أهم الاحداث في عام 2005 بالنسبة لك ؟

[Mada Mada Dane]

1- حلصت على بعثه من التعليم العالي لامريكا
2- صرت اسمع ام كلثوم @_@
3- حددت خطه دراسية ومستقبلية لي


بس !

[hussien-11]

- شريت الـDS
- رجع موقع جيمز 4 اراب
- وقعت في حبائل عالم الأنمي *_*
- أمور أخرى حزينة أفضل أن أحتفظ بها لنفسي .

[mohammed111]

اهم احداث 2005 بالنسبة لي ..

1- تخرجت من الجامعة ..

2- انضمامي لقافلة العاطلين .. :mad22:

3- دخول عالم الاسهم وتحقيق ارباح خيالية

3- وفاة الملك واغتيال الحريري

4- لاول مرة نحس اننا بشر بالمشاركة في الانتخابات ..

وبس


..
..

[Arnegrim]

بما اني ما خلصت الثانوية العامة >_>
عطوني مكاي و كاسلفانيا و رادياتا بعد ما فقد الأمل في الحصول عليهم ( ألعاب مال سوني 2 )
سمعت خبر إنهم بسوون لعبة فالكيري بروفايل 2 على السوني 2
همممم تخطيطي لشراء الدي أس ><
حصولي على درجات عالية في إمتحانات التقويم الأول

هذا الى تذكرتة

[.Atlas.]

وعليكم السلام والرحمة..

هالسنة اعتبرها A turning point in my life
تعلمت فيها اني ابعد عن السطحية واحادية النظرة واني احتضن الواقع لو بنسبة بسيطة..والحمدلله عرفت شنو معنى الاتكال على الله ..فعل مو كلام بس!
تعرفت فيها على ناس متميزين بمعنى الكلمة..كان تأثيرهم علي كبير..وللأحسن ..الحمدلله
خلال هالسنة كان متاح لي تغيير نمط عملي..كنت متحمسة لهالشيء ..بس كان الزامي اني اروح للدمام والرياض لحضور دورات ..لكن الوالد رفض ..يلا خيرها بغيرها ..

السنة الجاية ..
مخططة على شيء واحد...باقدم على شغلة واتمنى يقبلوني T__T

[Master ArNab]

أهم الأحداث لسنة 2005
- Oracle DBA & Oracle Application Server admin
- تركيب تقويم للأسنان
- كنت بأخذ ماجستير .. بس ماش , سحبت في اللحظة الأخيره .. جامعة الملك سعود ما تشجع هي ويا دكاترتها :very mad:
- Perl is my best friend اللغة هذي ميب صاحيه .. أشياء تكتب كود وبلاوي وهي بسطر واحد تسويلك العجايب

بصراحة ما فيه مخططات ل2006 , يمكن لأني أعيش حياتي يوم بيوم ويمكن لأنه 90% من مخططاتي تنتهي بالفشل فبطلت التخطيط ×_×

[asf4ever]

تعلمت أشيا وايد في مجالات مختلفة
أكثر وقت قدرت فيه الكتب وعطيتها قيمة
أرتب رمضان مر علي كان هالسنة
حاولت أكون إجتماعي أكثر
إلي أطمح له في السنة الياية
شي واحد هو إني أييب نسبة زينة(إن شاء الله) وأدخل أي جامعة ما عدا جامعة الإمارات(إن شاء الله)
بس._.

[Master ArNab]

تذكرت حدث مهم في 2005

مات أرنبي T_T
شكله أحدون ما من المنتدى عطاه عين (بعد ما حطيت صوره هنا ), أنا شاك بهالشيء لأن طريقة موته كانت غربيه

حتى البطه ماتت ..

صـــور

الجربوع كمل سنة عندنا وصار أليف ^.^ .. ناوين نطلق صراحة قريبببببباً

[7_Dark Soul]

شريت سيارة جديدة.....


تعرفت على ناس زينة و ناس شينة......



جسمي صار رياضي..... بس الحين فش..>.>



بعدي مدمن قراءة......



زرت كم بلد......



صار كم موقف خلى صداقتي تزيد مع اصحابي....





زيادة و تطور عنيف جدا جدا جدا.....الخ في الفكر و المعلومات......



تحسنت شخصيتي و اصبحت افضل و اقوى....و صرت منفتح جدا على الناس...



خفت علاقتي مع الانيمي.....(عدا كونان)


ختمت رزدنت ايفل 4

يعني ذي السنة من افضل سنين حياتي.....

[NsaN]

من ابرز الاحداث بحياتي هالسنة..

توقفي عن الدراسة..و تغيير تخصصي..
السيء بالسالفة ان الموضوع هذا ما ضايقني كثر ما ضايقتني رمسة الناس..


بس الحمدلله..رجعت ادرس من Septemeber اللي طاف..و التخصص الجديد الحمدلله ماشي عال العال..
صرت مرتاح نفسياً من جانب الدراسة..عكس السابق دايماً مهموم و حاس ان وجودي بالكلاس من عدمه..

بالسنة هاي اتوقع اني قربت كذا خطوة زيادة من اهلي و الحمدلله..
حاس ان التفاهم بينا زاد و الحمدلله..

مو ناقص غير اني اتخلص من كم طبع سيء فيني و اكون ان شاء الله و باذنه تعالى..الشخص اللي يفخرون به..

بالنسبة للسنة الياية 2006

- راح احاول ان شاء الله مواصلة تقربي من اهلي..
- ادور على وظيفة -___________-..
- اشد حيلي اكثر بالدراسة..
- اصير اجتماعي اكثر..

هذا اهم شي بالنسبة لي..

مشكور ODIN و يعطيك العافية عالموضوع..

[Kou Leifoh]

kewl topic and the best part out of it that i don't remember anything :s any single thing! jesus.. i don't even remember where were i yesterday and to tell the truth i just forgot my login passward.. but yea, i lost my damn kewl last year

[ثريول]

- تكلم عن ايش المستجدات الي صارت بحياتك بالعام الماضي .. ايش الي تغير ؟
مادياً, صرت أدخل فلوس وأصرت أعغتمد على نفسي كلياً في الصرف. "دقدقت" في الأسهم مع الـ"مقدقين", مرة رابح ومرة خاسر. صار عندي يقين بأهمية هالكم سنة كسنوات طفرة لازم تستغل, واللي خلاني أشعر بها أني شفت ربعي اللي ما توقعت أنهم ينفعون للفلوس وكل واحد منهم صار مليونير.

في الدراسة والعمل, الحمد لله توفقت في وظيفة أو شبه وظيفة, وهي في الواقع وظيفة مستقبلية ما أداوم فيها الحين, والدوام بعد التخرج. الأمور كانت صعبة ولكن الله وفّق.

على المستوى المعنوي, زاد اتساع نظرتي للدنيا من حولي, لطريقة الحياة في المجتمع واللي يمشي واللي ما يمشي, تقريباً وصلت لنوع من الطموح المعيّن وأحاول أني أفهم نفسي وأزيد من فهمي للبيئة الوظيفية / الإجتماعية من حولي. كذلك عرفت قيمة أشخاص كنت ما أقدرهم بقدرهم وكذلك ناس وايد "طاحوا" من عيني, وهذا جعلني أحط معايير جديدة لتقييمي للناس.

- ايش الاشياء الي تطورت للاحسن ؟ وايش الاشياء الي تدنت للاسوء ؟
للأحسن: حالتي الإجتماعية, المهنية, الإقتصادية, النفسية.
للأسوأ: إهتمامي بأمور كانت مهمة بالنسبة لي, مثل الدراسة والقراءة.. وكذلك صرت أضيّع وقت أكثر في أمور كنت ما أضيع وقتي فيها, مثل الجلسات البطّالية الطويلة.

- حدثنا عن دراستك او وظيفتك .. ايش سويت فيها
ممم, جيّد جداً مرتفع B+ يعني, ماشي تمام وأفكر أحسّن المستوى, هذا الفصل "شاد حيلي" أكثر من قبل, وأول الغيث A في مادة لو أتعب فيها قبل ما أجيب C. أما بالنسبة للوظيفة, فأهم شيء بالنسبة لي أني كسبت ثقة اللي وثق فيني من البداية وخيّبت أمل اللي ما ظن فيني فايدة .

- حدثنا عن اهم الاحداث العالمية الي اثارت انتباهك .
عالميّاً, الجرأة على الله وعلى دينه من العجم والعرب من أفلام ومسلسلات وكتب ومجلات, والحملة القوية من عاهرات لبنان على الـ"مصاري" الخليجية, وبالـ"مصاري" الخليجية للأسف الشديد.


- على نفس الرتم من الاسئلة .. حدثنا عن توقعاتك لعام 2006 ايش راح يصير ..
بالنسبة لي: أنا تفكيري حالياً في ما بعد الـ2006, يعني أحاول أني أرتّب خطوط عريضة أحاول أني ما أطلع عنها وألزم نفسي بها.

وشكراً بدر .

[IRON]

أهم الأحداث لسنة 2005

اعتزلت منتدى البرامج

[الخيال]

بالنسبة للي صار لي في سنة 2005:
1- صرت إنطوائي بشكل رهيب <<<< الله يلعن ابو الـDSL
2- طلعت لي كرش صغنونه بحاول أخففها-بإذن الله- بقشر البن<<<<< كمان الله يلعن ابوالـDSL
3- وفاة أكثر من قريب لي
4- أخذت لي Server وشكلي تورطت فيه ^_^
5- صرت فنان صيانه بالكمبيوتر
6- تعلمت الفتوشوب يعني بنسبة 60% على يد (حسان).
7- اي صح نسيت أخذت لي DSL .
8- زارني شخص عزيز جداً صار له اكثر من 10 سنوات مازارني.
9- امممممممم والله عصرت مخي عصره وماهو راضي يطلع شيء
10- ايه صح تذكرت فتحت لي موقع حياكم lt-one.com <<<< دعايه

- حدثنا عن دراستك او وظيفتك .. ايش سويت فيها
الدراسه ماشيه أمورها وكذلك الوظيفه >>>> اسلوب حكيم
- حدثنا عن اهم الاحداث العالمية الي اثارت انتباهك .
والله مافيه شيء محدد ، عموما كل الأحداث الي صارت تثير الإنتباه اكثر من غيرها
بالنسبة للي أتمناه في عام 2006 إذا الله أحينا :
1- اتعلم اكثر من لغه .
2- تكون عندي سياره .
3- وأخربها واخطب ^_^ .
4- احاول اشتغل في التجاره اكثر .
5- واكسر خشم واحد من الشباب ^_^
ومشكورODIN على الموضوع الحلو

[Y a z e e d]

1- خيبتي الكُبرى.
2- خيبتي الثانية.
3- خيبتي الثالثة.
4- خيبتي الرابعة.
5- فيروز مرتفعة اسهمها [ترا ما يقصد شيء، ولا يرمّز مثل بعض الناس ].
6- إحراق روايتي الأولى [بـ يدي].
7- حدث عُمر .. شيطان مرضي، انزاح عني، وعافاني ربّي.

ما أدري صراحة .. أحسني طافي جداً ..
هالسنة انجرفت نحو الوجوديّة شوي ..
و ..قلق غريب...
صرت ما أرتاح للمجتمع و أنفر أكثر ، و صار لي نقد ومآخذ أكثر و أكثر عليه..
.. و شفتها أول مرة [Which is actually an "event" in this vast prison] ..

ما أدري والله صراحة ..
سنة ضيقة صدر ..
و ... بث ..
باردة جداً ..