يا جماعه الاكس بوكس وصل الكويت والسعر ..... شيء مو معقول !!

[zoro1412]

السلام عليكم

بدون مقدمات يا جماعه اليوم كنت في الرحاب وبالصدفه كلمني راعي المحل عن وصول الاكس بوكس

تدرون كم قالي سعره والله مادري افرح لوصول الجهاز الى الكويت بعد نزوله بامريكا بيومين مدري يوم وله ابكي على السعر الى يشيب راس الواحد منه


سعره يا جماعه 400 دينار :vereymad:


المحل الله يستر عليه

على العمموم اهو جايبه مثل باكج مع لعبه وحده فقط والمصيبه بعد يقول انه باع كم وحده ههههه من هذا المجنون الله يستر عليهم الى شرو ويشجعون امثال هذي المحلات على هذه الاعمال ؟؟؟

على العموم هو المحل الوحيد الموجود في الرحاب والباقي يقولون على يوم الاحد انا حجزت واحد بس قالي راعي المحل السعر ماتحدد وقالي اذا عجباك اخذه ما عجباك اهلا وسهلا وانا وافقت وسجلت اسمي


على العموم هذا الموضوع فقط حق الى بيعرف اذا الاكس بوكس وصل الكويت ولا لا وتوني راجع من الرحاب وحبيت اعطي اهل هذا المنتدي اخر الاخبار


طابت ليلتكم

وشكرا

[al7afey]

السلام عليكم ورحمة الله وبركاته ,,,

أخوي سعر الأكس بوكس بالكويت 250 دينار
بالنسبه للمحلات الي بالرحاب :
جيم سنتر عارض ألعابه من يوم الأربعاء و قال من يوم السبت نازل وسعره 250 - 300
جيم ستيشن قال اليوم اييبه يوم الجمعه (أمس) و سعره 250 - 300
وقال مستحيل يزيد عن 300


وشكراً

[Toxic-Boy]

Shno hal bog 3aini 3anek

el XBOX360 s3rha b 299 €(euros)in europ .ya3ni b100k.d. taqreban
wel jehaz el amreki s3rah400 dollar,ya3ni b110 k.d.

[SNYMA]

البريميوم اللي هو غلاف أبيض سعره 300 دينار
الكور سستم اللي هو الأخضر سعره تقريباً 250 دينار
الأسعار هذي كلها في جيم سنتر

[S!NDBAD]

يا أخوي وين رحت 400 دينار
اذا في اجهزة كمبيوتر بمواصفات عالية ب400
معقولة جهاز الx-box360 يوصل 400
سيارة مو لعبة
و انا سألت واحد قالي بحدود ال200 و فوق
يعني لا تخاف كل شي يتدبر بالواسطة
و التكسر
انا بس لازم اخذ جدي معاي المحل لأنه
يكاسر عدل
و يمكن يوصل السعر الى 200 صافي بدون زيادة

[zoro1412]

السلام عليكم


اخواني الكرام هذا ما صرح بهي صاحب المحل انا ما جلبت شيء من عندي عفوا يعني

ثانيا هذا شيء طبيعي بما ان الجهاز لا يوجد في الرحاب بشكل مطلق الا عند هذا المحل فمنطقي انه راح يبيعه ب400 دينار حتي لو وصل 500 دينار

للعلم تلفون 9500 قبل لا تبيعه الوكاله كان سعره ينباع 600 دينار !!!!

هذي الحداثه صارت مع ولد عمتي صاحب المحل قاله اشتريه منك 600 دينار ولكن بعد ما نزل بالكواله طاح سعره 300 دينار

يعني الان لو بينزل الاكس بوكس اليوم السبت او بكره هذا المحل الى باعه امس 400 دينار ما راح يبيعه بنفس السعر هو استقل انه موجود في السوق


على العموم شكرا على الردود

ومع السلامه

[mxmail]

والله يخوى الاسعار عندنا مطمنش خاصة بدون وجود موزع رسمي الجهاز

[ShRsHr]

منوو هذا الي شترا الاكس بوكس 400 دينار ولا وبعد معا لعبه وحده بس صج صج مسرف .
شباب ديربالكم لاتصيرون مغفلين وتاخذون الجهاز بهل سعر الخيالي والله انا مانصحكم الا انكم تركدون شوي لمن يطخ سعر الجهاز على سعر المعقول وتنزل العاب حلوه وبعدين تشترونه وبعدين ترا بتئني سلامه وبالعجلا ندامه

[gc_master]

شباب اانا امس رحت حامد سنتر في بوظبي
تخيلوا توهه نازل عنده الجهاز ويقول ب 4800 درهم
بهالسعر اقدر اشتري 3 اكس بوكس 360 و 5 العاب
لكن الحمدلله اخوي بيي من امريكا وييبلي معاه انشاءالله

[khalid_dew]

اخوي gc master كم السعر اللي اخوك راح يدفعه ثمن الجهاز في امريكا؟

[NGC]

سعر الإكس بوكس 360 نسخة البريميوم في جيم سنتر 350 دينار مع شريطين ... وسعره في مركز الكويتي طق 500 -600 دينار


أشتريها بره ابرك والله
نسخة البريميوم مع 6 أشرطة بسعر 254 دينار

[gc_master]

khalid..
hmmmm....idont know

[SFS]

المشكلة بالخبول الي عندنا الي مو شايفين خير والي يدفعون 400 دينار على الفاضي..
المفروض هالنصابين والحرامية ما ينعطى لهم ويه..
وجيم سنتر والكويتي اكبر مستغلين للوضع..
وما ينلامون بوجود هالناس الي تشتري جهاز ب400 دينار..
وجان زين فيه العاب مثل الاوادم نفس هيلو والا نينجا جايدن..
والله يستر من سعر البلاي 3..

[سوسو فوفو]

----------------------

[سنسال]

السلام عليكم

مشكور اخوي لفتحك الموضوع مو معقوله سعر اكس بوكس 360 هاذي اشتريلي

شفر موديل 89 هههههههههههه والله حاله اللى يشتريها اللى يشتريها 400 يعني انقص عليه خلاص

يعني لو على الاقل 200 او 250 او 190 نقول ايه سعر زوين مو زين

مو 400 هاذي اشتري بلاي ستيشن2 =4 ههههه

وشكرا