نظري
البيت الثاني
اعذر خويك ولا تعجل في لومـي
خلل في الوزن فلو كانت:
اعذر خويك لا تعجل بلومـي
لاستقام الوزن
واسمع كلامي واستبين القضيه
فلو كانت:
واسمع كلامي واستشف القضيه
لكان اجمل من وجهة نظري
البيت الثالث
الفرقى الي كدرتني في نومـــي
خلل في الوزن فلو كانت:
الغيبه اللي كدرتني بنومي
لااستقام الوزن.
وفراقك انت الي عن فراق "ميه"
المعنى في بطن الشاعر وفيها خلل بسيط في الوزن
البيت الرابع
وتأمين مستقبل عليا لزومـــــي
حرف الواو لو لم يدخل في الشطر لااستقام الوزن
كل ابوها زادت الهم فيـــــــــــه
لو قلنا مثلا:
واشيا كثيره زادت الهم فيه
لاستقام الوزن
البيت الخامس
ما اقول انك سرت اخر همومي
خلل في الوزن
الا انت اولها يا ذخر ليـــــــــــه
برضه الوزن
البيت الاخير
الـ"هم" يحمد ماخذ(ن)كل يومـــي
على حسب النطق لا اعلم هل الاسم احمد ام حمد فاذا كان الاول فالوزن سليم
ورسالتك زادت في القلب كيــه
خلل فلو كانت :ورسالتك زادت همومي عليَه
لكان ابلغ بالمعنى وادق في الوزن
عاد ما امداني ارسل الرساله لين اتصل..
وسوالمكم..
ارجوا ان تتقبل دراستي المتواضعه بصدر رحب والهدف هو الرقي بالشعر الشعبي فان اصبت فمن الله وان اخطأت فمن نفسي والشيطان...
اتمنى لك التوفيق
مع كل التقدير...
