---((منوعات اودنية ))---

[The Shark]

ويش هالغيبات بدر...مثل ما قالوا طول الغيبات جاب الغنايم

والموضوع حلو لكن لهالدرجة سالفتك صعبة مع القطة...اطردها خارج البيت خلها تروح لمصبنتها

والدكتور مممم ما شفت واحد مثله ما يقدر الفن بس انا مثلك في حصة الرسم الاستاد يشوف رسمتي تمام ومو ناقصها شئ يعطيني في السبيعن مع انها تستحق أكثر بس أنت حظك جابوا لك دكتور متقدم في نهاية السنة>>>>>>>>>لجنة التصحيح دائما تتغير في آخر سنة بكل أنواع التعليم

ومشكور على الموضوع

[ثريول]

موضوع جميل , عودة حميدة للمواضيع أخوي بدر ..

بالنسبة للدكتور , عادي .. تصير في احسن الحالات .. مع أنها ما صارت لي وبالأحري ماصارت إلى الآن . يعني شي عجيب على كثر السوالف اللي اسمعها عن الدكاترة , هل يتحولون إلى كتلات من الوقاحة بعد التعليم العالي ؟! .. شي عجيب والأعجب انه منتشر في كل الجامعات العربية !! .

واحد اعرفه كانت عنده محاضرة وقت صلاة المغرب , المهم الدكتور كان مصري من شلة "حسب الله" .. اللي من النوع اللي يصلون في قلوبهم (!) . المهم أن قريبي قال للدكتور : دكتور جا وقت الصلاة , ممكن نروح نصلي .. والدكتور يقول لا .. لحظة . أعاد عليه السؤال وما اهتم . قرّب يروح وقت صلاة المغرب .. فقام وفزّع الطلاب وطلعوا كلهم طلعة جماعية من القاعة. الدكتور انقهر وغلى دمه في عروقه وسقّطه في مادته بشكل سخيف .

وسالفة ثانية لها دخل .. وهي من صديق لي يدرس في مصر , بالتحديد كلية الحقوق .. ومثلك عارف مصر ملايين مملينة , وفي الجامعة آلاف . وهو مايداوم أبد , كل شي في البيت .
المهم انه يذكر سوالف عن بعض طرق التصحيح عندهم , لكن مادري بصحة قوله اللي هو ناقله . يقول أن دكتور من الدكاترة راح الأسكندرية وودى معاه أوراق أجوبة الطلاب , وهو قاعد في شاليه قريب من البحر ويصحح في الهواء الطلق بملابس السباحة , وهبّت ريح على بعض الأوراق وطارت ولا قدر يمسكها .. واللي كان حظه نحس وطارت ورقته حصّل 7 أو 8 من 20 . يعيش وياكل غيرها .

وبخصوص تصميم الشاليه , فهو واقعي للغاية .. أعني قابليته للوجود مع شكل جميل جداً . بالذات طريقة ترتيب الدور الأول .... نايس وورك .

تحياتي .

[Veronica_X]

السلام عليكم يا مستشارنا :6
انا الصراحة ...دايم اقول في نفسي ليش هذا الانسان ما ينزل مواضيع زينا و لاهو غير عنا لاسمح الله
و بالاخص اني و لاعمري شفتك برد من مواضيعي :6 الا بالفترة الاخيرة ...يا الله تجي كمن موضوع :6

يلا خلنا نشوف شغلنا بالردود

******
القطاوة ما عليهم كلام .... اعز ربعي....طبعا في احتمال للخيانه و هذا اكثر شئ من طرفهم ..الخونه ..يدخلون ببيتنا كانه بيتهم و ياكلون من اكلنا بالاخير يخربون اغراضنا ...الله لا يوفقهم فعلا قهر

******
الدكاترة
اكرههم .....و بالاخص اني اعتبرهم غير عن البشر....استغفر الله ما ادري ليش يحبون يحسسونك انك اقل من قيمتك .....و هذا اللي شفته
ناهيك عن امتحان اللي سوته لنا اسوا دكتورة مادتها سهله ..بس تعطينا 5 اساله و يلا عليهم 70 درجة ...نصف دفعتنا رسبوا ... و الله حررررااااام و قهر ...يلا ربي يسهل

********
بالنسبه للتصاميم و الرسومات ..جميلة جدا و تنم عن ابداع ...
و احب احط لك كمن رسمه تفتح النفس ....و توريك ان المصممين اليابانيين عليهم عقول و خياال و اسع..موب تدلع علينا لانك مهندس و احنا لا
الصور من لعبة فاينل فانتسي اذا تعرفها

[Y a z e e d]

مذهل : )
قبل القطاوة :! نروح لورثتهم .. احم .. الدكاتره ! ،،،
فعلا نظام الجامعات وبالذات عندنا ظلم ! ،،، يعني سيطرة مطلقة ...
والتصحيح Randomizely بدون تحدد ولا قراءة على حسب اسمك وشكلك ...
أو يطقها كذا وين ما كانت : ) ...
شيء يرفع الضغط عشان كذا الدكاتره من هالنوع يعانون من النرجسية ...
ولا يمشي معهم الا المصلحة >__< يحسبون انفسهم القمة و الباقين تحت ...
والغريب ان بعضهم اقل من بعض طلابهم قدرات بكثير ! ،،،

الله يعين والله : )
فعلا شيء متعب مرة ...

بالنسبة للقطوة ( Cuuute ) ذكرتني بالقطوة اللي استخدمت حق الفيتو لطردها من البيت >_<
والقهر ان المحل اللي بايعها شارط انها تبديل ...
ولذلك راحت قيمتها على ( سمك ) للحوض و ( كناري ) مع قفصه ! - انا رافع ضغطي هالكناري بقفصه 600 ريال ! -
على فكرة القطو مشهور بالكسل @___@ ،،، يعني راعي دلع ،،
خصوصا النوع اللي عندك مشهور بالمشية السبيشل :P ...
رسمك رائع : ) ،،،

مشكور على الموضوع : )
و ... sionara ...

[ODIN]

mad_dog / هلااا حجي شلون الحداق ؟!! المهم ما حددتلي هذي شيرازيه والا نامانامية مادري شسمه ذاك : s

Lena / القطوة هذي الروايات مختلفه ومتناقضة فيها .. مادري واحد يقول شيرازيه وماد دوج شككني يقول نامانية مادري وشو ... عموما ما تفرق لانها بتكمل نومها ولا عليها من احد ..

وعلى طاري الدكتور .. على حسب اعتقادي .. انه غريب الادمي هذا .. فيه داء العظمة ... احس انه ما انقلب علي واعلن شره الا لما قلتله ( اني اعلم الشباب كيف يرسمون لان ماعندهم خبره ) الظاهر حس ان ماعنده سالفه بالشرح مع انه ما يشرح الا قليل ونادر ..

Argandir / لا مب ذا القلم الي استعمله .. القلم الي استعمله اسمه ميكانيكال بينسل خاص للمعماريين هم الي يستعملونه .. صورت انا مرة صورة راقية من حبي له .. شوفه بالمرفقات مثل قلم الرصاص العادي يتعبى .. لكن لاحظ رأسه الحاد كأنه قلم حبر ..

MoOdY*GiRl / اهلين اختي مزاجية .. الظاهر القطوة عجبتك لانها مزاجيه ؟!

وصادقه بكلامك .. كل ظالم له يومه ..


اوستن / اهلين اخوي اوستن اعذرني امس لما اضفتني بالماسنجر طلعت مضطر على طول ولا قدرت اسلم عليك .. ان شالله نشوفك باقرب وقت ..

ثريول / حياك الله ياحبيبي شرف لنا انك شاركتنا بالموضوع .. ومن ناحية سوالف الدكاتره .. فهي لا تعد ولا تحصى .. الانسان بطبعه لما يصل لمرتبه عاليه ويحس ان كل الناس ينظرونله نظره كبيرة .. يبدأ يتكبر ويشعر بأنه الاله المسيطر على الكون .. .نادر تشوف دكاتره متواضعين ولا يحسسونك بانهم دكاتره حتى !!

Veronica_X/ مشكورة لمشاركتك اختي فيرونيكا ومن ناحية قلة مشاركاتي .. بصراحه انا اتصفح المنتدى كثير واراقبه بشكل متواصل .. لكن مشاركاتي قليلة .. ان شالله احاول بالفترة القادمه اني اعوض ..


Angel`s Knight / للأسف ما غطينا الجانب الفيزيائي والكوني بالموضوع حتى نقدر نجذبك بس لاحظ ان حجم القطوة وكثافتها في الوسط الفراغي تتناسب طرديا مع كسلها وبلادتها .. الظاهر اينشتاين مات ولا لحق على هذي النظرية ما اوصيك حاول تكمل نظريتي هذي حتى نصل لحل كامل لتفسير الكون ..


مشكورين يا اخوان على مشاركاتكم

[BOiND]

تعطيني قطوتكم اسبوع واحد بس ؟
ارجعها لك وهي اصحى منها ماشي

المهم

بالنسبه لاستاذك الاصلع ( دايما يكونون اساتذه الهندسة صلع لسبب ما افهمه )...
بسبب تحليلي للموقف فهو كائن فضائي
يعني يا رجال ، قسما بالله يمكن لو اقعد 100 سنه ما برسم رسمات احسن عن جذي

والله رسماتك اروع منها ما شفت^^>>>مب مصلحة

الموهم ، كثر من مواضيعك بالعام لانها تحرك المنتدى بالكامل

[haman]

[FONT=Monotype Koufi].ماشاءالله
رسام
والله-انه-هل-دكتور-بقهر-ذكرني-باستاذ-الكيميا-الي-يكرهني-موت
ودايما-ينقص-في-علاماتي/FONT]

[Pr.Game]

وأخيراً

أشوف لأبو منتو موضوع كبيرة في حقك يا أودين

على طاري البسة مدري وش يقولون لها

شكلو واحد مسوي لها دمبوشي

أويمكن أحد سوا لها شلوتي

الصراحة بستكم هذي جداً غريبة حتى قطاوة مكة مو كذا

ما شاء الله مرة نايمة عالمكتب <<<< مسوية روحها علامة

ومرة جنب المطبخ <<< تستنا المنتو

ومرة قدام المدخنة <<<< تستنى الفرموزا تحمى

================================================
ندخل الشغل الجدي

بالنسبة للجامعة والله هذا الدكتور ما معاه حق لكن احمد ربك لو شفت دكاترة الجامعة عندنا وش تقول

أقل كلمة ممكن تقولها (سفاحين )

ثم المفروض ما تروح تجادل عارف الدكتور حاقد عليك

وأغلبهم يحقد لمن يشوف الطالب متميز مثلك ويكون عنده موهبة إبداعية ما شاء الله

يعني أنا أعرف طلاب في كلية الطب واحد نجح في اختبار بنسبة ممتاز راحوا رسبوه وعطوه ضعيف

لمن راح سأل ليش قله الدكتور انا مالي ذنب راجع رئيس القسم

لمن راجعه طلع انه آخذ ممتاز ورئيس القسم مرسبه بدون سبب اللهم انه ما يبي واحد يطلع بممتاز

يعني أستغرب لحالات زي حالات دكتوركم والصراحة المفروض تراجع العميد حق القسم وتبلغه عن السالفة

يعني مو شي هين انو الواحد يفقد الدرجات بسبب دكتور أقل ما يقال فيه إنه (.....) لاداعي لذكر لقب

لكن كل اللي نقدر نقوله الله يهديهم الدكاترة خاصة في عصر العولمة

=================================================

نجي لصور أبو منتو


يعني الصراحة بدون مجاملة في الصور انته فنان روعة

واذا تخرجت من الجامعة قولي ابيك تصمم حقي بيت

وما تستحق انو يسوي فيك الدكتور كذا ممكن أحد أعطاك عين يبغالك تراجع أحد القراء زيي يقرا عليك

صور الشاليه حلوة جداً وروعة جداً

لكن الأداء والرسم ممتاز وجيد جداً

ولك مستقبل باهر بإذن الله

على العموم الوقت تأخر جداً والنوم يقول يالله

نأسف على الإطالة

وموفق عزيزي (بدر)

دمتم في حفظ الجليل

والله يحفظم ويرعاكم

أخوك الحسام المهند...

وشكراً وخلنا نشوف مواضيع أحلى بالمرات القادة وسلم على المنتو

[DE NILSON]

والله يااودين اكثر شي قهرني في موضوعك

الدكتور اللي رسبك وربي لو مكانك ما اسكت لو ايه

والهل لا اعتدي علىه او على اهله

[JAK]

ههههههههههه مشكور اخوي ODIN على المنوعات و سلم على قطوتك قولها JAK7 اي هين اذا عرفتني ^^

[QataR NighTMarE]

ماعجبني الا القطو مالك يابدر بالموضوع
تبيعه ?
والصراحه كسرت خاطري هالاستاذ شكله ماعنده ذمه كلش
الله يعينك والله يابدر

[Ramza]

ماشاء الله طلعت تحب البسس زيي يا ODIN
وبصراحة أحسدك عالبسة (ماشاء الله) ياريت عندي نصها

وبالنسبة للدكتور الفاشل
يمكن يكون السبب انه مثلاً انسان حقود وحاب يستلى فيك او انه غيور ويكره يشوف احد متفوق في مجاله مره
يعني بصراحة العرب شلون يبون يتطورون وهم يعاملون أبنائهم بهذي الطريقة؟
يروحوا يسألوا انفسهم قبل لا يجادلونا في هذا الشيء .. يعني بصراحة مهزلة .. زي الي يقتل القتيل ويمشي في جنازته
وياما سمعنا قصص مثل قصصك من دكاترة مغفلين مثله ..
بس مانقول الا الله يهديهم

اما رأيي في اعمالك بصراحة حلوة وتستاهل درجات ممتازة .. وأهم شيء انك مقتنع انه الي عملته عمل ممتاز بشهادة
الكثيرين .. يعني رأي الدكتور مايهم .. بس المشكلة الدرجات بيده

وبالتوفيق في دراستك

وشكراً على الموضوع اخوي ODIN وياريت تكثر من مثل هالمواضيع

My greetings
Ramza

[Kubaj]

مرحباً بدر ، عزيزي بدر

لقد وصلني في رسالتكم الوصف المسلي لقطكم الكريم والحقيقة اني ضحكت

انا ومساعد ربان السفينة وجميع العاملين ضحكاً تصدعت بسببه ارضية السفينة " الريحانة "

ولكن ما حملته لنا رسالتك من اخبار حزينة عن هذا الخيميائي المقيت

اشعل ناراً اضطرمت في صدور جميع العاملين مما جعل الشراع يحترق قهراً

نحن نفيدك بإننا كتبنا لهذا الخيميائي رسالة قصيرة ليعيد النظر في سياسته الظالمة .

الى الخيميائي : " تذكر من في السماء قبل ان تحكم ، ولا نامت اعين الجبناء " .

توقيع : قبطان سفينة الريحانة ابو مرجانة ملك البحار .

[Yamato]

يا اخي موضوع تحفة عندك.. ومثل ما قال الاخ بيوند.. كثر مواضيعك.. فهي تحرك الالمنتدى.. بس لا تكثر وايد..
اما اللي يحبون القطاوة فعندي لكم سالفة تقطع قلوبكم عليها..
يوم كنت صغير انا واخواني عثرنا على قطوة صغيرة (فري كيوووت) اخذناها واعتنينا بها لفترة.. بعدها الوالدة قالت خذوه وطلعوه من البيت.. انا قلت لااااع.. بعده صغير بيموت برع البيت.. .. بس الوالدة تمت عالموقف.. وانا حملته والدمع على خدي (لا تصدقون) وحطيته عند جدار البيت..
بعد كم من يوم لقيته مرة ثانية.. وياليت ما لقيته.. مب ميت لكن اسوا من الموت.. عيال الفريج اسوا منهم ما شي.. فكما يبدو انهم مسكو القطوة المسكينة وجابوا موس حلاقة.. وحلقو لها الذيل.. وبعد شوية لعب كورة بها.. كسروا لها احد ارجلها الخلفية.. كما انها صارت عمياء ما تشوف.. انا ندمت بالطبع اني تخليت عنها ورديتها للبيت.. بس المسكينة تمت كم من يوم وماتت...

ساد ستوري.. صح

كيف الحال..

الا على سالفة الدكتور مالك يا اخ اودين.. فهو مجرد عينة من العينات الموجودة في هالدينا.. عندنا دكتور اخذت عنده مساق.. صحيح اني ما كنت ماشي زي الناس في المساق.. بس كنت متاكد على الاقل من نجاحي.. بس في نهاية السنة رسبني النذل.. اغلب الظن يمكن لاني تركت له مسالة ما حليتها (كانت عليها نص درجة الامتحان >_< )..
وعلى سالفة الدكتور اللي اتكلم عنه الاخ ثريول..فهذي سالفة انا سمعتها عن دكاترة جامعات مصر..
فعلشان يخلص الدكتور تصحيح المثات من اوراق الامتحان يعمل التالي (ثبت انه عملي جدا).. لما يرد البيت يدخل الى غرفة النوم.. يمسك الاوراق ويفر الاوراق نحو السرير..فررررر.. اللي عالسرير ناجح واللي عالارض راسب..

خلونا نشوفكم بالاعياد شباب..

[HArb200]

ياخي ماشاء الله عليك .. رسام .

لكن مانقول الا الله كريم .

ولا على قولة الهنود .. الله كوريم .

الزبدة .. الله يوفقك يبدو انك بتصير واسطة .. لكن لاتنساناااااااا .