منع الزواج من الاجنبيات..(نقاش)

[Tidus]

لبنانيات و اجنبيات اجل ؟

يا شيخ نبي وحده مسلمه و من الديره بعد... بس خلهم يفكونا من "بنات الجماعه" -_- عالم حاطه فبالها انه لو واحد اخذ وحده معينه معناته لقى بكل بنات العالم غيرها عيب...

اللي اقصده من كلامي هي نقطه معينه... و اللي للاسف ما اظن قليل اللي يشكون منها

و هي باختصار انه الواحد لو جا بياخذ وحده تلقاهم يحلفون عليه و يلزمون عليه

و خذ فلانه و علانه و هذي بنت عمك او خالك مالها احد... و لو قالهم انا ابي فلانه ما ترضيهم!

اجل انا اللي بتزوج ازعل و انتو ترضون ؟ و رضى الولد اللي يبي يتزوج مو من رضى والدينه ؟

هو صحيح اللي مرضي والدينه هو و الخير واحد... بس عشرة عمر لازم يكون للولد اختيار مو مقيد ابد فيها

و عن المهر و مش عارف ايش, فكونا... نبي ناخذ اللي نبيها بس ;_;

و صراحه ترى ما نشب بحلجي غير هالسالفه... شكلي بالاخير بخطف البنت و اتزوجها برى... او اخذلي يابانيه مره وحده و من اطب توكيو اغير اسمي و عناويني ~.~ >>> واحد يعاني XD

يعني اشوف هالموضوع يمس النقطه اللي ذكرتها بحيث القيود بالاختيار... و sankyou~

[BOiND]

ممم

فرضا اني راح اتزوج اجنبيه

راح تكون كافرة
صح؟

اوكي

فرضا تزوجتها
وجبت منها ولد...

وشلون راح تربيه؟!!!!!!!!!!!

شو راح يطلع ؟
مسيحي؟
يهودي ؟!

طبعا الف الف الف شكر على اثارة الموضوع
خصوصا انه الجدل قائم على هذه القضيه

طبعا ما راح ارضى انه ولدي يدش جهنم والسبب اني تزوجت كافرة و جابت كافر

واظنيه من ذي الناحيه المسأله حرام!!
الا اذا كانت طبعا مسلمة فلا بأس

[Homoud]

لووووووووووووووووول ..

ولد البوكواره .. تفكيرك مثل تفكيري بالضبط خخخخخخخخخخ

[Trapped Inside]

واظنيه من ذي الناحيه المسأله حرام!!
الا اذا كانت طبعا مسلمة فلا بأس

من يقولك حرام !!..

بالعكس حتى انك زين تتزوج كافره..بس اهم شي يكون ان يكون هدفك محاولة هدايتها للاسلام^^..

وبكذا تكون ادخلت انسان للاسلام..والثواب عظيم اذا سويت هذا الشي..تخيل كا صلاة تصليها..كل دعوه تدعيها..كل حسنه تسويها..تاخذ انت حسنه لانك انت السبب بعد الله^^..

[BOiND]

من يقولك حرام !!..

بالعكس حتى انك زين تتزوج كافره..بس اهم شي يكون ان يكون هدفك محاولة هدايتها للاسلام^^..

وبكذا تكون ادخلت انسان للاسلام..والثواب عظيم اذا سويت هذا الشي..تخيل كا صلاة تصليها..كل دعوه تدعيها..كل حسنه تسويها..تاخذ انت حسنه لانك انت السبب بعد الله^^..

نقطه اضفتها حلوة
والله حلوة

بالنسبه لذي فأوكي

بس الشيء اللي ما نضمنه انه يمكن ما تسلم
او المصيبه تحاول انك انت تدخل في دينها!!

وذي النقطه اعجبتني
وشكرا على الاضافه

[BOiND]

لكن هناك قوله تعالى

((ولا تنكحوا المشركات حتى يؤمن و لأمة مؤمنه خير من مشركة ولو اعجبتكم))

سورة البقرة ايه 221

[The Noble]

أول شي ياريت نقاشكم يكون خارج اطار الجمع .. يعني مب كل أصابيعكم كلها نفس بعض ..


وتعليقي على الموضوع بسيط الزواج مشروع سواء كان من أجنبية أو من بلدي الأم أو من أهل الكتاب وهذا ما عليه خلاف ..

لكن في نقطة لاحظتها في بعض الردود وهي انكم تجاهلتم الطرف الثاني في الزواج وهي المرأة هل بتقبل فيك ولا لأ؟؟؟

بعضكم قال عشان الفلوس .. وهذا شي موجود لكن مع احترامي لمن قال هالكلام حاسبوا أنفسكم أول

أهل البنت عندكم يطلبون مبالغ طائلة وعرس وذهب بالآلاف ..الخ

يعني صارت نفس الحسبة يعني هالفئة الموجودة عندكم واللي تطلب مهور عالية ما تختلف عن الأجنبيات اللي تتزوج بدافع المال...

وشكرا..

[QataR NighTMarE]

لووووووووووووووووول ..

ولد البوكواره .. تفكيرك مثل تفكيري بالضبط خخخخخخخخخخ

انت بس لو تدري ان مب انا اللي كتبت الرد
اصلاً شوف الرد واضح ان ذي مب اسلوبي بالكتابه ومب ذي اختياري العادي للكلمات
ذي الله يسلمك رفيجي كان عندي وانا قاعد العب وننج ايلفين مع واحد من الربع ورفيجي قالي بدش النت قلت له خذ راحتك وانا حاط المنتدى هو الهوم بيج وقالي ياخي في موضوع عجبني وابي ارد عليه قلت له افا عليك رد مثل ماتبي
وهو اللي كتب هالرد مب انا
ولي رد خاص فيني فيما بعد لأني مشغول الحين

[المعاناة]

على بالك البنانيه تاخذ السعودي علشان سواد عيونه

فلوسه وبس ..

وبعدين تكتشف ان زوجها منتف فتقولك ( باي باي حبيبي )

ماتفكرون بالفرق بين السعوديه والاجنبيه عموما

عقولهم متفتحه بزياده و عادات غريبه *_____* واختلاط وماتنعرف اخلاقها
بينما هنا حشمه وادب

هل تثق بان هذي المنحله اللي ماتعرف اخلاقها وطبايعها بتربي اولادك ....

انا اشوف الله يجزاهم خير .. الزواج بالاجنبيه له عواقب كثيره ..

وش السالفة .. صار تجنيد ذا .. معاد به زواج !؟

لبنانية والا حتى سيرلانكية .. كل واحد وهواه ..

هو شوفوا .. انا بين اللبنانية والفرنسية .. واذا حصلت دنماركية .. لامشكلة .

اما انها تاخذني عشان اموالي المنقولة وغير المنقولة .. فانا منيب غشيم بالامور هذي ..

اصلا في الحقيقه انا حسابي يشكي .. بالعربي العب عليها وبعد مااتزوجها حطها تحت الامر الواقع ..

بانك شخص عادي ولا عندك لااموال منقولة ولا غير منقولة ..

وخيرتها .. بترضى .. واذا مارضت .. قلعتها !

بالنسبة للعيال .. فبصراحة وبدون مجاملة ولف ودوران ..

ماتلقى احسن من بنت بلدك .. على كثرة عيوبها .

[Argandir]

مشكورين شباب على تفاعلكم مع الموضوع...

ويااخون صحيح ان الواسطات تنجز المستحيلات...

بس ليه نظطر لاستخدام الواسطات فموضوع الحكومة مفروظ مايكن لها اي دخل فيه؟؟؟

[انجلينا17]

الان بكلامك هذا حكمتي على كل بنات لبنان بانهم منحلات ..فيه لبنانيات تلاقينهم احسن من السعوديات جمالا ودينا...

..

فى كل مكان فيه خير وشر ادري

الاغلبيه .. ولا

انجلينا اشفيج عصبتي تعالي خل نقارن بين بنات الخليج وبنات لبنان
شوفي يعني الشاب يطمح للبنت المثاليه يعني بنت لبنان يعني لو جاتلي وحده لبنانيه ذات اخلاق ودين رفيع واكيد الجمال مايبيله كلام ^_^ والمهر اكيد مابيكون اقل من 40 الف يعني صراحه لو ماوافقت عليها اكيد فيني جنون البقر وبنت الخليج يعني جمالها مو ذاك الزود يعني 0.% من 1100% جميلات واكيد ذات اخلاق ودين رفيع والمهر تفجير مو اقل من 70 الف يعني تفليس من اولها وغير المصاريف الثانيه الي اتهد الحيل يعني بهل معطيات بنلاقي ان اللبنانيه اهي المناسبه للزواج ماديآ ومعنويآ ^_^
وارجو ان هالرد مايسبب زعل او ازعاج لبنات الخليج

وتشكورات افندم

اولا ماعصبت ^_^

ثانيا قيل ماتفكرون باانفسكم فكروا بالاطفال وبس

جمالها مهب ذاك الزود حشا امحق نسبه 0.1 % O_o

والله اعرف بنات كثير

مهرهم اربعين او خمسين وزواجهم مختصر بااستراحه صغيره ماتكلفك اكثر من 7 او 10 الاف

وسلام ...

[Grandizer]

هاااي قريت الصفحه الاولى بس ماقريت الصفحه الثانيه بس حبيت ارد لاني مستعجل ؟

well let me see ???

طبعاً يمكن هذا خارج الموضوع بس هذا شيء يحارب سبب الموضوع ؟

يعني لو كانت امك اجنبية حالياً ( بريطانية هندية الخ ) وش بيكون شعورك ؟

شو شعورك تجاه الناس الي امهاتهم غربيات ؟

شوف كيف راح يشعرون ابنائك ؟

اكيد منعوا الزواج لعدة اسباب ؟

[فيلسوفة زمانها]

أول شي يعني تبي وحدة من برة ؟؟

نفرض أنه مسموح بيتزوجها عشان شكلها ؟؟يعني مو مهم الأخلاق ولازم تتأكد أنها ما سوت شي غلط بعدين تعالوا لا تنسون أن برة فساد 100% يعني أغلبهم صديق و صديقة و خرابيط هذي و بعدين نفرض أنها كويسة لازم تكون على الأقل كتابية لو يهودية مستحيل تتزوجها لأنه ممنوع في ديانتهم و المسيحية نفس الشي لازم يتزوجون من نفس الديانة هذا في دينهم و أخرشي تذكر أنها في المستقبل لو نفرض أنه تزوجها بتكون أم عياله يعني لازم تكون على عقيدة صحيحة ولا خربوا العيال لأن الأم مدرسة ......

طبعاً هذي وجهت نظري

سلام

[انجلينا17]

ياحبي لك يافيلسوفه ^^

(اليوم أحل لكم الطيبات وطعام الذين أوتوا الكتاب حل لكم وطعامكم حل لهم والمحصنات من المؤمنات والمحصنات من الذين أوتوا الكتاب من قبلكم إذا آتيتموهن أجورهن محصنين غير مسافحين ولا متخذي أخدان ومن يكفر بالإيمان فقد حبط عمله وهو في الآخرة من الخاسرين)


طبعا محصنات ولامتخذات اخذان( اصدقاء )هذا اذا لقيت وحده O_o

ملاحظه :

نرجو من الشباب الخليجي
اولا : القناعه
ثانيا : يحمدون ربهم اذا حصلوا حرمه
ثالثا : النظر الى خششهم فى المرايه o_O
رابعا : مالك الا خشمك ولو عوج خخخخ
خامسا : اذا كان مافيه مجال للمقارنه زي ماتقولون بين الخليجيه والاجنبيه فما فيه مجال للمقارنه بين الخليجي والاجنبي

وبالمصادفه وصلتنى رساله جوال :
السعوديات ذوق وحنيه ودين وحمية وحلاوه سحريه وتقديس للزوجيه
الاجنبيه كذب بالكلام تعميه بالسحر الحرام ومع غيره تنام تاخذه لحم وترميه عظام


ههههههههههههههههههههههههههههههههههاااا



واختلاف الرأي لايفسد للود قضيه
لحد يزعل ولا ينفعل ..

[Blueness]

للجميع...

راح ابتدي من سؤال الاخ Grandizer ....يعني لو كانت امك اجنبية حالياً وش بيكون شعورك ؟

انا بالفعل من الفئة اللي قصدتها بالسؤال...الوالد خليجي..و الوالده عربيه...عراقيه تحديدا ...بس صدقني لو قلت لك اني ما خطر على بالي ان المسأله تمسني من قريب او بعيد الا بعد ما قريت سؤالك....

Meaning

ان اللي امهاتهم اجنبيات مثل ما حبيتوا تسمونهمblend in just fine مع باقي فئات المجتمع ...و عمري ما صنفت تبع مجموعه معينه او عوملت بطريقه مختلفه لأن امي مو من بنات الديره...بالعكس اعتبرها تجربه ايجابيه (بالنسبه لي)...ابتدى تأثيرها من ملامحي الى اسلوبي في العيش اللي جمعت فيها تقاليد حضارتين و عندي بدل الوطن اثنين ..اكيد انتمائي لوطن اقامتي اكثر بكثير بس مهما كان ... بغداد تبقى اسم يخفق له القلب...انفعلللت شوي معليش

المهم

سؤ اختيار شريك الحياة و تأثيره السلبي على نشأة الابناء في رأيي الخاص مش مرتبط بجنسيه الشريك ...انما بما هو اعمق من هذا... بس هذا مو موضوع نقاشنا...اعتقد !!


و اذا بالفعل هناك قوانين تحد من هالظاهره (اذا حب يسميها البعض) فأعتقد مثل ما تفضل صاحب الموضوع الغرض منها بيكون التقليل من نسبة العنوسة بدول الخليج الآخذه في التزايد...و شخصيا اعتبره حل احمق و سطحي .. لأنه يتجاهل جذور المشكله ...

المثير للسخريه ان دولنا في صدد ابرام معاهدات للتجاره الحره او ما يسمى بالـFree Trade Agreements مع باقي دول العالم بحيث تسهل عمليه تبادل البضائع و المنتجات من غير جمارك و رسوم...يعني اذا صح خبر منع الزواج بأجنبيه...صارت تتبع سياسة الانفتاح الاقتصادي و الحظر الاجتماعي ... !!!!


تسلمون ع الموضوع الحلو و الهادف ...و يعطيكم العافيه



P.S. انسان ؟؟ is that you ؟؟؟