()The Koo Show Ep2: asf4ever()

[Mista Koo]

السلام ^_^

سيداتي وسادتي اليوم في حلقتنا الثانية من برنامج The Koo Show (أرجو التثبيت)
سوف نستقبل العضو الطائر
والمشهور باسم عصفور
والذي مسجل في المنتدى منذ 17-10-2002
وبمجموع مشاركات 1880

نرجو منكم جميعا الترحيب بالعضو
asf4ever

ملاحظة: لضيفنا العزيز الحق في عدم الجواب على أي سؤال موجه له
ويفضل ترقيم الأسئلة ليسهل الرد على ضيفنا

أبدأ بأسئلتي:
1-الاسم الأول؟
2-العمر؟
3-مكان الإقامة؟
4-شلون تعرفت على المنتدى؟
5-ليش اخترت اسم asf4ever؟
6-ايش أغنيتك المفضلة؟

طبعا زي ما انتوا ملاحظين Copy Paste مالي خلق اكتب موضوع جديد ×_×
وتكلفة السؤال الواحد ترشيح لي ~_^ آسفوه ما يحتاج
كمشور

[Yamato]

المرة اللي طافت ما لحقت اسال قرمبي... كنت اقرا الردود لما ويسبر صكته.. -__-

لذا بتعشى اليوم دجاج.....

سؤالي الى العضو الطائر دجاج.. قصدي عصفور...


قلت مرة انك مفروض تكون بالثالث ثانوي هالسنة.. شو صار.. لاني ما ادري...

شو الانميات اللي تطالعها حاليا...

شو افضل اللي شفته....

شو نوع الالعاب اللي تحب تلعبه... دمى ولا مسدسات ولا كورة.. لووول.. قصدي السوني لا تروح بعيد...

نخلي بقية الاسئلة لوقت ثاني...

[Lena]

asfooh-kun O.o

yaaay

i just notice the thread

well well

انتا عشانا النهار ده وبكرى وبعدوه (6)

here we go:

وش طموحك في المستقبل ..يعني الصورة الي تبي تكون فيها بعد كذا سنة اذ احيانا الله؟

الحين انت بالثانوي طيب اي تخصص؟

اكلك المفضل شنو>.>؟

مطعمك المفضل ؟

بلدة تتمنى تزورها وليه؟

هل عمرك سافرت برى؟ اذا ايه وين ؟ طيب اكثر من مرة ولا وحدة؟ اذا اكثر من مرة ايهم احلىوحدة؟

اي نوع من الطبيعه تحب: بحرية..استوائيه..باردة..غبابات ومروج وانهار؟ الخ

حلم كان يروادك في الطفوله و الحين تضحك عليه؟

يومنك صغير كنت اي نوع من الاطفال..مشاكس..عدواني..لطيف وفي حاله..قيادي..مرح؟؟ >.>

do u like RPG's??

اذا ايه وش المفضل عندك؟

تقرا كتب او جرايد او مجلات؟

اذا ايه وش هي الي تحب تقراه اكثر شي؟

هل انت من الي يخططون للزواج مبكرا ولا شعاركم "نعم للعزوبيه والحريه"
يعني هل فيك رغبه لعيش مشاعر الزوج والاب والمسئوليه ولا عاجبتك الحياة كذا؟


سؤال غريب شوي ..بس تحس نفسك مع ابوك علاقتك اقوى ولا مع امك؟؟
"لانه غالبا الاولاد متعلقين بالام غالبا ولكن فيه البعض لا"

اوكي سؤال اخير اذا ودك تجاوب عليه

عدد افراد عائلتك وانت ترتيبك وين منهم؟


بثثثثث


عاد فيني اليوم اسئله كثيرة لكن مانبي نتعب العصفور باشا ^.^


بااااي

[THUNDER EMPEROR]

أهلين ^^

1 - ما هو الأنمي المفضل عندك ؟ وإيش رأيك بالأنمي GETBACKERS ؟

2 - هل أنت من هواة الموسيقى ؟ وإذا كان الجواب بـ نعم إيش هو أفضل نوع ؟ وهل تسمع أغاني الـ TECHNO أو الـ TRANCE ؟

3 - هل تعرف ظاهرة الـ DEJA VU ؟ وإذا تعرفها قد مرة صارتلك ؟

4 - هل تعرف الدكتور طارق السويدان ؟ وإذا تعرفه إيش أفضل سلسله طلعها بالنسبه لك ؟

وبس ... قليل صح ... أدري إن الأسئله متناقضه XD

وشكرا

[Trapped Inside]

حياتك الغراميه .. شلوووووووووووووووون xD ..

[Angel whisper]

*تضحك على آسفوه مقدما*

شو رايك بالـ NaziMod?

[NsaN]

لينا ما خلت لنا شي

همممم...لو اضطريت تغير اسمك المستعار الحالي..شو بتختار؟؟

و بالتوفيق

[Rory]

eeeeek..

سألو الناس كل الأسئلة من كل الأنواع ما خلو لي شي .. T__T

اممم .. أوكيه خل أدور شي محد سأله ..

-شو رايك بالمانجا بشكل عام؟ تفضلها عالأنمي أو لا؟ أول مانجا قريتها؟ أحلى وحدة؟

-تحب تقرا القصص الطويلة؟ الـNovels يعني؟ إذا هيه شو أحلى شي قريته؟

-أي إمارة تفضل غير إلي إنت ساكن فيها؟

-أحلى أنمي من أنميات ها الموسم؟

-لو قطوة دخلت بين حصى الفليل .. وكان شكلها كيوووت تلحقها تشوف وين سارت أو لا؟

-على أي تخصص ناوي في الجامعة؟

-الحين إنت بتدخل تشوف فيلم في السينما .. تاخذ شي وياك تاكله؟ إذا هيه شو تشتري؟

-إذا كنت يالس تسولف مع واحد امم ما تعرفه وايد أو متعرف عليه عن قريب .. ويا ربيعك وقالك كل الكلام إلي يقوله لك هذا جذب X جذب شو بتكون ردت فعلك؟ يعني عادي تكمل تسولف ولا كأنه مستوي شي؟


اممم .. ها إلي عندي الحين .. enjoy

[شتاينر]

صحيح .. الأعضاء ما قصروا بالأسئلة .. مممم شو ضل سؤال ما انسأل ..

.. طيب : شو مواصفات عروسة المستقبل بنظرك

[Lena]

لينا ما خلت لنا شي

eeewh

grumby powers

but hehe cat magic won here u know


come on you can find some hidden questions

هذا يقال لي وانا مختصرة ماطلعت كل الي بقلبي


شوف الcat magic
it will generate some new questions


*اسفوه وينك ليه للحين ماجيت <==سؤال متوهقة

*عصفور انت فيك جانب غامض...اقصد مب كثير تحب تبين شخصيتك في النت كثير
تحب بس تسولف وتضحك من دون ماتبين حياتك الصدقيه كيف...
اتخيل ولا انت فعلا تحاول تكون كذا؟


*هل لك لقب او كنية ابو فلان؟ اذا ايه وش هي اذا ودك تقول...


*هل لك عيارة يومنك صغير
لاتقولها
بس ابي اعرف هل لك عياره معقدتك <===عندها عياره معقدتها

P.S: عيارة = طنزة got it?



*رقمك ولونك المفضل وليه؟


*لك هواية معينه او قدرة تتميز فيها؟ مثلا رسم طبخ كتابه صوت اي شي يجي ببالك لان كل انسان لازم يتميز بشي معين سبحان الله مب لازم من الي قلتهم


*تحب عيادة الاسنان؟ هل عندك عقد منها..مثلا صوت حفر الضرس وحشوه...او مثلا حشو العصب


*تلبس نظارات؟<==سؤال لازم منه


*انت من النوع الي تكتفي بصديق واحد مقرب او اثنين...ولا تحب يكون لك شله كبيره


*من النوع الي تحب لبس الثوب ولا البدلات اكثر؟


*لعبتك المفضله يومنك طفل...ماقصد لعب كمبيوتر اقصد toys



يلا بث
see cat magic is good

[Alexel]

خخخخخخخخخخخخخخخخخخخخ
اسف والله ورحت فيها ^^ بياكلونك اكل <<وانتي شجايه تسوين هنا
لاع انا عاقله بس عندي صوعالين بس <<مو الاعضاء ماقصوا صكوا الباقس كله
من وين جاتك التسميه "عصفور"؟؟
وكيف تقضي وقتك هالايام تدري مع الاجازه ؟؟

[smigle]

عشر ثواني فترة صمت

يتخللها

ويص ويص ويص=====> (صوت صرصور الليل) مؤثرات صوتيه


سؤال للأخ مستكه....

ترى البوب كورن خلص ولين الحين محد طلع؟؟؟

حظرتك يبتنا مسرحك وقعتنا ورفعت الستارة.......والعصفور ما وصل؟؟؟

قلنا لكم يا جماعة عصفور في اليد ولا عشرة من عند مستكة !!!

[asf4ever]

أحم...
أنا كنت مجهز الرد البارحة ولكن بما إني أستخدم راوتر والراوتر بغرفة أخوي وأخوي صار يبنده الساعة 12 ما نشرت الرد...
آسفين على تأخري

يالله نبدي
Mista Koo

1-الاسم الأول؟

أحمد وخير الأسماء ما حمد وعبد هااا تبي تعرف السالفة ورى إسمي؟تراني راعي سوالف اليوم

2-العمر؟

17 سنة ونص ويوم ميلادي بالتحديد أهو 23\12\1987

3-مكان الإقامة؟

دبا الفجيرة بمنطقة الغرفة إسأل على بيت آسفوو وبدلونك

4-شلون تعرفت على المنتدى؟

كنت أتابع برنامج في قناة الكويت (نسيت إسمه) وعرفت منه موقع games4arab ولكن بسبب دفاشتي حفظته game4arab
ولكن شفته مع حد من ربعي بعد فترة ومنه عرفت المنتدى وعرفت أعضائه الحلوين

5-ليش اخترت اسم asf4ever؟

مع إني قلتك من قبل بس يالله
معناها بإختصار a+s+f إلى الأبد سهلة!

6-ايش أغنيتك المفضلة؟

مب من كثر أسمع أغاني فلذلك ما عندي أغنية مفضلة بس تعجبني أكثر شيء أغاني لينكن بارك
ومرة ثانية ترجع بالسلامة من السفر^^

Yamato
مسويني عصفور وبتحولني لدجاج
هااه متى حفل تخرجك؟؟؟ ياخي إعزمنا >>>أدري أنا المفروض إلي أنسأل

قلت مرة انك مفروض تكون بالثالث ثانوي هالسنة.. شو صار.. لاني ما ادري...

هذي بسبب أخوي الكبير كان مقدم سنة فخارها بالدراسة ولما طلعت أنا وين بسوون غيضهم غير في البريء المسكين إلي هو (مستر أنا)-__-
وأخروني سنة عن الروضة !

شو الانميات اللي تطالعها حاليا...

كثيرة وبحاول أذكر أكثر إلي أذكره
bleach
Honey&Clover
Mahoraba~heartful Day~
Naruto
Yakitate Japan
My Hime
Law of Ueki
Tsukuyomi Moon Phase
Tsubasa Chronicle
Monster
أدري إنها وايد بس شو نسوي-__-

شو نوع الالعاب اللي تحب تلعبه... دمى ولا مسدسات ولا كورة.. لووول.. قصدي السوني لا تروح بعيد...

في السوني أحب ألعب الـRPG Action والـRPG ومرات مصارعة وسيارات ومغامرات ولكن من زمان ما لعبت شيء مع إنه إشتريت من قريب لعبة موساشي2

نخلي بقية الاسئلة لوقت ثاني...

ما أعتقد لينووه خلت شيء هههههههه>>>حلوة هالإبتسامة ولكن وين الأولية ()

Lena
لينوو-ساما

وش طموحك في المستقبل ..يعني الصورة الي تبي تكون فيها بعد كذا سنة اذ احيانا الله؟

طموحي أصير مبرمج وأسوي شيء محد سواه قبلي إن شاء الله

الحين انت بالثانوي طيب اي تخصص؟

علمي طبعا والسنة الياية ثانوية عامة YaaaY

اكلك المفضل شنو>.>؟

هممم مدري >.>
بس نقول أحب الوجبات السريعة والغريبة والشمام ههههههه

مطعمك المفضل ؟

ما أروح مطاعم لأنه ما عدنا غير (مطاعم هندية وكافتريات)-__-(ومطعم مندي بعد!!)
ونادرا ما أطلع من البلاد

بلدة تتمنى تزورها وليه؟

اليابان
وهذا الشيء من قبل ما أتعلق بالأنمي لأني أحب شي إسمه أجهزة وتطور وتكنولوجيا

هل عمرك سافرت برى؟ اذا ايه وين ؟ طيب اكثر من مرة ولا وحدة؟ اذا اكثر من مرة ايهم احلىوحدة؟

رحت العمرة 3 مرات وأحلاهم كانت مع المدرسة ويى ربعي
وصلالة حوالي 6 مرات وأحلاهم يوم سكنى إحنا وعيلة عمي في فندق واحد ونطلع مع بعض

اي نوع من الطبيعه تحب: بحرية..استوائيه..باردة..غبابات ومروج وانهار؟ الخ

أتوقع المروج والأنهار أحسها أريح والمناظر أحلى

حلم كان يروادك في الطفوله و الحين تضحك عليه؟

الذهاب إلى القمر (بصاروخ) >.>
والحين شككوني بإذا الإنسان وصل القمر ولا!

يومنك صغير كنت اي نوع من الاطفال..مشاكس..عدواني..لطيف وفي حاله..قيادي..مرح؟؟ >.>

فيه عدة مراحل فمرة كنت مشاكس وعدواني وطلعاتي مع ولد الجيران
ومرة بيتوتي ولطيف في حالة
ما أذكر أكثر من كذة في طفولتي-__-

do u like RPG's??

أكيد وهذي النوعية المفضلة عندي من الألعاب

اذا ايه وش المفضل عندك؟

Final Fantasy IX
الجزء التاسع من فاينل فانتسي أحلى لعبة لعبتها ..ذكريااااتT_T

تقرا كتب او جرايد او مجلات؟

أيوه خاصة الجرايد

اذا ايه وش هي الي تحب تقراه اكثر شي؟

يمكن المجلات الخاصة بالكمبيوتر

هل انت من الي يخططون للزواج مبكرا ولا شعاركم "نعم للعزوبيه والحريه"
يعني هل فيك رغبه لعيش مشاعر الزوج والاب والمسئوليه ولا عاجبتك الحياة كذا؟

للأسف أنا من النوع الأول (طقة أودن وربعه ههههXD )

سؤال غريب شوي ..بس تحس نفسك مع ابوك علاقتك اقوى ولا مع امك؟؟
"لانه غالبا الاولاد متعلقين بالام غالبا ولكن فيه البعض لا"

هممم يمكن علاقتي مع أبوي أقوى لأنه الوالدة من النوع العصبي@_@

عدد افراد عائلتك وانت ترتيبك وين منهم؟

عدد أخواني كلهم معي أنا وأخ من أم ثانية 10 وأنا السادس

عاد فيني اليوم اسئله كثيرة لكن مانبي نتعب العصفور باشا ^.^

زين حسيتي فيني ههههههه ما عليش سألي لين ما تنقلع عيني^^

THUNDER EMPEROR
أسألتك صعبة شوي P:

1 - ما هو الأنمي المفضل عندك ؟ وإيش رأيك بالأنمي GETBACKERS ؟

ما عندي أنمي مفضل محدد فكل أنمي له مميزاته وسلبياته وأنمي GETBACKERS ما شفته ولكن واحد من ربعي شافه ولكن ما مدحه وايد

2 - هل أنت من هواة الموسيقى ؟ وإذا كان الجواب بـ نعم إيش هو أفضل نوع ؟ وهل تسمع أغاني الـ TECHNO أو الـ TRANCE ؟

أنا مب من هواة الموسيقى ولكن أسمعها أحيانا فمالي بأنواعها وهالشغلات

3 - هل تعرف ظاهرة الـ DEJA VU ؟ وإذا تعرفها قد مرة صارتلك ؟

توني عرفت عنها من ربيعي وهي كلمة فرنسية ومعناها بالإنجليزي already seen
إستوت معاي كثير فوايد مواقف حسيتها إنها إستوت لي قبل بالضبط

4 - هل تعرف الدكتور طارق السويدان ؟ وإذا تعرفه إيش أفضل سلسله طلعها بالنسبه لك ؟

أكيد أعرفه ومن ما يعرفه ولكن ما عندي ولا سلسلة له للأسف بس أسمع عنه من ربعي مرات

وبس ... قليل صح ... أدري إن الأسئله متناقضه XD

إنتبهت لتناقض XD

Trapped Inside
محبوسوووو سؤالك خطير

حياتك الغراميه .. شلوووووووووووووووون xD ..

وجوابي أخطر
ما عندي حياة غرامية XD
بس أذكر لما كنت صغير صارت معاي شوي من هالسوالف الله لا يرجعها.. ترى لا تتوقع إنهم ردوني ههههXD

Angel whisper
أنجلوووووو وينك من زمان

*تضحك على آسفوه مقدما*

وأكيد ضحكة شريرة._.

شو رايك بالـ NaziMod?

أحسن مراقبة في الكون وأطيب وحدة
لا تصدقين
بس الصراحة ما نتخيل المنتدى من دون OUR NaziMod

NsaN
هلوو بنو آدم
إنت الوحيد إلي فاهمني لأنك إنذبحت بالأسئلة يايلي بسؤال وحيد

همممم...لو اضطريت تغير اسمك المستعار الحالي..شو بتختار؟؟

والله يبالها تفكييير عمييق
شو رايك بعصفور ولا ASFOO ولا TOGO طلعتهم بدون تفكير عميق
والله يوفقك وإذا عندك زيادة أسألة فلا تبخل علينا !

Rory
شكيت بإنه الأسأله كتب ومانجا ههههههههه

-شو رايك بالمانجا بشكل عام؟ تفضلها عالأنمي أو لا؟ أول مانجا قريتها؟ أحلى وحدة؟

أعتبر المانجا هي أساس الأنمي وأحسن طريقة تخليك تقرى& I Like it
وفي بعض المانجا تكون أحسن من الأنمي فلما يسوونها أنمي يطلع غلط!
ولكن إذا نقلت للأنمي صح فأفضل الأنمي طبعا..
أول مانجا يمكن كانت كمين شابتر من مارمالادا بوي
أحلى مانجا قريتها ما متأكد بس من إلي حبيتهم أكثر شيء Marmalade Boy,Death Note,Hana Yori Dango,Fruit Basket

-تحب تقرا القصص الطويلة؟ الـNovels يعني؟ إذا هيه شو أحلى شي قريته؟

للأسف ما جربت للحين أقري أي رواية لأنه ما عدنا مكاتب تبيع روايات ولكن أتوقع إنه إذا جربت بتعجبني..
وبجرب قريب إن شاء الله بعد ما أروح مكتبة جرير
وأريدج تنصحيني برواية معينة...

-أي إمارة تفضل غير إلي إنت ساكن فيها؟

مع إني ما أطلع من إمارتنا إلا نادرا ولكن أفضل مدينة دبي (بدون زحمتها)وبعديها الشارقة وأبوظبي
وبعدين أنا ما أفضل الإمارة إلي أنا ساكن فيها(الفجيرة) على أي إمارة ثانية >>>غير وطني XD

-أحلى أنمي من أنميات ها الموسم؟

طبعا Honey&Clover وموريتا إلي يشبه كاباماروP:

-لو قطوة دخلت بين حصى الفليل .. وكان شكلها كيوووت تلحقها تشوف وين سارت أو لا؟

ما فهمت شو معنى حصى الفليل
ولكن إذا كانت فعلا كيوت فبلحقها بلحقها

-على أي تخصص ناوي في الجامعة؟

ناوي إن شاء الله أطلب بعثة بتخصص IT

-الحين إنت بتدخل تشوف فيلم في السينما .. تاخذ شي وياك تاكله؟ إذا هيه شو تشتري؟

أول مرة أروح فيها السينما الإسبوع إلي طاف في الفجيرة>>>أدري مو معقولة
حضرت فيلم "زكي شان" ولما دخلت خذيت معاي بيبسي و Pop Corn ولكن إبتلشت فيه داخل (مع إني خلصته)
فأتوقع إذا رحت مرة ثانية آخذلي بيبسي وبس._.

إذا كنت يالس تسولف مع واحد امم ما تعرفه وايد أو متعرف عليه عن قريب .. ويا ربيعك وقالك كل الكلام إلي يقوله لك هذا جذب X جذب شو بتكون ردت فعلك؟ يعني عادي تكمل تسولف ولا كأنه مستوي شي؟

إستوتلي مرات وكانت ردة فعلي إني أكمل ولا كنه صار شيء ولكن طبعا ما اصدق إلي قاله لين ما أتأكد من واحد ثاني...

اممم .. ها إلي عندي الحين .. enjoy

إستمعت وااايد ههههههههXD
كنت أريد أسألج عن رايج بمانجا Hana Yori Dango ؟؟

شتاينر
هلااا بشتاينروو ترى سؤالك يباله قعدة وقهوة وشاي

.. طيب : شو مواصفات عروسة المستقبل بنظرك

والله كلهم طيبيبن بس أبي وحدة متفاهمة وراعية أخلاق وما في مانع إذا تلعب وياي Video Games
تبي الصراحة إحنا خلنا نعرس أي وحدة وبس J/K

*اسفوه وينك ليه للحين ماجيت <==سؤال متوهقة

يااي يااااي مسافة الطريق بس

*عصفور انت فيك جانب غامض...اقصد مب كثير تحب تبين شخصيتك في النت كثير
تحب بس تسولف وتضحك من دون ماتبين حياتك الصدقيه كيف...
اتخيل ولا انت فعلا تحاول تكون كذا؟

أنا زي الكتاب المفتوح*تعبير مجازي*ما فيني شيء مخبى(ما عدا شيئين أو ثلاث)
والدليل جاوبت لكم على كل هالأسئلة

*هل لك لقب او كنية ابو فلان؟ اذا ايه وش هي اذا ودك تقول...

أذكر ولد عمي قالي مرة Togo Mory وعلقت فيني للحين
بس أحب أسمعها لدرجة إنه في الصف لما ينادوني بإسمي ما أنتبه ولما يحشون فيني بإسم Togo أنتبه

*هل لك عيارة يومنك صغير
لاتقولها
بس ابي اعرف هل لك عياره معقدتك <===عندها عياره معقدتها

قصدك مثل "بيدو" إلي صارت لـ"نيدو" والحين ولد أخوي يناديني"عمي ويدو"

P.S: عيارة = طنزة got it?

الطنزة هذي يديدة هههههههه

*رقمك ولونك المفضل وليه؟

رقمي المفضل ما عندي بس نقول 23 على يوم ميلادي
ولوني المفضل البنفسجي don't know the reason

*لك هواية معينه او قدرة تتميز فيها؟ مثلا رسم طبخ كتابه صوت اي شي يجي ببالك لان كل انسان لازم يتميز بشي معين سبحان الله مب لازم من الي قلتهم

يمكن قدرتي هي الفهم والحفظ والتعلم بسرعة في الدراسة لأنه أعرف ربعي يذاكرون أكثر مني وأنا درجاتي أكثر

*تحب عيادة الاسنان؟ هل عندك عقد منها..مثلا صوت حفر الضرس وحشوه...او مثلا حشو العصب

ومن يحبها...أنا عندي ضرس يباله حشوه بس مستحيل أروح (آخر مرة كانت من سنيين)

*تلبس نظارات؟<==سؤال لازم منه

الحين ألبسها مرات فما أحتاجها إلا بالمدرسة ولا ما بشوف الصبورة-__-

*انت من النوع الي تكتفي بصديق واحد مقرب او اثنين...ولا تحب يكون لك شله كبيره

أكتفي بصديق واحد مقرب ولكن في الطلعات نكون شله كبيرة

*من النوع الي تحب لبس الثوب ولا البدلات اكثر؟

البدلات ألبسها نادرا فأفضل ألبس الثوب

*لعبتك المفضله يومنك طفل...ماقصد لعب كمبيوتر اقصد toys

ما كانت عندي لعبة مفضلة لأنه دايما ألعب في حوش البيت على ما أذكر._.

يلا بث
see cat magic is good

Very Very Good @__@

Alexel
صوعالين بس والله مليون شكر

من وين جاتك التسميه "عصفور"؟؟

هذا من الطيب الحبوب Yamato من تأليفه الخاص

وكيف تقضي وقتك هالايام تدري مع الاجازه ؟؟

رقاد..نت..طلعة
ولكن قريب بتبدي الدورة وبيتغير جدولي الخطير
smigle
الأخ ميستاكا مسافر
المهم أنا الحين في يدكم وإذا عندك سؤال لا تسأل>.>

أظني خلصت
وإذا في أي جواب معفوس فعليكم بلينا كثرت علي أسألة وخلتني أخرفXD

[Snake Eyes]

هلا والله بعصفوريفر
نبدأ
1-فلمك المفضل أو ايش الفلم اللي عجبك جدا
2-ايش سار في اربك دارك جروب؟؟؟
3-متى حتجي جدة؟؟؟
4- عمرك دخلت اختبار وانت ما فتحت الكتاب؟؟>>>دايما اسويها^^أو تقدر تقول ذاتس مي
5-ايش سيارتك او اللي تبغاها؟
6-انت دايل اب ولا دي اس ال؟
7-رأيك الصريح في حبيب الالب اوروتشي؟
ولسا القادم مذهل

[Rory]

للأسف ما جربت للحين أقري أي رواية لأنه ما عدنا مكاتب تبيع روايات ولكن أتوقع إنه إذا جربت بتعجبني..
وبجرب قريب إن شاء الله بعد ما أروح مكتبة جرير
وأريدج تنصحيني برواية معينة..

يعني عندك إستعداد وناوي تقرا روايات! لا شكلك بتتدمن بعدين
نو بروبلييم .. ! عندي recommendations وايد بس لازم أعرف أول على أي نوع إنت تميل ..
عطنا خبر قبل ما تسير المكتبة

طبعا Honey&Clover وموريتا إلي يشبه كاباماروP:

ترووووو!!
الحين عقب ما شفت الحلقة الثامنة .. my faith in anime has been refreshed
وعرفت الحين ليش أفضل الأنمي على وايد أفلام و مسلسلات أجنبية ..
seriously .. عندي حق أكون an anime nerd =3
قلبي يتقطع على Ayu T__T ..
و ودي أكفخ Mayama كم طراق .. بس بعدين يوم أشوفه يتكلم عن Reeeika إهيء .. يكسر خاطري ~__~
و Morita يفطسني من الضحك .. و Hagu نفس الشي ..

ما فهمت شو معنى حصى الفليل
ولكن إذا كانت فعلا كيوت فبلحقها بلحقها

حصى = حصى .. اممم الفليل يعني مب الصبح الفليل .. في الليل؟ يب يب .. I think
وههههههههههه على الجواب

كنت أريد أسألج عن رايج بمانجا Hana Yori Dango ؟؟

ليش تسألني إنت ممنوع تسأل لازم إحنا بس نسأل
أمزح ..
Hana Yori Dango!
كانت أول مانجا أقراها كاملة .. امم مادري يمكن الثانية ياهي يا Hana-Kimi ما أذكر ..
المهم المانجا توب طبعا وايد حلوة! وخاصة يوم تلاحظ كيف المانجاكا تطورت في الرسم في الفوليومات! يعني وييين يوم أقارن بين الصفحة الأولى من المانجا والصفحات الأخيرة XD والقصة روعة .. طبعا ما تتقارن مع الأنمي ماله .. ما عيبني أبدا وياله قدرت أخلصه كله .. المانجا أحلى بوايد .. أعطي المانجا 9 من 10!

هممم .. الحين لازم أطلع لك كم سؤال زيادة


-آخر فيلم شفته؟ تقييمك له؟
-منو قدوتك في البيت؟
-PS ولا PS2?
-أحسن شخصية من شخصيات فاينل فانتسي؟
-تحب المشروبات الغازية؟ إذا هيه شو تفضل؟
-المشروبات الساخنة؟ وشو المفضل؟