مطبخ أبو لبن للوجبات المتنوعه :)

[wildkitty]

اشرايك ترسم لنا الاكلات

او تحطلنا الخطوات بقصه من ايدك

ناطرتك اوكيكو

[Hard Rock]

ماشاااااء الله ^^ ريحة الدجاج و الشغلات هذي تسيطر على تفكيري

تسلم يا بولبن ^^
إلا أقوووووول ... طلب صغير جداً ( ماعندك شي فيه حلويات ؟؟؟ أنا أمووت على الحلويات ^^ :6 )

وتسلم مرة ثانية على الموضوع الشيّق اللي الصراحة جوّعنه ^^

سي يو ;-)

[الخطاف]

وااااااو..

يم يم يم ... يم يم

أنا بعد بشارك بطبخة بسيطة بو لبن ^^
وأكيد بتعجبكم

وأسمها سلطة اللبن الكونية النووية الذرية المخرطية

المقادير ..
كل شي عندك وتجوفه يمك ينفع...
وهذه الأشياء مهمة...
(علب بيبسي مخفسين- ليت محروق - قطوة ميته- شوارب هندي- عين فوجين العدلة- كرة الهداف- قناع اللورد زاكس- قلم الضوئي لريكس- كاب شاهين- وعصاة طرزون- وكل الأنيمي إلي عند رانما- صرصور هارد روك- منقار ديك منتوف- العاب الغاندم إلي عند جيم)
والبن

الطريقة...
ضع كل شي عنك في خلاطة أسمنت... أتركه ليومين
وفي هذه الأثناء غسل صحن التقديم...
ولما تنتهي أسكب الخلطة من الخلاط في طبق التقديم
وبعدين أسكب عليه اللبن...
وبيكون الطبق جاهز للتقديم ^^

وبالهنا والشفا

ونزوركم في القبر بعدين

سي يو

[Hard Rock]

الخطاف : حلوة طبختك ههههههههههههههه
أنا طبختهه ويوم خلّصت من طبخها شفت شوارب هندي في الطبخة لاعت جبدي!! بس الصراحة طعم القطوة الميته تجنن ^^ههههههههههههههههه

[Bu Laban]

وايلد كيتي .. تبين تسمعين قصتي مع كل طبخة مع اللي سويته .. أوكي .. في الردود الجايه انشالله

هارد روك .. الحلويات جاية في الطريق .. لا تخاف

الخطاف .. بالنسبة لوجبتك اللي حطيتها كانت فله بس المشكلة أني ما قدرت آخذ الكاب حق شاهين .. ماسكة في راسه صح

و نشكر لكم متابعتكم للموضوع ..

[Bu Laban]

السلام عليكم .. بناءا على طلب هارد .. بنزل لكم طبخة جديدة و هي ..

كيكة الشوكولاتة ..

المقادير ..
5 بيضات .. 1.5 كاس سكر بودرة .. أصبع زبدة .. كأس حليب سايل .. فانيلا .. 3 ملاعق أكل خميرة بيكينغ باودر .. 2.5 كاس دقيق مع نص كاس كاكاو

الحشوة ..
كرتون كريمة دريم ويب مع علبة فواكه مشكلة كبيرة ..

الوجه ..
10 حبات شوكولاتة جالكسي .. علبة قشطة و 3 ملاعق اكل لوز محمص و مفروم ..

الطريقة ..
يخفق البيض جيدا مع إضافة الفانيلا (إذا كانت عندكم ماكينة للخفق و العجن يكون أفضل ) يضاف الزبدة و السكر بتدرج و يخلط جيدا .. و يضاف الحليب و يخلط برضوا بشكل جيد .. بعد كذا نجيب خليط الدقيق مع الكاكاو و ينحط بتدرج و شوي شوي المسألة لا تستعجلون عليها مع الخلط الجيد لها .. في النهاية يصب الخليط في القالب المدهون و يدخل الفرن حتى ينضج (تأكدوا من أن القالب تقدرون تشيلون منه الكيكة من غير ما تعتفس ) .. في هذا الوقت تعمل كريمة دريم ويب مع الحليب السائل .. بعد ما تبرد الكيكة تقطع من المنتصف بشكل افقي و تشرب بماء الفوكه المشكلة من الجهتينو يفرش فيها الكريمة و الفواكه المصفاة من الماي .. و تغطى بالطبقة الثانية ثم يغطى الوجه بشوكولاتة جالكسي المذوبة بحمام مائي يغطى بها وجه الكيك و يترك قسم من الشوكولاتة المذابة و تخلط مع علبة القشطة و اللوز المحمص و يزين به الكيكة .. اذا كنتوا تبونها باردة دخلوها في الثلاجة شوي و بعدين قدموها

عاد ذاك اليوم اللي جربت فيها الكيكة هذي انعفست .. لأنها كانت أول مرة أسويها .. البيض أتذكر طاح علي و أجيب غيره و للا الفانيلا عاد جاني زكام بسبته .. و أول وحدة لي كانت من جد تعبانة .. بس أهلي ما قصروا و أكلوها .. هي مش بذيك الرداءة بس في الأحسن منها .. بالعافية انشالله

[-][HaNa Sun][-]

موضوع حلو و جديد بولبن ...

شكلك بذلت مجهود و طبخاتك كلها حلوه ...ماقصرت يا بولبن..

مع إني بنت لكني ما احب ادخل المطبخ واايد..كسوله^ ^


على كل حال...نتريا المزيد من طبخاتك الشهيه..

[Bu Laban]

ما شالله عليكي يا هانا .. رد سريع و حلو .. عاد نبيج تتابعين موضوعنا على طول انشالله

[lord zacx]

مرحبا ^__^


كركركركركركركركركركركركر

خليتني اتكركر من الضحك على موضوعك العجيب
كركركركركركركركركر كوري

شميت الكمبيوتر بس ما وصلت الريحه:" يمكن اطرشه بالفاكس ^__^

[Bu Laban]

أوووووه .. أهلا باللورد حبيب الملايين ^^ .. في وسيلة أحس من الفاكس .. تعاللي و شم بنفسك ..

اليوم بعطيكم شغلة خفيفة و حلوة .. و ما خذت مني وقت .. و هي ..

كرات البطاطس المقلية ..

المقادير ..
كوبين بطاطس مسلوقة و مهروسة .. ملعقتين أكل من الزبدة السائحة .. نص كوب جبن مبشور كرافت .. ملعقة شاي من الملح و برضوا ملعقة شاي من الفلفل الأسود .. صفارين بيض مخفوقين .. ملعقة أكل من حليب .. نص ملعقة شاي خميرة ( بيكينج باودر ) .. كوب من الدقيق .. بيضة مخفوقة مع ملعقتين أكل من الماء .. و كوب بقسماط

الطريقة ..
تخلط البطاطا مع الجبن و الملح و الفلفل و صفار البيض و البيكينج باودر و الزبدة .. الخلطة هذي تقسم الى كور و الكور تغمس في الدقيق و كل كرة على حدة .. ثم تغمس في البيض و بعد البيض تغمس في البقسماط .. ذاك الوقت انتوا محمين زيت .. بعد البقسماط توزع الكرات في المقلاة و تقلى الى ان تنضج . بعد كذا ترص في صحن للتقديم .. بالعافية انشالله

[ديابلوس]

وححححححححححححححححححححح :6

لعابي سال ثييييييييييييييييييييييب تب تب تب تب تب تب تب :6


انا بعد عندي طبخة ديابلوسية حلوة ^^


المقادير.. : بيضة... ملح... زيت ... كبريت... تاوة... جولة


اول شي اكسروا البيضة .. و بعدين خلطوها مع ذرة ملح خفيفة ... و بعدين خلطوها زين زين زين زين ...

بعدين حطوها في التاوة بعد ما تحطون شوية زيت و تولعون الجولة بالكبريت ... و بعدين قلبوا البيضة كم مرة و تداااااااااا بتلاقون بيضة مقلية على شكل ديابلوس

شرايكم ؟؟

[Bu Laban]

ما شالله عليك يا ديابوس .. تصدق أن أكثر الشباب اللي أعرفهم ما يعرفون يسوون اللي انت قلت عليه ( ما أمزح فيها ) ..

[Hard Rock]

وااااااو .. حلوة طبختك الأخيرة يا بولبن (كرات البطاطس المقلية)
تذكّرني بآلو بشير ^^

ههههههههههههههههه حلوة طبختك يا ديابلوس . بس الصراحة صعبة
طبخته مرتين وآخر مرة احترقت في ويهي ههههههههههههههههههه

آنه عندي طريقة احترافية لإعداد كوب من شربت فيمتو ...;-)

المقادير : شربت فيمتو بحجم عائلي ، كوب كبير شوي (علشان تشبع) ، شكر ، وماي وقفشه (ملعقة).

الطريقة : صب شوي فيمتو في الكوب الكبير وزيده شوي شكر ، وبعدي
حط ماي وخلّه ينترس القلاص (الكوب) وخور الخليط شوي ، وبعدين حطه
في الثلاجة (علشان لين عطشت تروح تشربه) ... لين خلصت .. حطيت
الكوب في الثلاجة قول لي علشان آروح اسرقه .. ههههههههههههه

:6

[-][HaNa Sun][-]

حلوه اكلت البطاطا المكوره..بولبن ^ ^

و أصعب طبخه صراحه اكلت هارد روك ..أقصد شراب الفيمتو..

بعطيكم أكله سهله ..نوع من الحلويات

دريم كاست أقصد دريم ويب مع الفواكه المشكله..

المقادير:

1 قشطه _ كيس دريم ويب_علبه مشكله للفواكه.

الطريقه:

نكسب القشطه في وعاءالدريم ويب و نخلطه زين { يفضل بالخلاط الآلي}
بعدين نضع الفواكه المشكله على دريم ويب و نخلطه بالملعقه ..و يوضع في الثلاجه لمده ساعه أو اكثر..بعد ذلك يكون جاهز للأكل ييييييييييييم

[C.Falcon]

ممكن تعلمني كيف أسوي معصوب ؟؟؟؟
حق ابو زيد