الصداقة .... اليوم

[احلامو ادوماتو]

لا اوافق..
انا يمكن آخر وحده المفروض تتكلم عن الصداقه نظرا لاني ما صادقت حد لـ16 سنة من عمري ..
فعلا اللي عرفتهم كلهم خلال هالفترة كنو اصدقاء مصالح دراسية في العادة..
ولهالسبب كرهت الصداقة وغيرها وفضلت اني استوحد عن اني اصادق ناس عشان المصالح ..
بس يوم دخلت الكلية تعرفت على بنتين ما شاء الله عليهم .. ولا احسن ..
يعني لا بانهم يبغون مني شي ولا انا ابغي منهم شي غير انهم يكونون صديقاتي
والحين من عرفتهم من ثلاث سنين ما استوت بيننا اي مشاكل او اي شي من هالقبيل الحمدلله ..
وما في اي مصالح ممكن الوحده منا تكون تبغيها من الثانيه ..
كفاية عندي اني اقدر اكون "انا" جدامهم بدون ما يحسون اني freak of nature او اي شي . . واني اقدر اعتمد عليهم واني افضفضلهم .. واني اردلهم يوم اني احتاجهم ..
وان عارضت بطردك
تعيش الديموقراطية تعيش

تهيء تهيء تهيء <<<<يقاله يبكي

بأعارض و اكون "مطرود الحووووووورية"

=-=-=-=-=-=-=-=-=-=-=-=-=-=--=-=-=-=-=-=-

انتي بنفسك اثبتي كلامي ...

كنتي محتاجة لصاحبة تفضضفضين لها ، صاحبة تفهمك

هذي انا اسميها " الحاجة العاطفية" او نقدر نسميها "المصلحة العاطفية"

صحيح ما هي مصلحة "مادية" لكن "حتى العواطف" يمكن وضعها تحت خانة "المصلحة"

يمكن يحس البعض "بالمغص" عندما يتم النظر للعواطف على انها اشياء "كالمادة" لكن في النهاية لا أراها الا اشياء يحتاجها الانسان

وصديق "المصلحة العاطفية" ليس افضل من "صديق المصلحة المادية" لكنه اكثر ندرة و اقل وجودا

لصعوبة ايجاد شخص يمكنه ان "يفهمك"

يعني بالفصيح ، صديق العاطفة و صديق المادة مثلهم مثل الالماس و الحديد ، الاول نادر لذلك غالي ، الثاني موجود في كل مكان ومع كل منعطف من طريق الحياة فهو رخيص ...

=-=-=-=-=-=-=-=-=-=-=-=-=-=-=-=-=-=-=-=-=-

ما شاء الله عليك لقيتي صاحبتين ، انا عندي واحد بس يعرف كل شي يخصني

اما بقية الاصحاب ، فهم زملاء لا اكثر ، تنتهي العلاقة بانتهاء الفترة الزمنية المعينة لهذي الزمالة ...

[Angel whisper]

تهيء تهيء تهيء <<<<يقاله يبكي

بأعارض و اكون "مطرود الحووووووورية"

=-=-=-=-=-=-=-=-=-=-=-=-=-=--=-=-=-=-=-=-

انتي بنفسك اثبتي كلامي ...

كنتي محتاجة لصاحبة تفضضفضين لها ، صاحبة تفهمك

هذي انا اسميها " الحاجة العاطفية" او نقدر نسميها "المصلحة العاطفية"

صحيح ما هي مصلحة "مادية" لكن "حتى العواطف" يمكن وضعها تحت خانة "المصلحة"

يمكن يحس البعض "بالمغص" عندما يتم النظر للعواطف على انها اشياء "كالمادة" لكن في النهاية لا أراها الا اشياء يحتاجها الانسان

وصديق "المصلحة العاطفية" ليس افضل من "صديق المصلحة المادية" لكنه اكثر ندرة و اقل وجودا

لصعوبة ايجاد شخص يمكنه ان "يفهمك"

يعني بالفصيح ، صديق العاطفة و صديق المادة مثلهم مثل الالماس و الحديد ، الاول نادر لذلك غالي ، الثاني موجود في كل مكان ومع كل منعطف من طريق الحياة فهو رخيص ...

ههههههههههههههه يحليلك
اوكي انا تقريبا اوافقك
بس الواحد ليش يصادق؟
الواحد يدورله صديق لانه محتاج لشخص يرتاحله ويفهمه ويفضفضله ..
هذا سبب الصداقة -برايي-
اي شي "مادي" انبنت عليه الصداقة يخليها صداقة مصلحة على طول ..
فهالحاجه المعنويه ما اعتبرها انا مصلحه .. هي حاجة وهي السبب اللي يخلي الواحد يدورله صديق ..

اما بقية الاصحاب ، فهم زملاء لا اكثر ، تنتهي العلاقة بانتهاء الفترة الزمنية المعينة لهذي الزمالة ...

same here~

[الخيال]

بخصوص الأنواع الثلاثة التي وضعتها : صديق المصلحة ،صديق لا يكتم الأسرار ، صديق ( موزع ذنوب ") .
ترى كلهم ماينقال عنهم أصدقاء ...
بصراحه أنا واجهت الأصناف الثلاثة هذه كلها ، لكن الحمد الله تركتهم لكن بعد إيش -__-
فيه شخص تعرفت عليه في المنطقه الشرقيه وصرنا أصدقاء ، شخص يقدر بذهب وألماس والله
وفيه ناس والله ماتقدر حتى بسن توب ، حتى السن توب والله غالي عليهم نذااااااااااله بشكل و ورعنه ولو الذبح حلال فيهم كان ذبحتهم ، ياما وياما عانيت منهم تخيلوا يجيك شخص ويحرجك أمام الكل بسر كنت كتمته له آآآآآآآآآآآآخ بس ، هذا موقف صار معي مع ابن .... شاف عندي جوال زايد وطلبه مني لمدة أسبوع أنا أعطيته إياه وماكنت محتاج الجهاز ذاك الوقت ، ومر اسبوع ومر الثاني وانا ماتكلمت معاه قلت يمكن ماتسهلت أموره ، عاد في الاسبوع الثالث إتصل علي واحد من الشباب يشتغل في محل جوالات وقال لي : إنت أرسلت فلان يبيع جوالك ! _ ! .... أنا انصدمت ، تخيلوا عاد ... أعتذر إذا كثرت كلام بس والله من القهر تكلمت

[][-][Mr.ZeNoN][-][]

بخصوص الأنواع الثلاثة التي وضعتها : صديق المصلحة ،صديق لا يكتم الأسرار ، صديق ( موزع ذنوب ") .
ترى كلهم ماينقال عنهم أصدقاء ...
بصراحه أنا واجهت الأصناف الثلاثة هذه كلها ، لكن الحمد الله تركتهم لكن بعد إيش -__-
فيه شخص تعرفت عليه في المنطقه الشرقيه وصرنا أصدقاء ، شخص يقدر بذهب وألماس والله
وفيه ناس والله ماتقدر حتى بسن توب ، حتى السن توب والله غالي عليهم نذااااااااااله بشكل و ورعنه ولو الذبح حلال فيهم كان ذبحتهم ، ياما وياما عانيت منهم تخيلوا يجيك شخص ويحرجك أمام الكل بسر كنت كتمته له آآآآآآآآآآآآخ بس ، هذا موقف صار معي مع ابن .... شاف عندي جوال زايد وطلبه مني لمدة أسبوع أنا أعطيته إياه وماكنت محتاج الجهاز ذاك الوقت ، ومر اسبوع ومر الثاني وانا ماتكلمت معاه قلت يمكن ماتسهلت أموره ، عاد في الاسبوع الثالث إتصل علي واحد من الشباب يشتغل في محل جوالات وقال لي : إنت أرسلت فلان يبيع جوالك ! _ ! .... أنا انصدمت ، تخيلوا عاد ... أعتذر إذا كثرت كلام بس والله من القهر تكلمت

إحمد ربك إنه باع جوالك في محل معروف

أنت ماسمعت أيام الطفرة سنة 2003 كنت طفران جدا وواحد أعرفه بس ((قمة النذال)) وصدقني مايعرف وشو الخير؟؟؟

واحد نذل بمعني الكلمة ((حتى إنه سرق كل ريال من باكستانية تبع علك باطوق وأخذ منها بالقوة :vereymad: )) بس مرة عزمني على ساعة بمقهى إنترنت قال على حسابي!! ولعبنا تقريبا 7 ساعات!!

ولما جا وقت الدفع ألاقيه هرب @__@ !! آخرتها تورطت مع المحاسب بدين 70 ريال وكنت طفران ذيك الساعة وهو عارف إني طفران بس يحب يورط إبن الـ**** :vereymad:

لا بعد مسوي شكله مسكين ويسكر الخاطر :vereymad:

[الخيال]

إحمد ربك إنه باع جوالك في محل معروف

والله من دلاخته الزايده ، مايعرف إني أعرف صاحب المحل

عسى الله يغفر لنا .
وعلى فكره كم سومك بالرقم المميز ^_^

[Lena]

الحمدلله هالصداقه الي كنت احلم فيها ومكنت اتوقع القاها مثلكم..لقيتها بالجامعة..
صديقات لو يقدرون يشيلوني ويخافون اطيح منهم ياحبيلهم بس وربي يحفظهم..
اعذرهم ويعذورني..ويكفي اشوف الحب بعيونهم..طبقنا معا الصداقه صح..صداقه الروح..مب صدقاه المصالح ولا صداقه الوناسة او حب التملك..هم ثنتين بس..

لكن تحولت صداقتنا الى صداقة تعور القلب وهو نوع جديد احب اضيفه لقائمتك..T_T

وهي الي لما اخيرا تلقى the perfect friend تحدك الظروف تفترق عنه..
وكوني بنت بالسعودية واهلي محافظين..
فما اطلع ولا ادخل معهم وما فيه الا تلفونات بالموت وغصب غصب تخف قوة الصداقه..
سبحان الله القرب الجسدي للصديق والعيشة معاه يوم بيوم لها دور كبيييييييييير...

لكن الحمدلله الحب لسى بالقلب T_T


nothing is pefrect in this world =P

[][-][Mr.ZeNoN][-][]

والله من دلاخته الزايده ، مايعرف إني أعرف صاحب المحل

عسى الله يغفر لنا .
وعلى فكره كم سومك بالرقم المميز ^_^

والله إذا الرقم المميز شوي يعني مميز برقم ولا رقمين عندي يسوى 200 من 350 ريال

وإذا رقم جامد مثلا ((مثلا..يعني مو رقم شخص )) 050008887 هاذي أعطي عليها 1000 ريال..

بس فيه ناس هبلة تبيع وتشتري من 7 من 8 آلاف وبالآلاف تشتري

وإن شاء الله رقمك يجيب سعر...

[الخيال]

هههههههههههههههههههه
يابن الحلال انت راح بالك بعيد .... أنا أقصد الي في توقيعك ^_^

[][-][Mr.ZeNoN][-][]

أهااااا قصدك إللي بتوقيعي

سعرها عضوية واحدة فقط بس مشرف كل منتديات السيارات ^____^ إذا عندك متفقين

[عبودي]

لكن تحولت صداقتنا الى صداقة تعور القلب وهو نوع جديد احب اضيفه لقائمتك..T_T

الله يحمينا منها
----------------

سبحان الله القرب الجسدي للصديق والعيشة معاه يوم بيوم لها دور كبيييييييييير...

أسأل مجرب .

كان عندي اصدقاء لكن سافرو و ما سمعنا عنهم خبر من كم سنه و شفت واحد هالسنة ولكنة مر علي كنه ما يعرفني ... هانت عليه العشرة خخخخخخخ



--------------------------------------------
بس ما صارت عنندنا صديق يصرق ربيعه
هه
بس اتصلات بلا
يعني شلتنا تستخدم تلفون ولد خالي المسكين الانه خط
والفاتورة تنقع 400 درهم . مسكين لكن الحين ( عطاهم بالويه محد يستعمل إلا تلفونة )

مرة واحد شل تلفوني و قد يرمس له 15 ساعه و انا مدري
0_o

[BOOOB_2002]

الصداقة مثل البطاطا


أمزح


والله تلقى اصداقء أوفياء وخصوصا اللي درست معهم في ايام المدرسة فقط لا غير هو 3 اصدقاء ما نختلف ابدا واذا حصل يمر الأمر بشكل عادي يعني اكثر من اخوان ..

لكن صعب تحصل اصدقاء اوفياء بعد ما تصير كبير صداقة الطفولة برأي تكون قوية ..

[Mada Mada Dane]

ياحظي وش عندي علشان يصادقوني مصلحة ؟ ^^

الحمدلله, عندي ربع وأجزم إنهم مو مصادقيني لمصلحة, أو مفسدة @_@ الحمدلله لوول

ربع الإنترنت, والي مااعتبرهم اصدقاء عبر الانترنت لان العلاقة تطورت تلفونات ومقابلات. . .
اصدقائي الي مقابلهم كل يوم , كل يوم معهم حبوبين ويحليلهم . . .
ربع الطفولة, يحليلهم بعد كل يومين اشوفهم . . .
عيال خالي وخالاتي وخصوصا واحد منهم, ليسوا مجرد عيال خالة, بل و أكثر ! . . .
أعرف 2 مطاوعة ربع ولد خالي, على اني قليل أشوفهم إلا إني أعزهم بشكل ! +_+ يحليلهم بعد . . .

وأعرف ناس مصلحة, دشر @_@ مااحتك فيهم رغم اني اشوفهم كثير, لكن الي بيني وبينهم سلام وكيف الحال ^^

الأربعاء هذا عندي طلعتين, وحدة مع أبوي وربعة نروح " نحدق " نصيد سمك
والثانية ربعي يبوني أروح معهم البر @_@ ماادري وش اختار =______=

[ortiga]

لا صداقة في هذا الزمن

[Yamato]

لا صداقة في هذا الزمن

وانت عايش للحين يا باشا

[][-][Mr.ZeNoN][-][]

نادا مادا <<من كثر ماضحكت على نفسي مامسحتها ..

مادا مادا من الحين أباركك على مشاركتك الـ2000 ^__^