بوش يعلن الكويت حليفاً رئيسيا ًخارج الناتو

[alamid]

ايه خلص انا يأست تماما و مالنا غير نقول الله يهدي كل كويتي فرح بهذا الخبر ........

واتمنى عدم فتح نقاش و سيرة وانا اقول من الان اني لن ارد على اي تعقيب على كلامي .......

أحسنت..

هذا الذي كنت ستصل إليه حتماً عاجلاً أو آجلاً...

النقاش فاسد..خاصةً من خلف الشاشات..لأنك لا تعلم أنت تتحدث مع من وتتناقش مع من!!

قد يكون من تتناقش معاه عدو للإسلام ويتلبس بأهل الدولة الفلانية,أو المذهب الفلاني..

مرة أخرى,اهنئك أخوي كايتو على الإنسحاب من مثل هذه النقاشات..

[opz box]

عدو الله راض عليكم .....وتقول لي مافي ذل ؟؟

والله المستعان .....

و انت شلون تعرف اعداء الله من بين البشر
و منو قال رضوا عنه او ما رضوا كيفهم قال عضو حليف ما قال رضيت عنهم و بعرف متى كانوا زعلانين منه امريكا عشان يرضون علينا ههههههههههههههههههههههههه
اللي اقوله انه التحالفات بين الدول مافيها مذله
يعني مثلا لو وافقت دول الخليج على دخول اي دوله لمجلس التعاون يكون ذل للدوله الجديده
و يعني بوش احتفل في رمضان فهل هو مسلم و اذا اي شخص سوا شغله من ديانه ثانيه يكون متبع هذي الديانه


الله الوطن الامير

[QataR NighTMarE]

ولو كان مسيحي
تراه قاتل ومجرم حرب بنظري لأنه يقتل في افغانستان والعراق
وجابر جيشه انه يقاتل بعد
يعني حتى اليهودي افضل منه هالمجرم
الله ياخذه ان شاء الله
ومبروك عليكم ياللي فرحانين ذل جديد

[كايتو]

انا قلت لا تعقبوا على كلامي

لأنه لا فائدة !!!

[كايتو]

أحسنت..

هذا الذي كنت ستصل إليه حتماً عاجلاً أو آجلاً...

النقاش فاسد..خاصةً من خلف الشاشات..لأنك لا تعلم أنت تتحدث مع من وتتناقش مع من!!

قد يكون من تتناقش معاه عدو للإسلام ويتلبس بأهل الدولة الفلانية,أو المذهب الفلاني..

مرة أخرى,اهنئك أخوي كايتو على الإنسحاب من مثل هذه النقاشات..

صدقت والله اخي .........واشكرك من صميم القلب

[opz box]

ولو كان مسيحي
تراه قاتل ومجرم حرب بنظري لأنه يقتل في افغانستان والعراق
وجابر جيشه انه يقاتل بعد
يعني حتى اليهودي افضل منه هالمجرم
الله ياخذه ان شاء الله
ومبروك عليكم ياللي فرحانين ذل جديد

مع احترامي لدوله قطر و كل قطري و انا اؤيد كل خطوه قامت فيها قطر وامير قطر في حرب تحرير العراق
ماذا تسمي القياده الامريكيه في قطر و قاعده السيليه الي كانت مقر للقوات الامريكيه و مركز القياده و التحكم في الجيوش
هل تسميها ذل يعني انتوا مثلا عايشين في ذل الحين و هل نسيت انه بوش زار قطر و ما زار الكويت هل يعني انكم انذليتوا
مع اني اؤيد كل خطوات حكومه قطر و امير قطر في هذا الموضوع لانها عرفت تحمي نفسها من اي دوله بالتحالفات مع الدول الكبيره و انها مقر القياده في الخليج للجيش الامريكي
فشكر كبير لدوله قطر والولايات المتحده الامريكيه

[كايتو]

الله يبارك فيكم

لحظة شوي انا لفتت نظري هذه الكلمة ( الله يبارك فيكم ) ......


حبيبي .....الله لا يبارك فينا !!!! ....مابدنا محبة بوش خليها لكم !!! ......معلش صدقني مافي ولا اي حد يحسدكم على قرار التحالف !! ......تاكد من هذا !! .................واذا لم تتأكد في الدنيا فيوم القيامة سوف تتأكد !!! .....


سلااااااااااااااام .....

[QataR NighTMarE]

اخوي احب اوضح لك شئ فقط
انا واحد ما انذليت
لأني غير راضي عن هالشئ
فهذا يعني اني مخالف للشئ هذا
بس قدراتي لا تسمح لي بتغيير هذا الشئ
الا بالدعاء لرب العالمين بأن هالشئ يتغير
فأنا غير وكرامتي محفوظه لأني غير راضي
عكسك انت اللي فرحان بالشئ هذا

(( علمتني دنيتي كيف ابقى اصيل وكيف احفظ عزتي وارفع راسي مثل هام النخيل ))

[opz box]

و هل انت اللي تختار متى يكون الموضوع ذل و متى ما يكون
و صدقني حتى لو مثلا ما كنت احب امريكا هل تتوقع اني اقول قطر عايشه في الذل لوجود القوات الامريكيه
ما راح اقول لانه هذا قرار و سياسة دوله قطر الخارجيه والموضوع ما فيه ذل
بعطيك مثال
الحين اول دوله خليجيه اقامت علاقات مع اسرائيل هي قطر و الكويت ما عندها اي علاقه مع اسرئيل في مره قلت
انه قطر عايشه في ذل او غلطت على قطر و قلت كلمه عنها او سويت مواضيع عن قطر
بالعكس ما اقول لانه دول الخليج دوله وحده واللي يتكلم عن اي دوله خليجيه جنه قاعد يتكلم عن الكويت

انا حبيت اعطيك الامثله هذي لانه في اعضاء تسوي مواضيع عن الكويت و تسب كل الكويت و كل شعب الكويت و تتمنى انه صدام يغزيها مره ثانيه عشان موافقة الحكومه لوجود القوات الامريكيه فيها
و لانه في كويتيين يحبون امريكا و سبب حبهم لها لانها ساعدتهم و حررتهم في يوم من الايام و وقتها ما استفدنا من اغلب الدول العربيه فهل تبونه الحين نطرد امريكا و نوقف مع الدول اللي صارت ضدنا و ننكر الجميل

انا الخليجي انا الخليجي و افتخر اني خليجي

[darkitp]

أعتقد السبب الرئيسي لهذي الحلف
ليكون بوش في طليعة المنتخبين في الدورة الجديدة للانتخابات الرئاسية
و اعلان الحاكم الجديد.
ومع هذا الحلف يجعل من الكويت محط أنظار الكل من الدول العربية ....

[QataR NighTMarE]

اقول اخوي انا ماسبيت الكويت او شعبها
كلكم على عيني وراسي
بس
انا كقطري مو راضي عن اللي تسويه سياسه بلادي
بس انت فرحان لذلك اقولك ذل
فهمت علي

[يالطيف الطف]

قطر في حرب تحرير العراق

[the army]

مبروووك للاخوة الكويتيين..............................وعلي فكرة...بوش مسيحي................وهو كان حاكم تكساس...مش كاليفورنيا..........................علي العموم.......مبروك للاشقاء في الكويت

[opz box]

اقول اخوي انا ماسبيت الكويت او شعبها
كلكم على عيني وراسي
بس
انا كقطري مو راضي عن اللي تسويه سياسه بلادي
بس انت فرحان لذلك اقولك ذل
فهمت علي

اسمحلي وصل التوضيح
و انت و كل قطري على راسي
بس حبيت اوضحلك انه تفسير الذل يختلف من شخص الى اخر
يعني يمكن فيه ناس تشوف انه لو قوات امريكيه في ارضك هذا ذل حتى لو ما كنت راضي
و فيه ناس تشوف انه لو في قوات امريكيه و انت مو راضي ما يكون ذل
و في ناس تشوف انه لو في قوات امريكيه على ارضك بمعاهده حمايه او انك تكون حليف استراتيجي معها ما يكون ذل
ف اعتقد انه في ناس تفسر هذي الكلمه على حسب ظروفها

[darkitp]

اللي ناقص في المنتدي قوات حفظ السلام و حل النزاعات بين الأعضاء


:::: وينك يا كوفي عنان :::::
:::: وينك يا كل الحب :::::
:::: :::::