جني جني صورة جني !!

[ANIMEX]

هذي الصورة أنتشرت من زمان مثل ما قال....لكنها مو عدله ملعوب فيها و الصورة موجوده في الجهاز إذا تبغوني احطها هنا بحطها قصدها كسب المال و ناس واجد قالو يعرفو أهل الي صور الجني لكن بالأصل مجرد كلام و الدلائل ما تكفي علشان الواجد يصدق خصوصياً أن فيه أكثر من صوره للجن و غيرها و الأكثرية ملعوب فيها و البعض متقن 100% صحيح أن الصورة قديمه لكن الي سواها طلع فلوسها.....لا تروح بعيد UFO هم نفس السالفة ناس يخترعو صور و غيرها من الخرابيط بس علشان الفلوس أو الشهره.....طبعا و الأكثرية ما عندهم دليل أبدا غير الصورة....أنا عندي صور إذا تبغوني أحطها هنا راح أحطها..!؟

مع العلم بوجود الجن و فيه قصص حقيقيه و جن يظهرون على أشكال وغيرها......

نسيت أقول شي...الصورة الي تتكلمو عنها موجوده في العالم كله حاليا واجد الي يعرفوها و عندهم قصص عنها غريبه و كل واحد يحلف بقصته بأنه هو المحق.....يعني ما شاء الله على سالفة هذي الصوره

ليش نتعب حالنا و ندور على جني.....عندنا جني هنا...لا وجني رسام بعد

وأشكركم على الموضوع الحلو

[SolidSnake85]

هو صح كلامك أخوي روايه...السالفة جديييييييييمة....الحين صارت السالفة قبل عشر سنين مب سبع .....بس أخو ربيع ربيع ساجاس(كما أظن)كان عنده النسخه الأصلية... يمكن هو نفس الريال اللي تطريه...وعندي الصورة في الجهاز....وأنا مصدق السالفة50.9998 %ومكذبنها49.1112%.....يعني محد يدري ...يمكن صدج يمكن كذب.. بس أنا أؤمن بظهور الجن وبعدة أشكال ومريعة أيضا....اقرو موضوع الجني الرسام....والله ماقصر....بتلقون كل اللي تبون تعرفونه عن الجن...مع الأدلة
بعدين صح كلام أنيميكس...

ليش نتعب حالنا و ندور على جني.....عندنا جني هنا...لا وجني رسام بعد

[habash1986]

وين الصورة

[أميرة الخيال]

وين الصورة مو راضية تطلع

[shaheen]

صورة الجني اظن هي نفسها اللي في بالي

بصراحة انا مصدق انه جني بس الجن انواع.... يعني مثل مانشوف في الانمي شياطين وعفاريت وفامبايرز الخ....

واتذكر اول ماشفته ارتعبت ...
لأن من خبرتي في الافلام المرعبة اعرف كيف يعملون الوحوش والخ لكن هذا متناسق بشكل رهيب وتحس انه مثل الانسان بس ممسوخ... واطرافه تساعده على التمسك بجدران وأسقف الكهوف (متأقلم) وعيونه حمرررررررر وشكله مزعوج من الفلاش... سبحان الله


كانت عندي الصورة واضحة ياريت احصل الصورة مرة ثانية.

[ANIMEX]

تفضلوا صورة الجني.....لا وشكله يستعرض عضلات

[Sparta Ghost]

شاهين

بصراحة انا مصدق انه جني

وأنا مثلك تماماً ...هذه فعلا الصورة اللى مصدق انها حقيقية ...مادري ليش ..

هذا متناسق بشكل رهيب وتحس انه مثل الانسان بس ممسوخ... واطرافه تساعده على التمسك بجدران وأسقف الكهوف (متأقلم) وعيونه حمرررررررر وشكله مزعوج من الفلاش... سبحان الله

نفس ملاحظاتي اللي قلتها ..عندما رأيت الصورة ..ما عدا العيون الحمررره فأظن أن الجن عيونها من الأصل حمره

ليش نتعب حالنا و ندور على جني.....عندنا جني هنا...لا وجني رسام بعد

....



ملاحظة ..ترى الموضوع قديمة جدا جدا جدا ..ومغبرة ..بس أنا طلعته ونظفت الغبار اللي عليه ..


وهذا تاريخ الموضوع 12-10-2001 12:56 AM
لا تستغربوا

[orange road]

الله يغربل بليسكم...
ليش مطلع الحين الموضوع يالجني الرسام.. مب حرام عليك :vereymad:

ترى هالصورة انا بعد مؤمنة انها حقيقية...
مثل ما قال شاهين...

غير اني قريت عن مواصفات الجن وشلون اشكالهم...
وهالصورة منطبق عليها الكلام اللي قريته بشكل كبير...
يعني ما اصدق انها مركبة..

[BOiND]

شكل الجني كيوت على الاخر

[Sparta Ghost]

الله يغربل بليسكم...
ليش مطلع الحين الموضوع يالجني الرسام.. مب حرام عليك :vereymad:

خلاص إذا انت شاكه في الصوره او شئ ...
ممكن أرسلك اليوم جني أو اثنين تشوفيهم وتتأكدي عدل منهم ..
ترى أنا فرحان برواية لأنه حط هذا الموضوع ..

[أميرة الخيال]

الحين اشلون أناااااااااااااااااااااام

[ANIMEX]

احتمال يكون مجسم صغير....وصوروه بكاميرا مثل الألعاب و غيرها هذا احتمال كبير وحتى لو كانت قديمه هذا الشي مو صعب على فنان محترف....
واحيانا هذي الأشياء تكون من صنع الأفلام مثلا....يقوم المخرج بجمع مجموعه من الفنانين و يخبرهم بأنه يبغى جنى أو وحش أو غيره, طبعا كل فنان بيسوي الي في راسه و راح ياخذون واحد أو اثنين و الباقي في الزبالة أحيانا الفنانين ياخذو الموديلات الي ما استعملوها و يروحو يسوون بها حاجات و خرابيط مثل هذا الجني يصوروه أو يسوو أي شي لأن كل شي متوفر عندهم من أدوات مثل ما نشوف في الأفلام أنا قابلت واحد على البالتوك وقال لي أن بعضهم يسوو كذى و راويته الصوره و قال لي أنه شافها من قبل بس ما يدري عن حقيقتها هل هي ملعوب فيها أو لا...طبعا لما سألته ليش تسوي كذى وقال : "Just for fun" طبعا الحجي هذا متقاعد من زمان و عمره كبير...

وهذي الصوره في أعتقادي يمكن منهم....

الجني الرسام أنا أدري عن هذا الموضوع أنه قديم بس مادام أنك نظفته من الغبار لفت أنتباهي مثل هذا الموضوع الغريب و جيت أشارك

أميرة الخيال : الحين تقولين وين الصورة؟؟...وآخرتها كيف تنامين...ههههههههههه.. ..بصراحة أنتي جريئه و إذا شفتي جني أشتكي على الجني الرسام

[Sparta Ghost]

الحين اشلون أناااااااااااااااااااااام

استعيدي بالله من الجن الخبثاء فقط ونامي ...

و إذا شفتي جني أشتكي على الجني الرسام

اقبل جميع شكواكم ...وأنصح الجني اللي طلع لكم ..

[-][HaNa Sun][-]

موضوع جديييييييييييم

السالفة إنتشرت بشكل كبير....و أتوقع إنها صحيحة 90%..لأن راس الخيمة ماشاالله ثجيلة و الإمارات الشمالية بشكل عام إسألوا مجرب

الجني شكله كيووت كانه ماالانيمي..شوفوا عينه بس :mischievo ..أحس عالم بدون جن كيف بيكون...مابيكون هناك أي مغامرات :embarasse

و اظن ان الصورة حقيقة..ANIMEX ..يحليله الولد مات و هو يصور هاي الصورة و لين الحين ما اتصدقون هاي السالفة..

[ANIMEX]

على هذي الصورة سمعت اكثر من سالفه و كل واحد يقول إذا ما تصدق تعال هنا وهنا....
سمعتها في الأحساء و امريكا و الحين راس الخيمه.....ما يندرى وين بتطلع بعد...
وعلى فكرة سالفة الأحساء نفس سالفتكم و يقولون لي ان ابوه موجود في الاحساء و الامريكي يقول لي واحد من ربعه صوره و إذا ما تصدق تعال بيراويني النغتف علشان اصدق....والثاني يقول ان هذي الصوره طلعت عند واحد كان يصور مناظر طيعيه و فجأه طلعت هذي الصوره عنده.....سواليف ما تخلص...

الي مو مرتاح منه ليش ما سمعنا عنه في الاخبار او البرامج التلفزيونيه او دخيل الله منظمه حق هذي الحاجات.....
المصادر كلها من الناس و البريد الالكتروني فقط لا غير...مع ان الصورة مشهورة حدها يعني لازم نسمع عنها عن طريق البرامج او الاخبار او مواقع متخصصه عن هذا الشي...

انا ما اقول انه ما فيه جن....بس كثره الكلام على هذي الصوره و القصص المختلفه يعني كل واحد ينسبها لمكانه أو لشي قريب منه (( ما اقصدكم لأنكم غاليين علي ))

يعني لو وجدت شئ مفقود و سألوك عنه شخصين و اثنينهم عطوك نفس المواصفات و هي صحيحه بس طريقه فقدانه مختلفه تعطيه لمن؟؟؟

الي ابغى اوصله أن القصص عن الصورة واجد و في كل مكان تقريبا ما تدري من الصح و من الغلط