()The Koo Show Ep2: asf4ever()

[NsaN]

Hana Yori Dango؟؟
انا شفت الانمي و عيبني..بس قالولي نهايته غير عن المانجا..

من وين يبتها Asf؟؟ (المانجا I Mean)..

شو طبيعتك بالكلاس؟؟ يعني من النوع الهادي و اللي ما يخصه؟؟ و لا سوالفجي و كله تنهزب من المدرسين؟

[Yamato]

23\12\1987

لوول... فرق سبع سنوات واربع ايام...

مسويني عصفور وبتحولني لدجاج
هااه متى حفل تخرجك؟؟؟ ياخي إعزمنا >>>أدري أنا المفروض إلي أنسأل

في النهاية انت من فصيلة الطيور تعتبر..
حفلتي السنة الجاية الفصل الثاني.. يعني انا بحتفل بتخرجي من الحياة الجامعية.. وانت بتدش امتحانتك الثانوية.. حفلتك بتكون غير شكلها.. اتوقع السنة الجاية الاسئلة تكون صعبة اكثر..

ياخي انمياتك رومانسية جدا.. >.<
ما يشفعلك غير مونستر اللي تطالعه معاهم...

مع إنه إشتريت من قريب لعبة موساشي2

ماضخة اللعبة.. انصحك تشتري اتيلير ايرس.. لعبة رائعة..

ناتي الان لاسالة ثانية.. (الصراحة يباله عصر مخ علشان الواحد يسال بعض الاسئلة)

اذكر لنا موقف محرج \ مضحك \ عنيف ؟؟

كان في يوم فكرت فيه بالدنيا حولك.. وقعدت تتمعن فيه واللي يصير حولك... ؟؟

من تتمنى تشوف من اعضاء المنتدى... ؟؟

عضو اختفى ومشتاق له...؟؟

فكرت يوم انك تدخن... ؟؟

هل تظن انه عبودي يدخن... لانه غالبية كبيرة من طلاب جامعة الامارات يطيحون في هالفخ..؟؟

شو رايك بتوقيع لينا.. (ينرفز صح T_T) ؟؟

هل تفضل ال Nazi mod ولا Mosolini Mod ما عرفت السبيلنج صح >.<

لو عطوك فرصة ترجع بالزمن للخلف (فترة من حياتك) فاي مرحلة بتختار.. وليش... ؟؟

تتمنى لو كنت في عصر اخر غير هالعصر... ؟؟؟

تحبني يا فتى..؟؟

كثرنا عليك معليش يا فتى...

[smigle]

smigle
الأخ ميستاكا مسافر
المهم أنا الحين في يدكم وإذا عندك سؤال لا تسأل>.>

Well Sorry I am at home and the key board Sucks so I have to write in 'E'

regarding Mistakoo: may he come back in one piece 'Aaameen'

and regarding me....... Squeze me

any way not much of questions I got for you so here you are

1- Do you have a 'best friend' and how long have U been as friends

2- Your plans for the summer (hopefully not repeated

3- Regarding your family I noticed that we live a similar situation here so is ther is a specific member of you family that is close to you ? and why?

Thnx

[asf4ever]

البارحة كنت مشغول من عرس ولد رئيس البلدية ومباراة الوحدة والعين وتعلم السواقة
آسف على إني تأخرت-__-
ما شاء الله الدفعة هذي أسألتها معقدة أكثر@_@
Snake Eyes

هلا والله بعصفوريفر

أهلين والله بحبيبي سنيك آيز من زمان ما شفناك

1-فلمك المفضل أو ايش الفلم اللي عجبك جدا

أنا ما أتابع أفلام كثير وما أذكر الأفلام إلي شفتها عدل>.>
بس من أحلاهم هو Brave Heart

2-ايش سار في اربك دارك جروب؟؟؟

إكتشفت إني أكسل بكثيير من إني أبدي بجروب وللحين ما أفكر أبدي أترجم شيء لين ما آخذلي الكمبيوتر إلي في بالي (إن شاء الله اشهر الياي)

3-متى حتجي جدة؟؟؟

ما فكرت فيها ._. ولكن هالسنة ما أتوقع اسافر (يمكن أروح العمرة مع حملة)

4- عمرك دخلت اختبار وانت ما فتحت الكتاب؟؟>>>دايما اسويها^^أو تقدر تقول ذاتس مي

إمتحان الرياضيات ههههههه الصراحة ولا مرة سويتها

5-ايش سيارتك او اللي تبغاها؟

يمكن أفكر بألتيما ولا أكورد ولا حتى كوريلا (ما تصرف بترول P: )ولكن أنا فعلا ما لي في شغلات السيايير

6-انت دايل اب ولا دي اس ال؟

أكيد تعرف إني دي إس أل ولا من وين بشوف كل هالأنميات

7-رأيك الصريح في حبيب الالب اوروتشي؟

منو هذا._.

ولسا القادم مذهل

فرحتني >>>ياله إكتئاب

Rory

يعني عندك إستعداد وناوي تقرا روايات! لا شكلك بتتدمن بعدين
نو بروبلييم .. ! عندي recommendations وايد بس لازم أعرف أول على أي نوع إنت تميل ..
عطنا خبر قبل ما تسير المكتبة

ما أدري متى بروح المكتبة ويمكن بعد أخلي حد من خواني يروح بدالي
وأنا وحدي ما أعرف على أي نوع أميل!
فكبداية بخذلي رواية وحدة فياليت تعطيني أحسن الـrecommendations عندج

ترووووو!!
الحين عقب ما شفت الحلقة الثامنة .. my faith in anime has been refreshed
وعرفت الحين ليش أفضل الأنمي على وايد أفلام و مسلسلات أجنبية ..
seriously .. عندي حق أكون an anime nerd =3
قلبي يتقطع على Ayu T__T ..
و ودي أكفخ Mayama كم طراق .. بس بعدين يوم أشوفه يتكلم عن Reeeika إهيء .. يكسر خاطري ~__~
و Morita يفطسني من الضحك .. و Hagu نفس الشي ..

أنا شفته لسابعة وماياما هذا شخصيته معقدة ولكن Ayu مناسبة له صدق
أنا أحسن شخصية بالنسبة لي أهو موريتا I am a Morita fan

حصى = حصى .. اممم الفليل يعني مب الصبح الفليل .. في الليل؟ يب يب .. I think
وههههههههههه على الجواب

قطوة بين الحصى فليل -__- أغير جوابي لأني أخافها تطلع مو قطوة@_@

Hana Yori Dango!
كانت أول مانجا أقراها كاملة .. امم مادري يمكن الثانية ياهي يا Hana-Kimi ما أذكر ..
المهم المانجا توب طبعا وايد حلوة! وخاصة يوم تلاحظ كيف المانجاكا تطورت في الرسم في الفوليومات! يعني وييين يوم أقارن بين الصفحة الأولى من المانجا والصفحات الأخيرة XD والقصة روعة .. طبعا ما تتقارن مع الأنمي ماله .. ما عيبني أبدا وياله قدرت أخلصه كله .. المانجا أحلى بوايد .. أعطي المانجا 9 من 10!

أنا منزل هالمانجا عندي من شهور بس لما شفت أول كمين صفحة ما عجبتني أبدا لا بالقصة ولا الرسم ولكن هالأسبوع فكرت أكمل الشابتر الأول على الأقل
و بعدين فهمت القصة وفعلا تطور الرسم بشكل كبيير ما إتوقعته
تقريبا تذكرني بمانجا Marmalade Boy

هممم .. الحين لازم أطلع لك كم سؤال زيادة

صدقيني مب لازم

-آخر فيلم شفته؟ تقييمك له؟

آخر واحد هو فلم هيتش وأحسه حلو شوي وأقيمه..7\10

-منو قدوتك في البيت؟

يمكن أكبر إخواني لأني أحسه إنسان إجتماعي وله مكانته

-PS ولا PS2?

PS2 لكن ما فهمت شو المقصود من هالسؤال!

-أحسن شخصية من شخصيات فاينل فانتسي؟

سكوال وكلاود هذيلا تعجبني برودتهم وزيدان تعجبني سوالفه

-تحب المشروبات الغازية؟ إذا هيه شو تفضل؟

ما أفضل شيء بالضبط ولكن متعود على الديو

-المشروبات الساخنة؟ وشو المفضل؟

يا محلاة الشاي الكرك !

NsaN

من وين يبتها Asf؟؟ (المانجا I Mean)..

منزلنها عن طريق التورنت ولكن من زماان وكانت النسخة إلي نزلتها فيها صفحات مب مترجمة وأعتقد فيه نسخة يديدة
هذي وصلتها Click Here حجم الملف حوالي الـ1GB

شو طبيعتك بالكلاس؟؟ يعني من النوع الهادي و اللي ما يخصه؟؟ و لا سوالفجي و كله تنهزب من المدرسين؟

بوقت الدرس أحاول أكون هادي ولكن بعده لي سوالف بسيطة ما عدا مرات لما يكون في بالي أنهزب..
وعاد هالسنة طلبة علمي فلازم نهدى غصبن عنا

Yamato

لوول... فرق سبع سنوات واربع ايام...

شو نقول عنك غير شايب

في النهاية انت من فصيلة الطيور تعتبر..
حفلتي السنة الجاية الفصل الثاني.. يعني انا بحتفل بتخرجي من الحياة الجامعية.. وانت بتدش امتحانتك الثانوية.. حفلتك بتكون غير شكلها.. اتوقع السنة الجاية الاسئلة تكون صعبة اكثر..

لا تذكرني والله ببكيT_T
يقولك الشيخ نهيان وزيرنا الموقر يشوف الإمتحانات سهلة هالسنة فيبي يعوضها بالسنة الياية
ماااا أدري شو ذنبيT_T

ياخي انمياتك رومانسية جدا.. >.<
ما يشفعلك غير مونستر اللي تطالعه معاهم...

ياخي شو أسوي هالأنميات إلي تقدر تشوفها هالأيام لو عندك أنمي غير رومانسي ينشاف غيرهم إنصحنا

ماضخة اللعبة.. انصحك تشتري اتيلير ايرس.. لعبة رائعة..

عطني إسمها بالعنقلش أبي أتحري عنها

اذكر لنا موقف محرج \ مضحك \ عنيف ؟؟

أختار واحد ولا كلهم @_@
موقف مضحك أذكرأمس قاعد أدرب على السواقة في الحارة الساعة 11 فليل وأخوي يحشرني إنتبه إذا فيه سيارة وراك
وشوف الذكاء الخارق شفت جامة محل منعكسة عليه أضواء سيارة فقلتله فيه سيارة ورانا تراني أعرف
وأشوفه قعد يضحك لأنه هذي أضواء السيارة إلي أنا قاعد أسوقهاXD
موقف محرج أذكر كنا معزومين في بيت خالي عزيمة كبيرة وكنت قاعد في أمان الله ويجي خالي ويقولي صب القهوة
وبما أنها أول مرة أصب فيها قهوة في عزيمة فأنواع الإحراج الله لا يراويك-__-
وموقف عنيف قلال بس بعد ما أحب أذكرهم

كان في يوم فكرت فيه بالدنيا حولك.. وقعدت تتمعن فيه واللي يصير حولك... ؟؟

لما يصير لي إحباط أو فراغ أقعد أفكر في كل شيء...

من تتمنى تشوف من اعضاء المنتدى... ؟؟

أنا أحاودك من متى أبي أشوفك
وNsaN أبي أشوفه إشكثر Grumpy
وليوبارد من زمان ما شفناه في المنتدى حتى
وواحد إسمه Shadww ما أدريه مشارك هنا ولا._.

عضو اختفى ومشتاق له...؟؟

كل إلي مشتاقلهم لهم طلات علينا

فكرت يوم انك تدخن... ؟؟

في ذاك اليوم أمشي مع الشلة الطيبة وأشوفهم يطلعون الصلب والولاعة (أبو ريال)
فقلتلهم عطوني واحد بشوفه ففرحو وقالوا جربها فتلمستها بأناملي ومسكت طريفيها
وكسرتها قدام عيونهم XD أسميني صدعت فيهم هذاك اليوم قاعد أكسر صلوبهم!

هل تظن انه عبودي يدخن... لانه غالبية كبيرة من طلاب جامعة الامارات يطيحون في هالفخ..؟؟

أصلا هالشلة الطيبة المذكورة قبلا كانو خايفين إني أخبر هذا العبودي ويبلغ (السلطات العليا) وتستوي الهزبة
وهذا إلي صار XD

شو رايك بتوقيع لينا.. (ينرفز صح T_T) ؟؟

مع إنه التوقيع تصميمه حلو بس كانت تقدر تسوي صورت بنية أحلى من هذي إلي خرعتك XD
بس لا تنسى إنك ملك تواقيع النرفزة ..سبلان عادXD

هل تفضل ال Nazi mod ولا Mosolini Mod ما عرفت السبيلنج صح >.<

طبعا الـNazi mod
بس بهالمناسبة ممكن أسألك منو Mosolini Mod ._.؟؟

لو عطوك فرصة ترجع بالزمن للخلف (فترة من حياتك) فاي مرحلة بتختار.. وليش... ؟؟

عمر الـ10 سنوات تقريبا لأنه كانت عندي فيه أحلى ذكريات وسوالف

تتمنى لو كنت في عصر اخر غير هالعصر... ؟؟؟

عصر الإسلام الأول..

تحبني يا فتى..؟؟

أحبك في الله يالشايب

كثرنا عليك معليش يا فتى...

مب مشكلة بس إنت وحداوي ولا عيناوي ؟؟؟

Smigle
يا هلا فيك مرة ثانية

Do you have a 'best friend' and how long have U been as friends

في الوقت الحالي "لا" لأنه أنا لما يصير معي صديق مفضل نفترق لأسباب

2- Your plans for the summer (hopefully not repeated

خططي إلي ممكن أسويها
بخذ شهادة ICDL
بخذ كمبيوتر يديد وبتعلم عليه بسهولة أكبر من الكمبيوتر الحالي
30% أروح الـGYM
40%ممكن أروح العمرة
هذا إلي أذكره

3- Regarding your family I noticed that we live a similar situation here so is ther is a specific member of you family that is close to you ? and why?

ما فيه شخص معين في عيلتي مقرب لي ولا حتى أسراري توصل لأي واحد منهم
ولكن إخواني الكبار مقربين لي أكثر من غيرهم..

في النهاية ما نقول غير الزعيم ..عيناوي>>>Idiot

[Lena]

OMG o.o

i saw some reviews and pics for the animes you said you are currently watching

T__________________T!!

شكلهم مرة رومانسيات احببببب كذا ابببببببي كذا زهقت من الانميات العاديه..مايونسني غير الانمي الي فيها نكهة رومانسيه -.-

اسفووووه كيف جبتها هذي؟


--------------------------------------------




على فكرة ردك عالاسئله كلها خطير...

اول كنت اخربط بينك وبين ترابد وياماتو احس فيكم شبه كثير لكن الحين اقدر اميز وصار لكdistinct character

شكلك مشالله عااااااقل وعلى غير عمرك ودافوووور>.> مشالله الله يخليك لاهلك

هذي بغيت اطيك عليها نوقطة:

للأسف أنا من النوع الأول (طقة أودن وربعه ههههXD )

لكن للاسف طلعت مرشحتك قبل ; ;

coz in my opinion such way of thinking and such men are the real representation of manhood


فكرة مقابلتك روعه لاني بجد ماكنت اعرفك زين حتى بان هالشي يوم سالتك انت تحس فيك غموض وطلعت فعلا الي بقلبك على لسانك احسن كذا..



ويارب يحقق لك امنيتك حقت البرمجة XD بس وطفني بشركتك هاه؟ تراني شاطرة بالبرمجة T_T
-----------------------

إقتباس:
شو رايك بتوقيع لينا.. (ينرفز صح T_T) ؟؟

مع إنه التوقيع تصميمه حلو بس كانت تقدر تسوي صورت بنية أحلى من هذي إلي خرعتك XD
بس لا تنسى إنك ملك تواقيع النرفزة ..سبلان عادXD

بلا حش >.> ههههههههههههه
انا متقصده اختار هالبنت هذي..عندي صور بنوتات يشقون الوجه من حلاتهم

بس هذي عاجبتني لانها مش حلوة مرة احب المش حلوين XD بلس تحسها من قلب طالعه الصرخة والضكه ياقلبو عليها

ياماتو >.> اقول ترى انا عارفه انك ميت عليها ومتعذب ماتنام من حبها عشان كذا تبي اشيلها..


----------------------

now it's the cat magic time

lets talk about some tiny things about you

+انت تكتب باليسار ولا باليمين

+خطك حلو؟

+في السيارة وين تحب تجلس عادة؟

+اي عصير تحب؟ واي فاكهة تحب؟

+اذا رحت لمكتبه فيا قسم تروح له اول شي

+انت راعي احلام؟ اقصد في النوم تحلم كثير ولا من النوع الي شاشته سوداء مقفله@.@؟

+يومنك صغير كنت تحب الدراجه؟ ولا البوتيناج (معرف اسم ثاني للبوتيناج>.>)

+تهتم بتفاصيل الامور؟ يعني انت راعي نظرة وتدقيق في الاشياء ولا؟

+تحب تهتم بنفسك بشكل معقول اقصد..يعني تهتم بشعرك ولبسك وكشختك؟ (لانه اكثر العيال مب من النوع ذا)

+نومك ثقيل ولا خفيف؟

+تحب طلعة البر ولا طلعة البحر؟

+بكل صراحه بكل صراحه.. انت من النوع الي متسمك مرة مرة بتقاليد الخليج "ماتكلم عن تقاليد الاسلام" ولا عقلك مفتوح وتحب تتعلم من العام الخارجيopen mind ؟

+لو بتشتري سيارة اي لون تفضلها؟

+هل لك حيوانات مفضله تعجبك كذا كحيوان؟؟وهل لك حيوانات تتمنى تربيها؟

+تحب سوالف الحريم ..اقصد مثلا مع خواتك مثلا تحب تسولف معهم عن حياتهم او طلعاتهم ملابسهم وتعطي رايك و لا سكيتي من الناجيه ذي؟

+انت انسان اجتماعي؟

+عمره صار لك موقف قوي في المدرسه ؟ مثلا تهاوشت مع طالب او مدرس الو المدير نفسه يعني موقف قوي كذا ولا انسان ماله تاريخ اسود؟ "مب شرط يكون الموقف لانك شرير يمكن قد انظلمت او كذا T_T<===صارت لها"

+تحب البصل "سؤال نابع من تخيلي لحلقات البصل يمي اشتهيتهاT_____T"

+لما تقعد عالكمبيوتر اكثر نشاطك انترنت ولا لك مجالات اخرى تصاميم العاب برامج الخ؟

+شخصية الرجل الي تعجبك؟ "عادي اذا كذا صفة"

+شخصية المراة الي تعجبك؟ "عادي اذا كذا صفة"

+بصراحه بصراحه من ارحم عندك الصرصور ولا البعرصي؟ البعرصي = الضاطور = البرصي مدري شتسمونة

+تحب تشاور شخص مقرب بشماكلك او امور في حياتك ولا تحب تتخذ كل شي لحالك؟

+تحب الاشياء النفسيه؟ مثل الكتب الي تتكلم عم فهم الذات والاختبارات النفسيه وكذا؟

+ايش رياك بالجوال؟ هل تحس انه حاجة ولا شي مش ضروري؟ تحب تشتري احسنالاجهزة ولا تنظر له كجهاز يؤدي خدمة وبس؟

+اممم البكاء..بكاء الرجل..وش نظرتك له؟
هل تحس انه عيبه ومنقصه؟
ولا ويش..
جاوب بصراحه X|

+هل تعتقد ان دموع المرأة هو سلاحها ولا هي مجرد دموع التماسيح ههههههXD



اووووف ههههههههههههههه

cat magic is gone beyond limits XD

thatt's enough for now


but it feels good calling me sama XD

ja ne ~

P.S:
اذا فيه اغلاط املائيه فلا تشرهون اكتب بسرعه وراي روحه سوق T_________T

[Angel whisper]

في النهاية ما نقول غير الزعيم ..عيناوي>>>Idiot

RAWR hate them

واجاباتك حلوة ..

موسوليني كان زعيم ايطاليا في الحرب العالمية الثانيه .. هو اظن كان فاشي او شي جذيه واخر شي شعبه اعدموه ويا حرمته وعلقوهم كم يوم .. اظن
فسؤال يقصد هل انا احسن تعتبرني مراقبة نازية ولا فاشية من قوم موسوليني؟

[Yamato]

شو نقول عنك غير شايب

والله يعينك في الثانوية السنة الجاية...
عن الانميات.. عندك باسيليسك.. وفي انمي خلص من فترة اسمه Fantastic Children.. 26 حلقة.. رائع فعلا برايي.. وبتحب اغنية النهاية... T_T

بس على كلامك فعلا حسيت انه ما في غير رومانسي اكثر شي.. -__-

واسم اللعبة... Atelir Iris: Eternal Mana
بتعجبك

انا لا وحداوي ولا عينياوي... مع اني كنت اريد الفوز للعين.. اصلا ما اهتم لفرق الامارات.. وفترة اهتامي كانت في الجامعة مع ربعي..

بخذ شهادة ICDL

وين اي مكان بتاخذه... لانه اخوي وصله رسالة من البنك اللي يتعامل معاهم على اساس اذا يريد يشترك في هالدورة.. وقالي اشترك اذا تريد..

ياماتو >.> اقول ترى انا عارفه انك ميت عليها ومتعذب ماتنام من حبها عشان كذا تبي اشيلها..

ايه صح.. احب عينيها اللي كانهم الثقب الاسود.. وخشمها اللي مثل نصف فطرة او فانغوس... ولا انيابها اللي مثل اسنان الارنب.. -__-
please

فسؤال يقصد هل انا احسن تعتبرني مراقبة نازية ولا فاشية من قوم موسوليني؟

مجرد مزحة... مش قصدي اي شي..


ناتي الان لدفعة ثالثة من الاسئلة.. (اريد اعوض عن اللي فاتني مع انسان -__-)

شو نوع كمبيوترك.. او بالمرة.. عطنا مواصفاتها اللي عندك.. وهل ناوي تحسنها اكثر من كذا..
هل لعبت من قبل العاب اونلاين...
شو رايك بجوهان من انمي مونستر..
هل تاملت في يوم من الايام اصابع يدك.. ودققت النظر فيهم.. (بتشوف الابداع الرباني فعلا)
تعاني من القشرة..
شو اخبار اسنانك..
كم مرة تتسبح في اليوم او الاسبوع..
فكرت انك تقرع مرة..
فكرت انك تشل شواربك.. >.<
لو خيرت في يوم من الايام انك تضحي باحد اجزاء جسمك علشان تعيش.. فاي جزء بيكون.. (استحملنا في السؤال الثقيل هذا)
هل تحب الاعمال الخيرية (نفس الاجانب)
شو الفواكه اللي ما تاكلها.. والخضار ايضا..
جربت من قبل لحم الارانب.. Tastes like chekin...

بفكر بعدين في اسئلة ثانية...

[عبودي]

ASFOOOO||
=========
عصرت مخي لين ما طلع معي كم من سؤال
==========================
هل ستدرس في جامعه الإمارات ؟
------------------------------------
إذا كان لا ! وين بتدرس ؟
-----------------------------------
و إذا كانت بعثة! منو بروح وياك ؟.. ولا بتكون وحيد !
----------------------------------
بس لا يكون ثقلت عليك ..
خخخخخ

[Lena]

ايه صح.. احب عينيها اللي كانهم الثقب الاسود.. وخشمها اللي مثل نصف فطرة او فانغوس... ولا انيابها اللي مثل اسنان الارنب.. -__-
please

طبعا اكيد بتنكر

i think nothing would satisfy you until it becomes like this




the taste of monkeys eh >.>??!

look at her laugh
it give you peace



=================

عصفورو-kun
وينك لا يكون هربت من اسئلتنا ...



على فكرة
اللون البنفسجي الي تحبه ترى له معنى معين في الشخصية نسيته XD لكن ابدور عنه واقولك

كاني اخبره غرور او اعجاب بالذات بس مب متاكدة كثير ><

[Justine]

مصدع و مواصل .. و فوق كذا مصدوم عاطفيا <<<< يا ضنايا

كيفك عزيزي عساك بخير : )

اعانك الله على حشرية اعضاء هالقسم .. المهم نبدأ ..

1\ الحين اسمك Asf4ever .. هل يعني : آسف دائما أو عصفور دايما ؟

2\ وش صار في رخصة قيادة الحاسب وش سويت و مازا عملت ؟ .. و لا تونا بدري

3\ حيوانك المفضل من فروتس باسكيت .. و اذا لقيت واحدة مثل Tohru تاخذها و لا تخليها تطير من يدك ؟

4\ اسهل للعمل وقت الازمات .. ساندويتش تونا و لا مرتديلا <<< لا تنسوا انه مصدع ..

5\ بلد أو مدينة تبي تسافر ليها .. ثانية تقضي فيها شهر العسل .. ثالثة تستقر بيها .. رابعة تموت فيها؟

6\ لمن حطيت صورتك كنت بنظارة .. كم ناقصك ؟

7\ خاطب .. و لا عينك على واحدة .. و لا ناوي يفوتك تاكسي الزواج؟

8\ سؤال معتاد .. تؤمن بالهاكونا متاتا ؟

9\ وش رايك في منتدى الانمي في ظل احتلاله من قبل البزارين و منظمات التفاهة و الانحطاط -__- ؟

و مشكور مقدما .. و آسفين تعبناك معانا ..

[asf4ever]

موجود بس الحين آخر الليل وخايف أخرف بالرد بس يالله ما علينا

Linaaaa-sama again
تعجبني أسألتك

شكلهم مرة رومانسيات احببببب كذا ابببببببي كذا زهقت من الانميات العاديه..مايونسني غير الانمي الي فيها نكهة رومانسيه -.-

اسفووووه كيف جبتها هذي؟

وأنا أقول لشو أنا عشو مميز بمنتدى الأنمي ...يمكن لأني أجيب أنميات عدلة >.> >>نعم...حب الذات

على فكرة ردك عالاسئله كلها خطير...

اول كنت اخربط بينك وبين ترابد وياماتو احس فيكم شبه كثير لكن الحين اقدر اميز وصار لكdistinct character

شكلك مشالله عااااااقل وعلى غير عمرك ودافوووور>.> مشالله الله يخليك لاهلك

أنا كنت خايف إنه ردي على الأسئلة يطلع أي كلام
نعم..الله يخليني لأهلي ويقدرني عليهم._.

لكن للاسف طلعت مرشحتك قبل ; ;

coz in my opinion such way of thinking and such men are the real representation of manhood

Yup Yup>>يعني What is this@_@

فكرة مقابلتك روعه لاني بجد ماكنت اعرفك زين حتى بان هالشي يوم سالتك انت تحس فيك غموض وطلعت فعلا الي بقلبك على لسانك احسن كذا..

الحمد لله على هالشيء وننتظر مقابلتك فنعرفك أكتر كمان
بس ترى بسكم مدح طلعتوا ريشة في راسي._.

ويارب يحقق لك امنيتك حقت البرمجة XD بس وطفني بشركتك هاه؟ تراني شاطرة بالبرمجة T_T

آمين يا رب..بس أنا إلي مب شاطر بالبرمجة XD

بلا حش >.> ههههههههههههه
انا متقصده اختار هالبنت هذي..عندي صور بنوتات يشقون الوجه من حلاتهم

بس هذي عاجبتني لانها مش حلوة مرة احب المش حلوين XD بلس تحسها من قلب طالعه الصرخة والضكه ياقلبو عليها

غيرك تحمل حش أكثر من كذا تحملينا شوي...
فعلا الصرخة باينة إنها طالعا من قلبها وبعد هالبنية تضحك..ما أدري ياماتو لشو متخرعXD

lets talk about some tiny things about you

Hai

+انت تكتب باليسار ولا باليمين

فيه بتوقيعي زر مكتوب عليه"So So ASF at the sea"ضغطي عليه وبتشوفين صورة
فيها بصمة إيدي إلي بكتب فيها (وآسفين على المشوار)

+خطك حلو؟

T_T
لا..بس برضو أحسن من بعض ناس وأذكر الأستاذ وربعي في الفصل متعقدين من خطي الصغير
الأستاذ مب قادر يصلح والطلبة مب قادرين يغشون >.>

+في السيارة وين تحب تجلس عادة؟

أنا أفضل الكرسي إلي قدام عدال السواق ولكن إذا كان فيه حد اكبر مني فاضطر أقعد ورى ولكن بعد أحب اقعد عدال الجامة..

+اي عصير تحب؟ واي فاكهة تحب؟

أحب عصير الـmango وأحب فاكهة الـmelon (الشمام) لدرجة كبيرة

+اذا رحت لمكتبه فيا قسم تروح له اول شي

مع إني للحين ما رحت مكتبة تسوى ولكن أتوقع إنه بيكون قسم الكمبيوتر أو الروايات

+انت راعي احلام؟ اقصد في النوم تحلم كثير ولا من النوع الي شاشته سوداء مقفله@.@؟

غالبا الشاشة سودة ولكن لما أحلم فيكون حلم غرييب عجييب ما أدري ليش حلمته@__@...

+يومنك صغير كنت تحب الدراجه؟ ولا البوتيناج (معرف اسم ثاني للبوتيناج>.>)

مع إني ما فهمت شو البوتيناج ولكن كان عندي دراجة لأنه ربعي عندهم ولا أنا ما كنت هاويها

+تهتم بتفاصيل الامور؟ يعني انت راعي نظرة وتدقيق في الاشياء ولا؟

أتوقع تقريبا في الأشيا المهمة

+تحب تهتم بنفسك بشكل معقول اقصد..يعني تهتم بشعرك ولبسك وكشختك؟ (لانه اكثر العيال مب من النوع ذا)

أخواني يقولون لي هالشيء ولكن ما أحس إني أهتم بنفسي وايد>.>

+نومك ثقيل ولا خفيف؟

لما شفت معنى النوم الثقيل عند بعض الناس عرفت إنه نومي خفيف

+تحب طلعة البر ولا طلعة البحر؟

طلعة البحر لأنه ما أتخيل نفسي رايح اقعد في دنيا قحلة

+بكل صراحه بكل صراحه.. انت من النوع الي متسمك مرة مرة بتقاليد الخليج "ماتكلم عن تقاليد الاسلام" ولا عقلك مفتوح وتحب تتعلم من العام الخارجيopen mind ؟

أنا لاني أعرف أصب قهوة ولاني أعرف أرزف ولا حتى أفهم كلامهم أول فما أتمسك أبدا بتقاليد هذي

+لو بتشتري سيارة اي لون تفضلها؟

تذكرت مرة شفت سيارة عيني لونها (كان يمكن عالبني تقريبا) فعبرت عن إعجابي فيها قدام ربعي
وبعده بفترة واحد من ربعي داعمه ههههههههههههههXD (ما عليكم ما فيني عين)
المشكلة ناسي شو اللون بالضبط بس أحب الأسود

+هل لك حيوانات مفضله تعجبك كذا كحيوان؟؟وهل لك حيوانات تتمنى تربيها؟

أنا ما أدري إذا هذا يعتبر إعجاب ولكني أريد اشوف بطريق!
وقط ربينا قطوة ولكن هالفرصة ما بتتكرر لأنه الوالدة تكرهم>.>
وأتمنى يكون عندي ببغاء يتكلم._.

+تحب سوالف الحريم ..اقصد مثلا مع خواتك مثلا تحب تسولف معهم عن حياتهم او طلعاتهم ملابسهم وتعطي رايك و لا سكيتي من الناجيه ذي؟

كل شيء ما عدا الملابس بس ممكن نتحمل الحش بالناس شوي...

+انت انسان اجتماعي؟

أتمنى أكون ولكني مب إجتماعي..ما أحب العزايم ولا الحفلات ولا الزيارات
قبل أمس كان حفل التكريم في مدرستنا وكنت أنا من إلي بيتكرمون فقلت خل الجائزة والتكريم لهم
وما خبرت حد من الأهل لأنه عارف إذا عرفو بغصبوني أروح

+عمره صار لك موقف قوي في المدرسه ؟ مثلا تهاوشت مع طالب او مدرس الو المدير نفسه يعني موقف قوي كذا ولا انسان ماله تاريخ اسود؟ "مب شرط يكون الموقف لانك شرير يمكن قد انظلمت او كذا T_T<===صارت لها"

مع مدرس ولا مدير تراني مب بايع عمري
ولكن مع طالب تراها قليلة مرة كانت جنب المدرسة بس ما إستوت ضرابة
واحد يعرفني ويحترمني بس يتحرش مع واحد من ربعي فإستوت بينهم الضرابة وقالي ما أتدخل بس إدخلت بس ما صار معي شي
لكن اليوم إلي بعده يالي واحد "هااا شفناك بضرابة البارحة" وأنا أقول وافضيحتاه
ولكن المرة الوحيدة إلي ضاربت فيها كانت صف رابع في الباص وما طولت بعد وما صار لي شيء
بس هالولد لليوم ما أواطنه مع إنه من الأوائل ويسلم علي عادي ولكن أسمع عنه سوالف ماصخة
غير هذيلا فتاريخي أبيض ومسالم وما فيه إثارة عنيفة

+تحب البصل "سؤال نابع من تخيلي لحلقات البصل يمي اشتهيتهاT_____T"

يااااه أموت فيه مع المالح ومع أكلات ثانية

+لما تقعد عالكمبيوتر اكثر نشاطك انترنت ولا لك مجالات اخرى تصاميم العاب برامج الخ؟

أكثر شيء في النت حاليا ولكن قبل كانت نشاطاتي الثانية أكثر بس الحين أحاول أرجع مثل أول

+شخصية الرجل الي تعجبك؟ "عادي اذا كذا صفة"

صادق ومتفهم ويعتمد عليه

+شخصية المراة الي تعجبك؟ "عادي اذا كذا صفة"

مخلصة وطيبة ومتفهمة

+بصراحه بصراحه من ارحم عندك الصرصور ولا البعرصي؟ البعرصي = الضاطور = البرصي مدري شتسمونة

البعرصي = الضاطور = البرصي ما فهمت بس يمكن تقصدين "التعبة"="الطيطار"=نفس السحلية
الصدق إنه أي شي ارحم من الصرصور ولكني بعد ما أخاف منه نهايته بأقرب نعال محترمة ...

+تحب تشاور شخص مقرب بشماكلك او امور في حياتك ولا تحب تتخذ كل شي لحالك؟

أحب أناقش الغير بمشاكلي وأموري ولكن حسب أهميتها وخصوصيتها لي..
مثلا الحين فيه أمور وايد اناقش فيها غيري
ولكن فيه مشكلة وحدة مخلنها لنفسي

+ايش رياك بالجوال؟ هل تحس انه حاجة ولا شي مش ضروري؟ تحب تشتري احسنالاجهزة ولا تنظر له كجهاز يؤدي خدمة وبس؟

الجوال أعتبره حاجة لأنه أنا عن نفسي ما أقدر أستغني عنه فشلون بالأكبر مني
ولكن والله اليهال شو لهم بالموبايلات تشوف لك بزر يركض بموبايل توه نازل والأكبر منه مب قادر يجمع ثمنه-__-
أحب أشتري الأحسن أحيانا حتى لو كانت حاجتي له مب كبيرة

+اممم البكاء..بكاء الرجل..وش نظرتك له؟
هل تحس انه عيبه ومنقصه؟
ولا ويش..
جاوب بصراحه X|

ما شفت ريال يبكي إلا مرة بعد ما توفى أبوه الله يرحمه فما حسيت بعيب أو نقص ولكن زين ما بكيت معاه..

+هل تعتقد ان دموع المرأة هو سلاحها ولا هي مجرد دموع التماسيح ههههههXD

ولا مرة شفت حرمة تبكي ._. ولكن إذا خذيت بخبرة الغير فما هي إلا دموع تماسيح
ولكن أنا أعتبره يعتمد من حرمة لحرمة ..الله يرزقنا ببنت حلال

اووووف ههههههههههههههه

cat magic is gone beyond limits XD

thatt's enough for now

حسيت إنه كل هذا إختبار نفسي..
حتى إني أذكر موضوعج الأولي عن الأختبار النفسي إلي سيويتيه "لما نكون في غابة ونشوف دب وبعد نهر وجدار"
تذكرينه؟؟

but it feels good calling me sama XD

ja ne ~

Ok then I'll stop calling you that Muahahaha
J/K
Matta Ne Lenoo~-sama^^

P.S:
اذا فيه اغلاط املائيه فلا تشرهون اكتب بسرعه وراي روحه سوق T_________T

P.S:إنتبهتلها وترى انا نفس الشيء لأنه وراي رقاد لظهر

Baka Angelooo

RAWR hate them

Then I love them

واجاباتك حلوة ..

دخيلكم ترى كبر راسي @_@

موسوليني كان زعيم ايطاليا في الحرب العالمية الثانيه .. هو اظن كان فاشي او شي جذيه واخر شي شعبه اعدموه ويا حرمته وعلقوهم كم يوم .. اظن
فسؤال يقصد هل انا احسن تعتبرني مراقبة نازية ولا فاشية من قوم موسوليني؟

Aaa..aaa...
أظن فهمت ...شو هذول الفاشية@_@

خليت الرد على قسمين لأنه قالي فيه أكواد وإبتسامات وخرابيط طافرة...

[asf4ever]

قمت أحذف إبتسامات وايد من هالرد وإلا المنتدى ما بيقبله-__-
Yama6o

والله يعينك في الثانوية السنة الجاية...

لااااا تذكرنيT_T والله ما أدري شو أسوي وأنا إلي كنت فرحان لما اقري الجريدة وأشوف الطلبة مستانسين عالإمتحان ...

عن الانميات.. عندك باسيليسك.. وفي انمي خلص من فترة اسمه Fantastic Children.. 26 حلقة.. رائع فعلا برايي.. وبتحب اغنية النهاية... T_T

باسيليك شفت الأولى وما عبجتني المناظر والقصة كثير بس بحاول أجرب Fantastic Children

واسم اللعبة... Atelir Iris: Eternal Mana
بتعجبك

خليتني أدور بإسم غلط atlier مب Atelir
إنت من الفجيرة يعني إنت شاريها من الفجيرة ترى إذا ماخذها من هناك ممكن أحصلها

انا لا وحداوي ولا عينياوي... مع اني كنت اريد الفوز للعين.. اصلا ما اهتم لفرق الامارات.. وفترة اهتامي كانت في الجامعة مع ربعي..

مثل واحد من إخواني مشجع العين عشان يغايض واحد ثاني من إخواني
وأنا ما تابعت ولا مباراة بهالدوري غير الأخيرة وحاط فيها عيناوي من متى

وين اي مكان بتاخذه... لانه اخوي وصله رسالة من البنك اللي يتعامل معاهم على اساس اذا يريد يشترك في هالدورة.. وقالي اشترك اذا تريد..

ما فهمت الجملة عدل"وين اي مكان بتاخذه" أنا الحين إسمي مسجل خلاص ولازم اروحها

مجرد مزحة... مش قصدي اي شي..

ما عليك بلاك تخرعتXD

ناتي الان لدفعة ثالثة من الاسئلة.. (اريد اعوض عن اللي فاتني مع انسان -__-)

أنا شو ذنبي-__-)\

شو نوع كمبيوترك.. او بالمرة.. عطنا مواصفاتها اللي عندك.. وهل ناوي تحسنها اكثر من كذا..

لابتوب كومباك معالج آثلون سرعته 1600 ورام 256 ومساحة الهارد ديسك 30 غيغا
ناوي أخذ كمبيوتر أحسن من الابتوب لأنه الابتوب ما تقدر تحسنه
إن شاء الله أدبره الشهر الياي وبموصفاته بينتيوم4 سرعته 3000 ورام 512 وفيديو كارد 128 ميغابايت وهادر ديسك 80 جيجا وشاشة LCD
صحيح مب أعلى المواصفات ولكنها مناسبة لي

هل لعبت من قبل العاب اونلاين...

لعبت Ragnarok Online و Priston tale وغيرهم بس ما كملت فيهم وايد غير راجناروك

شو رايك بجوهان من انمي مونستر..

أنتظر اللحظة إلي يطلع فيها وأحب عقليته وتفكيره العجيب
أول مرة أشوف شخص بهالبرود في الأنمي

هل تاملت في يوم من الايام اصابع يدك.. ودققت النظر فيهم.. (بتشوف الابداع الرباني فعلا)

ما تأملتهم وايد بس أطالعهم مرات

تعاني من القشرة..

أيوه خاصة في الصيف -__- I hate it

شو اخبار اسنانك..

تماام يسلمون على عليك بس واحد يبي حشوة وأنا مب راضي

كم مرة تتسبح في اليوم او الاسبوع..

سبع مرات في الأسبوع

فكرت انك تقرع مرة..

تقرعت في العمرة قبل بملئ إرادتي ولكن ما بسويها مرة ثانية أحب شعري

فكرت انك تشل شواربك.. >.<

على جثتي...

لو خيرت في يوم من الايام انك تضحي باحد اجزاء جسمك علشان تعيش.. فاي جزء بيكون.. (استحملنا في السؤال الثقيل هذا)

بسم الله علي بس يمكن رجلي (ما أحتاجها في الكمبيوتر XD)

هل تحب الاعمال الخيرية (نفس الاجانب)

وليش لأ خاصة إنها تريح النفس
بعدين لشو مثل الأجانب ؟؟

شو الفواكه اللي ما تاكلها.. والخضار ايضا..

الفواكه أحاول أبتعد عن الحوامض والخضار أحاول أبتعد عن مسببات الغازات
عندي إلتهاب في المعدة وهذي من الأشياء إلي تضرني._.

جربت من قبل لحم الارانب.. Tastes like chekin...

لا ما جربته بس مدام طعمه نفس الديايلشو ياكلونه T_T
But I like chekin

بفكر بعدين في اسئلة ثانية...

ريح مخك من التفكير...

عبودي(حيوان مصري)

ASFOOOO||
=========
عصرت مخي لين ما طلع معي كم من سؤال
==========================

سلامة مخك يا شيخ

هل ستدرس في جامعه الإمارات ؟

No!

إذا كان لا ! وين بتدرس ؟

بروح بعثة إن شاء الله

و إذا كانت بعثة! منو بروح وياك ؟.. ولا بتكون وحيد !

أكيد بكون بروحي...

بس لا يكون ثقلت عليك ..
خخخخخ

تعرف الجواب وقاعد تسأل...I'll kill you

عصفورو-kun
وينك لا يكون هربت من اسئلتنا ...

بكون معذور

على فكرة
اللون البنفسجي الي تحبه ترى له معنى معين في الشخصية نسيته XD لكن ابدور عنه واقولك

كاني اخبره غرور او اعجاب بالذات بس مب متاكدة كثير ><

أعتقد إنه إعجاب بالذات (أهون من الغرور)
بس إن شاء الله أخف من هالصفة (بس مب لازم أغير اللون XD)

Justine
عزيزنا جسطن

مصدع و مواصل .. و فوق كذا مصدوم عاطفيا <<<< يا ضنايا

ههههههههه تراك تبالغ XD

كيفك عزيزي عساك بخير : )

الحمد لله تمام عساك إنت بخير؟؟

اعانك الله على حشرية اعضاء هالقسم .. المهم نبدأ ..

لولا إعانة الله عليهم كاني ما وصلت للرد عليك...

1\ الحين اسمك Asf4ever .. هل يعني : آسف دائما أو عصفور دايما ؟

قلت قبل asf4ever معناها A+S+F للأبد That's all dude

2\ وش صار في رخصة قيادة الحاسب وش سويت و مازا عملت ؟ .. و لا تونا بدري

بيبدونها هالأسبوع ولا إلي بعده إن شاء الله

3\ حيوانك المفضل من فروتس باسكيت .. و اذا لقيت واحدة مثل Tohru تاخذها و لا تخليها تطير من يدك ؟

موموجي الأرنب Kawaii وTohru بعد Kawaii وما تتفوت وفيها كل الصفات إلي تتمناها بأحلامك._.

4\ اسهل للعمل وقت الازمات .. ساندويتش تونا و لا مرتديلا <<< لا تنسوا انه مصدع ..

ههههههههه بس ترى لا هذا ولا هذا إثنينتنهم جربتهم ويا ليتني ما جربتهم..

5\ بلد أو مدينة تبي تسافر ليها .. ثانية تقضي فيها شهر العسل .. ثالثة تستقر بيها .. رابعة تموت فيها؟

أريد أسافر لطوكيو وأخذ شهر العسل في أوروبا وأستقر (يمكن اليابان) وأموت في بلادي(إنسان وطني)

6\ لمن حطيت صورتك كنت بنظارة .. كم ناقصك ؟

إنت متى شفت صورتي@__@ Ahem..ناقص واحد وثلاثة ارباع...

7\ خاطب .. و لا عينك على واحدة .. و لا ناوي يفوتك تاكسي الزواج؟

مع إني ما أريد أقولها بس ما بكذب كانت عيني على وحدة وسمعنا إنها طارت وإنقلعت عيني فنقول خلك زي ما إنته وما يصيبك غير النصيب

8\ سؤال معتاد .. تؤمن بالهاكونا متاتا ؟

إذا إنت تؤمن فيها فأنا معاك إلي الأبد

9\ وش رايك في منتدى الانمي في ظل احتلاله من قبل البزارين و منظمات التفاهة و الانحطاط -__- ؟

الحقيقة يسد النفس والطالح يغطي على الصالح -__- I just hate it

و مشكور مقدما .. و آسفين تعبناك معانا ..

تعبك راحة And I liked you man^^

الساعة 5 الفجر شو سويتو فيني ساعتين وأنا أكتب@__@
آسفين على أي رد برعاة الطريق تراني الحين نص سكران وأقول أي كلام
لما تطلع الفجر تحس براحة بس شووو الفااايدة وإنت مسطل...

[Mista Koo]

أهلين آسفوه مت ولا بعدك؟؟

بس حبيت أسلم على موضوعي تشاو
سميقل: اسمي مستا كوو مو مستكة شنو علك @_@
لما أرجع اصوت لك لتجاوبك معنا ان شا الله ^_^

[asf4ever]

أهلين آسفوه مت ولا بعدك؟؟

يقولون حي يرزق ...
والحمد لله على السلامة

شكلكم مليتوا مني وخلصتوا كل الأسئلة
المووهم أذكر إنسان وياماتو سألوني عن نتايجي قبل فحبيت أسوي صورة من الشهادة لنتيجتي للي ناوي يشوفها...

مع إنها درجات عدلة بس بعد أكرها -__-
وأشوف إنه إذا ما إنسألت لباجر تنتقلون للعضو إلي بعدي

[Trapped Inside]

سؤالي :

ما تتعب من اقتباس كلام كل واحد من الاعضاء .. وترد عليه .. وتلون الرد .. >.> ..

هعععع XD ..