الموضوع الرسمي لـWorld Cup FIFA 2006

[SFS]

عالعموم مبروك سفس

الله يبارك فيك يا الموهوب..

وان شاء الله كاس العالم للطليان..

[! غــريــب !]

يلعن أوووم الحماس

ماتيرازي المان أوف ذا ماتش خخخخخخخخ ماتوقعت أعيش وأشوف هاليوم

إيطاليا لعبت زين والتشيك حاربت إللين آخر رمق بس العصبيه الواضحه وراس

الحربه حقهم أظنه شتاينر أو شئ مثل كذا ضيعتهم

وأصلاً من بداية المباراه وأنا قايل بينطرد واحد من حقين التشيك ..

المباراه في الأساس مثل ماقلتوا كانت تحدي خاص بين ندفيد وبوفون .. ياعالم حارس مهبول

وليد في الكابتن ماجد مايصد كرة ندفيد اللي في الزاويه ذيك لأنه بكل بساطه بيكون مصاب خخخخخخخ

شفتوا جاتوزو وش سوى في ليبي ؟ ههههههههه أم الميانه ياثور بس

الظاهر الدلخ ليبي سمع كلامي وطلع الخكري جيلاردينو وحط فيليبو إنزاغي .. صح إنه

ماعنده ذيك المهارات الا ياعالم يكفيه وجود شئ إسمه حظ في جيبه يعني حاله حال تيرزيغيه

يفلتون طول المباراه ويجيبون لك هدف ماتدري كيف

توتي منتظرين منه أكثر من اللي سواه .. بعض الأحيان أحس إنه متأثر بشعباني نوندا

اللي معاه في روما .. الا مسَكت معاه يجيب هدف تسقيط خخخخخخخخخ

[الموهوب]

اليابان في الشوط الأول شيء صراحه .. يعني تحس انه فيهم حماس مهوب طبيعي ,,

في الشوط الثاني البرازيل كشفت عن الوجه الآخر واللي مندس له كم اسبوع ... تحس انهم يديرون المباراة بمزاجهم ,

حتى ذاك الاداء اللي المفروض يكونون عليها ماطلّعوه ,, اعتقد طلّعوا القليل من القوه بس عشان يجيبون هالكم هدف اللي جابوها

البرازيل .. مخيفه , وخيارات كارلوس كثيرة ’ ياليت يسلفونا ..’
----
ايه صح .. وش قصة جاتوزو قعد يهايط على ليبي ؟

[IRON]

تعيش ايطاليا و تسقط جميع الفرق

[hitler is back]

رونالدو بيخطف اللقب من الألماني مــولـــر :أفكر:

الحين متعادل معاه في عدد الاهداف...14 هدف في كأس العالم

البرازيل بدأت تاخذ كل تميز بالكوره -___________-

بس الكاس الرابع لألمانيا هذي السنه

[Classic Evil]

الموهوب : جاتوزو قصوره يزاعق على ليبّي بعد! مب عشان كونه ليبّي , لكن جاتوزو لاعب غير متخصص بكرة القدم, بدأ بالركبي أو رياضة أخرى ثم جاء للكرة, وما زلت أذكر مباراة برشلونة و ميلان لما أحرز جولي الهدف وكان قبل ذلك رونالدينو تلاعب بجاتوزو -الذي ينتظر منه الطليان الكثير- تلاعب به وجعله يأكل العشب, والهدف موجود وكلنا شفناه ...

وبالأمس شفنا دخلته على أحد لاعبين التشيك كأنه يريد إلتهام قدمه كالضبع, ماذا تريد يا جاتوزو ؟!

ومبروك للطليان الصعود.

[Electro M]

الموهوب : جاتوزو قصوره يزاعق على ليبّي بعد! مب عشان كونه ليبّي , لكن جاتوزو لاعب غير متخصص بكرة القدم, بدأ بالركبي أو رياضة أخرى ثم جاء للكرة, وما زلت أذكر مباراة برشلونة و ميلان لما أحرز جولي الهدف وكان قبل ذلك رونالدينو تلاعب بجاتوزو -الذي ينتظر منه الطليان الكثير- تلاعب به وجعله يأكل العشب, والهدف موجود وكلنا شفناه ...

وبالأمس شفنا دخلته على أحد لاعبين التشيك كأنه يريد إلتهام قدمه كالضبع, ماذا تريد يا جاتوزو ؟!

ومبروك للطليان الصعود.

و مع ذلك ما سبق و شفت - كمتابع لفريق ميلان - لاعب يطلع مصاب بعد احتكاكه مع جاتوزو
بعكس كافو ابو ابتسامة هبلة
الموسم القبل الماضي لما دخل على لاعب روما كوفري
و شق رجله شق و بدات تنزف

جاتوزو لاعب مقاتل و اي فريق يلعب معاه يتطمن من الناحية الدفاعية
و الا وش اللي مخلي انشيلوتي الفاشل مدرب للميلان للحين غيره و غير شيفشنكو اللي راح ؟

[Classic Evil]

عماد الدين كاكا :
نحن لا ننتظر أن يصاب لاعب كي يتم إيقاف جاتوزو, و القتالية في الملعب إذا كانت من هذا النوع, فالأنتر إذن أفضل فريق مقاتل في العالم, ومع ذلك لا يحقق شيئا.

أستغرب من جاتوزو دخلته بالأمس, أول مرة أرى لاعب كرة قدم يتدخل بهذه الطريقة؟
هل تناسى نفسه وظن أنه يلعب ركبي في ملعب الجوسيبي ميتزا ؟

نحن ننتقد كل لاعب عنيف ولا يوجد هنا مكان لكونه ميلاني أو برشلوني أو إيطالي أو برازيلي.

انظر لنسيتا على سبيل المثال, صلب في الدفاع ولا يحتاج لمثل هذه الطرق الأكروباتية لإخافة الخصوم و بث روح الرعب فيهم .

[SFS]

أقول ايفل ترا يمدحون بابلو جارسيا وتوماس جرافيسن..

الأول لما كان بمايوركا أكثر لاعب بالدوري الاسباني ماخذ بطاقات..

وجرافيسن لا تعليق..

[نيو ايرفين]

اليوم جلاد الفرق راح يلعب مع اسبانيا

ههههههههههههههههههههه

الله يستر

[Classic Evil]

سبحان الله
على الرغم من أن البقرة الدنماركية الذي لا أحب حتى التلفظ باسمه و بابلو جارسيا يلعبان في الريال, إلا أن ذلك لم يكن كافيا لإرضائي, فالبقرة بإمكانه الحصول على كرت أحمر ولو دخل بآخر عشر دقائق, وما بابلو جارسيا عن ذلك ببعيد.
وأيضا بمتابعتي -لجرافيسن في الريال- ما أذكر أنه تم إخراج لاعب بعد إحتكاكه مع جرافيسن,
أليس هذا سبب إعجابكم بجاتوزو ؟ مالكم كيف تحكمون؟

قلت لكم لا مكان هنا لكون اللاعب ميلاني أو يوفاوي أو غيره, وإذا كنت من العشاق والمعجبين بهؤلاء النكرات فأرسل خطابك للوتشاينو موجي بضم هؤلاء, ولكن هؤلاء لا أظن يرضون باللعب في الدرجة الثانية إذا ما تقرر مصير السيدة العجوز .

[Electro M]

ايفلوه
انا اتكلم من متابعة مباشرة عمرها 5 سنوات
ما اتكلم عن امس و الا الموسم اللي فات بس
بعدين تقارن لاعبي ميلان اللي ما اخذوا الا كرت احمر واحد في ابطال اوربا الموسم اللي فات
لا و الكرت كان باعاقة خفيفة بعد لان ستام كان يبي يلغي البطاقة الصفراء
بفريق كل موسم يتسبب بنزيف الدم لاربع او 5 لاعبين!
اعرف كيف تقارن اول ثم قارن
في قتالية و في عنجهية
اللي يسويه جاتوزو قتالية و التحام جسم بجسم

اللي يسويه لاعبي الانتر مصارعة و حرب و تفقيع وجيه و استخدام كل شي لضرب لاعبي الخصم
الراس و اليد و الرجل و حتى الاصابع

أقول ايفل ترا يمدحون بابلو جارسيا وتوماس جرافيسن..

الأول لما كان بمايوركا أكثر لاعب بالدوري الاسباني ماخذ بطاقات..

وجرافيسن لا تعليق..

انا اشهد انك جبتها
جرافيسن هذا ثور موب بشر اساسا

[Classic Evil]

عماد الدين جاتوزو :
انتم يبتوا سيرة الريال, وجرافسين لاعب يديد في الريال, وكذلك بابلو , من اللي قارن الحين؟
ونقطة ثانية : أنا ما أكره إيطاليا ولا أحقد عليها, و على العكس أي لاعب ولو كان من فريق حارتنا تسبب في إعاقة وخشونة أكرهه وما أحب لعبه أبدا.

جرافيسن هذا ثور موب بشر اساسا

وأزيدك : أدريانو بعد .
شوف ركضته وكيف يطلع لسانه .

[Electro M]

زين انت تكلمت عن جاتوزو كأنه مسوي سوايا ماتيرازي الانتر
اللي فقع وجه سورين

على فكرة هاللاعب له ملف فيه لقطاته ضد الميلان
حتى روي كوستا المسالم ما سلم منه
و اكثر لاعب ضربه من ورى الحكم هو شيفشنكو
ضربات يستاهل عليها ايقاف مدى الحياة عن كرة القدم

عشان كذا رديت عليك
لان جاتوزو مثل ما ذكرت لما يتهور و يكون في قمة تهوره يدخل على اللاعب بجسمه فقط يعني يصطدم فيه
و اذا كان ضرب احد في مباراة امس فموب ضروري يكون لانه راعي مجازر
اللاعب يخطي احيانا و يعيق احد بطريقة خاطئة
في حالة اذا استمر على هالحالة ايه معك حق تكرهه و تقول انه خشن
لكن عشان حالة واحدة خليته في مقام جرافسين و ماتيرازي
فهذا الظلم بعينه

[! غــريــب !]

كاكا ورونالدو .. ماودكم تهجدون ؟

يعني الموضوع اسمه كاس العالم ماهوب كل شئ عن كرة القدم << على وزن كل شئ بريالين

طاااايب خلونا في المهم كلها ساعتين بالتمام والكمال ونآكلها على كيف كيفكم بإذن ربي

طبعاً ودي إننا نآكل هزيمه تاريخيه .. بتقولون ليش ؟

أول شئ لأني صرت أكره هالمنتخب كره الله به عليم

ثاني شئ ندخل تاريخ المونديال ولو من الباب الخلفي + أبو خطط مدروسه تزيد نسبة خروجه

من الإتحاد هو وولد أخوه

التشكيله اللي أغلب العالم قابه فيها وكلهم يقولون صح .. رهييييبه

تحسون اللي حطها نواف بن محمد مدري ليش

يعني الحارس يقولون الدعيع بيحطونه بدال مبروك وسامي وسعد بيلعبون من البدايه

والخثران بيمسك الباك اليسار .. عمومتاً احلى شئ أخواني السعوديين إختفاء النكبه

والنقطه السودا في تاريخ المونديال اللاعب اللي معلومته الوحيده قبل المباراه إسم الفريق

اللي بيواجهه والسلام .. الفذ عمر الغامدي

أنا بتفرج وأضحك وعلى الله إسبانيا ماتفشلنا

تكفى ياراؤول ... تكفى يافيا .. تكفى ياتوريس .. نبغاها تاريخيه