اسئله للجميع عن تعريب لعبة WINNING ELEVEN 6 رسميا

[الحــزيــن]

انا اعتقد لو يكون سعرها بين الـ30 والـ50 يكون افضل شي واذا بتحطون معلق عربي سيده حط ناصر الأحمد علشان يعلق على مباراة الهلال والنصر






واذا بتعربون لعبة ار بي جي سيده بعد عربوا فاينل فانتسي10

[ZA7EF BOOMBASTC]

الحــزيــن : 30 ، 50 ريال ؟؟؟؟؟؟؟؟؟ظ بكم تبيعون الكوبي اجل ؟؟
اصلا كونامي ما وافقوا على هذا السعر مستحيل
وبعدين شباب ارجو ان ما احد يقول الى الامام والخ عطوني ارائكم لاننا ما نحتاج تشجيع ولا ما كان فكرنا في الموضوع اصلا
بالنسبه لناصر الاحمد فهذا رايي ايضا لكن ودي اسمع راي الجميع
serge : عاد لا تصير ذكي مره اذا خليناها فرق عربيه فاكيد راح نخليهم بقوة الفرق الاوروبيه يعني مثلا سامي الجابر بقوة رونالدو جاسم الهويدي بقوة باتستوتا الخ الخ لكن طبعا مع خصوصيات كل لاعب وفريق
مثلا ممكن يكون الهلال اقوى فريق في اللعبه لانه لن يكون مانشستر وغيره موجودين في اللعبه اصلا

[SNIPER GAMES]

والله تسون خير وإلى الأمام دائما .

وبالنسبة للمعلقين وبدون منازع علي حميد و علي سعيد الكعبي من الإمارات

[&الكويتي112&]

البلاي ستيشن2 لايدعم اللغه العربيه ... ..

وانا اتمنى من كل قلبي ... ان تعربوا اللعبه مهما كان سعر اللعبه ...

[!!AUSTIN!!]

الصراحة والله ما اكذب عليكم انا اول مرة اسمع بهذا الشئ كنت دائما اشوف تعريب وماادري بس كنت مو فاهم والان فهمت ولكن ما كو امل للتعريب 99%
1 %

[اللاعب الأخير]

أنا افضل الفرق الاوربية

أما عن سعر المنسوخ عندنا في الشرقية 10 ريال


والمعلق كلا واحد مو فارقه

عندي سؤال هذي المؤسسة من وين من اي بلد

وشكراً

[Grandia]

الرسالة الأصلية كتبت بواسطة ZA7EF BOOMBASTC

وبعدين شباب ارجو ان ما احد يقول الى الامام والخ عطوني ارائكم لاننا ما نحتاج تشجيع ولا ما كان فكرنا في الموضوع اصلا
بالنسبه لناصر الاحمد فهذا رايي ايضا لكن ودي اسمع راي الجميع

ذلحين يوم اقول اللي امام هل يعني اني موافق اولا وش رايك ؟

علي العموم من رأيي انكم تحطون فرق اوربيه افضل

[ZA7EF BOOMBASTC]

جـرانديا : هلا اخوي وراك طرطعت السؤال مو انك موافق او غيره لكن وش فكرتك رؤيتك مطالبك للعبه المعربه

اللاعب الأخير : لا غلط سعر الكوبي اقل شي 20 ريال احنا نتكلم عن بلاي ستيشن 2 لا وحتى الكوبي حق ميتل جير ب50 واكثر بس طبعا مستحيل حنا نبيع بسعر الكوبي وعلى فكره المؤسسه وانا من عندكم من الشرقيه

slooh89 : ما في امل طييييييب نشوف على فكره وين عايش انت انا شفت نمتدى التعريب فيه يا ذكي مقاطع كامله معربه من ريزدينت ايفيل وفاينل فانتسي وهذا وهم افراد غير مدعومين وش رايك اذا لما تتعاون كونامي ومؤسسه عربيه على تعريب لعبه ؟؟؟؟؟؟؟؟؟

SNIPER GAMES : شكرا لانك ابديت رايك بس مدري احس ان الاماراتيين وطنيين مره متحمسين لابناء جلدتهم

[محب الأجهزة]

انا موافق واتمنى من كل قلبي يصير هذا الشيء حتى لو بألف ريال.
بالنسبة للمعلق انا عندي فكرة تحطون معلقين كثيرين ومن دول مختلفة.
وكل واحد يختار المعلق اللي يحبه.
اما لو صار الخيار هذا صعب.
سووا اي شيء تبغونه.
<<<<<<مايعرف المعلقين.
بس المشكلة في شيء واحد:
البلاي ستيشن2 مايدعم العربي.
بس ممكن تحلون المشكلة تحطون الكلام بالإنجليزي.
وإذا اشرت على شيء يجيني صوت واحد مثلا يقول بطولة ،دوري بالعربي.
الفكرة غبية نوعا ما لكن يلا.
وانا متحمس لهذي الفكرة:0)
وإلى الامام

[ZA7EF BOOMBASTC]

ااااااه اتعبتم قلبي يا شباب
بصراحه تبون الصراحه ماحد سألكم هو يدعم ولا لا معليش بس اطلعوا منها خلوا ذي الشغلات لنا وعلى فكره حتى البلاي ستشين 1 ما يدعم العربي اصلا بس بتطوير برامج والتحايل احيانا يصير بامكانك تعريبه واذا هو ما يدعم احنا نخليه يدعم لا مشكله

[anelka]

ودي من كل قلبي تنزل لعبة بالعربي . لكن اذا كان الموضوع بعد سنة ليش ما تستنوا ينزل we 7 يكون احسن ولا ايش رايكم .؟؟؟

اما بالنسبة للمعلق فما راح يكون احد احسن من ناصر الاحمد او عدنان حمد

و بالنسبة للفرق العربية لا زم يكون هناك خبير في هذا المجال و خبير في اللاعبين العربيين والاجانب المحترفين بالفرق العربية

و اعطيك امثلة على الفرق العربية القوية :

من السعودية : الهلال - النصر - الاتحاد - الاهلي - الشباب
من قطر : السد - الاتحاد
من الامارات : العين - الوصل - ( فريق ثالث )
من البحرين : المحرق
من عمان : صلالة
من الكويت : السالمية - القادسية
من مصر : الاهلي - الزمالك - الاسماعيلي
من تونس : الترجي - الصفاقسي
من المغرب : الرجاء البيضاوي


و انا اول من يشتري لكن يكون سعره معقول بين ( 70 - 130 ) ريال

[القاتل21]

تبغ الناس يتشجعو حط صورة من التعريب

[BuGaTTi]

فكره رااااائعه وياليت تتحقق

بس بالنسبه للفرق العربية .. اعتقد انه من اهم فروع الدروي الياباني هو بطوله الفرق الاوربيه واذا تم استبدالهم بفرق عربيه فبذلك تخسر اللعبه عامل اساسي ومهم من عوامل نجاحها

فمن يريد اللعب بسامي الجابر وترك رونالدو ومن يريد اللعب بجاسم الهويدي وترك باتيستوتا مع احترامي لهذا الاعبان

الفكره هي التعريب فلا تعبثوا باللعبه حتى تحقق النجاح المرجو منها

[ZA7EF BOOMBASTC]

anelka : اشكرك على ابدا رايك يا ليت الجنيع كانوا زيك
القاتل21 : يبه قاعد اقول لك تونا نتفاهم مع كونامي تقول لي حط صور من التعريب وان كان اننا عربنا وخلصنا ليه اجي اسئلكم
BuGaTTi : يبي يلعب بسامي وغيره عشاقه اذا كان الحين يوم ما نزلت نسخه غبيه من الدوري الياباني مغيرين فيها اسماء الفرق الى اسماء النوادي السعوديه بس الناس بغوا ينهبلون كلهم رجعوا واشتروا اللعبه نفسها لما سمعوا بس ان فيها فرق سعوديه ، من ناحيه ثانيه عندك انا شخص مابي العب برونالدو وباتيستوتا لأنهم لاعبين ما يعنون لي اي شئ لاهم مو من بلدي ولا هم عرب صح انهم لاعبين مشهورين بس وش دخلني فيهم في حريقه مع طبعا احترامي لرأيك وفكرتك عموما انا وضعت الموضوع لأسمع رأي الجميع واشكرك لانك سمعتنا رأيك لأني ما كنت اعتقد ان فيه احد في العالم يفكر كذا ، خذا على سبيل المثال هذي اللعبه بالذات وينينج اليفين اول ما بدأت ما كانت معروفه بالدوري الياباني لأنها كانت تضم فرق يابانيه مع معرفة الجميع بضعف الدوري الياباني وعدم وجود اي مقارنه بين نوادي اليابان والسعوديه طبعا لمصلحة الاخير وما قالوا مين يبغى يلعب بهونغ سينغ ولا شوانغ نيكيتا ولا اي زفت من عائلة البونغ بونغ

[بلاي ستيشنbest]

خطوة جيدة و يفضل المعلق عدنان حمد.