يا جماعه الاكس بوكس وصل الكويت والسعر ..... شيء مو معقول !!

[Yusuke Urameshi]

مرحبا

الوكالة الاسيويه تبيعه على 450 دينار مع ثلاث اشرطه بصراحه انا لم كنت في لندن بشهر تسعه كنت في متجر HMV و كان باب الطلبات مفتوح و السعر كان 279.99 جنيه استرليني طبعأ باب الطلبات مفتوح لين يصدرونه في 2 ديسمبر بس حسافه كان ودي اطلب لكن خفت ان ما يوصلون للكويت احسن شي الواحد يطلب من النت بس المشكله كل المواقع مخلصه من عندهم الاجهزه فا مشكله كبيره قالي واحد يشتغل في جيم سنتر انطر على الجهاز شهر و راح ينزل سعره 160 دينار نصبر و نشوف يالله مشكورين

[zoro1412]

السلام عليكم

اشكركم يا اخواني الكرام على الردود الطيبه

طبعا السعر وصلني قبل كم يوم يقولون ان سعره 210-220 دينار مع لعبه واحد على ما اعتقد مثل ما اخبرني احد الاصدقاء

على كل حال حبيت اعرف هل ممكن ان يوجد الجهاز يباع بمفرده سواء من المحلات في الخليج العربي او من الانرتنت ؟؟
لاني مو متأكد من معلومه قالها لى احد الاخوه يقول ان شره الجهاز 130 دينار كويتي من الامارات هل حقا سعره في الامارات هاكذا ؟؟

وشكرا يا اخوان

[yas10ser]

جيم سنتر متى يوصل عنده اكس بوكس
أحد عنده خبر ؟

مع اني حجزت جهاز من محل جيم ستيشن
بس الله يستر عالسعر

[barca-ps3]

شباب ليش انتو مستعجلين ؟!

لا احد يستعجل .. شنو اللي بفرق معاكم اذا اخذتوها الحين ولا بعد 3 اشهر ؟!

يعني تو الناس على الالعاب الحلوه .. لان ماكو ولا لعبه تستاهل ليلحين على الاكس بوكس360 .. !

إذا انت مهدف على الاكس 360 انطرها لما تنزل البليستيشن 3 << صحيح انها بعد اربع اشهر على الاقل بس مو مشكله ..
لأن السعر راح ينزل

حالها حال التليفونات .. اول ما ينزل سعره غالي واذا نزل جهاز احسن منه ينزل سعره .. ! :naughty2: << لوووول

هذي نصيحه وانتو كيفكم

[ocelot]

قوه شباب

انا اليوم رحت الرحاب ويا واحد من الربع شريت call of duty2 على الكمبيوتر

المهم جان اقول حق رفيجي خل نسئل جم سعرها وكانت الساعه 9.44 (حافظ الوقت عدل )

ودشيت محل النصاب===> عارفينه طبعا

المهم جم اكس بوكس اليديده................................

.............................................................................................

400 دينار مع شريطين

رفيجي قال انت اكيد تنكت جان يقول هذا سعره

شسالفه انا ايبلي تلفزيون سونى بلازما احسلي

وبعدين انا قارئ بهالمنتدى انه نسخه جهاز الاكس بوكس (تسحك=تخمش=تشخبط=تؤذي ال سي دي ).. عشان تفهمووون...

وبعدين شسالفه 400 دينار شالمصخره:mad22:

اطلبها بره احسلي تطلع يمكن 170 دينار وخمس اشرطه او سته طاع الفرق حبيبي والله حاله

فتحله محل خلاص قام يحط اسعار على كيفه ومنو الي مصدق يروح يشتري 400دينار

اذا تلفون اي عادي( لا اتغشمر محد يصدق )

والله حاله

انا صراحه شريت جهاز البلاي ستيشن بسعر 210

بس ماني قاط اربعميه لاعلى سوني ولا اكس بوكس ولا غيره...

ياجماعه علموا وزاره التجاره خل يعلمونهم الشغل

[yas10ser]

اكس بوكس على 400 دينار وايد غالي

الظاهر اني بكنسل حجزي من جيم ستيشن

بس عندي سؤال
اذا طلبته من النت اشلون على المحول
يعني الجهاز اول مايوصل عندي على طول اشغله ولا لازم احوله الى 220 فولت ؟

[ShRsHr]

وتخيلووو اقوله جم قطعه بعت يقولي اربع قطع منو هل مفغل الي شترا بهل سعر

شباب مو ناقص يحطون سعر الجهاز ويحطون يمه شعار بنك الوطني والتمويل بالاقساط الميسره لوووول والله انا عن نفسي افنقش ولا اشتري الجهاز بهل سعر اقوول ركدو شوي ولحد يصير ملقووف

[Lord of Shadows]

- كيف السعر يوصل 400 دينار السعر فى إنجلترا بالقرص الصلب 279 جنيه إسترلينى بس -
- إنت شكلك إتخدعت أخى -
- أنا إشتريته من أمريكا ب 399 دولاربس وكان مع كل الكماليات -

[yas10ser]

يا شباب الي يروحون الرحاب

منو يعرف محل يبيع اكس بوكس و موجود عنده حاليا ؟

[X11]

في دبي ب 4500 درهم مع 5 العاب لاكن المحل كان جايب عشر قطع وكلها انباعت

يعني لو بدون الالعاب راح يكون ب 3000 تقريبا

3 او 4 ايام و راح يجيبون دفعه جديده والسعر راح يكون ارخص

ونصيحه لا حد يستعجل

الجهاز راح يرخص بسرعه بس انتو طولو بالكم

[twetwe]

مرحبا أنا واحد أشتريت xbox360 4500 درهم دفعت المابلق بتوصني يوم الأحد

[zoro1412]

السلام عليكم

بالنسبه لك يا اخي yas10ser راح تشغل الاكس بوكس 360 مثل ما شغلت الاكس بوكس الموجود حاليا يعني يجتاج الى محول بعتبار ان الجهاز امريكي اما اذا ياباني على ما اعتقد يكون دايركت مثل السوني الياباني

بستثناء الجيم اكيوب على الرغب من انه ياباني اله انه جهاز لا يصيرف كهربه بشكل كثير لانه على ما اعتقد الفولت اقل من 50 فمن جذي تحتاج محولين هذا بالنسبه للجيم اكيوب الياباني

الخلاصه اذا بتشتري الاكس بوكس امريكي وانت من اهل الخليج بشكل عام اكيد تحتاج محول


اما بخصوص السعر يا اخوان هو سعره في الخارج مو اقل من 180 دينار لانه الى يباع في الخارج يباع على شكل بكج انا اعني الى تشتريه من النت طبعا امزون ما يبيعه موقع ebgames يبيعه واعلى سعر عنده هو 210

طبعا لو كان سعره اهني 250-280 لقلنا جدلا يمكن شرائه بحكم ان الجهاز متوفر امامك ولا داعي لان تطلبه انت من النت وتعور راسك اما اما هذا الاستغلال الجامح الذي يستغلونه اصحاب المحلات يجعلنا نحن العقلاء نتريث قليلا علما بان الجهاز حقيقتا حتي لو انتظرنا الى سنتين الى الامام لا يوجد داعي لشرائخ بتعبار ان بعض الالعاب على الجهاز الاكس بوكس الحالي سوف تنزل نفسها على الاكس بوكس الجديد ولكن شرائه هو كنوع من التجديد فقط لا اكثر

انا بعتقادي اكبر غلط ارتكبته مايكروسوفت انها اطلقت جهازها بشكل سريع لم تجعل لسلفه باخذ فتره ليثبت فيها وجوده الفعلي

هذا والسلا عليكم ورحمة الله وبركاته

[yas10ser]

شنو الفرق بين الجهاز J-NTSC و الامريكي ؟

و هل العاب الامريكيه تشتغل على الجهاز الياباني يعني J-NTSC ؟

[NGC]

يا جماعة اصبرو للسنة الجاية ولا تتسرعون ... لأنه إحتمال مايكروسوفت راح تزود الأجهزة بـ HD-DVD في نص السنة الجاية بسبب نزول البلاي 3 في الربيع

[zoro1412]

السلام عليكم

بالنسبه لسؤالك يا اخي yas10ser انت تقصد السوني وله الاكس بوكس ؟

بخصوص السوني ما عندي فكره اذا كان الامريكي يشتغل على النظام الى ذكرته ولا لا

انا ردي السابق كان كلامي عن تجربه اما بخصوص سؤالك انا ما تعاملت مع جهاز سوني ياباني

اما بخصوص الاكس بوكس على ما اعتقد ان هناك جهاز متوفر حاليا يشغل النظامان الامريكي والياباني من دون تطوير هو ياتي من الشركه هاكذا

هذا والسلام عليكم