كل عام وانتم بخير .. :)

**MoaeD** · 25-10-2003, 04:56 PM

السلام عليكم ورحمة الله ..

طبعا رمضان على الأبواب (يا بكرا يا بعد بكرا)

فكل عام وانتم بخير مقدام

.. والله يعوده علينا وعليكم بالصحه والعافيه لسنوات طويله ..

الموضوع مو موضوع تهاني لكن هو متعلق برمضان ..

كل عائله طبعا لهم تقاليد برمضان تتمسك فيها

حتى احيانا اشوف اخوان (متزوجين طبعا وكل واحد ببيته) وتقاليد مختلفه عن بعضها ..

وشي تقاليد رمضان الموجوده عندكم عموما ؟!

تقاليد الأكل ووقته ونوعه

والأجتماعات والعزايم اكثرها سحور ولا فطور ووقت السحور ونوعه غالبا واللي ياكلونه اكثر العائله ؟

وكل عام وانتم بخير مره ثانيه وهذي اهداء مني

**Deadly Spot** · 25-10-2003, 06:09 PM

كل عام وأنت بخير وكل أعضاء المنتدى بخير

رمضان كريم

لاتنسوا برنامج قرقيعات لداؤد حسين على mbc
لاحد يفوته

**HArb200** · 25-10-2003, 06:38 PM

بالفعل ..

والله الايام تمر بسرررعه ..!

بالنسبة للاكل انت ذكرتني بحاجة

انا استغرب ليش الناس بهالشهر الفضيل .. يدبلون الاكل .. بدال ماكان الصيام لاجل الصحه والاجر .. صار عشان تجووع نفسك .. ثم تخش على طاولة مليئه بكل مالذ وطاب من الاكل والحلويات وغيرها !!ثم تفجر فيه جوع الاثنى عشر ساعه!

واغلب الاذاعات عندما تذكر الشهر .. تذكر معه الاكل !!

شي عجيب ومفارقه اعجب .. وناس اعجب من العجب نفسه !!

انا طبعا لاامنع سالفة الاكل .. لكني شي مقزز .. انك ترا الناس يعتبرون الشهر هذا. . شهر اكل .. وهو بالعكس تمااااااااااااااااااااماً .. شهر للصحه .. ولكسب الاجر

عموما .. بس كان في خاطري هالكلمتين .. وقلتها

واما العادات ..

فاعتقد ان طاش ماطاش صارت من عادات الشعب السعودي بهالشهر :s ,,

وكل عام وانتم بصحة وسلامه ,,

وعيدكم مبارك << فاهم غلط ,,

**Moon Boy** · 25-10-2003, 06:38 PM

وأنت بخير مؤيد..

وشهر مبارك عليكم جميعاً..

بعدين ياYamazaki الناس يقولون لا تنسون التراويح ولا القرآن وانت تقول داوود حسين

**Deadly Spot** · 25-10-2003, 07:15 PM

المشاركة الأصلية كتبت بواسطة Moon Boy

بعدين ياYamazaki الناس يقولون لا تنسون التراويح ولا القرآن وانت تقول داوود حسين

كل شيء بوقته يا أختي

الدين الاسلامي دين يسر

ولاتخافين لي وقت أصلي التراويح وأختم القران و أتفرج على المسلسلات

ولاتقولين أنك أنتي ماراح تتفرجين على المسلسلات

**Angel whisper** · 25-10-2003, 07:20 PM

وانت بالف خير مؤيد ..

والله ما في شي يتغير في رمضان غير ان العبادات تزيد .. وقراية القرآن تزيد ..
ومزاجات ناس اعرفهم تصير مثل التبن .. ويتصرفون كأنه محد صايم غيرهم ..

هارب :
قمة القرف هاذي .. الناس تصرف الوف عشان الاكل في رمضان ..

**MoaeD** · 25-10-2003, 07:32 PM

يامازاكي

برامج التلفزيون المفروض تكون في نهاية قائمتك اللي تدعو فيها الناس

صحيح انه اكثرنا يتفرج على التلفزيون لكن انك تدعو الناس للعبادات لك اجر لكن تدعوهم لبرنامج فيه معاصي هذا معناه انك تدعوهم للأذثم ..

المشاركة الأصلية كتبت بواسطة HArb200

بالفعل ..

والله الايام تمر بسرررعه ..!

بالنسبة للاكل انت ذكرتني بحاجة

انا استغرب ليش الناس بهالشهر الفضيل .. يدبلون الاكل .. بدال ماكان الصيام لاجل الصحه والاجر .. صار عشان تجووع نفسك .. ثم تخش على طاولة مليئه بكل مالذ وطاب من الاكل والحلويات وغيرها !!ثم تفجر فيه جوع الاثنى عشر ساعه!

واغلب الاذاعات عندما تذكر الشهر .. تذكر معه الاكل !!

شي عجيب ومفارقه اعجب .. وناس اعجب من العجب نفسه !!

انا طبعا لاامنع سالفة الاكل .. لكني شي مقزز .. انك ترا الناس يعتبرون الشهر هذا. . شهر اكل .. وهو بالعكس تمااااااااااااااااااااماً .. شهر للصحه .. ولكسب الاجر

عموما .. بس كان في خاطري هالكلمتين .. وقلتها

واما العادات ..

فاعتقد ان طاش ماطاش صارت من عادات الشعب السعودي بهالشهر :s ,,

وكل عام وانتم بصحة وسلامه ,,

وعيدكم مبارك << فاهم غلط ,,

اي والله صادق الأيام صاروخ

وبالنسبه لعادة زيادة الأكل من جد احسها عاده مخيفه

الواحد يدخل رمضان يبي النحف والصح والناس يصومون ثم يحطون اكل 10 لثلاثه او اربعه

وبالنسبه لطاش من جد صارة من عاداة الشعب السعودي مع انها صايره اكثر حلقاتها ممله ..

مون بوي

الله يسلمك

يامازاكي مره ثانيه

moon boy صار بنت .. ولد القمر خليته بنت

اينجل

الله يسلمك

وبالنسبه لمزاجات الناس هذي غريبه كأنهم مغصوبين على الصيام مع انه المفروض يفرحون انه من صالحهم صحيا ودينيا الصيام

وشكرا على الردود جميعا

**Deadly Spot** · 25-10-2003, 08:12 PM

متأسف أخوي ولد القمر

انا ماطالعت على الاسم
حسبتك بنت

**ابتسامــــــه** · 25-10-2003, 08:14 PM

مبرووووووووووووووووووكين

رمضااااااااااااااااااااااااان يوم الاثنين ...

كل عااااااااااااااااااااام والامه الاسلاميه بالف الف خيرررررررر

**hitler is back** · 25-10-2003, 09:30 PM

حبتين مؤيد وش عندك مفتل هاليومين

وانت بخير والله يبلغنا رمضان ويتمه لنا

ياخي رمضان حلو...لو لا الاختبارات كان Perfect

عموماً رمضان اهم شي اللقيمات الي ماحبها بس لازم تؤكل>__< والسمبوسه هذه من الناحية الغذائيه ومابي اعطيكم قائمه لان مانيب فاضي

بس اهم شي كان في رمضان ذكريات حلوه
كنّا نختم الالعاب انا وBlackashdrago قبل 4 سنين مثل جيكس

والله ذكريات حلوه وكمان ميجامان بس ماذكر اسم الجزء

وصحيح ان رمضان جو اكل ولعب وطلعات بالليل لدا معظمنا...لكن لابد من الناحية الدينه تكثر الادعيه وقرأت القرآن باستمرار

وصحيح ان المسلسلات تغلغلت في جونا الرمضاني لتحل محل السكون والهدوء وذكر الله كثيراً

لكن شخصياً ماتابع مسلسلات اللهم طاش ماطاش وكم برنامج مضحك

اما المسلسلات الكويتيه والسوريه والسعوديه القلق الي يجيب لك مأسي أسر
وفلان ولده مات وواحد ادمن المخدرات وامهم تطلقت ويعيشك عالم ثاني

يلعن ابو القلق>_______________<

اقعد اتأمل بالجدران اصرف لي من الكآبه

الله يهدينا ويرزقنا ويوفقنا لكل مايحبه ويرضاه

والسلام خير ختام
السلام عليكم ورحمة الله وبركاته....

كان معنا فضيلة الشيخ فيصل حفظه الله في بث مباشر والآن ننتقل لاستديوهاتنا في موزمبيق لنقدم لكم الاخبار

**Mahdee87** · 25-10-2003, 11:26 PM

كل عام وانتم بألف خير

لكن انا للحين مستغرب شلون في الردن وفلسطين ومصر واليمن بكرة رمضان واحنا يوم الاثنين

بالعادة كله مع بعضه

يلا

كل عام وانتوا بخير

**tidusxxx** · 25-10-2003, 11:30 PM

كل عام وانتم بخير
رمضان يوم الاثنين مع اني كان ودي انه بكره-___-

سبحان الله مدري ليه في رمضان بالذات تنسد نفسي...بالذات من السمبوسة

عزايم؟والله لو احد يقترح عزيمة في رمضان ان توديه امي ورا الشمس@_@<<<تروح فيها ارواح

توني انتبه انه ما يبقا لنا من رمضان الا اسبوع وشوي بعد الاختبارات!!!

اما بالنسبة للبرامج طاش ما طاش ويالله السلامة.... لاحقين على الباقي ينعاد بعد رمضان

وسلامتكم...

**Musou** · 26-10-2003, 12:18 AM

وانت من اهله

بالنسبة للتقاليد... ممممم... ما فيه شي معين.. الا ان الفطور يكون كامل قبل الصلاة... و بعد الصلاة للي يبغي يقرقش البقية مع برامج التلفزيون...
وعادة ما نتسحر سوا... كل واحد يسوي اللي يبيه... (مع ان الوالدة الله يحفظها تصر اصحى على الأقل اشرب مويه قبل الأذان

)...
و الوقت يصير فيع تغييرات طفيفة (يسمحون لي اواصل

)...
غير كذا.. مممم كل شي طبيعي...

و كل عام و انتم بخير

**DE NILSON** · 26-10-2003, 01:25 AM

كل عام والجميع بخير

وصراحة الشعب العربي اصبح يننظر لرمضان على انه مجرد شهر اكل ومسلسلات

**Lavitz Enduro** · 26-10-2003, 05:40 AM

كل عام وانتم بخير ..

أنا مستغرب شلون فاضيين للبرامج والمسلسلات .. يكفي الأمتحانات تبي تكدر عيشتنا

يعني الحياة اليومية:-
" الصبح دراسة

,,, الظهر قرأة قرأن ,,, العصر دراسة ,,, المغرب فطور

,,, والباقي عبادة ودراسة "
حياتي كئييبة من هالمدرسة

المشاركة الأصلية كتبت بواسطة Mahdee87

لكن انا للحين مستغرب شلون في الأردن وفلسطين ومصر واليمن بكرة رمضان واحنا يوم الاثنين

حتى أنا مستغرب من هالشي

..

الموضوع: كل عام وانتم بخير .. :)

أدوات الموضوع

كل عام وانتم بخير .. :)

Re: كل عام وانتم بخير .. :)

Re: Re: كل عام وانتم بخير .. :)

Re: كل عام وانتم بخير .. :)

Re: Re: كل عام وانتم بخير .. :)

Re: Re: Re: كل عام وانتم بخير .. :)

Re: Re: Re: Re: كل عام وانتم بخير .. :)

Re: كل عام وانتم بخير .. :)

Re: Re: كل عام وانتم بخير .. :)

Re: كل عام وانتم بخير .. :)

Re: Re: Re: كل عام وانتم بخير .. :)

ضوابط المشاركة