كلنا عنصريين ...

[ابتسامــــــه]

حطيت علينا حطه ... بصراحه هذا يعتمد على شخصية المراقبين أو الاعضاء ..














وحليلي طالبه مساعده من أسبوع للحين محد رد علي ليكون أنا مب عضوه








شو تقصد جايب بالامتحان العيد ؟؟؟؟؟!!!!

[Kou Leifoh]

ههه اكثر شي لاحظة هذا الشئ فيه هو ال irc . اذا انثى دخلت او تكلمت كل الرجال تصحى منتشره هالظاهره
they aren't kewls anyway

النقطة الثانية اعتقد ان الاغلبية من هالنوع والي هي انه يتردد في الدخول على مواضيع الاعضاء اللي ما يعرفهم بينما ما يتاخر في الدخول على مواضيع الاعضاء المشهورين.
و هالشي واضح و ما يبيله امثلة, بغض النظر عن نوعية الموضوع ومدى جودته يمكن ما تدخل لموضوع عضو غير معروف الا لما تشوف ان الردود كثرت فيه او ان في احد من الاعضاء المشهورين رد فيه

لم يكون وقتي ضيق او يوم اني منيب في mood بالفعل ما ادخل الا مواضيغ الاعضاء الkewls ما اجازف ادخل مضوع والقاه سخيف ma mood will get worse >_<

باركولي توني ادري ان Angel whisper بنت <== خربها

tell me you are kidding >_< just if you checked whuts under the name ( مراقبه )

شو تقصد جايب بالامتحان العيد ؟؟؟؟؟!!!!

as i understand from members' replies .. well, i think it means ( لم يحل جيدا )
he f**ked up by other words

[Electro M]

ابتلشت
بالعادة ارد رد سريع على الي يردون على مواضيعي بس قلت خل اتفلسف شوي هنا عشان اوريكم يعنني عندي سالفة
لذا برجع لطريقتي العادية في الرد

شكرا لكل اللي ردوا على الموضوع و ايضا اللي عبرونا و لو بزيارة

نرجع لبعض الردود الخاصة

Angel
ايه انت نوخذة المنتدى العام لانك اللي في الواجهة حاليا من مراقبيه
مثل ما اعتبر نوخذة منتدى البلايستيشن الاخ الكريم msm
بينما نوخذة منتدى الالعاب الرياضية هو ابو بدر
ونوخذة منتدى العاب الرعب هو chris
و نوخذة منتدى العاب المغامرات هو JAK7
ونوخذة الالعاب القتالية هو Howrang
و هلم جرا
لذا لا تصدقين يعني ان اللقب مقتصر عليك بس انت <<== ما يعرف يجامل

Odin
شكرا لاثبات وجهة نظري الي ما تحتاج لاثبات اصلا :icon6: <<<== نشر موضوع و بدا يخربها مع المراقبين اجل لو يصير مراقب وش بيسوي

asf4ever
اجل القواطي الخضرا تزيد كل ما عطاك واحد قوطي ؟
على كذا انا المفروض القوطي حقي يصير بالسالب
لاني اشوف انواع الحش في بجنب القواطي اللي عندي في لوحة تحكمي

ابتسامة
السبب بكل بساطة هو انه ما في اي شي فيك يدل على انك انثى ما عدا اسمك طبعا لكنه ما يدل على ان الواحد لو يتميلح معك شوي راح يحصل على بعض الsugar
غيري اسمك الى ابستامة الحنان و الا الحب و غيري توقيعك و حطي صورة بنت منسدحة و مطلعة سيقانها شوي و اكتبي كم بيت شعر عن الحب و الا الغزل و ما لك الا يردون على موضوعك في ظرف30 دقيقة بالضبط
اما وش معنى جبت العيد فهذا مصطلح نجدي يدل على ان الواحد من زود ما هو مخبص في الشي صار كانه في احد ايام العيد - لان العيد كله عزايم و مباركات و قلق-

[ابتسامــــــه]

ابتسامة
السبب بكل بساطة هو انه ما في اي شي فيك يدل على انك انثى ما عدا اسمك طبعا لكنه ما يدل على ان الواحد لو يتميلح معك شوي راح يحصل على بعض الsugar
غيري اسمك الى ابستامة الحنان و الا الحب و غيري توقيعك و حطي صورة بنت منسدحة و مطلعة سيقانها شوي و اكتبي كم بيت شعر عن الحب و الا الغزل و ما لك الا يردون على موضوعك في ظرف30 دقيقة بالضبط
اما وش معنى جبت العيد فهذا مصطلح نجدي يدل على ان الواحد من زود ما هو مخبص في الشي صار كانه في احد ايام العيد - لان العيد كله عزايم و مباركات و قلق-

السبب بكل بساطة هو انه ما في اي شي فيك يدل على انك انثى

جرحتني أخوي عماد

غيري اسمك الى ابستامة الحنان و الا الحب و غيري توقيعك و حطي صورة بنت منسدحة و مطلعة سيقانها شوي و اكتبي كم بيت شعر عن الحب و الا الغزل

ما عندي هالخرابيط

اما وش معنى جبت العيد فهذا مصطلح نجدي يدل على ان الواحد من زود ما هو مخبص في الشي صار كانه في احد ايام العيد - لان العيد كله عزايم و مباركات و قلق

عيل هذا معناه .. من طريقة كتابتك عن الامتحان حسيت انك مخبص بالامتحان بس قلت بسال
شو دخل العيد بالسالفه ..








أقول
اخوي عماد
كان بالمنتدى عضو أسمه
عماد18 <<< تذكرنــــي فيه

[Lena]

هلا السلام عليكم ..
صح عليك دايم العنصرية واضحه في كل شي بالدنيا
واحس مرة بتتعب نفسك لو تدور حل..
انا اخيرا اقتنعت انها من اساس وفطرة الجنس البشري دايم ميال لشي ما..
ويمكن كلامك صح..بخصوص العنصرية النتيه ضد العيال..
ولكن كوني بنت فما احس بذا الشي ممكن لانه بصالحي..
ولكن بصراحة في منتدانا هالشي احسه اقل من برى..
احس الوضع هنا مرة محترم
يؤؤؤؤؤؤ ما شفت منتديات فعلا العن من كذا وانت صادق مرة مع البنات..
وللاسف مب شرف ذا ولا ميزة لانهم لطيفين لغرض شخصي..من زين الغرض بعد


ولكن عموما ماقدر انكر انه موجود هنا مدري صراحه..ياملح البنات ..

البنات النبات الطف الكائنات

(قلبتها الاتجاه المعاكس )

ولكن ياخي في العالم الnot نتي..ياخي العيال مميزين على البنات دايم لا تنكر لي هالشي ابدددد وحنا ياقليبي البنات ساكتين وراضين..
جت على هذي تحسدونا وراكم انتم تسذا تبون كل شي لكم يالله ان تصلحكم..
خل البنات يلقون لهم مكان مميزين فيه شوي ياخي وراك وش حارق رزك ههههههههه

(ناوية حرش توو هههههههه )




بس عندي تعليق على هالنقطة..

النقطة الثانية اعتقد ان الاغلبية من هالنوع والي هي انه يتردد في الدخول على مواضيع الاعضاء اللي ما يعرفهم بينما ما يتاخر في الدخول على مواضيع الاعضاء المشهورين.
و هالشي واضح و ما يبيله امثلة, بغض النظر عن نوعية الموضوع ومدى جودته يمكن ما تدخل لموضوع عضو غير معروف الا لما تشوف ان الردود كثرت فيه او ان في احد من الاعضاء المشهورين رد فيه.
طبعا هالنقطة خاصة باصحاب الاسماء الذكورية بينما الانثوية ما يدخلون ضمن هالقائمة للاسف لانه مواضيعهم يتم الدخول لها اليا و بدون اي تأخير .

شف هالشي فعلا وواقع..
بس مانصحك ابد تعترض عليه
لانه خلاص زي ماقلت شي من خلقه البشر..يعني احسن ترضى فيه وتشوفه انه شي طبيعي ولا هوب يقهر
كل انسان بطبعه يميل للشي الي يعرفه..
انت لو لك شله تروح تخاوي غيرهم؟
غصب تصير تحب الي تعرف لهم وتميل لكلامهم..
حتى مثلا المحلات..
المحلات الموثوقه والي نعرفها من زمان دايم نروح لها..
بس الجديد مب مرة نميل له الا بعدين اذا اثبت نفسه..وركز على الي تحته خط..

هذولا المشهورين والمراقبين.كانوا يوم من الايام ناس عاديين محد يميل لهم..

ولكن بعدين هم اثبتوا نفسهم..


حلو موضوعك على فكرة^^

[Electro M]

ابتسامة
انا ما قصدت انك منتب بنت بس اقصد ما فيك شي يشجع هالاشكال انهم يتلزقون فيك
على فكرة انا اسمي هو E-Mad يعني اختصار للجنون الالكتروني و هو مقتبس من المصطلحات الانترنتية مثل E-Mail : Electronic Mail و E-Commerce الي تعني التجارة الالكترونية و غيرها
اما اسمي الحقيقي فاحتفظ فيه لنفسي
سالفة عماد18 انت ثاني بنت تقول لي هالكلام
و لو شكله ينضم تحت قائمة المقصودين بموضوعي ما دام له مثل هالجماهيرية عند البنات الله يرزقنا :icon6:

Lena
ايه معك حق بخصوص تميز الرجال لكن على الاقل هذا تميز مشهود لهم لكن تميزكم انتم هو انه اغلب الناس يدورون مواضيعكم و الا ردودكم موب لزينتها بل لغاية في نفسه فمخلين هالتميز لكم ما عندنا مانع و لا اعتراض لكن ننبه عليه
وانا ما اعترضت على شي و لا حاولت احل اي شي هي مجرد تفتيح عيون على بعض الاشياء لمناقشتها لاني انا فعلا لما اشوف ناس معينيين حاطين مواضيع ادخلها على طول لكن بما اني جديد هنا فايضا احاول اشجع الاعضاء المساكين امثالي و ادخل مواضيعهم و ارد فيها حتى نشجع بعضنا
بس المصيبة اذا كانوا حتى هالمساكين موب يعطون بعض وجه فمن اللي راح يكون معنا ؟

حلو موضوعك على فكرة^^

موب احلى من اللي ردوا فيه - التماسيح يمتنعون ما عدا Angel -

[Lena]

تصدق توني ادري انك جديد وراي احسك هنا منذ مبطييي يعني سنوات..

بس صراحه انت شرير هههههه

يعني عارف انكم مميزين بعد وتقلل من شان تميزنا..سحقن تاكلون الاخضر واليابس يا جنس الرجال هههههههههه

بخصوص المساكين
يشجعونهم ذوي القلوب الطيبه :embarasse

بس عموما ماينلام اي احد ان مال لموضوع احد يحبه....

انا عني بحاول قدر جهدي لمساعده ذوي الحاجه الملهوف :shakehand

[ابتسامــــــه]

سالفة عماد18 انت ثاني بنت تقول لي هالكلام
و لو شكله ينضم تحت قائمة المقصودين بموضوعي ما دام له مثل هالجماهيرية عند البنات الله يرزقنا :icon6:

هههههههههههههه والله أنت مب هو .. وكل هالمده انا أتحراك هوووو







.. وانته يهمك أن تكون عندك هالجماهيريه عند البنات ...؟؟؟ >>>> لازم تجااااااوب<<<<

[snorlax]

تصفيق حار جدا ... كنت ناوي اكتب موضوع و اطيح في مميزات انك تكون بنت في المنتدى بس سبقتني ...
والصراحة ابدعت

كيب ات اب

[Electro M]

ابتسامة

.. وانته يهمك أن تكون عندك هالجماهيريه عند البنات ...؟؟؟ >>>> لازم تجااااااوب<<<<

It's always nice when you know that there is someone likes you

snorlax
ما ابي تصفيق ابي قوطي من القواطي الخضرا اللي تحت المشاركات

[Majid Ali]

مشكور خوي اي-ماد عالموضوع الحلو ^_^

من ناحية "اغسل ايدك" فحدث ولا حرج....ياما حطينا مواضيع و اقتراحات....المشكله تتعب وماتدري الا وهو مسحوب عليك ولكن...........نرجع لـ "اغسل ايدك"

فيه نقطة ثانية....ان بعض المراقبين من يوم يحط موضوع (انشالله سخيف) الا والموضوع متروس صفحات....
وانا اكاد اقسملك بالله ان اغلب اصحاب الردود....ما يرد الا علشان يبين نفسه عند المراقب....ويتشقق من الضحك والمدح كذا>>> :icon6:

انا بس حبيت اقول نقطه (تحس انه بدا يفضفض XD )
انا بصراحة اول مره اندم (هالايام) اني رفضت الرقابه قبل كم سنه يوم كنت بايام طفرتي
مهب علشان اسوي نفسي فاهم او علشان القى ردود....ولكن لاني ادري اني عندي افكار ومتقبل للردود ايا كانت (الا اللي مخربها) واحس اني motivating و encouraging بردودي (لان هذي شهاده من بعض الاعضاء....)

وفعلا هذي قضيه تقهر من جد .. تشوف اعضاء " تماسيح " مساكين يتعب ويجتهد بموضوعه واخرتها 4 ردود وباليالله ..

وتجيك " سمكه " مالها ولا يومين مولوده .. تكتب موضوع .. يا شيخ افقلني ان ما صك الصفحتين او ثلاث ..

ومشكور عالموضوع ^^ ..

توب

فيه كلام كثير بس خلها على ربك ^^

وعلى فكره فيه واحد ساحبن على السيفون من مده :icon6: (يحليله وهو يناظر كلامي ^^) يعني يتغلون لكن انا متفهم شعوره وعادي اذا مارغب بهالشي.....يعني لاياخذها على محمل الجد

نقطة : جاب العيد = مخربها.....


مع الشكر مرة اخرى E-Mad ^^

[DreaM]

انا ومراقب على موقعي ولا يعطوني وجه لما اكتب مواضيع .......
يمكن ردين على القليل و كلمة مشكور ولا يعطيك وجهة نظره بالموضوع , خلها على الله ياخوي .......

هناك نقطة ذكرتها وان المراقب ما يرد على العضو هذا الشي يكون باختياره , يمكن يشوف الموضوع موب عاجبه
فما يقدر ينافق العضو ويقوله : اوه شو هيدا الموضوع المهدوم :shock22:

لاحظت في المنتدى , أن قليل من المراقبين ما يرد على العضو إلا بعد ما يرد العضو على موضوعه ....

مسألة تفضيل مساعدة الرجل للمرأة اكثر من مساعدة الرجل للرجل , هذه غريزة ......

[Yamato]

على سالفة العنصرية.. ما ادري اذا يعتبر هالشي عنصرية ولا لا...

لكن كمثال خذوا موضوع الاخ داركنس ويذ إن.. (في روايات اخرى.. فتى الظلام).. الرجال كتب موضوع مؤخرا.. ويمكن كنت اول واحد شافه يوم حطه هنا.. (هو حطه في وقت متاخر).. المهم.. انا دشيت الموضوع.. اول شي اجا عبالي انه ناوي يطلع من المنتدى.. بس الحمدلله بعده قاعد.. بس هو كان كاتب خاطرة او شعر لا ادري... والصراحة كان بودي ارد عليه وقتها... لكن المشكلة انه انا مالي خص بسوالف الادب الا القصة يمكن وبشكل ضعيف ايضا.. فما رديت عليه وقلت خلني اكتب عن هالنوع من العنصرية هنا... واللي هي انه عضو يكتب موضوع والناس ما ترد عليه لانه مب المشكلة من العضو او الناس اللي لازم يردوا عليه.. لكن لانه اللي كتبه مب كل الناس ذواقين فيه....

والله اتمنى انكم تفهمون قصدي... >.<

واللي يحز في خاطري انه هذا ثاني موضوع له وما يلاقي اقبال..

بس نصيحة لك يا اخ فتى الظلام... لما تكتب الموضوع.. اتاكد من قبل الوقت اللي تكتب فيه او شوف كم من عضو من مرتادي هالمنتدى موجود...
يعني اليوم انكتب يمكن موضوعين ثلاث في هالمنتدى وشوفوا كمية الردود.. مب قصدي انه هالمواضيع من دون المستوى.. بالعكس هي رائعة.. ولكن انكتبوا في وقت يعتبر وقت الذروة هنا...

(يوم الخميس.. بعد المغرب.. )

[Electro M]

هذا مثال يناسب بالضبط اللي كنت اتكلم عنه :
http://www.montada.com/showthread.php?t=358034
هذا موضوع لبنت كل اللي سوته على ما يبدو انها حطت شوية الوان و الا الترجمة اعتمدت فيها كثيرا على مترجم فوري و شف الردود فيه و لما سالتها طلعتني كذاب
http://www.montada.com/showthread.php?t=353520
و هذا موضوع لي كله من ساسه لراسه اعتمدت على نفسي فيه بالكتابة و الترجمة و شف الفرق بين الردود
لاحظ طبعا عدد الردود مقارنة بتاريخ نشر الموضوع

5 ردود لموضوعي
مقابل
9 ردود لموضوعها و في كم عضو مميز بعد ردوا عليها

الله يخلف علي بس

[Unknown]

شكرا اخي على الموضوع الرائع .. صراحة كتبت عن موضوع عانيت منه الكثير
في بداياتي الا وهو تجاهل الأعضاء لمواضيع الأعضاء الجدد لدرجة اني غيرت
اسمي الى Unknown ( غير معروف ) ..

اما عن المعاملة الخاصة الي تلقاها العضوات ما قد مرت علي لأني دائما
بالرياضي ونادرا ما تلقى عضوة هناك ..