كل عام وانتم بخير .. :)

**QaHir** · 26-10-2003, 01:29 PM

وأنت من اهل الخير ^^

التقاليد مم الفطور والسحور .. الفطور مع الاهل والسحور مع الربع

فيه اشيه وايد ^^

ثانكس ..

**msm** · 26-10-2003, 05:58 PM

وانت طيب ..

والله مثلك خابر ..بالفطور : صحنُ ُ من (اللقيمات) .. وآخر من (السمبوسة) .. وبضع تمرات ..ودلة قهوة ..وقدحاً من العصير و(الفيمتو) ..

وأحياناً أخرى ..تمرتين وقهوة ..وتضف عفشك تروح تصلي المغرب ..وبعد الصلاة يصير خير ..

أما السحور : تارةً (نواشف) وتارةً أخرى (كبسة) وتارةً ثالثة كأس ماءٍ ..

وأما الـ TV : طاش + بضع برامج هنا وهناك (كلها من بعد المغرب وقبل العشاء) ..

وكالعادة ماننسى الإختبارت الي تحجر لنا في كل رمضان ..

**Dark Devil** · 26-10-2003, 06:04 PM

**MoaeD** · 26-10-2003, 09:00 PM

هتلر

مفتل ايش يا عمي

وصدقت الأختبارات برمضان قلق

جزاك الله خيرا واحسن اليك فضيلة الشيخ فيصل وقلعك الى موزمبيق

تايدوس

اجل يالله السلامه .. هههههه ام الرواقه

دارك 13

اجل السحور يا ويلك لو تفوته هههههههههه

امك رهيبه

دينيلسون

احلف

قاهر

اجل ربعك راعين سحور رسمي

انا اذكر رمضان اللي راح نجتمع انا وديجيتال وكم واحد

ننسى انفسنا بلعب يوري ولا ندري الا انه اذن ويروح علينا السحور

msm

الأختبارات محجرتلنا كلنا

باقيلي اختبارين الأسبوع ذا وثنين الأسبوع الجاي واعطل انشاء الله

والله يوفق الجميع

كريزي كار

محد قد قالك انك اسم على مسمى

ومشكورين على الردود

**flarestar** · 27-10-2003, 10:50 AM

كل عام و انتم بخير جميعا ^^

و الله عادتنا برمضان نفطر لما يأذن المغرب تصدقون

امذح..

لما يأذن نحط الفطور.. اللي هو تمر و قهوة و معه شي مثلا لقيمات او اصابع جبن.. و بس..

العشا ( اذا كان فيه احد يبي يتعشى) بعدين متأخر عقب صلاة التراويح او كذا..

و السحور لما يبقى ثلث ساعة على اذان الفجر نحطه و طبعا كبسة رز

طبعا طاش ما طاش ممسوحه من قائمتي زي كل سنة لانها ما تعجبني بتاتا البته

.. بالعكس مدري ليه احس اتنرفز و انا اشوفها و تجيني كآبه بعد

و بث ثلملم

**Lena** · 27-10-2003, 03:20 PM

هلا مؤيد وانت بالف خير وكلكم اجمعين ^_____________^

اممممم طبعا فلير ما خلت لي شي

بس العشاء يا فلير نتعشى على العشاء تذكرين

اليوم بتشوفين.... اذكر نتعشى وحنا نشوف طاش ما طاش

اممممممم الحلو في رمضان اننا نجتمع وحنا نطبخ ونجهز الفطاير ونقعد نسولف وواخوني يجون معنا ويلتم الشمل ...^_______^

الجمعات العائليه موب مرة لان اصلا عائلتنا موب كبيرة

اهم نقطه اننا نروح القصيم طبعا طبعا كعادة كل سنة نقضي اخر الايام هناك

roud5:

بصراحه رمضان+اكل امي= انواع تخريب الجسم

اصابع جبن ولقيمات وقشطه وشيره...وبعدين العشاء معجنات بيتزا سمبوسه

شي ما يتقاوم الله يستر

يلا دوركم

**Chandler** · 27-10-2003, 03:28 PM

كل عام و انتم بخير جميعا

**MoaeD** · 27-10-2003, 05:05 PM

فلير ولينا

الله يسلمكم .. وتراني جمعتكم لأن نظامكم واحد

اخاف تحسبونه انتقاص ولا شي

ونظامكم زينا بالضبط

تمر وقهوه واصابع عروس ولا سمبوسه اللوز الصغيرات ذي قبل صلاة المغرب

وبعد المغرب بفتره نحط العشاء عاد بما يحتويه من الأصناف

سمبوسه وفطاير وشوربه (مع اني ما اشربها

) وبطاطس مقلي و..

والشمل ما شاء الله ينلم برمضان ما شاء الله عليكم وجعله دوم الشمل ملموم

انشاء الله تروحون وترجعون بالسلامه .. حنا ما نروح للقصيم لأنه اهلنا كلهم بالرياض

والقصيم يمكن اودي امي وجدتي بعد العيد عشان يسلمون على خالتهم مدري مين هناك

وطبعا زي كل سنه انا اكلها لأني الوحيد اللي اكون فاضي اول اسبوع

كل خوالي دوام

بالنسبه لتخريب الجسم انا ناوي هالرمضان اخفف .. بس الله يستر

ومشكورين على الرد

تشالندر

وانت بخير وصحه وسلامه

اشتقنالك يا واد والله لك وحشه

يا ليت لو تزبط وضعك وترجع بأسرع وقت

**Moon Boy** · 31-10-2003, 03:05 PM

المشاركة الأصلية كتبت بواسطة Yamazaki

كل شيء بوقته يا أختي

الدين الاسلامي دين يسر

ولاتخافين لي وقت أصلي التراويح وأختم القران و أتفرج على المسلسلات

ولاتقولين أنك أنتي ماراح تتفرجين على المسلسلات

الظاهر اسمي مون بوي..

مو مون قيرل

**MoaeD** · 31-10-2003, 06:59 PM

المشاركة الأصلية كتبت بواسطة Moon Boy

الظاهر اسمي مون بوي..

مو مون قيرل

بدري

**HArb200** · 31-10-2003, 07:26 PM

على فكره مؤيد

تصدق من توقيعك مدري من الولد والبنت .. او يمكن كلهم بنات :s

**I`m HeRe** · 31-10-2003, 08:36 PM

وأنت بخير <<<<لودنق

والله بنسبه لي شوربه على الفطور وشي خفيف مهب مره ثقيل بالسحور وأنشاءالله تستمر المقاومه للأصناف والأطباق اللي أشوفها يومياً

**MoaeD** · 31-10-2003, 10:45 PM

هارب

ليش ما قلت انهم كلهم عيال

؟!

مشعل

ليش محارب الأكل كذا

الأكل اهم شي ياخي

الموضوع: كل عام وانتم بخير .. :)

أدوات الموضوع

ممممممممم

Re: Re: كل عام وانتم بخير .. :)

Re: Re: Re: كل عام وانتم بخير .. :)

Re: Re: Re: Re: كل عام وانتم بخير .. :)

ضوابط المشاركة